ಹಸ್ತದಲ್ಲಿ ಹೊಸ ಕುಸ್ತಿ! ರಾಹುಲ್​ಗಾಗಿ ಸಿದ್ದು, ಡಿಕೆಶಿ ವೇಟಿಂಗ್​.. ಬೆಂಗಳೂರಿಗೆ ಇಂದು ಸುರ್ಜೇವಾಲ..!

ಕಾಂಗ್ರೆಸ್​ನಲ್ಲಿ ಎದೆಬಡಿತ ಹೆಚ್ಚಾಗ್ತಿದೆ. ಸೆಪ್ಟೆಂಬರ್​ ಹೊತ್ತಿಗೆ ಎದುಸಿರು ಏರಿಕೆ ಆಗಲಿದೆ. ಯಾಕೆಂದರೆ ಕ್ರಾಂತಿಯ ಕಿಡಿ ಮೇಲೆ ಬೂದಿ ಮುಚ್ಚಿದೆ. ಹೀಗಾಗಿ ಇಂದು ಡೆಲ್ಲಿಯಿಂದ ಹೈಕಮಾಂಡ್ ನಾಯಕ ಸುರ್ಜೇವಾಲ ಬರ್ತಿದ್ದಾರೆ.

ಹಸ್ತದಲ್ಲಿ ಹೊಸ ಕುಸ್ತಿ!

ಕಾಂಗ್ರೆಸ್​​ನಲ್ಲಿನ ಗದ್ದಲ ಗಲಾಟೆ ಜೋರಾಗುವ ಲಕ್ಷಣಗಳು ಕಾಣ್ತಿವೆ. ಅದಕ್ಕೆ ಹವಾಸಿರಿ ನೋಡಿ ಬರುವಂತೆ ರಣದೀಪ್​​​​ ಸುರ್ಜೇವಾಲರನ್ನು ಕಾಂಗ್ರೆಸ್​​​ ಹೈಕಮಾಂಡ್​​ ಕಳಿಸ್ತಿದೆ.. ಇಂದು ಮಧ್ಯಾಹ್ನ ಹೊತ್ತಿಗೆ ಬೆಂಗಳೂರಿಗೆ ಲ್ಯಾಂಡ್​ ಆಗಲಿರುವ ಸುರ್ಜೇವಾಲ, ಸಮಸ್ಯೆ ಪರಿಹಾರಕ್ಕೆ ಯತ್ನಿಸಲಿದ್ದಾರೆ.

ರಾಜ್ಯಕ್ಕೆ ಸುರ್ಜೇವಾಲ!

ಮಧ್ಯಾಹ್ನದ ಹೊತ್ತಿಗೆ ಆಗಮಿಸುವ ಸುರ್ಜೇವಾಲ, ಜುಲೈ 2 ಅಂದ್ರೆ ಬುಧವಾರ ಡೆಲ್ಲಿಗೆ ರಿಟರ್ನ್​​ ಆಗಲಿದ್ದಾರೆ.. ಹೀಗಾಗಿ ಕಾಂಗ್ರೆಸ್​​​​ ಶಾಸಕರ ಜೊತೆ ಒನ್​ ಟು ಒನ್​ ಮೀಟಿಂಗ್​ ಮಾಡ್ತಿದ್ದು, ಒಬ್ಬೊಬ್ಬ ಶಾಸಕರಿಗೆ ಟೈಂ ಸಹ ಫಿಕ್ಸ್​​ ಮಾಡಿದ್ದಾರೆ. ಅಕಸ್ಮಾತ್​​ ಇನ್ಯಾರೇ ನಾಯಕರು ಭೇಟಿಗೆ ಕೇಳಿದ್ರೆ ಅವರಿಗೂ ಮುಕ್ತ ಅವಕಾಶ ಇರಲಿದೆ. ಇದೇ ವೇಳೆ, ಬಹಿರಂಗ ಹೇಳಿಕೆಗಳಿಗೆ ಕಡಿವಾಣ ಹಾಕಲು ಎಚ್ಚರಿಕೆ ಸಭೆ ನಡೆಸಲಿರುವ ಸುರ್ಜೇವಾಲ, ಈ ಬಾರಿ ಸಿಎಂ ಮತ್ತು ಡಿಸಿಎಂ ಜೊತೆ ಪ್ರತ್ಯೇಕ ಚರ್ಚೆ ಮಾಡ್ತಿದ್ದಾರೆ.

