ಮನೆಯಲ್ಲಿ ಮಂಗಳ ಕಾರ್ಯಗಳು ನಡೆಯುವ ಬಗ್ಗೆ ಚಿಂತನೆ ನಡೆಸುತ್ತೀರಿ

ಬೇರೆ ವ್ಯವಹಾರಕ್ಕೆ ಹಣ ಹೂಡಿಕೆ ಮಾಡುವ ಯೋಜನೆ ಸಫಲವಾಗುತ್ತೆ

ಕೆಲವು ಕೆಲಸಗಳಿಗೆ ಹಣವನ್ನ ಮುಂಗಡ ಕೊಟ್ಟು ಮೋಸ ಹೋಗಬಹುದು

ಉಜ್ವಲ ಬದುಕಿಗೆ ಒಂದು ಕನಸು.. ಆ ಸುಂದರ ಕನಸಿಗೆ ಉತ್ತಮ ಭವಿಷ್ಯ ಇರಬೇಕು. ರಾಶಿ ಯಾವುದಾಗಿದ್ದರೇನು? ಕನಸು ನನಸು ಮಾಡಿಕೊಂಡು ಬದುಕಿನ ಸಾರ್ಥಕತೆಯ ಫಲ ಅನುಭವಿಸಬೇಕು ಅಂದರೆ ಅದಕ್ಕೆ ಪರಿಶ್ರಮ ಬೇಕೇಬೇಕು. ಈ ಪರಿಶ್ರಮಕ್ಕೆ ಒಂದಷ್ಟು ಒಳ್ಳೆಯ ಕೆಲಸಗಳ ಅನಿವಾರ್ಯತೆ ಬೆಸೆದುಕೊಂಡು ಬರುತ್ತವೆ. ವ್ಯಾಪಾರ, ಉದ್ಯೋಗ, ಹಣ, ಮದುವೆ, ಸಮಾರಂಭ, ಪ್ರವಾಸ, ಪ್ರೀತಿ, ಪ್ರೇಮ ಸೇರಿದಂತೆ ಸುಂದರ ಕನಸಿನ ಸಾಕಾರಕ್ಕಾಗಿ ಅದೆಷ್ಟೋ ಮಂದಿ ರಾಶಿ ಭವಿಷ್ಯ ನೋಡುವ ವಾಡಿಕೆ ಇದೆ. ಆ ನಿಮ್ಮ ಭವಿಷ್ಯದ ರಾಶಿಫಲ ಇಲ್ಲಿದೆ. ಖ್ಯಾತ ತಾಳೇಗರಿ ತಜ್ಞರು ಹಾಗೂ ಜ್ಯೋತಿಷಿಯಾಗಿರುವ ಡಾ.ಬೆಳವಾಡಿ ಹರೀಶ ಭಟ್ಟರು ನೀಡಿರುವ ನಿಮ್ಮ ರಾಶಿ ಭವಿಷ್ಯ ಈ ಕೆಳಗಿನಂತಿದೆ. 

ಶ್ರೀ ಶೋಭಕೃತು ನಾಮಸಂವತ್ಸರ, ಉತ್ತರಾಯಣ, ಶಿಶಿರ ಋತು, ಫಾಲ್ಗುಣ ಮಾಸ, ಶುಕ್ಲ ಪಕ್ಷ, ಏಕಾದಶಿ ತಿಥಿ, ಪುಷ್ಯಾ ನಕ್ಷತ್ರ, ರಾಹುಕಾಲ ಬುಧವಾರ ಮಧ್ಯಾಹ್ನ 12.00 ರಿಂದ 1.30 ರವರೆಗೆ ಇರಲಿದೆ.

