ಈ ಬಾರಿಯ ಬಿಗ್​ಬಾಸ್​​ಗೆ ಅನಯಾ ಬಂಗಾರ್ ಎಂಟ್ರಿ..?

ಅನಯಾ ಬಂಗಾರ್​.. ಟೀಮ್​ ಇಂಡಿಯಾ, ಆರ್​​ಸಿಬಿ ತಂಡದ ಮಾಜಿ ಬ್ಯಾಟಿಂಗ್​ ಕೋಚ್​ ಸಂಜಯ್​ ಬಂಗಾರ್​ ಮಗಳು. ಹುಡುಗನಾಗಿದ್ದ ಅನಯಾ ಹುಡುಗಿಯಾಗಿ ರೂಪಾಂತರಗೊಂಡ ಬಳಿಕ ಅತಿ ಹೆಚ್ಚು ಸುದ್ದಿಯಲ್ಲಿದ್ದಾರೆ. ಟ್ರಾನ್ಸ್​​ಜೆಂಡರ್​​ ಆಗಿ ಬದಲಾದ ಬಳಿಕ ಕ್ರಿಕೆಟ್​​ನಿಂದ ದೂರಾಗಿರೋ ಅನಯಾ ಇದೀಗ ಹೊಸ ಕ್ಷೇತ್ರದ ಕಡೆಗೆ ಮುಖ ಮಾಡಿದ್ದಾರೆ.

ಅನಯಾ ಬಂಗಾರ್​ ಕ್ರಿಕೆಟ್​ ಫೀಲ್ಡ್​ ಬಿಟ್ಟು ಹೊಸ ಫೀಲ್ಡ್​ಗೆ ಎಂಟ್ರಿ​ ಕೊಟ್ಟಿದ್ದಾರೆ. ಮಾಡೆಲಿಂಗ್​ ಕ್ಷೇತ್ರದ ಕಡೆಗೆ ಅನಯಾ ಮುಖ ಮಾಡಿದ್ದು, ಫೋಟೋಶೂಟ್​​ಗಳಲ್ಲಿ ಮಿಂಚಿದ್ದಾರೆ. ಈ ವೇಳೆ ಸೀರೆಯುಟ್ಟು ಸಂಭ್ರಮಿಸಿದ್ದು, ಇದ್ರ ಫೋಟೋ ವಿಡಿಯೋಗಳನ್ನ ತಮ್ಮ ಇನ್ಸ್​​ಸ್ಟಾಗ್ರಾಂನಲ್ಲಿ ಅನಯಾ ಬಂಗಾರ್​ ಹಂಚಿಕೊಂಡಿದ್ದಾರೆ.

ಮಾಡೆಲಿಂಗ್​ ಕ್ಷೇತ್ರಕ್ಕೆ ಅನಯಾ ಬಂಗಾರ್​ ಎಂಟ್ರಿ ಕೊಟ್ಟ ಬೆನ್ನಲ್ಲೇ ಬಿಟೌನ್​ನಲ್ಲಿ​ ಹೊಸ ಸುದ್ದಿ ಹರಿದಾಡ್ತಿದೆ. 19ನೇ ಆವೃತ್ತಿಯ ಬಿಗ್​ಬಾಸ್ ಆರಂಭಕ್ಕೆ ಕೆಲವೇ ದಿನಗಳು ಮಾತ್ರ ಬಾಕಿ ಉಳಿದಿವೆ. ಬಿಗ್​ಬಾಸ್​​ಗೆ ಕಂಟೆಸ್ಟಂಟ್​​ಗಳ ಸೆಲೆಕ್ಷೆನ್​ ಪ್ರಕ್ರಿಯೆ ಶುರುವಾಗಿದ್ದು ಅನಯಾ ಬಂಗಾರ್​​ ಕೂಡ ಬಿಗ್ ಮನೆಗೆ ಎಂಟ್ರಿ ಕೊಡಲಿದ್ದಾರೆ ಎಂದು ಹೇಳಲಾಗುತ್ತಿದೆ.

