ಒಂದೇ ಸಲ ಎರಡೂ ಮೂರು ಕೆಲಸ ಮಾಡುವ ಆಲೋಚನೆ ಬೇಡ

ಆಸ್ತಿಯ ಖರೀದಿ, ಮಾರಾಟ ಒಂದಷ್ಟು ಚಟುವಟಿಕೆಗಳು ನಡೆಯಲಿದೆ

ನಿಮ್ಮ ವೈಯಕ್ತಿಕ ಜೀವನಕ್ಕೆ ಬೇಕಾದ ವಸ್ತುಗಳನ್ನು ಖರೀದಿ ಮಾಡುತ್ತೀರಿ

ಉಜ್ವಲ ಬದುಕಿಗೆ ಒಂದು ಕನಸು.. ಆ ಸುಂದರ ಕನಸಿಗೆ ಉತ್ತಮ ಭವಿಷ್ಯ ಇರಬೇಕು. ರಾಶಿ ಯಾವುದಾಗಿದ್ದರೇನು? ಕನಸು ನನಸು ಮಾಡಿಕೊಂಡು ಬದುಕಿನ ಸಾರ್ಥಕತೆಯ ಫಲ ಅನುಭವಿಸಬೇಕು ಅಂದರೆ ಅದಕ್ಕೆ ಪರಿಶ್ರಮ ಬೇಕೇಬೇಕು. ಈ ಪರಿಶ್ರಮಕ್ಕೆ ಒಂದಷ್ಟು ಒಳ್ಳೆಯ ಕೆಲಸಗಳ ಅನಿವಾರ್ಯತೆ ಬೆಸೆದುಕೊಂಡು ಬರುತ್ತವೆ. ವ್ಯಾಪಾರ, ಉದ್ಯೋಗ, ಹಣ, ಮದುವೆ, ಸಮಾರಂಭ, ಪ್ರವಾಸ, ಪ್ರೀತಿ, ಪ್ರೇಮ ಸೇರಿದಂತೆ ಸುಂದರ ಕನಸಿನ ಸಾಕಾರಕ್ಕಾಗಿ ಅದೆಷ್ಟೋ ಮಂದಿ ರಾಶಿ ಭವಿಷ್ಯ ನೋಡುವ ವಾಡಿಕೆ ಇದೆ. ಆ ನಿಮ್ಮ ಭವಿಷ್ಯದ ರಾಶಿಫಲ ಇಲ್ಲಿದೆ. ಖ್ಯಾತ ತಾಳೇಗರಿ ತಜ್ಞರು ಹಾಗೂ ಜ್ಯೋತಿಷಿಯಾಗಿರುವ ಡಾ.ಬೆಳವಾಡಿ ಹರೀಶ ಭಟ್ಟರು ನೀಡಿರುವ ನಿಮ್ಮ ರಾಶಿ ಭವಿಷ್ಯ ಈ ಕೆಳಗಿನಂತಿದೆ. 

ಶ್ರೀ ಕ್ರೋಧಿನಾಮ ಸಂವತ್ಸರ, ಉತ್ತರಾಯಣ, ವಸಂತ ಋತು, ಚೈತ್ರ ಮಾಸ, ಕೃಷ್ಣ ಪಕ್ಷ, ಏಕಾದಶಿ ತಿಥಿ, ಪೂರ್ವಾಭಾದ್ರಾ ನಕ್ಷತ್ರ, ರಾಹುಕಾಲ ಬುಧವಾರ ಮಧ್ಯಾಹ್ನ 12.00 ರಿಂದ 1.30 ರವರೆಗೆ ಇರಲಿದೆ.

