ಉದ್ಯೋಗಿಗಳಿಗೆ ವ್ಯವಹಾರಿಕವಾಗಿ ಲಾಭವಿದೆ ಪ್ರಾಮಾಣಿಕತೆ ಇರಲಿ

ಹಣಗಳಿಸಬೇಕೆಂಬ ಬರದಲ್ಲಿ ತಪ್ಪು ದಾರಿ ತುಳಿಯುವ ಸಾಧ್ಯತೆಗಳಿವೆ

ನಿಮ್ಮ ಇಚ್ಛೆಯಂತೆ ಕೆಲಸ ಮಾಡಿ ಯಶಸ್ಸು ನಿಮ್ಮದಾಗುತ್ತದೆ

ಉಜ್ವಲ ಬದುಕಿಗೆ ಒಂದು ಕನಸು.. ಆ ಸುಂದರ ಕನಸಿಗೆ ಉತ್ತಮ ಭವಿಷ್ಯ ಇರಬೇಕು. ರಾಶಿ ಯಾವುದಾಗಿದ್ದರೇನು? ಕನಸು ನನಸು ಮಾಡಿಕೊಂಡು ಬದುಕಿನ ಸಾರ್ಥಕತೆಯ ಫಲ ಅನುಭವಿಸಬೇಕು ಅಂದರೆ ಅದಕ್ಕೆ ಪರಿಶ್ರಮ ಬೇಕೇಬೇಕು. ಈ ಪರಿಶ್ರಮಕ್ಕೆ ಒಂದಷ್ಟು ಒಳ್ಳೆಯ ಕೆಲಸಗಳ ಅನಿವಾರ್ಯತೆ ಬೆಸೆದುಕೊಂಡು ಬರುತ್ತವೆ. ವ್ಯಾಪಾರ, ಉದ್ಯೋಗ, ಹಣ, ಮದುವೆ, ಸಮಾರಂಭ, ಪ್ರವಾಸ, ಪ್ರೀತಿ, ಪ್ರೇಮ ಸೇರಿದಂತೆ ಸುಂದರ ಕನಸಿನ ಸಾಕಾರಕ್ಕಾಗಿ ಅದೆಷ್ಟೋ ಮಂದಿ ರಾಶಿ ಭವಿಷ್ಯ ನೋಡುವ ವಾಡಿಕೆ ಇದೆ. ಆ ನಿಮ್ಮ ಭವಿಷ್ಯದ ರಾಶಿಫಲ ಇಲ್ಲಿದೆ. ಖ್ಯಾತ ತಾಳೇಗರಿ ತಜ್ಞರು ಹಾಗೂ ಜ್ಯೋತಿಷಿಯಾಗಿರುವ ಡಾ.ಬೆಳವಾಡಿ ಹರೀಶ ಭಟ್ಟರು ನೀಡಿರುವ ನಿಮ್ಮ ರಾಶಿ ಭವಿಷ್ಯ ಈ ಕೆಳಗಿನಂತಿದೆ. 

ಶ್ರೀ ಕ್ರೋಧಿನಾಮ ಸಂವತ್ಸರ, ದಕ್ಷಿಣಾಯಣ, ವರುಷ ಋತು, ಭಾದ್ರಪದ ಮಾಸ, ಶುಕ್ಲ ಪಕ್ಷ, ಪ್ರತಿಪತ್ ತಿಥಿ, ಉತ್ತರಾ ನಕ್ಷತ್ರ, ರಾಹುಕಾಲ ಬುಧವಾರ ಮಧ್ಯಾಹ್ನ 12.00 ರಿಂದ 1.30 ರವರೆಗೆ

