RCBಗೆ ಬಿಗ್ ಟಾಸ್ಕ್; ರಾಯಲ್ ಚಾಲೆಂಜರ್ಸ್​, ಸೂಪರ್ ಕಿಂಗ್ಸ್​ ಫೈಟ್​.. ಯಾರಿಗೆ ಶುಭ ಶುಕ್ರವಾರ?

ರಾಯಲ್ ಚಾಲೆಂಜರ್ಸ್ ಬೆಂಗಳೂರು ಮತ್ತು ಚೆನ್ನೈ ಸೂಪರ್​ ಕಿಂಗ್ಸ್​​ ಹೈವೋಲ್ಟೇಜ್ ಪಂದ್ಯಕ್ಕೆ, ಕೆಲವೇ ಕೆಲವು ಕ್ಷಣಗಳು ಮಾತ್ರ ಬಾಕಿ ಉಳಿದಿದೆ. ಐಪಿಎಲ್​ನ ಬದ್ಧವೈರಿಗಳ ಫೈಟ್ ನೋಡೋಕೆ, ಕ್ರಿಕೆಟ್ ಜಗತ್ತು ಕಾಯ್ತಿದೆ. ಚೆನ್ನೈನ ಚೆಪಾಕ್​​ ಸ್ಟೇಡಿಯಮ್​ನಲ್ಲಿ ನಡೆಯಲಿರುವ ಸೌತ್ ಇಂಡಿಯನ್ ಡರ್ಬಿಯಲ್ಲಿ, ಇಂದು ಯಾರಿಗೆ ಶುಭ ಶುಕ್ರವಾರ ಆಗಲಿದೆ?.

ಕೊಲ್ಕತ್ತಾ ನೈಟ್​ರೈಡರ್ಸ್​​ ವಿರುದ್ಧ ಭರ್ಜರಿ ಗೆಲುವು ದಾಖಲಿಸಿರುವ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡಕ್ಕೆ, ಇದೀಗ ಮತ್ತೊಂದು ಸವಾಲ್ ಎದುರಾಗಿದೆ. ಇವತ್ತು ಆರ್​ಸಿಬಿ ಎದುರಾಳಿ, ಬದ್ಧವೈರಿ ಚೆನ್ನೈ ಸೂಪರ್​​ಕಿಂಗ್ಸ್. ಇಂದು ಸಿಎಸ್​ಕೆ ತಂಡವನ್ನ ಅವರದ್ದೇ ನೆಲದಲ್ಲಿ ಸೋಲಿಸೋದು, ಬೆಂಗಳೂರು ಬಾಯ್ಸ್​ ಮುಂದಿರೋ ಬಿಗ್ಗೆಸ್ಟ್ ಟಾಸ್ಕ್​.

ಕೊಹ್ಲಿ-ಸಾಲ್ಟ್​ 'ಪವರ್​ಫುಲ್' ಸ್ಟಾರ್ಟ್​​ ನೀಡಬೇಕು..!

ಕೆಕೆಆರ್​​ ವಿರುದ್ಧ ವಿರಾಟ್ ಕೊಹ್ಲಿ ಮತ್ತು ಫಿಲ್ ಸಾಲ್ಟ್, ಸ್ಫೋಟಕ ಆರಂಭ ನೀಡಿದ್ದರು. ಇವತ್ತು ಸಿಎಸ್​​ಕೆ ವಿರುದ್ಧವೂ, ಕೊಹ್ಲಿ ಮತ್ತು ಸಾಲ್ಟ್​​ರಿಂದ ಅದೇ ಪವರ್​ಫುಲ್​​ ಸ್ಟಾರ್ಟ್​​​ ನಿರೀಕ್ಷಿಸಲಾಗಿದೆ. ಸದ್ಯ ಈ ಇಬ್ಬರು ಬ್ಯಾಟರ್ಸ್,​​​ ಒಳ್ಳೆ ಫಾರ್ಮ್​​ನಲ್ಲಿ ಇರುವಂತೆ ಕಾಣ್ತಿದ್ದಾರೆ. ಇಂದೂ ಕೊಹ್ಲಿ ಮತ್ತು ಸಾಲ್ಟ್ ಚೆನ್ನೈ ವೇಗಿಗಳನ್ನ ಕಾನ್ಫಿಡೆಂಟ್ ಆಗಿ ಫೇಸ್ ಮಾಡಬೇಕಿದೆ.

