ಪ್ರೀತಿಗೆ ಸೇತುವೆಯಾದ ಒಂದು ಚಾಕೊಲೇಟ್​.. ಸಿನಿಮಾ ಮೀರಿಸುತ್ತೆ ಅಕ್ಷರ್ ಪಟೇಲ್ ಲವ್​ ಸ್ಟೋರಿ

ಟೀಮ್​ ಇಂಡಿಯಾ ಆಲ್​​ರೌಂಡರ್​ ಅಕ್ಷರ್​ ಪಟೇಲ್​ ಮನೆಯಲ್ಲಿ ಸಂಭ್ರಮವೋ. ಸಂಭ್ರಮ. ಮನೆ ಹಾಗೂ ಮನೆಮಂದಿಯ ಮನದಲ್ಲಿ ಸಂಭ್ರಮ, ಸಂತೋಷವೇ ಮನೆ ಮಾಡಿದೆ. ಹೊಸ ಅತಿಥಿಯ ಆಗಮನದ ನಿರೀಕ್ಷೆ ಎಲ್ಲರಲ್ಲೂ ಹೆಚ್ಚಾಗಿದೆ.

ಬಾಂಗ್ಲಾದೇಶ ವಿರುದ್ಧದ ಟೆಸ್ಟ್​ ಸರಣಿಯ ಬಳಿಕ ಟೀಮ್​ ಇಂಡಿಯಾದ ಪ್ರಮುಖ ಆಟಗಾರರು ವಿಶ್ರಾಂತಿಗೆ ಜಾರಿದ್ದಾರೆ. ಸಿಕ್ಕಿರುವ ಬಿಡುವಿನಲ್ಲಿ ಫಾರಿನ್​ ಟ್ರಿಪ್​ಗಳನ್ನ ಮಾಡ್ತಾ ಏಂಜಾಯ್​ ಮಾಡ್ತಿದ್ದಾರೆ. ವಿರಾಟ್​ ಕೊಹ್ಲಿ ಕುಟುಂಬದೊಂದಿಗೆ ಲಂಡನ್​ನಲ್ಲಿದ್ರೆ, ರೋಹಿತ್​ ಶರ್ಮಾ ಅಬುಧಾಬಿ ಟೂರ್​​ನಲ್ಲಿದ್ದಾರೆ. ಜಸ್​​ಪ್ರಿತ್​ ಬೂಮ್ರಾ ದುಬೈನಲ್ಲಿದ್ದಾರೆ. ಇನ್ನು ಕೆಲ ಆಟಗಾರರು ತವರಿನಲ್ಲೇ ಬೀಡು ಬಿಟ್ಟಿದ್ದಾರೆ. ಈ ಗ್ಯಾಪ್​​ನಲ್ಲಿ ಆಲ್​ರೌಂಡರ್​ ಅಕ್ಷರ್​ ಪಟೇಲ್​ ಗುಡ್​ನ್ಯೂಸ್​ ಕೊಟ್ಟಿದ್ದಾರೆ.

ಇದನ್ನೂ ಓದಿ:ಮಕ್ಕಳಿಗೆ ತಾವೇ ಅಡುಗೆ ಮಾಡ್ತಾರೆ ಕೊಹ್ಲಿ, ಅನುಷ್ಕಾ.. ಸ್ಟಾರ್​ ಸೆಲೆಬ್ರಿಟಿ ಕಾಳಜಿ ಹೆಂಗಿದೆ ಗೊತ್ತಾ?

ಅಕ್ಷರ್​ ಪಟೇಲ್​ ಮನೆಯಲ್ಲಿ ಸಂಭ್ರಮ
ಆಲ್​​ರೌಂಡರ್​ ಅಕ್ಷರ್​ ಪಟೇಲ್​ ಮನೆಯಲ್ಲಿ ಸಂಭ್ರಮದ ಮನೆ ಮಾಡಿದೆ. ಹೊಸ ಅತಿಥಿಯ ಆಗಮನದ ನಿರೀಕ್ಷೆ ಕುಟುಂಬಸ್ಥರಲ್ಲಿ ಮನೆ ಮಾಡಿದೆ. ಅಕ್ಷರ್​ ಪಟೇಲ್​ ತಮ್ಮ ಮೊದಲ ಮಗುವಿನ ನಿರೀಕ್ಷೆಯಲ್ಲಿದ್ದಾರೆ. ಗರ್ಭಿಣಿ ಪತ್ನಿ ಮೇಹಾ ಪಟೇಲ್​ಗೆ 7 ತಿಂಗಳುಗಳು ತುಂಬುತ್ತಾ ಬಂದಿದೆ. ಹೀಗಾಗಿ ಅದ್ಧೂರಿ ಸೀಮಂತ ಕಾರ್ಯಕ್ರಮವನ್ನ ಮಾಡಿದ್ದಾರೆ.

