ಸೋದರ ಮಾವ ಅಥವಾ ಸೋದರತ್ತೆಯ ಕಡೆಯಿಂದ ಸಿಹಿಸುದ್ದಿ

ಮನಸ್ಸಿಗೆ ತೋಚಿದ್ದನ್ನು ಮಾಡಬೇಡಿ ಸರಿಯಾದ ಸಲಹೆ ಅಗತ್ಯ

ಇಂದಿನ ಜಾಗ್ರತೆ ಮುಂದಿನ ನೈಜತೆ ಎಂದು ತಿಳಿಯಬೇಕಾದ ದಿನ

ಉಜ್ವಲ ಬದುಕಿಗೆ ಒಂದು ಕನಸು.. ಆ ಸುಂದರ ಕನಸಿಗೆ ಉತ್ತಮ ಭವಿಷ್ಯ ಇರಬೇಕು. ರಾಶಿ ಯಾವುದಾಗಿದ್ದರೇನು? ಕನಸು ನನಸು ಮಾಡಿಕೊಂಡು ಬದುಕಿನ ಸಾರ್ಥಕತೆಯ ಫಲ ಅನುಭವಿಸಬೇಕು ಅಂದರೆ ಅದಕ್ಕೆ ಪರಿಶ್ರಮ ಬೇಕೇಬೇಕು. ಈ ಪರಿಶ್ರಮಕ್ಕೆ ಒಂದಷ್ಟು ಒಳ್ಳೆಯ ಕೆಲಸಗಳ ಅನಿವಾರ್ಯತೆ ಬೆಸೆದುಕೊಂಡು ಬರುತ್ತವೆ. ವ್ಯಾಪಾರ, ಉದ್ಯೋಗ, ಹಣ, ಮದುವೆ, ಸಮಾರಂಭ, ಪ್ರವಾಸ, ಪ್ರೀತಿ, ಪ್ರೇಮ ಸೇರಿದಂತೆ ಸುಂದರ ಕನಸಿನ ಸಾಕಾರಕ್ಕಾಗಿ ಅದೆಷ್ಟೋ ಮಂದಿ ರಾಶಿ ಭವಿಷ್ಯ ನೋಡುವ ವಾಡಿಕೆ ಇದೆ. ಆ ನಿಮ್ಮ ಭವಿಷ್ಯದ ರಾಶಿಫಲ ಇಲ್ಲಿದೆ. ಖ್ಯಾತ ತಾಳೇಗರಿ ತಜ್ಞರು ಹಾಗೂ ಜ್ಯೋತಿಷಿಯಾಗಿರುವ ಡಾ.ಬೆಳವಾಡಿ ಹರೀಶ ಭಟ್ಟರು ನೀಡಿರುವ ನಿಮ್ಮ ರಾಶಿ ಭವಿಷ್ಯ ಈ ಕೆಳಗಿನಂತಿದೆ. 

ಶ್ರೀ ಕ್ರೋಧಿನಾಮ ಸಂವತ್ಸರ, ಉತ್ತರಾಯಣ, ವಸಂತ ಋತು, ಚೈತ್ರ ಮಾಸ, ಶುಕ್ಲಪಕ್ಷ, ತೃತೀಯಾ ತಿಥಿ, ಕೃತಿಕಾ ನಕ್ಷತ್ರ, ರಾಹುಕಾಲ ಭಾನುವಾರ ಸಂಜೆ 4.30 ರಿಂದ 6.00 ರವರೆಗೆ ಇರಲಿದೆ.

ಮೇಷ ರಾಶಿ

• ಕುಟುಂಬ ರಕ್ಷಣೆ ಒಂದು ಸವಾಲಾಗಿ ಪರಿಣಮಿಸುತ್ತದೆ
• ಮಕ್ಕಳ ಬಗ್ಗೆ ಕಾಳಜಿಯಿರಲಿ
• ಧಾರ್ಮಿಕ ಆದ್ಯಾತ್ಮಿಕ ವಿಚಾರಗಳಲ್ಲಿ ಅಪನಂಬಿಕೆ ಕಾಡಬಹುದು
• ಶರೀರದಲ್ಲಿ ನೋವು ಕಾಣಿಸಿಕೊಳ್ಳಬಹುದು
• ಸಂಬಂಧಿಕರಲ್ಲಿ ವಿವಾಹವಾದವರಿಗೆ ಸಮಸ್ಯೆಯಾಗಬಹುದು
• ಸಾಯಂಕಾಲದ ಹೊತ್ತಿಗೆ ಅಪಶಕುನ ಬೇಸರ ಉಂಟಾಗಲಿದೆ
• ಧ್ಯಾನ ಮಾಡಿ