ಮೇಷ ರಾಶಿ

• ಸ್ನೇಹಿತರ ಮತ್ತು ಬಂಧುಗಳ ಮಧ್ಯದಲ್ಲಿದ್ದ ಗೊಂದಲಗಳು ನಿಮ್ಮ ಮಧ್ಯಸ್ಥಿಕೆಯಲ್ಲಿ ಬಗೆಹರಿಯುವ ಸಾಧ್ಯತೆ
• ವ್ಯಾವಹಾರಿಕ ಮಾತುಕತೆ ಇಂದು ಫಲಪ್ರದವಾಗಬಹುದು
• ಯಾರನ್ನು ಕೂಡ ತುಂಬಾ ನಂಬಬೇಡಿ
• ಇಂದು ಅಪನಿಂದನೆಯೂ ಕೂಡ ಬರುವ ಸಾಧ್ಯತೆ ಇದೆ
• ಸುಖ-ದುಃಖ ಮಾನಪಮಾನಗಳೆರಡನ್ನು ಸಮಾನವಾಗಿ ಸ್ವೀಕರಿಸಿ
• ನಿಮ್ಮ ವ್ಯಕ್ತಿತ್ವ ನಿಮಗೆ ಗೌರವ ತರುತ್ತದೆ
• ಮಹಾ ಗಣಪತಿಯನ್ನು ಪ್ರಾರ್ಥನೆ ಮಾಡಿ

ವೃಷಭ

• ಇಂದು ಬೇರೆಯವರಿಗೆ ಉಪಕಾರ ಮಾಡುತ್ತೀರಿ ಅದರಿಂದ ಶುಭವಾಗಲಿದೆ
• ಇಂದು ಧನಲಾಭ, ಐಶ್ವರ್ಯ ವೃದ್ಧಿ ಆಗುತ್ತದೆ
• ಭೂಮಿ ಖರೀದಿಯ ಚಿಂತನೆ ಮಾಡುತ್ತೀರಿ
• ಶತ್ರುಭಾದೆ ನಿಮ್ಮ ವ್ಯವಹಾರಕ್ಕೆ ಸ್ವಲ್ಪ ಅಡ್ಡಿಯಾಗಬಹುದು
• ಕನಸು ನನಸಾಗುವುದು ಆದರೆ ಸ್ವಲ್ಪ ವಿಳಂಬವಾಗಬಹುದು
• ಸಾಮೂಹಿಕವಾದ ತಿರಸ್ಕಾರ ಮಾಡುವ ಜನರಲ್ಲಿ ನೀವು ಒಬ್ಬರಾಗಿರಬಹುದು
• ಸುಬ್ರಹ್ಮಣ್ಯ ಸ್ವಾಮಿಯನ್ನು ಆರಾಧನೆ ಮಾಡಿ

ಮಿಥುನ

• ಸಂಶೋಧಕರಿಗೆ ಮಹತ್ವಪೂರ್ಣವಾದ ದಿನ
• ನಿಮ್ಮ ಸಾಧನೆಯ ಸಂತೋಷವನ್ನು ಬೇರೆಯವರ ಜೊತೆ ಹಂಚಿಕೊಳ್ಳಲು ಅವಕಾಶವಿದೆ
• ಸಹೋದರರ ಜೊತೆ ಕಲಹವಾಗುವುದರಿಂದ ಸಮಾಧಾನವಾಗಿದ್ದರೆ ಒಳಿತು
• ಅಕಾಲ ಭೋಜನದಿಂದ ಬೇಸರ ಉಂಟಾಗಬಹುದು
• ಹೊಂದಾಣಿಕೆ ಮಾಡಿಕೊಂಡರೆ ಕೈ ಹಾಕಿದ ಎಲ್ಲಾ ಕೆಲಸಗಳಲ್ಲೂ ಜಯಪ್ರದಾಗುತ್ತದೆ
• ನರಸಿಂಹ ಸ್ವಾಮಿಯನ್ನು ಪ್ರಾರ್ಥನೆ ಮಾಡಿ

ಕಟಕ

•  ದೈನಂದಿನ ಚಟುವಟಿಕೆಯ ಹೊರತಾಗಿ ಬೇರೆ ಕೆಲಸಗಳಲ್ಲಿ ಆಸಕ್ತಿ ವಹಿಸುವಿರಿ
• ಮಹಿಳೆಯರಿಗೆ ವಸ್ತ್ರ,ಆಭರಣ ಪ್ರಾಪ್ತಿ ಆಗಲಿದೆ
• ಕುಟುಂಬದಲ್ಲಿ ನೆಮ್ಮದಿಯ ವಾತಾವರಣ ಇರುವುದಿಲ್ಲ
• ಹಣಕಾಸಿನ ವಿಚಾರ ಜಾಗ್ರತೆವಹಿಸಿ
• ಆಸ್ತಿ, ವಸ್ತು, ದ್ರವ್ಯ ನಷ್ಟವಾಗುವ ಸೂಚನೆ ಇದೆ
• ನಿಮ್ಮ ವೈಯಕ್ತಿಕವಾದ ಸಿದ್ಧಾಂತಗಳನ್ನು ಬದಿಗಿಟ್ಟು ಭಗವಂತನಿಗೆ ಶರಣರಾಗಬೇಕು
• ದುರ್ಗಾರಾಧನೆ ಮಾಡಿ

