KAS ಮರು ಪರೀಕ್ಷೆ ನಡೆಸಲು ಸಿಎಂ ಸಿದ್ದರಾಮಯ್ಯ ಮಹತ್ವದ ಸೂಚನೆ

ಕನ್ನಡ ಭಾಷಾಂತರದ ಕಗ್ಗೊಲೆ ಮಾಡಿದ್ದ ಕೆಪಿಎಸ್‌ಸಿ ವಿರುದ್ಧ ಆಕ್ರೋಶ

ನ್ಯೂಸ್ ಫಸ್ಟ್‌ ಚಾನೆಲ್‌ಗೆ ಕೈ ಮುಗಿದು ಧನ್ಯವಾದ ಸಲ್ಲಿಸಿದ್ದ ಪರೀಕ್ಷಾರ್ಥಿಗಳು

ಬೆಂಗಳೂರು: ಗೊಂದಲ, ವಿವಾದಕ್ಕೆ ಕಾರಣವಾಗಿದ್ದ KAS ಮರು ಪರೀಕ್ಷೆಗೆ ಸಿಎಂ ಸಿದ್ದರಾಮಯ್ಯ ಸೂಚನೆ ನೀಡಿದ್ದಾರೆ. ಹಲವು ಸಂಘಟನೆಗಳ ವಿರೋಧ ಮತ್ತು ಅಭ್ಯರ್ಥಿಗಳ ಆಕ್ರೋಶದ ಬಗ್ಗೆ ನ್ಯೂಸ್ ಫಸ್ಟ್ ಸತತ ವರದಿ ಪ್ರಸಾರ ಮಾಡಿತ್ತು.

ಇದನ್ನೂ ಓದಿ: KAS ಪರೀಕ್ಷೆ ಗೊಂದಲ ಇನ್ನೂ ಮುಗಿದಿಲ್ಲ; KPSC ಮಾಡಿದ 20 ಯಡವಟ್ಟುಗಳು ಇಲ್ಲಿವೆ.. 

ಕನ್ನಡ ಭಾಷಾಂತರದ ಕಗ್ಗೊಲೆ ಮಾಡಿದ್ದ ಕೆಪಿಎಸ್‌ಸಿ ವಿರುದ್ಧ ಆಕ್ರೋಶ ವ್ಯಕ್ತವಾದ ಮೇಲೆ ಸಿಎಂ ಸಿದ್ದರಾಮಯ್ಯ ಇನ್ನೆರಡು ತಿಂಗಳ ಒಳಗೆ ಮರು ಪರೀಕ್ಷೆ ನಡೆಸಲು ಮಹತ್ವದ ಸೂಚನೆ ನೀಡಿದ್ದಾರೆ.
ಕೆಎಎಸ್ ಮರು ಪರೀಕ್ಷೆಗೆ ಸಿಎಂ ಸಿದ್ದರಾಮಯ್ಯ ಭರವಸೆ ನೀಡುತ್ತಿದ್ದಂತೆ ಅಭ್ಯರ್ಥಿಗಳು ಸಂಭ್ರಮ ಪಟ್ಟಿದ್ದಾರೆ. ಇದು ನ್ಯೂಸ್ ಫಸ್ಟ್ ಬಿಗ್ ಇಂಪ್ಯಾಕ್ಟ್ ಆಗಿದ್ದು, ನ್ಯೂಸ್ ಫಸ್ಟ್ ಅವರು ಪ್ರೈಮ್ ಟೈಮ್ ಅಲ್ಲಿ ಟೆಲಿಕಾಸ್ಟ್ ಮಾಡಿದ್ದಾರೆ. ವಿದ್ಯಾರ್ಥಿಗಳ ಧ್ವನಿಯಾಗಿದ್ದು ನ್ಯೂಸ್ ಫಸ್ಟ್ ಎಂದು ಜೈಕಾರ ಹಾಕಿದ್ದಾರೆ. KAS ಪರೀಕ್ಷೆ ಪೋಸ್ಟ್‌ಪೊನ್ ಬಗ್ಗೆ ಅಭ್ಯರ್ಥಿಗಳ ಹರ್ಷ ವ್ಯಕ್ತಪಡಿಸಿದ್ದು, ನ್ಯೂಸ್ ಫಸ್ಟ್‌ಗೆ ಕೈ ಮುಗಿದು ಧನ್ಯವಾದ ಸಲ್ಲಿಸಿದ್ದಾರೆ.

