ನಿಮಗೆ ಹಣದ ಅಗತ್ಯ ಇದ್ಯಾ? ಕ್ರೆಡಿಟ್​ ಕಾರ್ಡ್​​, ಪರ್ಸನಲ್​​ ಲೋನ್​​​​ ಯಾವುದು ಬೆಸ್ಟ್​​?

ಎಲ್ಲರಿಗೂ ಒಂದಲ್ಲ, ಒಂದು ಸಂದರ್ಭದಲ್ಲಿ ಹಣಕಾಸಿನ ಸಮಸ್ಯೆ ಎದುರಾಗುತ್ತದೆ. ಈ ಹಿಂದೆ ಎಲ್ಲರೂ ಎಮರ್ಜೆನ್ಸಿ ಫಂಡ್​​ ಅಂತಾ ಒಂದು ಕಡೆ ಸೇವಿಂಗ್ಸ್​ ಇಡುತ್ತಿದ್ದರು. ಇದು ಕಷ್ಟಕಾಲಕ್ಕೆ ಆಗುತ್ತಿತ್ತು. ಆದರೆ, ಯಾವಾಗ ಕ್ರೆಡಿಟ್​ ಕಾರ್ಡ್​ ಜಮಾನ ಶುರುವಾಯ್ತೋ ಅಂದಿನಿಂದ ಜನ ಎಮರ್ಜೆನ್ಸಿ ಫಂಡ್​​​ ಮೊರೆ ಹೋಗುತ್ತಿಲ್ಲ. ಕಾರಣ ಕ್ರೆಡಿಟ್​ ಕಾರ್ಡ್​​ನಿಂದಲೇ ಎಮರ್ಜೆನ್ಸಿ ಸಾಲ ಸಿಗುತ್ತದೆ.

ಕ್ರೆಡಿಟ್​ ಕಾರ್ಡ್​ ಜತೆಗೆ ಪರ್ಸನಲ್​ ಲೋನ್​​!

ಕಷ್ಟ ಎಂದು ಬಂದಾಗ ಕೇವಲ ಕ್ರೆಡಿಟ್​ ಕಾರ್ಡ್​ ಮಾತ್ರವಲ್ಲ ಪರ್ಸನಲ್​ ಲೋನ್​​ ಕೂಡ ಸಿಗುತ್ತದೆ. ಕ್ರೆಡಿಟ್​ ಕಾರ್ಡ್​ ಮತ್ತು ಪರ್ಸನಲ್​ ಲೋನ್​ ಎರಡು ಕೂಡ ಜನರಿಗೆ ಸಿಗೋ ಬೆಸ್ಟ್​​ ಆಪ್ಷನ್ಸ್​ ಎಂದು ಹೇಳಬಹುದು. ನೀವು ಎರಡಕ್ಕೂ ಏನು ಅಡಮಾನ ಇಡೋ ಅಗತ್ಯವಿಲ್ಲ. ಆದರೆ, ನಿಮಗೆ ಎರಡರಲ್ಲಿ ಯಾವುದು ಬೆಸ್ಟ್​ ಎಂದು ತಿಳಿಸೋ ಪ್ರಯತ್ನ ಈ ಲೇಖನದ್ದು.

ಎಲ್ಲರ ಬಳಿಯೂ ಕ್ರೆಡಿಟ್​ ಕಾರ್ಡ್​​​​ ಇದೆ!

ಬಹುತೇಕ ಎಲ್ಲರ ಬಳಿ ಈಗ ಕ್ರೆಡಿಟ್ ಕಾರ್ಡ್ ಇದೆ. ಇಲ್ಲದೆ ಹೋದ್ರೂ ಬ್ಯಾಂಕಿನವರೇ ಕಾಲ್​ ಮಾಡಿ ಕ್ರೆಡಿಟ್​​ ಕಾರ್ಡ್​​ ಕೊಡುತ್ತಾರೆ. ಜೇಬಲ್ಲಿ ಹಣ ಇಲ್ಲದಿದ್ರೂ ನೀವು ಶಾಪಿಂಗ್​ ಮಾಡಬಹುದು. ಬಿಲ್​​​ ಪಾವತಿಸಲು, ಎಟಿಎಂನಿಂದ ಹಣ ಡ್ರಾ ಮಾಡಲು ಸೇರಿ ಹಲವು ಕಡೆ ಕ್ರೆಡಿಟ್​ ಕಾರ್ಡ್​​ ಬಳಕೆ ಆಗಲಿದೆ. ಇದಕ್ಕೆ ಹೆಚ್ಚಿನ ಶುಲ್ಕ ಕಟ್ಟಬೇಕು. ಆದರೆ, ರಿವಾರ್ಡ್ ಪಾಯಿಂಟ್ಸ್​​, ವೋಚರ್‌, ಗಿಫ್ಟ್ ಕಾರ್ಡ್‌, ಕ್ಯಾಶ್​​ ಬ್ಯಾಕ್​ ಮೂಲಕ ಒಂದಷ್ಟು ಲಾಭ ಪಡೆಯಬಹುದು.