ಮೇಷ ರಾಶಿ

• ಮನೆಯಲ್ಲಿ ಸಂತೃಪ್ತಿಯ ವಾತಾವರಣವಿರುತ್ತದೆ
• ಆತ್ಮವಿಶ್ವಾಸ ಹೆಚ್ಚಿರುವ ದಿನವಾಗಿದೆ
• ಹಿಂದಿನ ಯೋಜನೆಗಳು ಹಾಗೂ ಮುಂದಿನ ಆಲೋಚನೆ ಮಾಡುವ ವಿಚಾರಗಳು ಕೈಗೂಡಲಿದೆ
• ಅಂದುಕೊಂಡ ಕಾರ್ಯಗಳನ್ನು ಮೇಲ್ದರ್ಜೆಗೆ ಏರಿಸಿ ಆದ್ಯತೆಯ ಮೇಲೆ ಕೆಲಸ ನಿರ್ವಹಿಸಿ
• ಸ್ನೇಹಿತರ ಮನೆಯ ಮಂಗಳ ಕಾರ್ಯಗಳಲ್ಲಿ ಭಾಗವಹಿಸುವ ಸಾಧ್ಯತೆಗಳಿವೆ
• ಆಕಸ್ಮಿಕವಾಗಿ ವಾಹನಕ್ಕೆ ಹಾನಿಯಾಗುವ ಸೂಚನೆಗಳಿವೆ ಎಚ್ಚರಿಕೆವಹಿಸಿ
• ಗಣಪತಿಯನ್ನು ಪ್ರಾರ್ಥನೆ ಮಾಡಿ

ವೃಷಭ

• ನಿಮ್ಮ ಇಚ್ಛೆಯಂತೆ ಕೆಲಸ ಮಾಡಿ ಯಶಸ್ಸು ನಿಮ್ಮದಾಗುತ್ತದೆ
• ಈ ದಿನ ಉತ್ತಮವೆಂದು ಪರಿಗಣಿಸಿ ಕೆಲಸಕ್ಕೆ ಮುಂದಾಗಿ
• ಕೆಲಸದಲ್ಲಿ ಸಣ್ಣ ಪುಟ್ಟ ಕಿರಿಕಿರಿ ಕಂಡರೂ ಕೆಲಸ ಪೂರ್ಣವಾಗುತ್ತದೆ
• ನಿಮ್ಮ ಮನಸ್ಸು ಹತೋಟಿಯಲ್ಲಿರುವುದಿಲ್ಲ
• ಅಸಂಬದ್ಧ ಚಟುವಟಿಕೆಗಳತ್ತ ಮನಸ್ಸು ವಾಲುತ್ತದೆ ನಿಯಂತ್ರಿಸಿ
• ಹಣಗಳಿಸಬೇಕೆಂಬ ಬರದಲ್ಲಿ ತಪ್ಪು ದಾರಿ ತುಳಿಯುವ ಸಾಧ್ಯತೆಗಳಿವೆ
• ಹಳೆ ವಾಹನದಲ್ಲಿ ಪ್ರಯಾಣಿಸುವಾಗ ತುಂಬಾ ಎಚ್ಚರಿಕೆವಹಿಸಿ
• ಸುಬ್ರಹ್ಮಣ್ಯ ಸ್ವಾಮಿಯನ್ನು ಪ್ರಾರ್ಥನೆ ಮಾಡಿ

ಮಿಥುನ

• ಆರ್ಥಿಕವಾಗಿ ಅನುಕೂಲಕರ ದಿನ
• ಮಕ್ಕಳಿಗೆ ವಿದ್ಯಾರ್ಥಿಗಳಿಗೆ ಅಗತ್ಯ ಪೂರೈಸುವ ದಿನ
• ಇಂದು ಪ್ರೇಮಿಗಳಿಗೆ ಶುಭದಿನ
• ಉದ್ಯೋಗಿಗಳಿಗೆ ವ್ಯವಹಾರಿಕವಾಗಿ ಲಾಭವಿದೆ ಪ್ರಾಮಾಣಿಕತೆ ಇರಲಿ
• ಸ್ನೇಹಿತರ ಭೇಟಿ, ಹಣ ಖರ್ಚು, ಮೋಜು-ಮಸ್ತಿ ಮಾಡುವುದರಿಂದ ದಿನ ವ್ಯರ್ಥವಾಗಲಿದೆ
• ಪ್ರಭಾವಿ ವ್ಯಕ್ತಿಗಳ ಭೇಟಿ ಪರಿಚಯದಿಂದ ಸಂತೋಷವಿರುತ್ತದೆ
• ಕುಲದೇವತಾ ಆರಾಧನೆ ಮಾಡಿ