ಸಿಎಂ ಸಿದ್ದರಾಮಯ್ಯ ಸೂಚನೆ!
ಕೆಪಿಎಸ್‌ಸಿ ಗೆಜೆಟೆಡ್‌ ಪ್ರೊಬೆಷನರಿ ಹುದ್ದೆಗಳ ಪರೀಕ್ಷೆಯಲ್ಲಿ ಕನ್ನಡಕ್ಕೆ ಅನುವಾದ ಮಾಡಲ್ಪಟ್ಟ ಪ್ರಶ್ನೆಗಳು ಅಸಮರ್ಪಕವಾಗಿದ್ದವೆಂಬ ವಿಚಾರ ನನ್ನ ಗಮನಕ್ಕೆ ಬಂದ ತಕ್ಷಣ, ಪರೀಕ್ಷಾರ್ಥಿಗಳಿಗೆ ಅನ್ಯಾಯವಾಗಬಾರದೆಂಬ ಉದ್ದೇಶದಿಂದ ಮುಂದಿನ ಎರಡು ತಿಂಗಳ ಒಳಗೆ ಮರುಪರೀಕ್ಷೆ ಮಾಡುವಂತೆ ಕೆಪಿಎಸ್‌ಸಿಗೆ ಸೂಚನೆ ನೀಡಿದ್ದೇನೆ.

ಇದನ್ನೂ ಓದಿ: KAS ಪರೀಕ್ಷೆ ವೇಳೆ ನಡೆಯಿತು ಯಡವಟ್ಟು.. ಭಾರೀ ಗೊಂದಲ; ಜಿಲ್ಲಾಧಿಕಾರಿ ದಿಢೀರ್ ಭೇಟಿ 

ಕರ್ತವ್ಯ ಲೋಪವೆಸಗಿದ ಅಧಿಕಾರಿಗಳನ್ನು ಸೇವೆಯನ್ನು ಅಮಾನತು ಮಾಡಲಾಗಿದೆ. ಮುಂಬರುವ ಪರೀಕ್ಷೆಗಳನ್ನು ಅತ್ಯಂತ ಜವಾಬ್ದಾರಿಯುತವಾಗಿ, ಸಮರ್ಪಕವಾಗಿ ನಡೆಸಲು ಎಲ್ಲಾ ಅಗತ್ಯ ಕ್ರಮಗಳನ್ನು ಕೈಗೊಳ್ಳಲಾಗುವುದು. ನಾವು ನೇಮಕಾತಿ ಪ್ರಕ್ರಿಯೆಗಳ ಸಮಗ್ರತೆ ಮತ್ತು ನಂಬಿಕಾರ್ಹತೆಯನ್ನು ಎತ್ತಿ ಹಿಡಿದು, ಪರೀಕ್ಷಾರ್ಥಿಗಳ ಹಿತರಕ್ಷಿಸಲು ಬದ್ಧರಾಗಿದ್ದೇವೆ.

ಏನಿದು ವಿವಾದ?
ಪರೀಕ್ಷಾರ್ಥಿಗಳ ವಿರೋಧದ ನಡುವೆಯೇ ಕರ್ನಾಟಕ ಲೋಕಸೇವಾ ಆಯೋಗ (KPSC) ಆಗಸ್ಟ್ 27 ರಂದು ಕೆಎಎಸ್ ಪರೀಕ್ಷೆ ನಡೆಸಿತ್ತು. ಈ ವೇಳೆ ಪ್ರಶ್ನೆ ಪತ್ರಿಕೆಯಲ್ಲಿ ಉಂಟಾಗಿರುವ ಗೊಂದಲ ವಿವಾದಕ್ಕೆ ಕಾರಣವಾಗಿದೆ.

