ರಚ್ಚು ಭೇಟಿ ದಚ್ಚುಗೆ ಫಜೀತಿ? ದರ್ಶನ್​ಗೆ ಕಾಡುತ್ತಿದೆಯಾ ಸ್ತ್ರೀ ಕಂಟಕ? ಫ್ಯಾನ್ಸ್​ ಬೇಸರ

ರೇಣುಕಾಸ್ವಾಮಿ ಕೊಲೆ ಕೇಸ್​ನಲ್ಲಿ ವಿಚಾರಣಾಧೀನ ಕೈದಿಯಾಗಿರುವ ದರ್ಶನ್​​ಗೆ ಸಂಕಟಗಳ ಮೇಲೆ ಸಂಕಟ ಎದುರಾಗುತ್ತಿದೆ. ಇದರ ಜೊತೆಗೆ ನಟನಿಗೆ ಸ್ತ್ರೀ ಕಂಟಕ ಬೆನ್ನು ಬಿದ್ದಿದೆಯಾ ಎಂಬ ಪ್ರಶ್ನೆ ಅವರ ಅಭಿಮಾನಿಗಳನ್ನು ಕಾಡುತ್ತಿದೆ.

ಚಿತ್ರದುರ್ಗ ಮೂಲದ ರೇಣುಕಾಸ್ವಾಮಿ ಕೊಲೆ ಪ್ರಕರಣದಲ್ಲಿ A2 ಆರೋಪಿಯಾಗಿ ದರ್ಶನ್​​ ಪರಪ್ಪನ ಅಗ್ರಹಾರ ಜೈಲು ಸೇರಿದ್ದರು. ನಟಿ ಪವಿತ್ರ ಗೌಡಗೆ ಅಶ್ಲೀಲ ಮೆಸೇಜ್​ ಮಾಡಿದ ಪ್ರಕರಣ ಸಂಬಂಧ ರೇಣುಕಾಸ್ವಾಮಿ ಕೊಲೆಯಾಗಿದೆ. ಕೊಲೆ ಪ್ರಕರಣದಲ್ಲಿ 3 ತಿಂಗಳಿಂದಲೂ ಸೆರೆಮನೆಯಲ್ಲಿರುವ ನಟನನ್ನು ಅನೇಕ ತಾರೆಯರು ಭೇಟಿ ಮಾಡಲು ಬಂದಿದ್ದಾರೆ.

ಇತ್ತೀಚೆಗೆ ನಟಿ ರಚಿತಾ ರಾಮ್​ ಕೂಡ ದರ್ಶನ್​ ಕಾಣಲು ಜೈಲಿಗೆ ಬಂದಿದ್ದಾರೆ. ಆದರೆ ಡಿಂಪಲ್​ ಕ್ವೀನ್​ ಭೇಟಿ ಬಳಿಕ ದರ್ಶನ್​​ಗೆ ಜೈಲಿನಲ್ಲಿ ರಾಜಾತಿಥ್ಯ ನೀಡುವ ಫೋಟೋ ವೈರಲ್​ ಆಗಿದೆ. ಈ ಸಂಬಂಧ ಒಟ್ಟು ಮೂರು ಎಫ್​ಐಆರ್ ದಾಖಲಾಗಿದ್ದು, ಎರಡರಲ್ಲಿ ದರ್ಶನ್ ಹೆಸರು ಇದೆ.

ಪವಿತ್ರಾ ಗೌಡರಿಂದಾಗಿ ದರ್ಶನ್​​ ಜೈಲು ಸೇರಿದ್ದಾರೆ ಎಂಬ  ಸಂಗತಿಯನ್ನು ಮಾತನಾಡುತ್ತಿರುವುದರ ಜೊತೆಗೆ ಅಭಿಮಾನಿಗಳು ನೊಂದಿರುವುದು ಒಂದೆಡೆಯಾದರೆ. ಇದೀಗ ರಚಿತಾ ರಾಮ್​ ಭೇಟಿ ಬಳಿಕ ದರ್ಶನ್​ಗೆ ಮತ್ತೊಂದು ಕಂಟಕ ಶುರುವಾಗಿದೆ ಎಂಬ ಸಂಗತಿ ಬಗ್ಗೆ ಮಾತನಾಡುತ್ತಿದ್ದಾರೆ.

ರಚಿತಾ ರಾಮ್​ 22ನೇ ತಾರೀಖು ಮಧ್ಯಾಹ್ನದ ವೇಳೆ ನಟ ದರ್ಶನ್ ಭೇಟಿ ಮಾಡಲು ಬಂದಿದ್ದರು. ಸ್ಪೇಷಲ್ ಎಂಟ್ರಿ ರೂಂನಲ್ಲಿ ದರ್ಶನ್​ರನ್ನು ಭೇಟಿ ಮಾಡಿದ್ದರು. ಈ ವೇಳೆ ಟೀ ಕುಡಿಯಲು ಹೋಗಿದ್ದಾಗ ಪೋಟೋ ಕ್ಲಿಕ್ ಆಗಿದೆ ಎನ್ನಲಾಗುತ್ತಿದೆ.

ವಿಸಿ ಕೋರ್ಟ್ ಹಿಂಭಾಗ ಇರುವ ಜೈಲ್ ಪಾರ್ಕ್ ಇರುವ ಜಾಗದಲ್ಲಿ ದರ್ಶನ್​​ ಫೋಟೋ ಕ್ಲಿಕ್​ ಆಗಿದೆ ಎನ್ನಲಾಗುತ್ತಿದೆ. ಅಲ್ಲಿ ಕೈದಿಗಳಿಗೆ ಟೀ ಕುಡಿಯಲು, ವಾಕ್ ಮಾಡೋಕೆ, ಆಟಕ್ಕೆ ಹೀಗೆ ವಾಲಿಬಾಲ್ ಆಡಲು ಅವಕಾಶವನ್ನು ನೀಡಲಾಗುತ್ತದೆ. ಈ ಪಾರ್ಕ್ ನಲ್ಲಿ ಈಡೀ ದಿನ ಕೈದಿಗಳಿಗೆ ಓಪನ್ ಪ್ಲೇಸ್ ಇರುತ್ತದೆ. ಆದರೀಗ ದರ್ಶನ್​ ಪ್ರಕರಣ ಬೆಳಕಿಗೆ ಬಂದಂತೆ ಪಾರ್ಕ್​ ಕ್ಲೋಸ್​ ಆಗಿದೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