ಸಿಂಹ

• ಮನೆಯಲ್ಲಿ ಸಂಭ್ರಮದ ವಾತಾವರಣವಿರಲಿದೆ
• ನಿಮ್ಮ ಭಾವನೆಗಳನ್ನು,ಆಲೋಚನೆಗಳನ್ನು ಬೇರೆಯವರೊಂದಿಗೆ ಹಂಚಿಕೊಳ್ಳಿ
• ಸಾಲಬಾಧೆ ನಿಮ್ಮನ್ನು ಕಾಡಲಿದೆ
• ನೀವು ಹೆದರುವುದಿಲ್ಲ ಆದರೆ ಧೈರ್ಯ ಕಡಿಮೆಯಾಗಬಹುದು
• ಉದ್ಯೋಗದಲ್ಲಿ ಕಿರಿಕಿರಿ ಉಂಟಾಗುವ ಸಾಧ್ಯತೆ
• ಸ್ಥಳ ಬದಲಾವಣೆಯ ವಿಚಾರ ಬರುತ್ತದೆ
• ಶುಭವಾದ ಜೀವನ ಶುಭ ಸಮಾಚಾರ ನಿಮಗೆ ಉತ್ಸಾಹ ನೀಡುತ್ತದೆ
• ಸದ್ಗುರುಗಳನ್ನು ಪ್ರಾರ್ಥನೆ ಮಾಡಿ

ಕನ್ಯಾ

• ಮನೆಯ ಮಕ್ಕಳಿಗೆ ಈ ಹಿಂದೆ ಕೊಟ್ಟಿದ್ದ ಮಾತನ್ನು ಉಳಿಸಿಕೊಳ್ಳಿ
• ರಾಜಕೀಯದ ವಿಚಾರಗಳು ಮುನ್ನೆಲೆಗೆ ಬರುವ ಸಾಧ್ಯತೆ ಇದೆ
• ಪಿತ್ರಾರ್ಜಿತವಾದ ಆಸ್ತಿ ಕೈ ತಪ್ಪುವ ಸಾಧ್ಯತೆಗಳಿವೆ ಗಮನವಿರಲಿ
• ಬೇರೆ ವ್ಯವಹಾರಕ್ಕೆ ಹಣ ಹೂಡಿಕೆ ಮಾಡುವ ಯೋಜನೆ ಸಫಲವಾಗುತ್ತೆ
• ಚಿನ್ನಾಭರಣ ಪ್ರಾಪ್ತಿಯಿಂದ ಮಾನಸಿಕ ನೆಮ್ಮದಿ ಕಳೆದುಕೊಳ್ಳುತ್ತೀರಿ
• ಮಕ್ಕಳಿಗೆ ತೊಂದರೆಯಾಗುವ ಸಾಧ್ಯತೆ ಇದೆ ಎಚ್ಚರಿಕೆಯಿರಲಿ
• ಮಹಾಲಕ್ಷ್ಮಿಯನ್ನು ಪ್ರಾರ್ಥಿಸಿ