ಮೇಷ ರಾಶಿ

•  ವ್ಯಾವಹಾರಿಕವಾಗಿ ಸಮಾಜದಲ್ಲಿ ನಮ್ಮ ವ್ಯವಹಾರವನ್ನು ಮುಂದುವರೆಸಲು ಬುದ್ದಿವಂತಿಕೆ, ಬಂಡವಾಳ ಮುಖ್ಯವಾಗಲಿದೆ
• ಜನ ನಿಮ್ಮ ವ್ಯವಹಾರವನ್ನು ಮೆಚ್ಚಿಕೊಳ್ಳುತ್ತಾರೆ
• ಒಂದೇ ಸಲ ಎರಡೂ ಮೂರು ಕೆಲಸ ಮಾಡುವ ಆಲೋಚನೆ ಬೇಡ
• ರಕ್ತದೊತ್ತಡ ಹೆಚ್ಚಾಗಿ ಇರುವ ರೋಗಿಗಳಿಗೆ ತೊಂದರೆಯಾಗಬಹುದು
• ಹೆಚ್ಚು ಔಷಧಿ ತೆಗೆದುಕೊಂಡು ಆರೋಗ್ಯಕ್ಕೆ, ಜೀವಕ್ಕೆ ಹಾನಿ ಮಾಡಿಕೊಳ್ಳುತ್ತೀರಿ ಎಚ್ಚರಿಕೆವಹಿಸಿ
• ಔಷಧಿಯನ್ನು ಪ್ರತಿನಿತ್ಯ ಉಪಯೋಗಿಸುವವರು ಜಾಗ್ರತೆವಹಿಸಿ
• ದುರ್ಗಾ ಪರಮೇಶ್ವರಿಯನ್ನು ಪ್ರಾರ್ಥನೆ ಮಾಡಿ

ವೃಷಭ

• ಆಸ್ತಿಯ ಖರೀದಿ, ಮಾರಾಟ ಒಂದಷ್ಟು ಚಟುವಟಿಕೆಗಳು ನಡೆಯಲಿದೆ
• ಕಾನೂನಿನ ಚೌಕಟ್ಟಿನಿಂದ ಮಾಡುವ ವ್ಯವಹಾರವು ಮನಸ್ಸಿಗೆ ಸಮಾಧಾನ ಕೊಡಲಿದೆ
• ವಿದ್ಯಾರ್ಥಿಗಳು ಭವಿಷ್ಯದ ಬಗ್ಗೆ ಹೆಚ್ಚು ತಲೆಯನ್ನು ಕೆಡಿಸಿಕೊಳ್ಳುತ್ತಾರೆ
• ಈ ದಿನ ನಾಸ್ತಿಕತೆಯೂ ಬೇಡ
• ಇಂದು ಸತ್ಯ ಶೋಧನೆ ಮಾಡಿ
• ನಿಮ್ಮ ಜೀವನದಲ್ಲಿ ಸತ್ಯ ಸಾಧನ ಸತ್ಯ ಶೋಧನೆ ಎರಡೂ ಆಗಲಿ
• ಸಾಧನೆ ಮಾಡಿದ ಮಹನೀಯರ ಜೀವನ ಚರಿತ್ರೆಯನ್ನು ಓದಿ

ಮಿಥುನ

• ಯಾವುದೊ ಜಾಹಿರಾತು, ವ್ಯಕ್ತಿಯ ಬೆಳವಣಿಗೆ, ಲಾಭ ಬೇರೆಯವರನ್ನ ನೋಡಿ ಶ್ರೀಮಂತನಾಗುವ
• ಆಲೋಚನೆಯಿಂದ ಹೊರ ಬರಬೇಕು
• ಜೀವನ ಶೈಲಿಯಲ್ಲಿ ಬದಲಾವಣೆಗೆ ಅವಕಾಶ ಮಾಡಿಕೊಡಿ
• ಬೇರೆಯವರಿಗೆ ನಿಮ್ಮನ್ನು ಹೋಲಿಕೆ ಮಾಡಿಕೊಳ್ಳಬೇಡಿ
• ಆಂಜನೇಯ ಸ್ವಾಮಿಯನ್ನು ಪ್ರಾರ್ಥನೆ ಮಾಡಿ