ಪರೀಕ್ಷಾರ್ಥಿಗಳು ಕೆಪಿಎಸ್​ಸಿ ಮಾಡಿರುವ 20 ತಪ್ಪಗಳು ಬಗ್ಗೆ ಆರೋಪ ಮಾಡಿದ್ದರು

1. ಪ್ರಶ್ನೆಪತ್ರಿಕೆ ಕನ್ನಡ ಅನುವಾದದಲ್ಲಿ ಘೋರ ತಪ್ಪುಗಳು, ಒಟ್ಟು 58 ಪ್ರಶ್ನೆಗಳಲ್ಲಿ ತಪ್ಪಾಗಿದೆ. (ಉದಾಹರಣೆ : State Assembly ವಿಧಾನಸಭೆ ಎಂದಾಗಬೇಕು KPSC ನೀಡಿದ್ದು ರಾಜ್ಯ ಸಭೆ)
2. ಏಪ್ರಿಲ್ ತಿಂಗಳಲ್ಲೇ ಪ್ರಶ್ನೆ ಪತ್ರಿಕೆ ಸಿದ್ಧಪಡಿಸಿರೋದು, ನಿಯಮಗಳ ಪ್ರಕಾರ ಪರೀಕ್ಷೆಯ 1 ವಾರ ಮುಂಚೆ ಸಿದ್ಧಪಡಿಸಬೇಕು
3. ವಾರದ ಮಧ್ಯ ಕೆಲಸದ ದಿನ ಪರೀಕ್ಷೆ ನಿಗದಿ, ಸಾಮಾನ್ಯವಾಗಿ ಭಾನುವಾರ ನಡೆಯುತ್ತಿತ್ತು
4. ಎಲ್ಲ ಹುಡುಗರಿಗೆ ದೂರದ ಊರುಗಳಲ್ಲಿ ಪರೀಕ್ಷೆ ನಿಗದಿ ಆಗಿದೆ. ಚಿತ್ರದುರ್ಗದವರಿಗೆ ಮಂಗಳೂರು, ಉಡುಪಿಯವರಿಗೆ ದಾವಣಗೆರೆ ಇತ್ಯಾದಿ
5. ಪರೀಕ್ಷಾ ಕೇಂದ್ರದ ಒಳಗೆ ಬರುವುದರೊಳಗೆ ಪ್ರಶ್ನೆ ಪತ್ರಿಕೆ ಬಂಡಲ್ ಓಪನ್ ಆಗಿರೋ ಆರೋಪ, ಇದನ್ನು ಖಂಡಿಸಿ ವಿದ್ಯಾರ್ಥಿಗಳು ಪ್ರತಿಭಟನೆ ನಡೆಸಿದ್ದಾರೆ
6. ಪ್ರಶ್ನೆ ಪತ್ರಿಕೆ ತಡವಾಗಿ ವಿತರಣೆ, ಈ ಸಂಬಂಧ ಬಳ್ಳಾರಿ, ಚಿಕ್ಕ ಬಳ್ಳಾಪುರದಲ್ಲಿ ಪ್ರತಿಭಟನೆ ನಡೆದಿದೆ.
7. ತೀವ್ರ ಕಠಿಣ ಪ್ರಶ್ನೆ
8. ಪ್ರಶ್ನೆಗಳು ಅಭ್ಯರ್ಥಿಯ ವಿಷಯ ಜ್ಞಾನ ಪರೀಕ್ಷಿಸುವ ಬದಲು, ಫ್ಯಾಕ್ಟ್ಸ್ ಚೆಕಿಂಗ್ ತರಹ ಇದ್ದವು ಅನ್ನೋ ಆರೋಪ ಇದೆ
9. ಅತೀ ದೀರ್ಘವಾದ ಪತ್ರಿಕೆ -72 ಪುಟಗಳು ಒಂದು ಪತ್ರಿಕೆ. UPSC ನೀಡೋದೇ 40 ಪುಟಗಳ ಪತ್ರಿಕೆ ಆಗಿದೆ
10. ಕೆಲವು ಕೇಂದ್ರಗಳಲ್ಲಿ ಬಯೋ ಮೆಟ್ರಿಕ್ ಚೆಕಿಂಗ್ ನಡೆಸಿಲ್ಲ. ಉದಾಹರಣೆ ಮದಕರಿ ನಾಯಕ ಚಿತ್ರದುರ್ಗ ಶಾಲೆ
11. ಪರೀಕ್ಷೆ ಮುಂದೂಡಲು ಒತ್ತಾಯ ಬಂದಾಗ, ತರಾತುರಿಯಲ್ಲಿ ನಾಲ್ಕು ದಿನ ಮೊದಲೇ ಜಿಲ್ಲಾ ಕೇಂದ್ರಗಳಿಗೆ ಪ್ರಶ್ನೆ ಪತ್ರಿಕೆ ರವಾನೆ ಆಗಿದೆ
12. ಬೇಕೆಂದಲೇ ಮುಂದೂಡಿಕೆ ಹೋರಾಟ ಹತ್ತಿಕ್ಕಲು ಪ್ರಶ್ನೆ ಪತ್ರಿಕೆ ರವಾನಿಸುವ ಮಾರ್ಗ ಉಲ್ಲೇಖ ಇರುವ ಗೌಪ್ಯ ಮಾಹಿತಿಯ ದಾಖಲೆ ಬಿಡುಗಡೆ ಆಗಿದೆ ಅನ್ನೋ ಆರೋಪ
