ಇಂದು ಡಾಲಿ ಧನಂಜಯ್, ವೈದ್ಯೆ ಧನ್ಯತಾ ಸಪ್ತಪದಿ; ಕೆಲವೇ ಕ್ಷಣಗಳಲ್ಲಿ ಮಾಂಗಲ್ಯ ಧಾರಣೆ

ಮೈಸೂರು: ಸ್ಯಾಂಡಲ್​ವುಡ್ ಡಾಲಿ ಕಲ್ಯಾಣೋತ್ಸವ ಸಂಭ್ರಮಕ್ಕೆ ಸಾಂಸ್ಕೃತಿಕ ನಗರಿ ಸಾಕ್ಷಿಯಾಗಿದೆ. ಅದ್ಧೂರಿ ಅರತಕ್ಷತೆಯಲ್ಲಿ ಚಂದನವನದ ನಟ-ನಟಿಯರು ಭಾಗಿಯಾಗಿ ಶುಭ ಹಾರೈಸಿದ್ದಾರೆ. ಇಂದು ಡಾಕ್ಟರ್-ಌಕ್ಟರ್ ವಿವಾಹವಾಗಲಿದ್ದು, ಬೆಳಗ್ಗೆಯಿಂದಲೇ ಮದುವೆ ಶಾಸ್ತ್ರಗಳು ಆರಂಭವಾಗಿದೆ.

ಟಗರು ಡಾಲಿ ಬದುಕಲ್ಲಿ ಪ್ರೇಮದ ಮಾನ್ಸೂನ್ ರಾಗ ಬೀಸ್ತಿದೆ. ಮೈಸೂರಲ್ಲಿ ಧನಂಜಯ್-ಧನ್ಯತಾ ಮದುವೆ ಸಂಭ್ರಮ ಕಳೆಗಟ್ಟಿದೆ. ಶಾಸ್ತ್ರಗಳ ಸಡಗರ.. ಅರತಕ್ಷತೆಯ ಅಬ್ಬರ.. ನಮ್ಮ ಡಾಲಿ ಮದುವೆ ಬಲು ಜೋರು .. ಜೋರು!

ಌಕ್ಟರ್​.. ಡಾಕ್ಟರ್​ ಕಂಕಣಕ್ಕೆ ಇನ್ನೇನು ಕೆಲವೇ ಕ್ಷಣಗಳು ಮಾತ್ರ ಬಾಕಿಯಿದೆ. ಇನ್ನೆರಡು ಗಂಟೆಯಲ್ಲಿ ಹಸೆಮಣೆ ತುಳಿಯಲಿರೋ ಜೋಡಿ ಬೆಳಗ್ಗೆಯಿಂದಲೇ ಶಾಸ್ತ್ರಗಳ ಸಡಗರದಲ್ಲಿ ಮಿಂದೆಳ್ತಿದೆ. ಡಾಲಿ-ಧನ್ಯತಾ ಹಸೆಮಣೆ ಏರ್ತಿರೋ ಲಗ್ನ ತುಂಬ ವಿಶೇಷವಾದ ಲಗ್ನವಂತೆ. ಲಕ್ಷ ದೋಷ ಇದ್ರೂ ನಿವಾರಣೆ ಆಗೋ ಲಗ್ನ ಇದಂತೆ. ಬೆಳಗ್ಗೆ 8 ಗಂಟೆಯಿಂದ 10.30ರ ತನಕ ಲಗ್ನ ಇದೆ. ಗಣಪತಿ ಚೌತಿ ಇರೋದ್ರಿಂದ ಈ ಲಗ್ನ ತುಂಬಾ ಸ್ಪೆಷಲ್ ಅನ್ನೋದು ಪುರೋಹಿತರ ಮಾತು. ಈ ವಿಶೇಷ ಲಗ್ನದಲ್ಲಿ ಡಾಲಿ ಬದುಕು ವಿವಾಹದ ಮೂಲಕ ಧನ್ಯವಾಗಲಿದೆ.