ಕಟಕ

• ವಿದ್ಯಾರ್ಥಿಗಳು ಮತ್ತು ಸರ್ಕಾರಿ ನೌಕರರು ಸವಾಲುಗಳನ್ನು ಎದುರಿಸಬೇಕಾಗಬಹುದು
• ಹತ್ತಿರದ ಸಂಬಂಧಿಕರು ಅಥವಾ ಆತ್ಮೀಯರಿಂದ ದ್ರೋಹವಾಗಬಹುದು
• ಆತುರದಿಂದ ಮಾಡಿದ ನಿರ್ಧಾರ ತೊಂದರೆ ಕೊಡಬಹುದು
• ಅನಗತ್ಯ ವಿಚಾರಗಳಿಗೆ ಜಗಳ ಸಂಭವ
• ಕುಟುಂಬದಲ್ಲಿ ಸ್ತ್ರೀಯರ ಆರೋಗ್ಯ ಹದಗೆಡಬಹುದು
• ದಾಂಪತ್ಯದಲ್ಲಿ ಕಲಹ ಅಸಮಾಧಾನ
• ದುರ್ಗಾದೇವಿಯನ್ನು ಪ್ರಾರ್ಥನೆ ಮಾಡಿ

ಸಿಂಹ

• ಯೋಚಿಸಿದ ಕೆಲಸಗಳು ಪೂರ್ಣಗೊಳ್ಳುತ್ತವೆ
• ಕೆಲಸವನ್ನು ಅಲ್ಪ ಎಂದು ಭಾವಿಸದೆ ಶ್ರದ್ಧೆಯಿಂದ ಮಾಡಬೇಕಾಗುತ್ತದೆ
• ಹೊಸ ಕಾರ್ಯ ಆರಂಭಕ್ಕೆ ಅದ್ಭುತವಾದ ದಿನ
• ಕೆಲಸ ನಿಮಿತ್ತ ಹೆಚ್ಚಿನ ವಿದ್ಯಾಭ್ಯಾಸದ ನಿಮಿತ್ತದ ಸಂದರ್ಶನ ಶುಭದಾಯಕವಾಗಿದೆ
• ಮುರಿದು ಬಿದ್ದ ಸಂಬಂಧಗಳನ್ನು ಸರಿಪಡಿಸಲು ಅವಕಾಶವಿರುತ್ತದೆ
• ಪ್ರೇಮಿಗಳಿಗೆ ತುಂಬಾ ಅಪಾಯದ ದಿನ
• ಮೃತ್ಯುಂಜಯನನ್ನು ಪ್ರಾರ್ಥನೆ ಮಾಡಿ

ಕನ್ಯಾ

• ಮಹಿಳೆಯರಿಗೆ ಆರೋಗ್ಯದ ತುಂಬಾ ಆತಂಕ ಎಚ್ಚರಿಕೆ
• ಕೂಡಿಟ್ಟಿದ್ದ ಹಣ ಔಷಧಿಗಳಿಗೆ ಖರ್ಚಾಗಬಹುದು
• ಹಣ ಖರ್ಚು, ಅನಾರೋಗ್ಯದಿಂದ ಮನಸ್ಸಿನ ಮೇಲೆ ತುಂಬಾ ಪರಿಣಾಮ ಬೀರಲಿದೆ
• ಕಷ್ಟಪಟ್ಟು ಕೆಲಸ ಮಾಡಿದ ಹಳೆ ದಿನಗಳು ನೆನಪಾಗಿ ಬೇಸರ ನೋವು ಉಂಟಾಗಬಹುದು
• ಕುಟುಂಬದವರಲ್ಲಿ ನಂಬಿಕೆ ಕಡಿಮೆಯಾಗಬಹುದು
• ನಿಮ್ಮ ಸಹಾಯಕ್ಕೆ ಯಾರು ಆಗುವುದಿಲ್ಲ ಎಂಬ ಮನೋಭಾವನೆ ಕಾಡುತ್ತದೆ
• ಮಹಾಲಕ್ಷ್ಮಿಯನ್ನು ಪ್ರಾರ್ಥನೆ ಮಾಡಿ