ಈಗಾಗಲೇ ಅನಯಾ ಬಂಗಾರ್​ನ ಬಿಗ್​​ಬಾಸ್​ ಟೀಮ್ ಸಂಪರ್ಕಿಸಿದೆ ಎನ್ನಲಾಗ್ತಿದೆ. ಗರ್​​​​​​ವಾಲೋನ್​​​ ಕಿ ಸರ್ಕಾರ್​​​ ಅನ್ನೋ ಪೊಲಿಟಿಕಲ್​ ಫಾರ್ಮೆಟ್​​ನಲ್ಲಿ ಈ ಬಾರಿ ಬಿಗ್​ಬಾಸ್​​ ನಡೆಯಲಿದೆ. ಈ ಕಾನ್ಸೆಪ್ಟ್​​ ಬಗ್ಗೆ ಅನಯಾ ಜೊತೆಗೆ ಬಿಗ್​ಬಾಸ್​ ಟೀಮ್ ಈ ಬಗ್ಗೆ​ ಚರ್ಚೆ ನಡೆಸಿದೆ. ಫೈನಲ್​​ ನಿರ್ಧಾರ ಏನು ಅನ್ನೋದು ​ಇನ್ನಷ್ಟೇ ಹೊರಬರಬೇಕಿದೆ.

ಟ್ರಾನ್ಸ್​​ಜೆಂಡರ್​ ಅಗಿ ಬದಲಾದ ಮೇಲೆ ಅನಯಾ ಬಂಗಾರ್​ಗೆ ನಿಯಮದಂತೆ ಕ್ರಿಕೆಟ್​ ಆಡೋಕೆ ಅವಕಾಶವಿಲ್ಲ. ಅನಯಾ ಬಂಗಾರ್​​ಗೆ ಕ್ರಿಕೆಟ್​ ಮೇಲಿನ ಪ್ರೀತಿ ಕಡಿಮೆಯಾಗಿಲ್ಲ. ಟ್ರಾನ್ಸ್​​ಜೆಂಡರ್​​ಗೂ ಕ್ರಿಕೆಟ್​ ಆಡೋಕೆ ಅವಕಾಶ ಕಲ್ಪಿಸಬೇಕು ಎಂದು ಐಸಿಸಿಯನ್ನ ಒತ್ತಾಯಿಸ್ತಿದ್ದಾರೆ. ಕ್ರಿಕೆಟ್​ನಿಂದ ದೂರಾದ್ರೂ ಕ್ರಿಕೆಟ್​ ಬ್ಯಾಟ್​ ಬಿಡದ ಅನಯಾ ಈಗಲೂ ಅಭ್ಯಾಸ ನಡೆಸ್ತಾರೆ.

ಫಿಟ್​​ನೆಸ್​​ ವಿಚಾರದಲ್ಲೂ ಅನಯಾ ಕಾಂಪ್ರಮೈಸ್​ ಆಗಲ್ಲ. ಕಠಿಣ ಡಯಟ್​ ಫಾಲೋ ಮಾಡೋ ಅನಯಾ ವರ್ಕ್​​​​​ಔಟ್ ಮಾಡೋದನ್ನ ಮಿಸ್ಸೇ ಮಾಡಲ್ಲ. ಆರ್ಯನ್​ ಬಂಗಾರ್​​ನಿಂದ ಅನಯಾ ಬಂಗಾರ್​ ಆಗಿ ಬದಲಾದ ಬಳಿಕ ದೇಹ ಮಾತ್ರವಲ್ಲ.. ಅನಯಾ ಜೀವನವೇ ಬದಲಾಗಿದೆ.

ಕ್ರಿಕೆಟ್​​ ಮೇಲಿನ ಪ್ರೀತಿ ಹಾಗೇ ಇದ್ರೂ ಮಾಡೆಲಿಂಗ್​ ಕ್ಷೇತ್ರದಲ್ಲೂ ಅದೃಷ್ಟ ಪರೀಕ್ಷೆಗೆ ಮುಂದಾಗಿದ್ದಾರೆ. ಬಿಗ್​ಬಾಸ್​​ಗೇನಾದ್ರೂ ಅನಯಾ ಬದುಕಿಗೆ ಮತ್ತೊಂದು ತಿರುವು ಸಿಗೋದ್ರಲ್ಲಿ ಅನುಮಾನವಿಲ್ಲ.