ಕಟಕ

• ಬೇರೆ ಅನುಕೂಲತೆ, ಸಮಾಧಾನವಿದ್ದರೂ ಕೂಡ ಆರೋಗ್ಯದ ದೃಷ್ಟಿಯಿಂದ ಮನಸ್ಸಿಗೆ ಸಮಾಧಾನವಿಲ್ಲ
• ಮೂಳೆಗೆ, ನರಕ್ಕೆ ಸಂಬಂಧಪಟ್ಟಂತೆ ಸಮಸ್ಯೆಗಳು ಕಾಡಬಹುದು ತಾತ್ಸಾರ ಬೇಡ
• ಇಂದು ಹಳೆಯ ನೋವು ಉಲ್ಬಣವಾಗಲಿದೆ
• ಕಾನೂನಾತ್ಮಕ ವಿಚಾರಗಳು ಎದುರಾದರೆ ಕಾನೂನಿನ ಚೌಕಟ್ಟಿನಲ್ಲೇ ಹೋರಾಟ ಮಾಡಿ
• ಇಂದು ಆತುರವಾದ ನಿರ್ಧಾರ ಮಾಡಬೇಡಿ ತಾಳ್ಮೆಯಿಂದಿರಿ
• ಖರೀದಿ ಮಾಡಬೇಕೆಂದರೆ ಮನೆ, ನಿವೇಶನ, ಭೂಮಿ, ವಾಹನ, ಚಿನ್ನದ ಖರೀದಿಗೆ ಅನುಭವವಿರುವವರ ಜೊತೆ
• ಹೋಗಿ ಇಲ್ಲದೆ ಇದ್ದರೆ ಮೋಸಕ್ಕೆ ಒಳಗಾಗುತ್ತೀರಿ
• ಅಂಬಾ ಭವಾನಿಯನ್ನು ಪ್ರಾರ್ಥನೆ ಮಾಡಿ

ಸಿಂಹ

• ನಿಮ್ಮ ಆಲಸ್ಯದಿಂದ ಇಂದು ಮಾಡಬೇಕಾದ ಕೆಲಸವನ್ನು ನಾಳೆಗೆ ಮುಂದೂಡುತ್ತೀರಿ
• ನಿಮ್ಮ ವೈಯಕ್ತಿಕ ಜೀವನಕ್ಕೆ ಬೇಕಾದ ವಸ್ತುಗಳನ್ನು ಖರೀದಿ ಮಾಡುತ್ತೀರಿ
• ಉದ್ಯೋಗದಲ್ಲಿ ನಿಮ್ಮ ಹಕ್ಕು, ಜವಾಬ್ದಾರಿ, ಕರ್ತವ್ಯ ಹೆಚ್ಚಾಗಲಿದೆ
• ನೌಕರಿಯ ಭದ್ರತೆಯ ಬಗ್ಗೆ ಸಮಾಧಾನವಿರಲಿದೆ
• ಮಕ್ಕಳಿಗೆ ಸಿಹಿ ತಿಂಡಿಯನ್ನು ಕೊಡಿ
• ಕುಲದೇವತಾ ಆರಾಧನೆ ಮಾಡಿ