ಮಿಡಲ್​ ಓವರ್ಸ್​ನಲ್ಲೇ RCBಗೆ 'ಟೆಸ್ಟಿಂಗ್' ಟೈಮ್..!

T20 ಕ್ರಿಕೆಟ್​ನಲ್ಲಿ ಮಿಡಲ್ ಓವರ್ಸ್​, ತುಂಬಾ ಕ್ರೂಶಿಯಲ್. ಹಾಗಾಗಿ ಓವರ್ ನಂಬರ್ 7 ರಿಂದ 15ನೇ ಓವರ್​​ವರೆಗೂ, ಆರ್​ಸಿಬಿ ಬ್ಯಾಟರ್ಸ್​ಗೆ ಟೆಸ್ಟಿಂಗ್ ಟೈಮ್ ಆಗಿರುತ್ತೆ. ನಾಯಕ ರಜತ್​ ಪಟಿದಾರ್, ಲಿಯಾಮ್ ಲಿವಿಂಗ್​ಸ್ಟೋನ್, ಜಿತೇಶ್ ಶರ್ಮಾ ಮತ್ತು ಟಿಮ್ ಡೇವಿಡ್, ಮುಮೆಂಟಮ್​​ನ ಬಿಲ್ಡ್​​ ಮಾಡಬೇಕಿದೆ. ಸಿಎಸ್​​ಕೆ ಕ್ವಾಲಿಟಿ ಸ್ಪಿನ್ ಅಟ್ಯಾಕ್​ಗೆ, ತಕ್ಕ ಉತ್ತರ ನೀಡಬೇಕಿದೆ.

ಕೃನಾಲ್, ಸುಯೇಶ್​ರಿಂದ 'ಇಂಪ್ಯಾಕ್ಟ್' ಸ್ಪೆಲ್​ ನಿರೀಕ್ಷೆ ​..!​​​​​​​​

ಚೆಪಾಕ್​​ನ ಸ್ಪಿನ್ ಫ್ರೆಂಡ್ಲಿ ಟ್ರ್ಯಾಕ್​​ನಲ್ಲಿ ಎಡಗೈ ಸ್ಪಿನ್ನರ್ ಕೃನಾಲ್ ಪಾಂಡ್ಯ ಮತ್ತು ಲೆಗ್​ಸ್ಪಿನ್ನರ್ ಸುಯೇಶ್ ಶರ್ಮಾರಿಂದ ಇಂಪ್ಯಾಕ್ಟ್​​​ ಸ್ಪೆಲ್ ನೋಡಲು ಅಭಿಮಾನಿಗಳು ಕಾಯ್ತಿದ್ದಾರೆ. ಈ ಪಿಚ್​ನಲ್ಲಿ ಕೃನಾಲ್-ಸುಯೇಶ್ ಜೋಡಿ ಕ್ಲಿಕ್ ಆಗಿದ್ದೇ ಆದ್ರೆ, ಸಿಎಸ್​​ಕೆ ಬ್ಯಾಟರ್ಸ್​ ಹೋಂ ಪಿಚ್​ನಲ್ಲಿ ಪರದಾಡೋದು ಗ್ಯಾರಂಟಿ. ​ ​​​ ​

ಸ್ವಿಂಗ್ ಕಿಂಗ್ ಭುವನೇಶ್ವರ್ 'ಫಿಟ್'..! ಆಡೋದು 'ಡೌಟ್'..!

