Cyclone Dana: ಸ್ಮಾರ್ಟ್​ಫೋನ್​​ನಲ್ಲಿ ಚಂಡಮಾರುತ ಚಲನೆಯನ್ನೇ ಟ್ರ್ಯಾಕ್​ ಮಾಡಿ! ಹೇಗೆ ಗೊತ್ತಾ?

ಬಂಗಾಳಕೊಳ್ಳಿಯಲ್ಲಿ ಉಂಟಾದ ಚಂಡಮಾರುತದಿಂದ ಭಾರತದ ಉದ್ದಗಲಕ್ಕೂ ಮಳೆಯಾಗುತ್ತಿದೆ. ಹವಮಾನ ಇಲಾಖೆ ಈ ಚಂಡಮಾರುತಕ್ಕೆ ‘ಡಾನಾ’ ಎಂದು ಹೆಸರಿಟ್ಟಿದ್ದು, ಅದರ ಮೇಲೆ ಕಣ್ಣಿಟ್ಟಿದೆ. ‘ಡಾನಾ’ದಿಂದ ಕೆಲವೆಡೆ ಮಳೆ ನಿರಂತರ ಸುರಿಯುತ್ತಿದ್ದು, ಇದರಿಂದ ಜನರು ಸಂಕಷ್ಟ ಅನುಭವಿಸುತ್ತಿದ್ದಾರೆ. ಆದರೆ ಈ ಚಂಡಮಾರುತದ ಚಲನೆಯನ್ನು ಸ್ಮಾರ್ಟ್​ಫೋನ್​ನಲ್ಲೇ ಟ್ರ್ಯಾಕ್​ ಮಾಡಬಹುದಾಗಿದೆ. ಅದರ ಭೀಕರತೆ ಎಷ್ಟಿರುತ್ತೆ ಎಂದು ಕೆಲವು ಆ್ಯಪ್​ಗಳ ಮೂಲಕ ಮುಂಚಿತವಾಗಿಯೇ ತಿಳಿದುಕೊಳ್ಳಬಹುದಾಗಿದೆ. ಅದಕ್ಕಾಗಿ ಕೆಲವೊಂದು ಆ್ಯಪ್​ಗಳಿದ್ದು, ಅದರ ಮೂಲಕ ಸೂಕ್ತ ಮಾಹಿತಿ ಪಡೆಯಬಹುದಾಗಿದೆ.

ಸೈಕ್ಲೋನ್​ ಕುರಿತ ಮಾಹಿತಿ ನೀಡುವ ಆ್ಯಪ್​ಗಳಿವು

1. ಜೂಮ್ ಅರ್ಥ್ (Zoom Earth): ಚಂಡಮಾರುತವನ್ನು ಟ್ರ್ಯಾಕ್​ ಮಾಡುವ ಆ್ಯಪ್​ ಇದಾಗಿದೆ. ಸೈಕ್ಲೋನ್​​ ಪ್ರಸ್ತುತ ಇರುವ ಸ್ಥಳ ಮತ್ತು ಚಲನೆಯನ್ನು ನೋಡಲು ಅನುಮತಿಸುತ್ತದೆ. ಗೂಗಲ್​ ಪ್ಲೇ ಸ್ಟೋರ್​ನಲ್ಲಿ ಈ ಆ್ಯಪ್​ ಬಳಕೆಗೆ ಸಿಗುತ್ತಿದೆ

2. ವಿಂಡಿ.ಕಾಮ್​ (Windy.com): ಈ ಅಪ್ಲಿಕೇಶನ್​ ಮತ್ತು ವೆಬ್​ಸೈಟ್​ ಮೂಲಕ ಸೈಕ್ಲೋನ್‌ಗಳ ನೈಜ-ಸಮಯದ ಟ್ರ್ಯಾಕಿಂಗ್ ಪಡೆಯಬಹುದಾಗಿದೆ. ಇದು ಸುಮಾರು 700,000 ಬಳಕೆದಾರರ ವಿಮರ್ಶೆಗಳನ್ನು ಸ್ವೀಕರಿಸಿದೆ. ಸುಮಾರು 10 ಮಿಲಿಯನ್ ಡೌನ್‌ಲೋಡ್‌ ಕಂಡಿದೆ.