ಕನ್ಯಾ

• ವಿದ್ಯಾರ್ಥಿಗಳಿಗೆ ತುಂಬಾ ಒಳ್ಳೆಯ ದಿನ
• ನಿಮಗೆ ಯಾವ ವಿಷಯದಲ್ಲಿ ಅನುಮಾನ ಇದ್ಯೋ ಅದರ ಬಗ್ಗೆ ಚರ್ಚೆ ಮಾಡಬೇಡಿ
• ಹೃದ್ರೋಗಿಗಳಿಗೆ ಸಮಸ್ಯೆಗಳು ಕಾಡಬಹುದು
• ಆರೋಗ್ಯದಲ್ಲಿ ಎಲ್ಲವು ಚೆನ್ನಾಗಿದೆಯೆಂದರೆ ಸಮಸ್ಯೆ ಇದೆ ಎಂದು ತಿಳಿಯುವ ದಿನವಾಗಿರುತ್ತದೆ
• ಆರೋಗ್ಯದಲ್ಲಿ ವ್ಯತ್ಯಾಸ ಕಂಡರೂ ವೈದ್ಯರ ಸಲಹೆ ಪಡೆಯಿರಿ
• ಔಷದೋಪಚಾರವನ್ನು ಸ್ವಯಂ ವೈದ್ಯರಾಗಿ ಮಾಡಬೇಡಿ
• ಸೂರ್ಯನಾರಾಯಣನನ್ನು ಪ್ರಾರ್ಥನೆ ಮಾಡಿ

ತುಲಾ

• ಬಹಳ ಬುದ್ಧಿವಂತಿಕೆಯಿಂದ ಎಲ್ಲಾ ಕೆಲಸಗಳನ್ನು ನಿಭಾಯಿಸುತ್ತೀರಿ
• ಅದೃಷ್ಟ, ಬುದ್ಧಿವಂತಿಕೆ ಜೊತೆಯಲ್ಲಿ ಕೆಲಸ ಮಾಡುವುದರಿಂದ ಯಶಸ್ಸು ಸಿಗಲಿದೆ
• ಕುಟುಂಬದಲ್ಲಿ ಉತ್ತಮವಾದ ವಾತಾವರಣವಿದೆ
• ಮಕ್ಕಳ ಬಗ್ಗೆ ಯೋಚನೆ ಇರುವುದಿಲ್ಲ
• ಮನೆಯ ನವೀಕರಣ, ಆಭರಣದ ಖರೀದಿಯ ಯೋಗ ನಿಮಗಿರಲಿದೆ
• ಮನೆಯನ್ನು ಕಟ್ಟುವ ಚರ್ಚೆ ಮಾಡುತ್ತೀರಿ
• ನವಗ್ರಹರನ್ನು ಪ್ರಾರ್ಥನೆ ಮಾಡಿ

ವೃಶ್ಚಿಕ

• ಯಾವುದೇ ರೀತಿಯ ಬದಲಾವಣೆಯನ್ನು ಜೀವನದಲ್ಲಿ ಕಾಣದೆ, ಅಂದುಕೊಂಡ ಕೆಲಸಗಳು ಆಗದೆ ಇದ್ದರೆ ಅನುಭವಿಗಳ ಮಾರ್ಗದರ್ಶನ ಪಡೆದುಕೊಳ್ಳಿ
• ಅಲ್ಪ ಪ್ರಮಾಣದಲ್ಲಿ ನಿಮ್ಮ ಸ್ವಭಾವವನ್ನು ಬದಲಾವಣೆ ಮಾಡಿಕೊಳ್ಳಿ
• ಕುಟುಂಬದ ದೃಷ್ಟಿಯಿಂದ ಹಸಿವು ಇರುವವರಿಗೆ ಆಹಾರವನ್ನು ನೀಡಿ ಅಗತ್ಯ ಇರುವವರಿಗೆ ಸಹಾಯ ಮಾಡಿ
• ಬದಲಾವಣೆಗೆ ಪ್ರಯತ್ನ ಮಾಡದೆ ಇದ್ದರೆ ಅನುಕೂಲತೆ ಸಿಗುವುದಿಲ್ಲ
• ಆಂಜನೇಯ ಸ್ವಾಮಿಯನ್ನು ಪ್ರಾರ್ಥನೆ ಮಾಡಿ