ವೃಷಭ

• ವ್ಯವಹಾರದಲ್ಲಿ ಸ್ನೇಹಿತರ ಬೆಂಬಲ ಸಿಗಲಿದೆ
• ಹೆಚ್ಚು ಹೆಚ್ಚು ಗಳಿಸುವ ಭರದಲ್ಲಿ ಎಲ್ಲಾ ಮರೆಯುವ ಸಾಧ್ಯತೆ
• ದಿನಚರಿಯಲ್ಲಿ ಹಲವಾರು ಜನಕ್ಕೆ ಸಹಾಯ ಮಾಡುವ ಸೂಚನೆ ಇದೆ
• ಹಲವು ಕೆಲಸಗಳಲ್ಲಿ ಯಶಸ್ಸು ಸಿಗಲಿದೆ
• ವಿದ್ಯಾರ್ಥಿಗಳಿಗೆ ತಮ್ಮ ಕ್ಷೇತ್ರದಲ್ಲಿ ಅನುಕೂಲವಿದೆ
• ಮಹಾಲಕ್ಷ್ಮಿಯನ್ನು ಪ್ರಾರ್ಥನೆ ಮಾಡಿ

ಮಿಥುನ

• ಖರ್ಚುಗಳಿಂದ ಕುಟುಂಬದಲ್ಲಿ ಕಲಹ
• ನಾನು ಎಂಬುದರಿಂದ ಎಲ್ಲದಕ್ಕೂ ತೊಂದರೆ ಅಹಂಭಾವ, ಅಹಂಕಾರ ಬೇಡ
• ಹಣ ಹೂಡಿಕೆಯಲ್ಲಿ ಜಾಗರೂಕರಾಗಿರಬೇಕು
• ಬೇರೆಯವರೊಂದಿಗೆ ವರ್ತಿಸಬೇಕಾದರೆ ವ್ಯಂಗ್ಯ ಬೇಡ
• ಹೊಸ ಕೆಲಸಗಳ ಹುಡುಕಾಟದಲ್ಲಿ ಆಲೋಚನೆ ಒಳ್ಳೆಯದಾಗಿರಲಿ
• ಪುಣ್ಯಕಥಾ ಶ್ರವಣ ಮಾಡಿ

ಕಟಕ

•  ಹಳೆಯ ಕೆಲಸಗಳಿಗೆ ಮತ್ತೆ ದಾಸರಾಗಬಹುದು ಬೇರೆ ದಾರಿಯಿಲ್ಲ
• ಯಂತ್ರೋಪಕರಣಗಳ ಖರೀದಿಯಲ್ಲಿ ಮೋಸ
• ಮನಸ್ಸಿಗೆ ತೋಚಿದ್ದನ್ನು ಮಾಡಬೇಡಿ ಸರಿಯಾದ ಸಲಹೆ ಅಗತ್ಯ
• ವಿದ್ಯಾರ್ಥಿಗಳು ತಮ್ಮ ಕರ್ತವ್ಯ ಲೋಪ ಮಾಡಬಾರದು
• ಮನಸ್ಸಿನ ಮೇಲೆ ದುಪ್ಪರಿಣಾಮ ಬೀರುವ ಕೆಲಸ ಬೇಡ
• ಇಂದಿನ ಜಾಗ್ರತೆ ಮುಂದಿನ ನೈಜತೆ ಎಂದು ತಿಳಿಯಬೇಕಾದ ದಿನ
• ಸುದರ್ಶನನ್ನು ಪೂಜಿಸಿ

ಸಿಂಹ

• ಸೋದರ ಮಾವ ಅಥವಾ ಸೋದರತ್ತೆಯ ಸಂಬಂಧದಿಂದ ಸಿಹಿ ಸುದ್ದಿ
• ಕುಟುಂಬದ ಒಳಗೆ ಮದುವೆಯ ವಿಚಾರ ಬರಬಹುದು
• ಕಾರಣಾಂತರಗಳಿಂದ ಮನೆಯಲ್ಲಿ ಕಿರಿಕಿರಿ
• ಚರ್ಮಕ್ಕೆ ಸಂಬಂಧಿಸಿದ ತೊಂದರೆ ಕಾಣಬಹುದು ಎಚ್ಚರಿಕೆವಹಿಸಿ
• ಸ್ಥಿರ ಮನಸ್ಸಿದ್ದರೆ ಎಲ್ಲವನ್ನು ಸಾಧಿಸಬಹುದು
• ಹಿರಿಯರ ಮಾರ್ಗದರ್ಶನಕ್ಕೆ ಬೆಲೆ ಕೊಡಬೇಕಾಗುತ್ತದೆ
• ಸೂರ್ಯ ದೇವಾಲಯಕ್ಕೆ ಕೆಂಪು ಬಟ್ಟೆ ಕೊಡಿ