ಇದನ್ನೂ ಓದಿ:PHOTOS: ಬಿಗ್​​ಬಾಸ್​​ನಿಂದ ಹೊರಬಂದ ಲಾಯರ್​​ ಜಗದೀಶ್​​ ದಿಢೀರ್ ಪ್ರತ್ಯಕ್ಷ ಆಗಿದ್ದು ಎಲ್ಲಿ?​​

45 ದಿನದಲ್ಲಿ ರೀಪೇಮೆಂಟ್​​ ಮಾಡಬೇಕು

ಕ್ರೆಡಿಟ್ ಕಾರ್ಡ್‌ನಲ್ಲಿ ಬಿಲ್ ಪಾವತಿಸುವುದು ಎಂದರೆ ಸಾಲ ತಲೆ ಮೇಲೆ ಇಟ್ಟುಕೊಂಡಂತೆ. ನೀವು 45 ದಿನಗಳಲ್ಲಿ ರೀಪೇಮೆಂಟ್​ ಮಾಡಲೇಬೇಕು. ಇಲ್ಲದೆ ಹೋದಲ್ಲಿ ಬಡ್ಡಿ ಮೇಲೆ ಬಡ್ಡಿ ಕಟ್ಟಬೇಕಾಗುತ್ತದೆ. ಒಂದು ವೇಳೆ ನಿಗದಿತ ಸಮಯದೊಳಗೆ ಬಿಲ್​ ಕಟ್ಟಿದ್ರೆ ಯಾವುದೇ ಸಮಸ್ಯೆ ಆಗೋದಿಲ್ಲ.

ಪರ್ಸನಲ್​​ ಲೋನ್​​!

ಯಾರಿಗಾದ್ರೂ ಕ್ಯಾಶ್​ ಅಗತ್ಯಬಿದ್ದಾಗ ಪರ್ಸನಲ್​ ಲೋನ್​ ತೆಗೆದುಕೊಳ್ಳಬಹುದು. ಇದಕ್ಕಾಗಿ ಕೆಲವು ದಾಖಲೆಗಳನ್ನು ನೀಡಬೇಕು. ಗ್ರಾಹಕರಿಗೆ ಸಾಲ ಮರುಪಾವತಿ ಮಾಡುವ ಸಾಮರ್ಥ್ಯ ಇದೆಯೇ ಅನ್ನೋದು ಸಿಬಿಲ್​​ ಸ್ಕೋರ್​ ಪರಿಶೀಲಿಸಿದ ನಂತರ ಬ್ಯಾಂಕ್​​ ಪರ್ಸನಲ್​ ಲೋನ್​ ಕೊಡುತ್ತದೆ. ಇದಕ್ಕೂ ನೀವು ಪ್ರಾಸೆಸಿಂಗ್​ ಫೀ ಪೇ ಮಾಡಬೇಕು. ಕಾರ್​ ಮತ್ತು ಗೃಹ ಸಾಲಕ್ಕಿಂತಲೂ ಹೆಚ್ಚು ಬಡ್ಡಿ ಪರ್ಸನಲ್​ ಲೋನ್​ ಮೇಲೆ ಇರಲಿದೆ.

20-30 ಸಾವಿರ ರೂ. ಕಡಿಮೆ ಸಮಯಕ್ಕೆ ಬೇಕು ಎನ್ನುವಾಗ ಕ್ರೆಡಿಟ್ ಕಾರ್ಡ್ ಬೆಸ್ಟ್​​. ದೊಡ್ಡ ಮೊತ್ತದ ಹಣ ಬೇಕಿದ್ದರೆ ಪರ್ಸನಲ್​ ಲೋನ್​ ಉತ್ತಮ ಎನ್ನಬಹುದು.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