ಗಾಯದ ಕಾರಣ ಮೊದಲ ಪಂದ್ಯಕ್ಕೆ ಅಲಭ್ಯರಾಗಿದ್ದ ವೇಗಿ ಭುವನೇಶ್ವರ್ ಕುಮಾರ್, ಇದೀಗ ಫುಲ್ ಫಿಟ್ ಆಗಿದ್ದಾರೆ. ಆದ್ರೆ ಭುವಿ, ಸಿಎಸ್​ಕೆ ವಿರುದ್ಧ ಆಡೋದು ಅನುಮಾನ ಎನ್ನಲಾಗ್ತಿದೆ. ಕಾರಣ, ಈ ಪಿಚ್​​​​​​​​​​ ಸ್ಪಿನ್ ಫ್ರೆಂಡ್ಲಿ ಆಗಿರೋದ್ರಿಂದ ಆರ್​ಸಿಬಿ ಎಕ್ಸ್ಟ್ರಾ ಸ್ಪಿನ್ನರ್​​ ಮೊರೆ ಹೋಗೋ ಸಾಧ್ಯತೆ ಇದೆ. ಅಥವಾ ಮೊದಲ ಪಂದ್ಯದಲ್ಲಿ ಆಡಿದ್ದ ಬೌಲಿಂಗ್ ಅಟ್ಯಾಕ್​ಅನ್ನೇ, ಮುಂದುವರೆಸಲಿದೆ.

ಇದನ್ನೂ ಓದಿ:CSK ವಿರುದ್ಧದ ಪಂದ್ಯಕ್ಕೆ ಭುವಿ ಫಿಟ್, ಪ್ಲೆಯಿಂಗ್- 11ನಿಂದ ಕೊಕ್ ಯಾರಿಗೆ..?

ಚೆಪಾಕ್​ನಲ್ಲಿ ಸಿಎಸ್​​ಕೆ ವಿರುದ್ಧ ಸತತ 8 ಸೋಲು..!

ಚೆನ್ನೈನ ಚೆಪಾಕ್ ಪಿಚ್, ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡಕ್ಕೆ ಅನ್​ಲಕ್ಕಿ. ಅದ್ರಲ್ಲಿ ಯಾವುದೇ ಅನುಮಾನ ಬೇಡ. 2008ರಲ್ಲಿ ರಾಹುಲ್ ದ್ರಾವಿಡ್ ನಾಯಕತ್ವದಲ್ಲಿ ಆರ್​ಸಿಬಿ, ಸಿಎಸ್​​​ಕೆ ವಿರುದ್ಧ ಗೆಲುವು ದಾಖಲಿಸಿತ್ತು. ಅದು ಬಿಟ್ರೆ, ಕಳೆದ 8 ಪಂದ್ಯಗಳಲ್ಲಿ ಆರ್​ಸಿಬಿ ಸಿಎಸ್​​ಕೆ ವಿರುದ್ಧ ಸತತ ಸೋಲು ಅನುಭವಿಸಿದೆ. ಇವತ್ತು ಬೆಂಗಳೂರು ತಂಡ, ಸೂಪರ್​ಕಿಂಗ್ಸ್​​ ವಿರುದ್ಧ ಸೋಲಿನ ಜಿಂಕ್ಸ್​ನಿಂದ ಹೊರಬರಬೇಕಿದೆ.

ಚೆಪಾಕ್​​​​​ ಪಿಚ್​ಗೆ, ಸಿಎಸ್​​ಕೆ ಹೇಳಿ ಮಾಡಿಸಿದ ತಂಡ. ಇವತ್ತು ಚೆನ್ನೈ ಸೂಪರ್​​ಕಿಂಗ್ಸ್​​ ಆರ್​ಸಿಬಿ ವಿರುದ್ಧ ಗೆಲ್ಲೋ ಫೇವರಿಟ್ಸ್​ ಆದ್ರೂ, ಇಂಡಿಯನ್ ಪಾಸಿಬಲ್ ಲೀಗ್​ನಲ್ಲಿ ಏನ್ ಬೇಕಾದ್ರೂ ಆಗಬಹುದು..!​​​​​

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