ಇದನ್ನೂ ಓದಿ:  ಕಾಂಗ್ರೆಸ್​ನಲ್ಲಿ ಸೆಪ್ಟೆಂಬರ್ ಕ್ರಾಂತಿ ಭವಿಷ್ಯ.. ಮತ್ತೆ ಸಂಚಲನ ಮೂಡಿಸಿದ KN ರಾಜಣ್ಣ ಹೇಳಿಕೆ

ಅತ್ಯಂತ ಪ್ರಮುಖ ವಿಚಾರ ಏನಂದ್ರೆ ರಾಹುಲ್​ ಗಾಂಧಿ ಸದ್ಯ ವಿದೇಶ ಪ್ರವಾಸದಲ್ಲಿದ್ದಾರೆ. ಭಾರತಕ್ಕೆ ರಿಟರ್ನ್​​​ ಆಗ್ತಿದ್ದಂತೆ ಸಿಎಂ ಸಿದ್ದರಾಮಯ್ಯ, ಡೆಲ್ಲಿ ಪ್ರವಾಸ ಕೈಗೊಳ್ಳುವ ಸಾಧ್ಯತೆ ಇದೆ. ಈ ಪ್ರವಾಸದಲ್ಲಿ ಪವರ್​​ ಬ್ಯಾಟಲ್​ಗೆ ಫೈನಲ್​​ ಟಚ್​ ಸಿಗಲಿದೆ.

‘ಕ್ರಾಂತಿಗೀಂತಿ ಎಲ್ಲವೂ ಹೈಕಮಾಂಡ್​ನ ಕೈಯಲ್ಲಿದೆ!’

ಅದೇ ಕ್ರಾಂತಿ ಬಗ್ಗೆ ಸಚಿವ ಸತೀಶ್​ಗೆ ಗೊತ್ತೇ ಇಲ್ಲ ಎಂದಿದ್ದಾರೆ. ಕ್ರಾಂತಿ ಮಾಡೊದು ಬಿಡೋದು ವರಿಷ್ಠರ ಕೈಯಲ್ಲಿದೆ ಎಂದಿದ್ದಾರೆ. ಆದರೆ ಕೆಪಿಸಿಸಿ ಹುದ್ದೆ ಸಿಗುವ ಬಗ್ಗೆ ವೇಟಿಂಗ್​​​ ಲಿಸ್ಟ್​​ನಲ್ಲಿ ಟಿಕೆಟ್​​​ ಬುಕ್​ ಮಾಡಿರುವ ಹಿಂದಿನಂತೆ ಈಗಲು ಅದೇ ಮಾತನ್ನ ಹೇಳಿದ್ದಾರೆ. ಒಟ್ಟಾರೆ, ಕಾಂಗ್ರೆಸ್​ನಲ್ಲಿ ದಿನಕ್ಕೊಂದು ಬೆಳವಣಿಗೆ ಆಗ್ತಿದೆ.

ಇದನ್ನೂ ಓದಿ: CM, ಡಿಸಿಎಂ, ಗೃಹಸಚಿವರ ರಹಸ್ಯ ಸಭೆ.. 11 ದಿನಗಳ ದಸರಾ ಮಹೋತ್ಸವದ ಬಗ್ಗೆ ಸಿದ್ದರಾಮಯ್ಯ ಏನಂದ್ರು?

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