ತುಲಾ

• ಕುಟುಂಬದ ಎಲ್ಲಾ ಸದಸ್ಯರು ಸಂತೋಷವಾಗಿರುವ ದಿನ ಎಂದು ಹೇಳಬೇಕು
• ಹಣ ಬಂಧುಗಳ ವಿಶ್ವಾಸ ಎಲ್ಲವೂ ಕೂಡ ನೀವು ಅಂದುಕೊಂಡಂತೆ ಆಗಲಿದೆ
• ಧನಾತ್ಮಕವಾದ ಚಿಂತನೆಗಳು ನಿಮಗೆ ಬರುವುದಿಲ್ಲ ಪ್ರಯತ್ನಿಸುತ್ತೀರಿ
• ಕಾರ್ಯ ಕ್ಷೇತ್ರದಲ್ಲಿ ಸಿಹಿಸುದ್ದಿ ಆದರೆ ಅನುಭವಿಸಲು ಯೋಗವಿಲ್ಲ
• ಪ್ರೇಮಿಗಳಿಗೆ ಅಡ್ಡಿ ಸವಾಲುಗಳನ್ನು ಎದುರಿಸಬೇಕಾಗುತ್ತದೆ
• ಸಾಯಂಕಾಲಕ್ಕೆ ಅದೃಷ್ಟವೂ ವಿರುದ್ಧವೆನಿಸಬಹುದು
• ಶರಭೇಶ್ವರನನ್ನು ಪ್ರಾರ್ಥನೆ ಮಾಡಿ

ವೃಶ್ಚಿಕ

• ಇಂದು ಬರೀ ನಕಾರಾತ್ಮಕ ವಿಚಾರಗಳೇ ನಿಮ್ಮ ಮುಂದೆ ಬರಬಹುದು
• ನಿಮ್ಮ ಗುರಿಗಳನ್ನು ಸಾಧಿಸಲು ಪ್ರಯತ್ನಿಸಿ ವಿಫಲರಾಗುತ್ತೀರಿ
• ಸಂಬಂಧಿಕರು ಸ್ನೇಹಿತರು ದೊಡ್ಡ ಆತಂಕಕ್ಕೆ ಒಳಗಾಗಬಹುದು
• ಇಡೀ ದಿನವನ್ನು ತುಂಬಾ ತಾಳ್ಮೆಯಿಂದ ಕಳೆಯಿರಿ
• ದಾಂಪತ್ಯದಲ್ಲಿ ವೈಮನಸ್ಯ ಬರದಂತೆ ನೋಡಿಕೊಳ್ಳಬೇಕು
• ಹಣದ ವಿಚಾರದಲ್ಲಿ ಭಿನ್ನಾಭಿಪ್ರಾಯ ಹಳೆಯ ಲೆಕ್ಕದಿಂದ ಬೇಸರ ಉಂಟಾಗಬಹುದು
• ಈಶ್ವರನ ಆರಾಧನೆ ಮಾಡಿ

ಧನುಸ್ಸು

• ಖಾಸಗಿ ಉದ್ಯೋಗಿಗಳ ಆದಾಯದಲ್ಲಿ ಹೆಚ್ಚಳ ಸಮಾಧಾನ ಸಿಗಲಿದೆ
• ಆತ್ಮವಿಶ್ವಾಸವಿದ್ದರೂ ಖರ್ಚನ್ನು ನೋಡಿ ಚಿಂತಿಸಬೇಕಾಗಲಿದೆ
• ವ್ಯವಹಾರದಲ್ಲಿ ಒಪ್ಪಂದಗಳು ಮಾತುಕತೆ ನಡೆಯಬಹುದು
• ವಸ್ತುಗಳ ವಿತರಕರಿಗೆ ಲಾಭದ ದಿನ
• ಮನೆಗೆ ಬಂದ ಅತಿಥಿಗಳಿಂದ ನಿಮ್ಮ ವೈಯಕ್ತಿಕ ಕೆಲಸಗಳಿಗೆ ಅಡ್ಡಿಯಾಗಬಹುದು
• ಮಹಾವಿಷ್ಣುವನ್ನು ಪ್ರಾರ್ಥನೆ ಮಾಡಿ

