ದೇವರಕೊಂಡ ಮತ್ತು ರಶ್ಮಿಕಾ ಮಂದಣ್ಣರ ಒಳ್ಳೆಯ ಕ್ಷಣಗಳು.. Photos

ನ್ಯಾಷನಲ್​​ ಕ್ರಶ್​​​ ರಶ್ಮಿಕಾ ಮಂದಣ್ಣ ಅವರಿಗೆ ಕೊನೆಗೂ ಕಂಕಣ ಭಾಗ್ಯ ಕೂಡಿಬಂದಂತಿದೆ.. ತೆಲುಗು ನಟ ವಿಜಯ ದೇವರಕೊಂಡ ಜೊತೆ ರಶ್ಮಿಕಾ ರಿಲೇಶನ್‌ಶಿಪ್, ಡೇಟಿಂಗ್ ಕುರಿತು ಹಲವು ಸುದ್ದಿಗಳು ಇಷ್ಟು ದಿನ ಹರಿದಾಡ್ತಿತ್ತು, ಇದೀಗ ರಶ್ಮಿಕಾ ಮತ್ತು ವಿಜಯ್‌ ದೇವರಕೊಂಡ ಗುಟ್ಟಾಗಿ ನಿಶ್ಚಿತಾರ್ಥ ಮಾಡಿಕೊಂಡಿದ್ದಾರೆ ಎಂಬ ಸುದ್ದಿ ಸಖತ್​ ಸೌಂಡ್​ ಮಾಡ್ತಿದೆ.

ರಶ್ಮಿಕಾ ಮಂದಣ್ಣ - ವಿಜಯ್ ದೇವರಕೊಂಡ ಎಂಗೇಜ್ಮೆಂಟ್?

ಕನ್ನಡದ ಕಿರಿಕ್​ ಬ್ಯೂಟಿ.. ನ್ಯಾಷನಲ್​ ಕ್ರಶ್​ ರಶ್ಮಿಕಾ ಮಂದಣ್ಣ ಮತ್ತು ತೆಲುಗಿನ ರೌಡಿಬಾಯ್​​ ವಿಜಯ್​​ ದೇವರಕೊಂಡ ಅವರ ಪ್ರೇಮಕಥೆ ಹೊಸೆದೆನಲ್ಲ. ಈ ಜೋಡಿ ತಾವು ಪ್ರೀತಿಸುತ್ತಿದ್ದಾರೆಯೇ ಅಥವಾ ಇಲ್ಲವೇ ಎಂಬುದರ ಬಗ್ಗೆ ಎಂದಿಗೂ ಬಹಿರಂಗವಾಗಿ ಹೇಳಿಕೊಂಡಿಲ್ಲ, ಅವರ ಮೌನವೇ ಅವರಿಬ್ಬರ ಪ್ರೀತಿಯ ಗುಟ್ಟನ್ನು ರಟ್ಟು ಮಾಡಿತ್ತು.. ಇದೀಗ, ಈ ಜೋಡಿ ತಮ್ಮ ಪ್ರೀತಿಗೆ ಮೌನವಾಗಿಯೇ ಮುದ್ರೆಯೊತ್ತಿದೆ ಎಂದು ಮೂಲಗಳು ಹೊರಹಾಕಿವೆ.

ಸೀಕ್ರೆಟ್​ ಆಗಿ ನಿಶ್ಚಿತಾರ್ಥ ಮಾಡ್ಕೊಂಡ್ರಾ 'ಗೀತಾ-ಗೋವಿಂದ'?

ನಟ ವಿಜಯ್ ದೇವರಕೊಂಡ ಹಾಗೂ ರಶ್ಮಿಕಾ ಮಂದಣ್ಣ ಜೋಡಿಯ ಅಭಿಮಾನಿಗಳಿಗೆ ದೊಡ್ಡ ಸಪ್ರೈಸ್​​ ಸಿಕ್ಕಿದೆ. ವಿಜಯ್​ ಮತ್ತು ರಶ್ಮಿಕಾ ಮಂದಣ್ಣ ನಿಶ್ಚಿತಾರ್ಥ ಮಾಡಿಕೊಂಡಿದ್ದಾರೆ ಎಂಬ ಸುದ್ದಿ ಜೋರಾಗಿ ಸದ್ದು ಮಾಡ್ತಿದೆ. ನಿನ್ನೆ ಹೈದರಾಬಾದ್‌ನ ದೇವರಕೊಂಡ ನಿವಾಸದಲ್ಲಿ ಕುಟುಂಬಸ್ಥರ ಸಮ್ಮುಖದಲ್ಲಿ ರಹಸ್ಯವಾಗಿ ಎಂಗೇಜ್​​​ಮೆಂಟ್​ ಆಗಿದ್ದಾರೆ ಎಂದು ಹೇಳಲಾಗ್ತಿದೆ.

ಮುಂದಿನ ವರ್ಷ ಫೆಬ್ರವರಿಯಲ್ಲಿ ಮದುವೆಗೆ ಮುಹೂರ್ತ!