ಇದನ್ನೂ ಓದಿ: ಹಬೀಬಿ.. ಉಬರ್​ನಲ್ಲಿ ಇನ್ಮುಂದೆ ಒಂಟೆ ರೈಡ್​​ ಮಾಡ್ಬೋದು!

3. ವಿಂಡ್‌ಫೈಂಡರ್ (windfinder) : ಈ ಅಪ್ಲಿಕೇಶನ್ ಅನ್ನು 5 ಮಿಲಿಯನ್‌ಗಿಂತಲೂ ಹೆಚ್ಚು ಬಾರಿ ಡೌನ್‌ಲೋಡ್ ಮಾಡಲಾಗಿದೆ ಮತ್ತು 4.7-ಸ್ಟಾರ್ ರೇಟಿಂಗ್ ಪಡೆದಿದೆ. ಗೂಗಲ್​ ಪ್ಲೇ ಸ್ಟೋರ್​ನಲ್ಲಿ ಡೌನ್​ಲೋಡ್​ಗೆ ಸಿಗಲಿದೆ.

4. ವಿಂಡಿ.ಆ್ಯಪ್​ (Windy.app) : ಇದು ಕೂಡ ಚಂಡಮಾರುತದ ಕುರಿತು ಮಾಹಿತಿ ಒದಗಿಸುತ್ತದೆ. ಸುಮಾರು 5 ಮಿಲಿಯನ್ ಡೌನ್‌ಲೋಡ್‌ಗಳನ್ನು ಕಂಡಿರುವ ಈ ಆ್ಯಪ್ ಅನ್ನು ಅನೇಕರು ಬಳಸುತ್ತಿದ್ದಾರೆ. ಗೂಗಲ್​ ಪ್ಲೇ ಸ್ಟೋರ್​ನಲ್ಲಿ 4.8 ರೇಟಿಂಗ್​ ಪಡೆದಿದೆ.

ಇದನ್ನೂ ಓದಿ: ಬೆಂಗಳೂರಲ್ಲಿ ನಿಲ್ಲದ ಮಳೆ ಅವಾಂತರ.. ಆಟೋ, ಬೈಕ್‌ ಮೇಲೆ ಬಿದ್ದ ಮರ, ಮುಂದುವರೆದ ರಕ್ಷಣಾ ಕಾರ್ಯ

5. ಮೈ ಹರಿಕೇನ್ ಟ್ರ್ಯಾಕರ್ ಮತ್ತು ಅಲರ್ಟ್​ (My Hurricane Tracker & Alerts) : ಈ ಆ್ಯಪ್​ ಕೂಡ ಚಂಡಮಾರುತಗಳು ಮತ್ತು ಚಂಡಮಾರುತಗಳನ್ನು ಟ್ರ್ಯಾಕಿಂಗ್ ಮಾಡುವ ವೈಶಿಷ್ಟ್ಯತೆಯನ್ನು ಹೊಂದಿದೆ. 4.7 ಸ್ಟಾರ್‌ಗಳ ರೇಟಿಂಗ್ ಜೊತೆಗೆ ಗೂಗಲ್​ ಪ್ಲೇ ಸ್ಟೋರ್​ನಲ್ಲಿ ಡೌನ್​​​ಲೋಡ್​ಗೆ ಸಿಗುತ್ತಿದೆ.

6. ದಿ ವೆದರ್ ಚಾನೆಲ್ (The weather Channel) : ಇದು ಹವಾಮಾನ ಕುರಿತು ಮಾಹಿತಿ ನೀಡುವ ಅಪ್ಲಿಕೇಶನ್. ಗೂಗಲ್​ ಪ್ಲೇ ಸ್ಟೋರ್​ನಲ್ಲಿ 4.7 ಸ್ಟಾರ್‌ಗಳ ರೇಟಿಂಗ್ ಹೊಂದಿದೆ. ಇದು ಸೈಕ್ಲೋನ್‌ಗಳ ನೈಜ-ಸಮಯದ ಟ್ರ್ಯಾಕಿಂಗ್ ಕುರಿತು ಮಾಹಿತಿ ಒದಗಿಸುತ್ತದೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