ರಿಷಭ್ ಶೆಟ್ಟಿಗೆ ಜೊತೆಯಾದ ಕನಕವತಿ.. ಕಾಂತಾರ- 1 ರಲ್ಲಿ ರುಕ್ಮಿಣಿ ವಸಂತ್ ಪೋಸ್ಟರ್ ಲುಕ್..!

ಇಂದು ವರಮಹಾಲಕ್ಷ್ಮಿ ಹಬ್ಬ. ಎಲ್ಲೆಡೆ ಸಂಭ್ರಮ ಮನೆ ಮಾಡಿದ್ದು ದೇವತೆಗೆ ವಿಶೇಷ ಪೂಜೆ ನಡೆಯುತ್ತಿದೆ. ಕೆಲವರಂತೂ ವರಮಹಾಲಕ್ಷ್ಮಿಗೆ ನೋಟುಗಳಿಂದಲೇ ಸಿಂಗಾರ ಮಾಡಿ ಶೃಂಗರಿಸಿದ್ದಾರೆ. ಸದ್ಯ ನಾಡಿನಾದ್ಯಂತ ಹಬ್ಬದ ಕಲರವ ಇದ್ರೆ ಇತ್ತ ಕಾಂತಾರ ಸಿನಿಮಾ ತಂಡದವರು ಚಾಪ್ಟರ್​- 1 ರಲ್ಲಿ ಹೀರೋಯಿನ್ ಅವರ ಪಾತ್ರ ಪರಿಚಯ ಮಾಡಿದ್ದಾರೆ. ಈ ಬಗ್ಗೆ ಮೊದಲು ಪೋಸ್ಟರ್ ಕೂಡ ಹಂಚಿಕೊಂಡಿದ್ದಾರೆ.   

ಕಾಂತಾರ ಸಿನಿಮಾದ ಭಾಗ-2 ರಲ್ಲಿ ರಿಷಭ್ ಶೆಟ್ಟಿ ನಟಿಸಿದ್ದರು. ಈಗ ಭಾಗ- 1ರಲ್ಲಿ ಡಿವೈನ್ ಸ್ಟಾರ್ ರಿಷಭ್ ಶೆಟ್ಟಿಯವರೇ ನಟಿಸಿ ನಿರ್ದೇಶನ ಮಾಡುತ್ತಿದ್ದಾರೆ. ಈಗಾಗಲೇ ಈ ಸಿನಿಮಾದ ಮೇಲೆ ಸಾಕಷ್ಟು ನಿರೀಕ್ಷೆ ಇಟ್ಟುಕೊಳ್ಳಲಾಗಿದೆ. ಏಕೆಂದರೆ ಚಾಪ್ಟರ್- 2 ಬಿಗ್ ಹಿಟ್ ಆಗಿದ್ದು ಎಲ್ಲರ ಕಣ್ಣು ಕಾಂತಾರ- 1ರ ಮೇಲಿದೆ. 

ಕಾಂತಾರ ಚಾಪ್ಟರ್-1 ಸಿನಿಮಾದ ನಾಯಕಿ ಯಾರು ಎನ್ನುವ ಕುತೂಹಲ ಎಲ್ಲರಲ್ಲೂ ಇತ್ತು. ಅಲ್ಲೊಮ್ಮೆ, ಇಲ್ಲೊಮ್ಮೆ ಚಿತ್ರ ನಾಯಕಿ ರುಕ್ಮಿಣಿ ವಂಸತ್ ಎಂದು ಹೇಳಲಾಗುತ್ತಿತ್ತು. ಆದರೆ ಈ ಬಗ್ಗೆ ಎಲ್ಲಿಯೂ ಅಧಿಕೃತವಾಗಿ ಹೇಳಿರಲಿಲ್ಲ. ಆದರೆ ಈಗ ವರಮಹಾಲಕ್ಷ್ಮಿ ಹಬ್ಬದ ದಿನದಂದೇ ಚಿತ್ರತಂಡ ನಾಯಕಿ ಕನಕವತಿಯನ್ನು ಪರಿಚಯಿಸಿದೆ. ಕನಕವತಿಯಾಗಿ ಅಭಿನಯಿಸುತ್ತಿರುವುದೇ ರುಕ್ಮಿಣಿ ವಸಂತ್ ಅವರು.

7 ಭಾಷೆಗಳಲ್ಲಿ ಕಾಂತಾರ ಸಿನಿಮಾದ ಸ್ಪೆಷಲ್ ಪೋಸ್ಟರ್ ಅನ್ನು ರಿಲೀಸ್ ಆಗಿದೆ. ಇದರಿಂದ ಈ ಬಾರಿ ದೊಡ್ಡ ಯಶಸ್ಸು ಕಾಣುವ ಭರವಸೆಯಲ್ಲಿ ಸಿನಿಮಾ ತಂಡ ಇದೆ. ಈ ಮೂವಿಯಿಂದ 1000 ಕೋಟಿ ರೂಪಾಯಿ ಗಳಿಕೆ ಮಾಡುವ ನಿರೀಕ್ಷೆಯನ್ನು ಹೊಂಬಾಳೆ ಫಿಲಂನವರು ಹೊಂದಿದ್ದಾರೆ. 

ರುಕ್ಮಿಣಿ ವಂಸತ್ ಅವರು ಕಾಂತಾರ-1ರಲ್ಲಿ ಅಭಿನಯಿಸುತ್ತಿದ್ದಾರೆ ಎಂದು ಇದೀಗ ಪೋಸ್ಟರ್ ಸಮೇತ ಅಧಿಕೃತ ಮಾಹಿತಿ ಚಿತ್ರ ತಂಡವೇ ನೀಡಿದೆ. ರಾಣಿ ಕನಕವತಿ ಪಾತ್ರದಲ್ಲಿ ರುಕ್ಮಿಣಿ ವಸಂತ್ ಅವರು ಅಭಿನಯ ಮಾಡುತ್ತಿದ್ದಾರೆ. ರಿಷಭ್ ಶೆಟ್ಟಿಯವರ ಈ ಸಿನಿಮಾ 2025ರ ಅಕ್ಟೋಬರ್ 02 ರಂದು ವಿಶ್ವದ್ಯಾಂತ ಬಿಡುಗಡೆ ಆಗಲಿದೆ. ಇನ್ನು ಸಿನಿಮಾಕ್ಕೆ ಹೊಂಬಾಳೆ ಫಿಲಂನ ವಿಜಯ್ ಕಿರಗಂದೂರ್ ಅವರು ಬಂಡವಾಳ ಹಾಕಿದ್ದಾರೆ. 

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