ರಶ್ಮಿಕಾ ಹಾಗೂ ವಿಜಯ್‌ ನಿಶ್ಚಿತಾರ್ಥ ಮಾಡಿಕೊಂಡಿದ್ದು, ಇಲ್ಲಿಯವರೆಗೆ ಯಾವುದೇ ನಿಶ್ಚಿತಾರ್ಥದ ಅಧಿಕೃತ ಫೋಟೋಗಳು ಬಿಡುಗಡೆಯಾಗಿಲ್ಲ. ವರದಿಗಳ ಪ್ರಕಾರ ನಿಶ್ವಿತಾರ್ಥ ನೆರವೇರಿದ್ದು, ಮುಂದಿನ ವರ್ಷ ಫೆಬ್ರವರಿಯಲ್ಲಿ ವಿಜಯ್​-ರಶ್ಮಿಕಾ ಜೋಡಿ ಮದುವೆಯಾಗಲು ಪ್ಲ್ಯಾನ್‌ ಮಾಡಿಕೊಂಡಿದ್ದಾರಂತೆ. ಫೆಬ್ರವರಿ ಕೊನೆಯಲ್ಲಿ ಮದುವೆಗೆ ಮುಹೂರ್ತ ಫಿಕ್ಸ್​ ಆಗಿದೆ ಎಂದು ತಿಳಿದು ಬಂದಿದೆ.

‘ಗೀತಾ ಗೋವಿದಂ’ ಚಿತ್ರದಿಂದ ಪಯಣ ಆರಂಭ!

2017ರಲ್ಲಿ ನಟ ರಕ್ಷಿತ್ ಶೆಟ್ಟಿ ಮತ್ತು ರಶ್ಮಿಕಾ ನಿಶ್ಚಿತಾರ್ಥವಾಗಿತ್ತು, ಆದ್ರೆ ಕಾರಣಾಂತರಗಳಿಂದ ಇಬ್ಬರ ಮದುವೆ ಮುರಿದುಬಿದ್ದಿತ್ತು.. ರಶ್ಮಿಕಾ ಮಂದಣ್ಣ ಟಾಲಿವುಡ್‌ಗೆ ಕಾಲಿಟ್ಟ ದಿನದಿಂದ ವಿಜಯ್ ದೇವರಕೊಂಡ ಜೊತೆ ಅವರ ಹೆಸರು ತಳುಕು ಹಾಕಿಕೊಳ್ಳುತ್ತಲೇ ಇತ್ತು. 'ಗೀತಾ ಗೋವಿಂದಂ' ಸಿನಿಮಾ ಇಬ್ಬರ ವೃತ್ತಿ ಬದುಕಿಗೆ ಏಳಿಗೆ ಕೊಟ್ಟಿದ್ದಷ್ಟೇ ಅಲ್ಲದೇ. ವೈಯಕ್ತಿಕ ಬದುಕಲ್ಲೂ ಬೆಳಕು ಮೂಡಿಸಿತ್ತು.

ಮೊದ ಮೊದಲು ಸ್ನೇಹಿತರು ಎಂದುಕೊಂಡೆ ಸುತ್ತಾಡ್ತಿದ್ದ, ವಿಜಯ್​-ರಶ್ಮಿಕಾ ಜೋಡಿ, ಸೋಶಿಯಲ್ ಮೀಡಿಯಾದಲ್ಲಿ ಹಾಕುತ್ತಿದ್ದ ಪೋಸ್ಟ್‌ಗಳು ಇಬ್ಬರ ಪ್ರೇಮ ಪುರಾಣಕ್ಕೆ ಸಾಕ್ಷಿಯಂತಿತ್ತು.. ಆದ್ರೂ ಈ ಬಗ್ಗೆ ಎಲ್ಲೂ ಬಾಯ್ಬಿಡದ ರಶ್ಮಿಕಾ ಮತ್ತು ವಿಜಯ್​​ ಸದ್ದಿಲ್ಲದೇ ನಿಶ್ಚತಾರ್ಥ ಮಾಡಿಕೊಂಡು ಸಪ್ತಪದಿ ತುಳಿಯಲು ಸಜ್ಜಾಗಿದ್ದಾರೆ ಎನ್ನಲಾಗಿದೆ.

ಸದ್ಯ, ಟಾಲಿವುಡ್‌ ಅಂಗಳದಲ್ಲಿ ರಶ್ಮಿಕಾ - ವಿಜಯ್​ ಎಂಗೇಜ್​ಮೆಂಟ್​ ಸುದ್ದಿ ಸಖತ್​ ಸದ್ದು ಮಾಡ್ತಿದ್ದು, ಈ ಬಗ್ಗೆ ಜೋಡಿಹಕ್ಕಿಗಳು ಅಧಿಕೃತವಾಗಿ ಘೋಷಣೆ ಮಾಡುವುದೊಂದೆ ಬಾಕಿ ಇದೆ..