ಧನುಸ್ಸು

• ಇಂದು ನಿಮ್ಮ ಆರ್ಥಿಕ ಸ್ಥಿತಿ ಚೆನ್ನಾಗಿರಲಿದೆ
• ನಿಮ್ಮ ಅಶಿಸ್ತಿನಿಂದ ಕೆಲವೊಂದನ್ನು ಹಾಳು ಮಾಡಿಕೊಳ್ಳುತ್ತೀರಿ
• ನಿಮ್ಮ ನೌಕರಿಯ ಬಗ್ಗೆ ಎಚ್ಚರಿಕೆಯಿರಲಿ
• ಖರ್ಚಿಗೋಸ್ಕರ ಹಣವನ್ನು ಯಾರ ಹತ್ತಿರ ಪಡೆದುಕೊಳ್ಳುತ್ತಿದ್ದರೊ ಆ ವ್ಯಕ್ತಿ ಹಣವನ್ನು ಕೊಡುವುದು ನಿಲ್ಲಿಸಬಹುದು
• ನಿಮ್ಮ ಬೇಜಾಬ್ದಾರಿ, ಆಲಸ್ಯ, ಹಿನ್ನಡೆಯನ್ನು ಆಸಕ್ತಿಯಿಲ್ಲದೆ ಇರುವುದನ್ನು ಗಮನಿಸಿ ನಿಮಗೆ ಬರಬೇಕಾದ ಸವಲತ್ತು ತಪ್ಪಿ ಹೋಗಬಹುದು
• ಹಣ ಖರ್ಚು ಮಾಡುವುದನ್ನು ಹತೋಟಿಯಲ್ಲಿಟ್ಟುಕೊಳ್ಳಿ
• ವಿದ್ಯಾರ್ಥಿಗಳಿಗೆ ಪ್ಯಾಕೆಟ್ ಮನಿ ಸಿಗುವುದಿಲ್ಲ
• ಲಕ್ಷ್ಮೀ ನಾರಾಯಣ ಹೃದಯ ಸ್ತೋತ್ರವನ್ನು ಶ್ರವಣ ಮಾಡಿ

ಮಕರ

• ವೈಯಕ್ತಿಕವಾದ ಪ್ರತಿಷ್ಠೆಗಾಗಿ ಬೇರೆಯವರನ್ನು ನಿರ್ಲಕ್ಷ್ಯ ಮಾಡುತ್ತೀರಿ
• ಮನೆಯ ಬಗ್ಗೆ ಕಾಳಜಿಯಿಲ್ಲದೆ ಇರುವ ಹಾಗೆ ನಡೆಯುತ್ತೀರಿ
• ಮನೆಯವರು ಬೇಸರಗೊಂಡರೆ ಸರಿಯಾದ ಪ್ರತಿಕ್ರಿಯೆ ನೀಡದೆ ನಿಮ್ಮನ್ನು ಬೇಸರ ಮಾಡುತ್ತಾರೆ
• ನಿರೀಕ್ಷೆಯನ್ನು ಮೀರಿದ ಆದಾಯದ ದಿನ ಗಳಿಕೆಯ ವಾತಾವರಣದಲ್ಲಿ ನೀವು ಮರೆತರೆ ತೊಂದರೆಯಾಗಲಿದೆ
• ರಾಜಕೀಯ ವ್ಯಕ್ತಿಗಳಿಗೆ ಉತ್ತಮವಾದ ಸ್ಥಾನಮಾನ ಸಿಗಲಿದೆ
• ರಾಜಕಾರಣಿಗಳಿಗೆ ಒಳ್ಳೆಯ ವಾತಾವರಣ ಇರಲಿದೆ
• ನಿಮ್ಮ ಕೆಲಸಗಳಲ್ಲಿ ಜಯ ಸಿಗಲಿದೆ
• ಹೊಸದಾಗಿ ರಾಜಕೀಯಕ್ಕೆ ಪ್ರವೇಶ ಮಾಡುವವರಿಗೆ ಅನುಕೂಲವಾದ ದಿನ
• ನಿಮ್ಮ ಸರಿಯಾದ ನಿಲುವು ಎಲ್ಲವನ್ನೂ ಅವಲಂಬಿಸಿರುತ್ತದೆ
• ನಿಮ್ಮ ಕೆಲಸದ ಬಗ್ಗೆ ಮಾತ್ರ ಗಮನಕೊಡಿ
• ಪಾರ್ವತಿ ದೇವಿಯನ್ನು ಪ್ರಾರ್ಥನೆ ಮಾಡಿ

