ಕತ್ರಿನಾ-ವಿಕ್ಕಿ ತಮ್ಮ ಮಗನಿಗೆ ಇಟ್ಟ ಹೆಸರು ಏನು? ಉರಿ ಚಿತ್ರಕ್ಕೂ ಈ ಹೆಸರಿಗೂ ಸಂಬಂಧ ಇದೆ..!

ಕತ್ರಿನಾ ಕೈಫ್ ಮತ್ತು ವಿಕಿ ಕೌಶಲ್ ಅವರ ಮಗನಿಗೆ ವಿಹಾನ್ ಎಂದು ಹೆಸರು ಇಡಲಾಗಿದೆ.  ಈ ಹೆಸರು ಅವರ ವೃತ್ತಿಜೀವನ ಮತ್ತು ಚಲನಚಿತ್ರಗಳೊಂದಿಗೆ ವಿಶೇಷ ಸಂಬಂಧ ಹೊಂದಿದೆ.

ಬಾಲಿವುಡ್‌ ಸ್ಟಾರ್‌ಗಳಾದ ಕತ್ರಿನಾ ಕೈಫ್ ಮತ್ತು ವಿಕ್ಕಿ ಕೌಶಲ್ ಪೋಷಕರಾದ ಸಂತೋಷದಲ್ಲಿದ್ದಾರೆ. ಕತ್ರಿನಾ ಕೈಫ್ ನವೆಂಬರ್ 7, 2025 ರಂದು ಮಗನಿಗೆ ಜನ್ಮ ನೀಡಿದರು. ಮಗ ಹುಟ್ಟಿದ ಎರಡು ತಿಂಗಳ ನಂತರ ಕತ್ರಿನಾ ಮತ್ತು ವಿಕ್ಕಿ ಜೋಡಿ ಆತನನ್ನು ಜಗತ್ತಿಗೆ ಪರಿಚಯಿಸಿದೆ. ಜೊತೆಗೆ ಹೆಸರನ್ನೂ ಅಭಿಮಾನಿಗಳಿಗೆ ತಿಳಿಸಿದ್ದಾರೆ. 

ಹೆಸರು ಏನು?

ವಿಕಿ ಕೌಶಲ್ ಮತ್ತು ಕತ್ರಿನಾ ಕೈಫ್ ತಮ್ಮ ಮಗನ ಪುಟ್ಟ ಕೈಯ ಚಿತ್ರ ಹಂಚಿಕೊಂಡು ಭಾವನಾತ್ಮಕ ಸಂದೇಶ ಬರೆದಿದ್ದಾರೆ. ಇನ್ಸ್ಟಾಗ್ರಾಮ್‌ನಲ್ಲಿ "ನಮ್ಮ ಬೆಳಕಿನ ಕಿರಣ. ವಿವಾನ್ ಕೌಶಲ್. ನಮ್ಮ ಪ್ರಾರ್ಥನೆಗಳಿಗೆ ಉತ್ತರ. ಜೀವನ ಸುಂದರವಾಗಿದೆ. ನಮ್ಮ ಜಗತ್ತು ಬದಲಾಗಿದೆ. ತುಂಬಾ ಕೃತಜ್ಞರಾಗಿರಬೇಕು" ಎಂದು ಬರೆದಿದ್ದಾರೆ. ಇನ್ನು ವಿವಾನ್ ಹೆಸರಿನ ಅರ್ಥ ಏನೆಂದು ನೋಡೋದಾದ್ರೆ, ಮುಂಜಾನೆ, ಹೊಸ ಆರಂಭ ಎಂದರ್ಥ. ಇದು ಸಂಸ್ಕೃತ ಮೂಲದ್ದಾಗಿದೆ. ಸೂರ್ಯೋದಯ ಮತ್ತು ಹೊಸ ಭರವಸೆಯನ್ನು ಸಂಕೇತಿಸುತ್ತದೆ. 

ವಿಹಾನ್ ಹೆಸರಿನ ಅರ್ಥವೇನು?

ವಿಹಾನ್ ಎಂಬುದು ಸಂಸ್ಕೃತದ ಪದ. ಇದರ ಅರ್ಥ ಬೆಳಗ್ಗೆ, ಮುಂಜಾನೆ ಅಥವಾ ಸೂರ್ಯನ ಮೊದಲ ಕಿರಣಗಳು. ಈ ಹೆಸರು ಹೊಸ ಆರಂಭ, ಹೊಸ ಭರವಸೆ ಮತ್ತು ಕತ್ತಲೆಯಿಂದ ಬೆಳಕಿನೆಡೆಗೆ ಸಾಗುವುದನ್ನು ತಿಳಿಸುತ್ತದೆ. ಇದು ಸಕಾರಾತ್ಮಕ ಬದಲಾವಣೆ ಮತ್ತು ಬೆಳಕನ್ನೂ ಸೂಚಿಸುತ್ತದೆ.

ಇದನ್ನೂ ಓದಿ: ಮೈಸೂರಿನ ಚಾಮರಾಜ ಬಿಜೆಪಿ ಟಿಕೆಟ್ ಗಾಗಿ ಫೈಟ್ ಶುರು: ಪ್ರತಾಪ್ ಸಿಂಹ ವರ್ಸಸ್ ಎಲ್‌. ನಾಗೇಂದ್ರ

ಹೆಸರಿನ ಹಿಂದಿನ ಆಧ್ಯಾತ್ಮಿಕ ಅರ್ಥ

ಭಾರತೀಯ ಸಂಸ್ಕೃತಿಯಲ್ಲಿ ಬೆಳಗಿನ ಸಮಯವನ್ನು ಪವಿತ್ರ ಸಮಯವೆಂದು ಪರಿಗಣಿಸಲಾಗುತ್ತದೆ. ಇದು ಪ್ರಾರ್ಥನೆ, ಧ್ಯಾನ ಮತ್ತು ಹೊಸ ಆರಂಭಗಳಿಗೆ ಒಂದು ಸಮಯ. ಆದ್ದರಿಂದ, ವಿಹಾನ್ ಎಂಬ ಹೆಸರು ಶಾಂತಿ, ಸ್ಪಷ್ಟತೆ ಮತ್ತು ಆಂತರಿಕ ಶಕ್ತಿಯನ್ನು ಸೂಚಿಸುತ್ತದೆ. ಭಾರತೀಯ ತತ್ವಶಾಸ್ತ್ರದಲ್ಲಿ ಬೆಳಕು ಕೇವಲ ಬೆಳಕನ್ನು ಮಾತ್ರವಲ್ಲ. ಜಾಗೃತಿ, ಭರವಸೆ ಮತ್ತು ದೈವಿಕ ಅನುಗ್ರಹವನ್ನು ಸಂಕೇತಿಸುತ್ತದೆ. ವಿಹಾನ್ ಎಂಬ ಹೆಸರು ಈ ಎಲ್ಲಾ ಭಾವನೆಗಳನ್ನು ಸಾಕಾರಗೊಳಿಸುತ್ತದೆ. ಸೂರ್ಯೋದಯವು ದಿನದ ಆರಂಭವನ್ನು ಗುರುತಿಸುವಂತೆಯೇ, ಮಗುವು ಜೀವನಕ್ಕೆ ಹೊಸ ದಿಕ್ಕನ್ನು ನೀಡುತ್ತದೆ ಎಂದು ಈ ಹೆಸರು ಸೂಚಿಸುತ್ತದೆ.

ಈ ಹೆಸರಿಗೂ ವೈಯಕ್ತಿಕ ಸಂಬಂಧವಿದೆಯೇ?

ವಿಕಿ ಮತ್ತು ಕತ್ರಿನಾ ಈ ಹೆಸರಿನ ಹಿಂದಿನ ಸ್ಫೂರ್ತಿಯ ಬಗ್ಗೆ ಯಾವುದೇ ಪ್ರತಿಕ್ರಿಯೆ ನೀಡಿಲ್ಲವಾದರೂ ಅಭಿಮಾನಿಗಳು ಇದು ವಿಕಿ ನಟನೆಯ ಪ್ರಮುಖ ಪಾತ್ರ ಮೇಜರ್ ವಿಹಾನ್ ಸಿಂಗ್ ಶೆರ್ಗಿಲ್‌ಗೆ ಸಂಬಂಧಿಸಿರಬಹುದು ಎಂದು ನಂಬಲಾಗುತ್ತದೆ. ಅವರು ಉರಿ: ದಿ ಸರ್ಜಿಕಲ್ ಸ್ಟ್ರೈಕ್‌ನಲ್ಲಿ ನಟಿಸಿದ್ದರು. ಈ ಚಿತ್ರ ಅವರ ವೃತ್ತಿಜೀವನಕ್ಕೆ ಹೊಸ ಮೈಲಿಗಲ್ಲು ನೀಡಿದೆ. 

ಇದನ್ನೂ ಓದಿ: ಮೊದಲು 10 ಹೆಣ್ಣು ಮಕ್ಕಳು, 11ನೇ ಗಂಡು ಮಗು ಹೆತ್ತ ತಾಯಿ : 19 ವರ್ಷದಲ್ಲಿ 11 ಮಕ್ಕಳ ಹೆತ್ತ ಮಹಾತಾಯಿ!

View this post on Instagram

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