ಸಿನಿಮಾಗೂ ಕಡಿಮೆಯಿಲ್ಲ ಅಕ್ಷರ್​​ ಲವ್​ ಸ್ಟೋರಿ
ಮೊದಲ ಮಗುವಿನ ನಿರೀಕ್ಷೆಯಲ್ಲಿರೋ ಅಕ್ಷರ್​ ಪಟೇಲ್​ ಹಾಗೂ ಮೇಹಾ ಪಟೇಲ್​ ಲವ್​ ಸ್ಟೋರಿ, ಯಾವ ಸಿನಿಮಾಗೂ ಕಡಿಮೆಯಿಲ್ಲ. ಅಂದ್ಹಾಗೆ ಅಕ್ಷರ್​ ಲವ್​ ಕಹಾನಿ ಒಂದೆರಡು ವರ್ಷದ್ದಲ್ಲ. ಸುದೀರ್ಘ 10 ವರ್ಷಗಳ ಪ್ರೇಮದ ಪಯಣ ಅಕ್ಷರ್​​​ದ್ದು. ಅದು ಅಕ್ಷರ್​ ಪಟೇಲ್​ ಅಂಡರ್​ 19 ಕ್ರಿಕೆಟ್​ ಆಡ್ತಿದ್ದ ದಿನಗಳು. ಆ ಸಮಯದಲ್ಲಿ ಗೆಳೆಯರೊಬ್ಬರ ಬರ್ತ್​​ ಡೇ ಪಾರ್ಟಿಯಲ್ಲಿ, ಇಬ್ಬರ ಮುಖಾಮುಖಿಯಾಗುತ್ತೆ. ಆ ಭೇಟಿಗೂ ಮುನ್ನ ಅಕ್ಷರ್​ ಪಟೇಲ್​ ಅಂದು ನಡೆದ ಪಂದ್ಯದಲ್ಲಿ ಶತಕ ಸಿಡಿಸಿದ್ರು. ಹೀಗಾಗಿ ಗೆಳೆಯರೆಲ್ಲರೂ ಚಾಕೋಲೆಟ್​ಗೆ ಬೇಡಿಕೆ ಇಟ್ಟಿದ್ರಂತೆ. ಅದು ಅಕ್ಷರ್​ ಬಳಿ ಚಾಕೋಲೆಟ್​ಗೂ ಹಣವಿಲ್ಲದ ಕಾಲ. ಆಗ ಸಾಲ ಮಾಡಿ ಅಕ್ಷರ್ ಎಲ್ಲರಿಗೂ ಚಾಕೋಲೆಟ್​ ಕೊಡಿಸಿದ್ರಂತೆ. ಅಲ್ಲಿಂದು ಶುರುವಾಗಿದ್ದು ಗೆಳೆತನ.

ಚಾಕೊಲೇಟ್​ನಿಂದ ಆರಂಭವಾದ ಅಕ್ಷರ್​-ಮೇಹಾ ಗೆಳೆತನ, ನಂಬರ್​ ಎಕ್ಸ್​ಚೇಂಜ್ ಆಗಿ ಮೇಸೆಜ್​ವರೆಗೂ ತಲುಪಿತ್ತು. ಮುಖತಃ ಭೇಟಿಯಾದಾಗ ಮಾತ್ರ ಅಕ್ಷರ್​ ಮಾತೇ ಆಡ್ತಿರಲಿಲ್ವಂತೆ. ಒಳಗೊಳಗೆ ಅಕ್ಷರ್​ಗೆ​ ಶುರುವಾಗಿತ್ತು ಪ್ರೇಮ. ಇತ್ತ ಮೇಹಾ ಕೂಡ ಪ್ರೀತಿಯಲ್ಲಿ ಬಿದ್ದಿದ್ರು. ಬರೋಬ್ಬರಿ 10 ವರ್ಷಗಳ ಕಾಲ ಇಬ್ಬರೂ ತಮ್ಮ ಬಾಂಧವ್ಯಕ್ಕೆ ಗೆಳೆತನದ ಲೇಬಲ್​ ಅಂಟಿಸಿಕೊಂಡೆ ಇದ್ರು.