ಕುಂಭ

• ನಿಮಗೆ ಇರುವ ಶಕ್ತಿ ಸಾಮರ್ಥ್ಯಗಳು ಹಲವಾರು ಕೆಲಸಗಳನ್ನು ಮಾಡಲು ಅವಕಾಶಮಾಡಿ ಕೊಡಲಿದೆ
• ಬೇರೆಯವರಿಗೆ, ಸಮಾಜಕ್ಕೆ ಅಂಜಿ ನಿಮ್ಮ ಯಾವುದೇ ಕೆಲಸಗಳಲ್ಲೂ ಮುಂದಾಗುವುದಿಲ್ಲ
• ಹೆದರಿಕೊಂಡು ಕೈ ಕಟ್ಟಿ ಕೂಡುವಂತಹ ಸಮಯ, ಸಂದರ್ಭ ನಿಮ್ಮನ್ನು ಹಿನ್ನಡೆಗೆ ತಳ್ಳುತ್ತದೆ
• ಆಪತ್ತಿನಲ್ಲಿರುವ ಜನರಿಗೆ ಕೈಲಾದ ಸಹಾಯ ಮಾಡಿ
• ಅಪರಿಚಿತರಿಂದ ಹಲ್ಲೆಗೆ ಒಳಗಾಗುತ್ತೀರಿ
• ಕೆಲವರು ಯಾರು ಅಂತ ಗೊತ್ತಿಲ್ಲದೆ ಅದೃಷ್ಟವಶಾತ್ ಆ ವ್ಯಕ್ತಿಗಳು ನಿಮಗೆ ಸಹಾಯ ಮಾಡುತ್ತಾರೆ
• ಮೃತ್ಯುಂಜಯನನ್ನು ಪ್ರಾರ್ಥನೆ ಮಾಡಿ

ಮೀನ

• ಮನಸ್ಸಿಗೆ ಅತೃಪ್ತಿಯ ಭಾವನೆ ಇರುವ ದಿನ
• ಉದ್ಯೋಗದ ದೃಷ್ಟಿಯಿಂದ ಸಮಾಧಾನವಿಲ್ಲ
• ಕೆಲಸವನ್ನು ಬದಲಾಯಿಸುವುದರ ಬಗ್ಗೆ ಆಲೋಚನೆ ಬರಲಿದೆ
• ದುಬಾರಿ ವಸ್ತುಗಳ ಜವಾಬ್ದಾರಿ ನಿಮ್ಮದಾಗಿ ನಷ್ಟವನ್ನು ಅನುಭವಿಸುತ್ತೀರಿ
• ಯಾರೋ ಮಾಡಿದ ತಪ್ಪಿಗೆ ನೀವು ಜವಾಬ್ದಾರರಾಗುತ್ತೀರಿ
• ಈ ದಿನ ವಿನಾಕಾರಣ ಕಾಲಹರಣವಾಗಲಿದೆ
• ಮನಸ್ಸು ಯಾವಾಗ ಸರಿಯಿರುವುದಿಲ್ಲ ಆಗ ಎಲ್ಲದಕ್ಕೂ ಕೂಡ ಕಾರಣವಾಗಲಿದೆ
• ನವಗ್ರಹರನ್ನು ಪ್ರಾರ್ಥನೆ ಮಾಡಿ ಅದರಲ್ಲೂ ಚಂದ್ರ ಗ್ರಹನನ್ನು ಪ್ರಾರ್ಥನೆ ಮಾಡಿ

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