ಕನ್ಯಾ

• ಯುವ ಪೀಳಿಗೆಗೆ ವೃತ್ತಿಜೀವನದ ಸಿಹಿ ಅನುಭವ
• ಅದೃಷ್ಟದ ಬೆಂಬಲವಿದೆ ಮನಸ್ಸು ಶುದ್ದವಾಗಿರಲಿ ಅನುಮಾನ ಬೇಡ
• ಬೇರೆಯವರ ಮಾತಿಗೆ ಮರುಳಾಗದಿರಿ
• ವ್ಯವಹಾರದಲ್ಲಿ ನೈಜತೆ ಇರಲಿ
• ಅಧಿಕಾರಿಗಳಿಂದ ಪ್ರಶಂಸೆ ಇರುತ್ತದೆ ಹಾಗೆ ಕಾಪಾಡಿಕೊಳ್ಳಬೇಕು
• ಮಕ್ಕಳ ವಿಚಾರದಲ್ಲಿ ಸಂತೋಷ ಸಮಾಧಾನವಿದೆ
• ರಾಧಾ ಕೃಷ್ಣರನ್ನು ಪೂಜಿಸಿ

ತುಲಾ

• ವೃತ್ತಿ ಅಥವಾ ನೌಕರಿಯಲ್ಲಿ ಗೌರವ ಹೆಚ್ಚುವ ದಿನ
• ಕೆಲಸದ ಒತ್ತಡ, ಮಾನಸಿಕ ಆತಂಕಗಳು ಕಾಡಬಹುದು
• ಸ್ನೇಹಿತರ ಬಂಧುಗಳ ಮಾತಿಗೆ ಗುರಿಯಾಗಬಹುದು
• ಅಗತ್ಯವಿದ್ದ ಕೆಲಸಕ್ಕೆ ಹೋಗದೆ ಬೇಸರ ಪಡಬಹುದು
• ಆರೋಗ್ಯದ ಬಗ್ಗೆ ನಿರ್ಲಕ್ಷ್ಯಬೇಡ
• ಸಣ್ಣ ತಪ್ಪಿನಿಂದ ಮೌನಕ್ಕೆ ಶರಣು ಹೋಗಬಹುದು
• ಧ್ಯಾನಾಸಕ್ತ ಶಿವನನ್ನು ಬಿಲ್ವಪತ್ರೆಯಿಂದ ಅರ್ಜಿಸಿ

ವೃಶ್ಚಿಕ

• ಕುಟುಂಬದ ಹಿಂದಿನ ಶಾಪ ನಿಮ್ಮ ಮೇಲೆ ಪರಿಣಾಮ ಬೀರಬಹುದು
• ಎಲ್ಲಾ ಇದ್ದರೂ ಮಾನಸಿಕ ನೆಮ್ಮದಿಯಿಲ್ಲ ಎನ್ನುವಂತಹ ಸ್ಥಿತಿ
• ವೈರಾಗ್ಯದ ಮಾತುಗಳು ಬೇರೆಯವರನ್ನು ನಿಂದಿಸಬಹುದು
• ಹಲವಾರು ಕೊರತೆಗಳು ಜೀವನದಲ್ಲಿ ಕಾಡುವ ಸೂಚನೆ
• ಸಾಧಿಸಬೇಕಾದ್ದು ತುಂಬಾ ಇದೆ ಎಂದು ತಿಳಿಯಬೇಕು
• ದ್ವೇಷ-ಅಸೂಯೆಗಳ ಸಂಕೋಲೆಗಳಿಂದ ಹೊರ ಬರಬೇಕಾಗುತ್ತದೆ
• ಬೂದಗುಂಬಳಕಾಯಿಂದ ದೃಷ್ಟಿ ತೆಗೆದು ಒಡೆಯಿರಿ