ರೆಸೆಪ್ಷನ್​​ಗೆ ಸ್ಯಾಂಡಲ್​ವುಡ್​ ಗಣ್ಯರು

ಇನ್ನೂ, ರಾತ್ರಿ ಮೈಸೂರಿನಲ್ಲಿ ಆರಕ್ಷತೆ ಅದ್ಧೂರಿಯಾಗಿ ನಡೆದಿದೆ. ಸ್ಯಾಂಡಲ್​ವುಡ್​ನ ಗಣ್ಯರು, ರಾಜಕೀಯ ಮುಖಂಡರು, ಆಪ್ತರು ಆಗಮಿಸಿ ಶುಭ ಹಾರೈಸಿದ್ರು. ರೋರಿಂಗ್ ಸ್ಟಾರ್ ಶ್ರೀಮುರುಳಿ ಡಾಲಿಗೆ ಜೋಡಿಗೆ ವಿಶ್ ಮಾಡಿ ಮ್ಯಾರೇಜ್ ಲೋಕಕ್ಕೆ ವೆಲ್​ಕಮ್ ಮಾಡಿದ್ರು. ಇದರ ಜೊತೆಗೆ ನಟರಾದ ಉಪೇಂದ್ರ, ಅಜಯ್ ರಾವ್, ಅಭಿಷೇಕ್ ಅಂಬರೀಶ್ ಸೇರಿ ಹಲವರು ಆಗಮಿಸಿ ಡಾಲಿ ಆರತಕ್ಷತೆಗೆ ಸಾಕ್ಷಿಯಾದ್ರು.

ಧನಂಜಯ್-ಧನ್ಯತಾ ಅದ್ಧೂರಿ ಆರತಕ್ಷತೆಗೆ ನಟಿಯರ ದಂಡೇ ಹರಿದು ಬಂದಿತ್ತು. ಶರ್ಮಿಳಾ ಮಾಂಡ್ರೆ, ಸಪ್ತಮಿ ಗೌಡ, ರಕ್ಷಿತಾ ಪ್ರೇಮ್, ಶ್ರದ್ಧಾ ಶ್ರೀನಾಥ್, ನಿಧಿ ಸುಬ್ಬಯ್ಯ ಸೇರಿ ಹಲವರು ಆಗಮಿಸಿ ವಿಶ್ ಮಾಡಿದ್ರು. ಇನ್ನುಳಿದಂತೆ ಮಾಳವಿಕ ಅವಿನಾಶ್, ರಂಗಾಯಣ ರಘು, ಆಲ್​ ಓಕೆ, ಪ್ರಥಮ್ ಹೀಗೆ ಸಿನಿಮಂದಿಯ ದಂಡೇ ರಿಸೆಪ್ಶನ್​ನಲ್ಲಿ ಹರಿದುಬಂದಿತ್ತು.

ರಾಜ್ಯಪಾಲರಾದ ಥಾವರ್​​ಚಂದ್ ಗೆಹ್ಲೋಟ್, ​ಅಶ್ವತ್ಥ್ ನಾರಾಯಣ್, ಶ್ರೀರಾಮುಲು, ಸೋಮಣ್ಣ ಸೇರಿ ಹಲವು ರಾಜಕೀಯ ಮುಖಂಡರು ಕಾರ್ಯಕ್ರಮದಲ್ಲಿ ಭಾಗಿಯಾಗಿ ನವಜೋಡಿಗೆ ಶುಭ ಹಾರೈಸಿದ್ರು. ಸಚಿವ ಜಮೀರ್ ಕೂಡ ಆಗಮಿಸಿದ್ದು, ವೇದಿಕೆಯಲ್ಲಿ ವಿಶ್ ಮಾಡಿದ ಬಳಿಕ ಧನಂಜಯ್​ಗೆ ಸಿಹಿಮುತ್ತೊಂದನ್ನ ನೀಡಿ ಹಾರೈಸಿದ್ರು

ಅದ್ಧೂರಿ ಆರತಕ್ಷತೆ ಮುಗಿಸಿರೋ ಡಾಲಿ-ಧನ್ಯಾ ಜೋಡಿ ಇದೀಗ ಸಪ್ತಪದಿ ತುಳಿಯೋದಕ್ಕೆ ಸಜ್ಜಾಗಿದ್ದಾರೆ. ಡಾಕ್ಟರ್​, ಆ್ಯಕ್ಟರ್​ ಕೆಲವೇ ಕ್ಷಣಗಳಲ್ಲಿ ಅಧಿಕೃತವಾಗಿ ಸತಿಪತಿಯಾಗಲಿದ್ದು, ಹೊಸ ಜೀವನಕ್ಕೆ ಕಾಲಿಡಲಿದ್ದಾರೆ.

ಇದನ್ನೂ ಓದಿ:ದೆಹಲಿ ರೈಲು ನಿಲ್ದಾಣದಲ್ಲಿ ಭೀಕರ ಕಾಲ್ತುಳಿತ; ಕುಂಭಮೇಳಕ್ಕೆ ಹೋಗುತ್ತಿದ್ದ 18 ಮಂದಿ ನಿಧನ

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