ತುಲಾ

• ಸ್ತ್ರೀಯರಿಗೆ ನೌಕರಿಯಲ್ಲಿ ಕಿರಿಕಿರಿಯಿಂದ ವರ್ಗಾವಣೆಯ ಸಾಧ್ಯತೆ
• ನಿಮ್ಮ ಪ್ರಯತ್ನ ಸಫಲವಾಗದಂತಹ ದಿನ
• ಹಲವರಲ್ಲಿ ವೈಮನಸ್ಯ ಬೆಳೆಯಬಹುದು
• ಆಹಾರ ವ್ಯತ್ಯಾಸದಿಂದಾಗಿ ಮನಸ್ಸಲ್ಲಿ ಆತಂಕ ಉಂಟಾಗಬಹುದು
• ಮನೆಯಲ್ಲಿ ಕಲಹವಾಗುವ ಸಾಧ್ಯತೆಗಳಿವೆ
• ಹಿರಿಯರನ್ನು ಅಗೌರವರಿಂದ ಕಾಣುವ ಸಾಧ್ಯತೆ ಇದೆ
• ನಿಮ್ಮ ಕೆಲಸಗಳಲ್ಲಿ ಹಿನ್ನಡೆಯಿಂದ ನೋವು ಅನುಭವಿಸುತ್ತೀರಿ
• ಮಹಾವಿಷ್ಣುವನ್ನು ಪ್ರಾರ್ಥಿಸಿ

ವೃಶ್ಚಿಕ

• ತುಂಬಾ ದಿನಗಳಿಂದ ಬರಬೇಕಾಗಿದ್ದ ಹಣ ಸಾಯಂಕಾಲದ ಹೊತ್ತಿಗೆ ನಿಮ್ಮ ಕೈ ಸೇರಬಹುದು
• ಹಣ ಕೈಯಲ್ಲಿದ್ದರೂ ಕೂಡ ಮಾನಸಿಕ ನೆಮ್ಮದಿ ಇರುವುದಿಲ್ಲ
• ನಿಮ್ಮ ಆಲಸ್ಯ ಅಥವಾ ಕೆಲಸವನ್ನು ಮುಂದೂಡುವಿಕೆಯಿಂದ ನಷ್ಟವಾಗುತ್ತದೆ
• ಲೆಕ್ಕಾಧಿಕಾರಿಗಳಿಗೆ ತುಂಬಾ ಶುಭ ಲಾಭವಿದೆ
• ಹತ್ತಿ ಬಟ್ಟೆ ವ್ಯಾಪಾರಿಗಳಿಗೆ ನಷ್ಟವಾಗಬಹುದು
• ಮಕ್ಕಳ ವಿದ್ಯಾಭ್ಯಾಸಕ್ಕೆ ಸರಿಯಾದ ವ್ಯವಸ್ಥೆ ಮಾಡಿಕೊಳ್ಳಲು ಯೋಚಿಸುವಿರಿ
• ನರಸಿಂಹ ಸ್ವಾಮಿಯನ್ನು ಪ್ರಾರ್ಥನೆ ಮಾಡಿ

ಧನುಸ್ಸು

• ವಿಚಿತ್ರ ಸನ್ನಿವೇಶಗಳಿಂದ ನಿಮಗೆ ಅಚ್ಚರಿ ಉಂಟಾಗಬಹುದು
• ಬಂಧುಗಳಲ್ಲಿರುವ ಸಂಬಂಧಗಳಿಂದ ದೂರವಾಗಲು ಪ್ರಯತ್ನಿಸುತ್ತೀರಿ
• ಶಸ್ತ ಚಿಕಿತ್ಸೆಯ ಸಾಧ್ಯತೆ ಇದೆ ವೈದ್ಯರ ಸಲಹೆ ಪಡೆಯಿರಿ
• ಧನ ನಷ್ಟ ಮನಸ್ಸಿಗೆ ನೆಮ್ಮದಿ ಇಲ್ಲದಿರುವುದು
• ಮಕ್ಕಳ ಬಗ್ಗೆ ಗಮನವಿರಲಿ ಒಬ್ಬೊಬ್ಬರೆ ಮಕ್ಕಳನ್ನು ಎಲ್ಲೂ ಬಿಡುವುದು ಒಳಿತಲ್ಲ
• ಶ್ರೀ ಕೃಷ್ಣನನ್ನು ಆರಾಧನೆ ಮಾಡಿ

ಮಕರ

• ಸಾಮಾಜಿಕ ಬದುಕಿನಲ್ಲಿ ಉತ್ತಮವಾದ ವಾತಾವರಣವಿರಲಿದೆ
• ಉನ್ನತ ಅಧಿಕಾರ ಪ್ರಾಪ್ತಿಯಾಗಬಹುದು
• ಮನಸ್ಸು ಏಕಾಗ್ರ ಚಿತ್ತದಿಂದಿರಬೇಕು
• ಸರಳ ಜೀವನದ ಕಡೆ ಮನಸ್ಸು ಹೋಗಬಹುದು
• ಸಹೋದರರ ಕಿರಿ ಕಿರಿಯನ್ನು ಸಹಿಸಬೇಕಾಗುವುದರಿಂದ ನೆಮ್ಮದಿ ಇರುವುದಿಲ್ಲ
• ಪಿತ್ರಾರ್ಜಿತ ಆಸ್ತಿಯನ್ನು ನೀವೇ ಖರೀದಿಸುವ ಯೋಗ ಬರುತ್ತದೆ
• ಹಣವನ್ನು ಹೊಂದಿಸಿಕೊಳ್ಳುವ, ಸಾಲ ಪಡೆಯುವುದರ ಬಗ್ಗೆ ಚಿಂತಿಸುವಿರಿ ಶುಭವಿದೆ
• ಮಹಾಲಕ್ಷ್ಮಿಯನ್ನು ಪ್ರಾರ್ಥಿಸಿ

ಕುಂಭ

• ಅನಿರೀಕ್ಷಿತವಾಗಿ ಯಾವುದೋ ಶುಭ ಸುದ್ದಿಯಿಂದ ಸಂತೋಷ ಉಂಟಾಗಲಿದೆ
• ತುಂಬಾ ತುರ್ತಾಗಿರುವ ವಿಚಾರದತ್ತ ಗಮನ ಹರಿಸಿ
• ಕೌಟುಂಬಿಕ ಸಂಬಂಧಗಳು ಗಟ್ಟಿಯಾಗಿದ್ದರೂ ಕೂಡ ಬೇರೆಯವರ ಮಾತಿನಿಂದ ಬಿರುಕು ಉಂಟಾಗಬಹುದು
• ವ್ಯವಹಾರ ಮತ್ತು ಆರೋಗ್ಯ ವಿಚಾರದಲ್ಲಿ ಶುಭವಿದೆ
• ಶತ್ರುನಾಶ ಉತ್ತಮ ಭೋಜನ ಮನಸ್ಸಿಗೆ ನೆಮ್ಮದಿ ತರಲಿದೆ
• ಬೇರೆಯವರನ್ನು ದೂಷಿಸಬಾರದು ಅದು ನಿಮಗೇ ತಿರುಗುವ ಸೂಚನೆ ಇದೆ ಜಾಗ್ರತೆ
• ಈಶ್ವರನ ಆರಾಧನೆ ಮಾಡಿ

ಮೀನ

•  ಹಿಂದಿನ ದಿನಗಳ ವಿಚಾರದಲ್ಲಿ ಆತ್ಮಾವಲೋಕನವನ್ನು ಮಾಡಿಕೊಳ್ಳುವುದು ಒಳ್ಳೆಯದು
• ಮನೆಯಲ್ಲಿ ಮಂಗಳ ಕಾರ್ಯಗಳು ನಡೆಯುವ ಬಗ್ಗೆ ಚಿಂತನೆ ನಡೆಸುತ್ತೀರಿ
• ಕೆಲವು ಕೆಲಸಗಳಿಗೆ ಹಣವನ್ನು ಮುಂಗಡ ಕೊಟ್ಟು ಮೋಸ ಹೋಗಬಹುದು
• ಅನರ್ಥಗಳಿಂದ ಮಾನಹಾನಿಯಾಗುವ ಸಾಧ್ಯತೆಗಳಿವೆ
• ಪಾಪ ಕಾರ್ಯಗಳನ್ನು ಮಾಡಬೇಡಿ
• ಪೂರ್ವ ಜನ್ಮದ ಒಳ್ಳೆಯ ಕೆಲಸಗಳು ನಿಮ್ಮನ್ನು ಕಾಪಾಡಬೇಕಾಗಿದೆ
• ಗುರು ದತ್ತಾತ್ರೇಯರನ್ನು ಪ್ರಾರ್ಥನೆ ಮಾಡಿ

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