ಮಕರ

• ಬೆಲೆಬಾಳುವ ವಸ್ತುಗಳ ಖರೀದಿ ಮಾಡುತ್ತೀರಿ
• ಅನುಭವಿಗಳ ಉಚಿತ ಸಲಹೆ ಮನಸ್ಸಿಗೆ ಧೈರ್ಯ ಕೊಡಲಿದೆ
• ಕುಟುಂಬದಲ್ಲೇ ಸಂತಸದ ವಾತಾವರಣ ಇದ್ದರು ಸಮಾಧಾನವಿರುವುದಿಲ್ಲ
• ವಿದೇಶದಲ್ಲಿರುವವರಿಂದ ಮನೆಗೆ ಶುಭವಾರ್ತೆ ಬರಬಹುದು
• ಆಸ್ತಿ ಖರೀದಿಸಲು ಹಣ ಕೈಯಲ್ಲಿರುತ್ತದೆ
• ಮನೆಯಲ್ಲಿ ಎಲ್ಲವೂ ಶುಭ ಆದರೆ ಮನಸ್ಸು ಅಧೈರ್ಯದಿಂದ ಕೂಡಿರುತ್ತದೆ
• ಜಗನ್ಮಾತೆಯನ್ನು ಪ್ರಾರ್ಥನೆ ಮಾಡಿ

ಕುಂಭ

• ನಿರೀಕ್ಷಿತ ಕೆಲಸದ ವಿರುದ್ಧವಾಗಿ ಅಸಮಾಧಾನಗೊಳ್ಳಬಹುದು
• ನಿಮ್ಮ ಆಸೆಗಳಿಗೆ ಹಿನ್ನಡೆ ಕಾಣಬಹುದು
• ಉತ್ತಮ ಅಧಿಕಾರಿಗಳಾಗಿದ್ದರೂ ನಿಮ್ಮ ಮೇಲೆ ಸಿಡಿದೇಳಬಹುದು
• ಪ್ರಯಾಣ ಪ್ರವಾಸಗಳು ರದ್ದಾಗುವುದರಿಂದ ಬೇಸರವಾಗಲಿದೆ
• ಬೇರೆಯವರನನ್ಉ ಅವಲಂಬಿಸಬೇಕಾದ ಸಂದರ್ಭಗಳು ನಿಮಗೆ ಹಿಡಿಸುವುದಿಲ್ಲ
• ದೈನಂದಿನ ಶಿಸ್ತು ಅಸ್ತವ್ಯಸ್ತವಾಗಲಿದೆ
• ಮನಸ್ಸಿನಲ್ಲಿ ಗಾಬರಿ ಉಂಟಾಗಬಹುದು
• ಆಂಜನೇಯ ಸ್ವಾಮಿಯನ್ನು ಪ್ರಾರ್ಥನೆ ಮಾಡಿ

ಮೀನ

• ದಿನದ ಕೆಲವು ಕೆಲಸಗಳು ಬೇಸರದಿಂದ ಮುಕ್ತಾಯವಾಗಬಹುದು
• ಮನಸ್ಸಿನ ತೊಳಲಾಟ ಧೈರ್ಯಗೆಡಿಸುತ್ತದೆ
• ಸಹೋದ್ಯೋಗಿಗಳು ಮಿತ್ರರು ನಿಮ್ಮ ಸಂಬಂಧದಲ್ಲಿ ತಪ್ಪು ಹುಡುಕಬಹುದು
• ಸಣ್ಣ ವಿಷಯಗಳಿಗೆ ಮಿತಿಮೀರಿ ಮಾತನಾಡಬಾರದು
• ಕೆಲವು ಕಾನೂನು ತೊಡಕುಗಳು ನಿಮ್ಮ ನೌಕರಿಯಲ್ಲಿ ತಲೆದೋರಬಹುದು
• ಆರೋಗ್ಯದ ಬಗ್ಗೆಯೂ ಗಮನಿಸಿ ಬೆನ್ನಿನ ಮೂಳೆಗೆ ತೊಂದರೆಯಾಗಬಹುದು
• ಇಷ್ಟ ದೇವತಾ ಆರಾಧನೆ ಮಾಡಿ

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