ಹುಟ್ಟುಹಬ್ಬದ ದಿನವೇ ಲವ್​ ಪ್ರಪೋಸ್
ಆರಂಭದಿಂದಲೇ ಮೇಹಾ ಪಟೇಲ್​ ಮೇಲೆ ಪ್ರೀತಿ ಶುರುವಾಗಿದ್ದರೂ ಅಕ್ಷರ್​ ಪಟೇಲ್​ ಎಲ್ಲಿಯೂ ಕೂಡ ಅದನ್ನು ವ್ಯಕ್ತಪಡಿಸಿರಲಿಲ್ಲ. ಅಂತಿಮವಾಗಿ 2022ರ ಜನವರಿ 20ರಂದು 28ನೇ ವರ್ಷಕ್ಕೆ ಕಾಲಿಟ್ಟ ಅಕ್ಷರ್​, ಬರ್ತ್​ ಡೇ ಪಾರ್ಟಿಯಲ್ಲಿ ಮಂಡಿಯೂರಿ ಪ್ರಪೋಸ್​ ಮಾಡಿದ್ದರು. ಅಕ್ಷರ್​ ಪ್ರಪೋಸಲ್​​ನ ಮೇಹಾ ಕ್ಷಣವೂ ಯೋಚಿಸದೇ ಒಪ್ಪಿಕೊಂಡಿದ್ರು.

2023ರಲ್ಲಿ ವಡೋದರಾದಲ್ಲಿ ಅದ್ಧೂರಿ ವಿವಾಹ
ಕಳೆದ ವರ್ಷ ಜನವರಿಯಲ್ಲಿ ಅಕ್ಷರ್​ ಹಾಗೂ ಮೇಹಾ ವಡೋದರಾದಲ್ಲಿ ಹಸೆಮಣೆ ಏರಿದ್ರು. ಅದ್ಧೂರಿ ವಿವಾಹ ಸಮಾರಂಭಕ್ಕೆ ಕುಟುಂಬಸ್ಥರು, ಆಪ್ತರು, ಮಾಜಿ ಹಾಗೂ ಹಾಲಿ ಕ್ರಿಕೆಟರ್ಸ್​​ ಸಾಕ್ಷಿಯಾಗಿದ್ರು. ಅಕ್ಷರ್​ ಪಟೇಲ್​-ಮೇಹಾ ಪಟೇಲ್​ ಮೊದಲ ಮಗುವಿನ ನಿರೀಕ್ಷೆಯಲ್ಲಿದ್ದಾರೆ. ಮನೆ-ಮನದಲ್ಲಿ ಸಂಭ್ರಮ, ಸಂತಸ, ಕುತೂಹಲ ಎಲ್ಲವೂ ಇದೆ. ತಾಯಿ-ಮಗುವಿನ ಆರೋಗ್ಯ ಚನ್ನಾಗಿರಲಿ ಅನ್ನೋದು ಅಭಿಮಾನಿಗಳ ಹಾರೈಕೆಯಾಗಿದೆ.

ಇದನ್ನೂ ಓದಿ:24 ಬಾಲ್ ಎಸೆದು ಕೇವಲ 14 ರನ್ ಕೊಟ್ಟ ಅಕ್ಸರ್ ಪಟೇಲ್.. ಅಭಿಮಾನಿಗಳ ಮನಗೆದ್ದ ಯಂಗ್ ಇಂಡಿಯಾ..!

ವಿಶೇಷ ಸೂಚನೆ: ಕ್ರಿಕೆಟ್​​ನ ವಿಶೇಷ ಸುದ್ದಿಗಳಿಗಾಗಿ ವೀಕ್ಷಿಸಿ 'ರನ್ ಭೂಮಿ' ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್ ಫಸ್ಟ್ ಚಾನೆಲ್