ಧನುಸ್ಸು

• ವ್ಯಾಪಾರ ಅಥವಾ ವ್ಯವಹಾರಗಳಲ್ಲಿ ನಿರೀಕ್ಷಿತ ಲಾಭ ಕಡಿಮೆ
• ದೈಹಿಕವಾಗಿ ಆರಾಮ ಇರುವುದಿಲ್ಲ ಆಲಸ್ಯ
• ವಿರೋಧಿಗಳು ನಿಮ್ಮ ಕೆಲಸವನ್ನು ಹಾಳು ಮಾಡಬಹುದು
• ಕುಟುಂಬದಲ್ಲಿ ಸಾಮರಸ್ಯವಿರಲಿ ಕೋಪ ಬೇಡ
• ವಿದ್ಯಾರ್ಥಿಗಳು ಭವಿಷ್ಯದ ಬಗ್ಗೆ ಹೆದರುವುದು ಬೇಡ ಆದರೆ ಭಯದಿಂದ ಹೊರಬಂದು ಎಲ್ಲವನ್ನು ಸಾಧಿಸಬೇಕಾದ ದಿನ
• ಮೂಲ ದೇವರನ್ನು ಪ್ರಾರ್ಥನೆ ಮಾಡಿ

ಮಕರ

• ಆತ್ಮವಿಶ್ವಾಸ ಹೆಚ್ಚಾಗಿದೆಯೆಂದು ವಿರುದ್ಧ ತೀರ್ಮಾನಗಳು ಬೇಡ
• ಆಸ್ತಿ ವಿಚಾರದಲ್ಲಿ ಕುಟುಂಬ ಕಲಹ
• ಸ್ನೇಹಿತರು ಅನುಕೂಲ ಪಡೆಯಬಹುದು
• ನಿಮ್ಮ ವಿರೋಧಿಗಳ ಮುಂದೆ ನಿಮ್ಮ ಮಾತಿಗೆ ಬೆಲೆಯಿಲ್ಲ
• ಭಯದಿಂದಲೇ ಎಲ್ಲಾ ಕೆಲಸಗಳಿಂದ ಮುಂದಾಗಬಹುದು
• ನಿಮ್ಮ ಗೌಪ್ಯ ಬುದ್ಧಿ ನಿಮಗೆ ಮಾರಕವಾಗಬಹುದು
• ಆಂಜನೇಯ ದೇವಾಲಯಕ್ಕೆ ವೀಳ್ಯದೆಲೆ ಕೊಡಿ

ಕುಂಭ

• ಇಂದು ಯುವ ಪ್ರೇಮಿಗಳಿಗೆ ಸಂಕಷ್ಟ
• ಕುಟುಂಬದವರೊಂದಿಗೆ ಬೆರೆಯಲು ಮನಸ್ಸಿಲ್ಲ
• ಪೋಷಕರಿಗೆ ದುಃಖದಾಯಕರು ಬದಲಿಸಿಕೊಳ್ಳಿ
• ಆರೋಗ್ಯ ಸುಧಾರಣೆಯೇ ಈ ದಿನದ ಸಂತೋಷ
• ನಿಮ್ಮ ಕ್ಷೇತ್ರದಲ್ಲಿ ಸಿಹಿ ಸುದ್ದಿ ಕೇಳಿದರು ನಿಮಗೆ ಸಿಗದು
• ಸಾಲದ ವಿಚಾರದಲ್ಲಿ ಜಾಗ್ರತೆ ನಷ್ಟದ ಸೂಚನೆ
• ಗಾಯತ್ರಿ ಮಂತ್ರ ಜಪಿಸಿ

ಮೀನ

• ಯಾವುದೇ ತೊಂದರೆಗೂ ಜಗ್ಗದ ಬಗ್ಗದ ನಿಮಗೆ ಭಯದ ವಾತಾವರಣ
• ಮನಸ್ಸಿನಲ್ಲಿ ಕಳವಳ ಜೀವ ಭಯ ಕಾಡಬಹುದು
• ಹಣವಿದೆ ಸೌಲಭ್ಯವಿದೆ ಅನುಭವಿಸುವ ಯೋಗವಿಲ್ಲ
• ನಿಮ್ಮದೇ ಆದ ನಿರ್ಧಾರಗಳಿಗೆ ಅಂಟಿಕೊಂಡು ವ್ಯಸನ ಪಡಬಹುದು
• ಬೇರೆಯವರಿಗೆ ಬಲವಂತವಾಗಿಯಾದರೂ ಸಹಾಯ ಮಾಡಿ
• ನಿಮ್ಮ ಮನಸ್ಥಿತಿಯನ್ನು ಬದಲಾಯಿಸಿಕೊಳ್ಳಲು ಪ್ರಯತ್ನಿಸಿ
• ದುರ್ಗಾಪರಮೇಶ್ವರಿಯನ್ನು ಆರಾಧನೆ ಮಾಡಿ

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