13. ಆಕ್ಷೇಪಣೆ ಸಲ್ಲಿಸಬೇಕೆಂದರೆ ಪ್ರತೀ ಪ್ರಶ್ನೆಗೆ 50 ಕಟ್ಟಬೇಕು, ಆ ಹಣ ವಾಪಸ್ ಬರಲ್ಲ
14. ಅಪ್ಲಿಕೇಶನ್ ಕೇಳೋದು ಆನ್​ಲೈನ್​​ನಲ್ಲಿ, ಆದರೆ ಪರೀಕ್ಷೆ ನಡೆದ ಬಳಿಕ ಆಕ್ಷೇಪಣೆ ಸಲ್ಲಿಸಲು ಪೋಸ್ಟಲ್ ಬಳಕೆ. ದುಡ್ಡು ಕೂಡ DD ಮೂಲಕ ಬೇಡಿಕೆ. ಪ್ರಕ್ರಿಯೆ ಸಂಕೀರ್ಣ – ಅಭ್ಯರ್ಥಿಗಳು ಆಕ್ಷೇಪಣೆ ಸಲ್ಲಿಸಲು ಹೋಗಬಾರದು ಅಂತಾ ಹೀಗೆ ಮಾಡಿದ್ದಾರೆಂಬ ಆರೋಪ
15. ಬೇಕು ಅಂತಲೇ ಕೀ ಉತ್ತರ ತಪ್ಪು ನೀಡಿರೋದು. ಸರಳ ಪ್ರಶ್ನೆಗಳಿಗೆ ತಪ್ಪು ಉತ್ತರ ನೀಡೋದು. ಆಕ್ಷೇಪಣೆಯಲ್ಲಿ ದುಡ್ಡು ಮಾಡುವ ಹುನ್ನಾರ ಎಂಬ ಆರೋಪ ಇದೆ
16. ಸಿಲೆಬಸ್ ಪ್ರಕಾರ ಪ್ರಶ್ನೆ ಪತ್ರಿಕೆ ಸಿದ್ಧ ಪಡಿಸದೆ ಇದ್ದದ್ದು, ವಿಷಯವಾರು ಅಂಕ ವಿಂಗಡನೆ ನಿಯಮ ಪಾಲಿಸಲಿಲ್ಲ ಎಂಬ ಆರೋಪ ಇದೆ. ಉದಾಹರಣೆ: ಅಧಿಸೂಚನೆ ಪ್ರಕಾರ ಮೆಂಟಲ್ ಎಬಿಲಿಟಿಯಿಂದ 30 ಪ್ರಶ್ನೆ ಕೇಳಬೇಕು. ಆದರೆ ಕೇಳಿದ್ದು ಬರೀ 18 ಪ್ರಶ್ನೆಗಳು.
17. ವಾರದ ಮಧ್ಯೆ ಪರೀಕ್ಷೆ – ಅಂಗವಿಕಲರ ಲಿಪಿಕಾರರ ಕೊರತೆ ಸಮಸ್ಯೆ ಆಗಿದೆ
18. ಪರೀಕ್ಷಾ ಕೇಂದ್ರದಲ್ಲಿ ಪರಿವೀಕ್ಷಕರು ಗೈರುಹಾಜರಾದ ಅಭ್ಯರ್ಥಿಗಳ ಮಾಹಿತಿ ಇತರರಿಗೆ ನೀಡದೆ ಇರುವುದು‘
19. ಕನ್ನಡ ಮತ್ತು ಇಂಗ್ಲೀಷ್ ಪ್ರಶ್ನೆಗಳಲ್ಲಿ ತರ್ಜುಮೆ ವಿಷಯದಲ್ಲಿ ಗೊಂದಲ ಉಂಟಾದರೆ ಇಂಗ್ಲಿಷ್ ಪ್ರಶ್ನೆ ಅಂತಿಮ ಎಂಬ ಅವೈಜ್ಞಾನಿಕ ನಿಯಮ
20. ಅಭ್ಯರ್ಥಿಗಳು ಪರೀಕ್ಷೆ ಮುಗಿಸಿ, ರಾತ್ರಿ ಹೊತ್ತು ತಮ್ಮ ಕಷ್ಟಗಳನ್ನು ಸಾಮಾಜಿಕ ಮಾಧ್ಯಮದ ಖಾತೆಗಳಲ್ಲಿ ಹಂಚುತಿದ್ದಾಗ ಪರೀಕ್ಷಾ ನಿಯಂತ್ರಕ ಜ್ಞಾನೇಂದ್ರ ಕುಮಾರ್ IAS ಅವರು ಟ್ವೀಟ್ ಮಾಡಿ, ತಾನು ಇವುಗಳನ್ನು ಎಂಜಾಯ್ ಮಾಡ್ತಿದ್ದೇನೆ ಎಂದು ಟ್ವೀಟ್ ಮಾಡಿದ್ದರು. ಇದಕ್ಕೆ ತೀವ್ರ ವಿರೋಧ ಬಂದಾಗ ಕೂಡಲೇ ಡಿಲೀಟ್ ಮಾಡಿದ್ದಾರೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