ಕ್ಯಾನ್ಸರ್‌ಗಳಲ್ಲೇ ಲಂಗ್ ಕ್ಯಾನ್ಸರ್ 3ನೇ ಅತಿ ಭಯಾನಕ ರೋಗ

ಭಾರತದಲ್ಲಿ 72,510 ಶ್ವಾಸಕೋಶ ಕ್ಯಾನ್ಸರ್ ಪ್ರಕರಣಗಳು ಪತ್ತೆ

ವೈದ್ಯರು ಹೇಳಿದ ಲಕ್ಷಣಗಳು ನಿಮ್ಮಲ್ಲಿದ್ರೆ ಕೂಡಲೇ ಎಚ್ಚರ ವಹಿಸಿ

ಬೆಂಗಳೂರು: ಕ್ಯಾನ್ಸರ್​ ಹೆಸರು ಕೇಳಿದ್ರೆ ಸಾಕು ಜನರು ಬೆಚ್ಚಿ ಬಿಳುತ್ತಿದ್ದಾರೆ. ಸದ್ದಿಲ್ಲದೆ ದೇಹ ಹೊಕ್ಕೋ ಈ ಕಾಯಿಲೆ, ಗಮನಕ್ಕೆ ಬರುವುದರೊಳಗೆ ಉಸಿರನ್ನೇ ನಿಲ್ಲಿಸಿ ಬಿಡುತ್ತೆ. ಇಂಥಾ ಮಾರಕ ಕಾಯಿಲೆ ಇದೀಗ ಕನ್ನಡದ ಖ್ಯಾತ ನಿರೂಪಕಿ ಅಪರ್ಣಾರನ್ನು ಬಲಿ ತೆಗೆದುಕೊಂಡಿದೆ. ಇದರ ಬೆನ್ನಲ್ಲೇ ಜನರಲ್ಲಿ ಆತಂಕ ಹೆಚ್ಚುತ್ತಿದೆ. ಈ ಕ್ಯಾನ್ಸರ್​ ಬಗ್ಗೆ ಗೂಗಲ್​ ನಲ್ಲಿ ಜಾಲಾಡ್ತಿದ್ದಾರೆ.

ಖ್ಯಾತ ನಿರೂಪಕಿ, ನಟಿ ಅಪರ್ಣಾ ಶ್ವಾಸಕೋಶ ಕ್ಯಾನ್ಸರ್​​ನಿಂದ 2 ವರ್ಷ ಕ್ಯಾನ್ಸರ್​ ಜೊತೆ ಹೋರಾಡಿದ್ರು. ಡಾಕ್ಟರ್​​ 6 ತಿಂಗಳು ಟೈಮ್​ ಕೊಟ್ರೆ ಅಪರ್ಣಾ ನಾನಾ.. ನೀನಾ..? ಅಂತ ಹೋರಾಡಿ 2 ವರ್ಷ ಬದುಕಿದ್ರು. ಆದ್ರೆ ಶ್ವಾಸಕೋಶ ಕೊಟ್ಟ ನಿರಂತರ ಬಾದೆಯಿಂದ ಹೋರಾಟದಲ್ಲಿ ಸೋತ ಅಪರ್ಣಾ ಮೊನ್ನೆ ಕೊನೆಯುಸಿರೆಳೆದಿದ್ರು. ಇದರ ಬೆನ್ನಲ್ಲೇ ಇಂಥಾ ಮಾರಕ ರೋಗದ ಬಗ್ಗೆ ತಿಳ್ಕೊಳ್ಳೋಕೆ ಹೆಚ್ಚಿನ ಮಂದಿ ಗೂಗಲ್​ ಮೊರೆ ಹೋಗ್ತಿದ್ದಾರೆ. ಪಾಶ್ಚಿಮಾತ್ಯ ದೇಶಗಳಲ್ಲಿ ಶ್ವಾಸಕೋಶ ಕ್ಯಾನ್ಸರ್​​​​ ಪ್ರಮಾಣ ಕಡಿಮೆಯಾಗುತ್ತಿದ್ದು, ಭಾರತದಲ್ಲಿ ಇದರ ಪ್ರಮಾಣ ಏರಿಕೆಯಾಗುತ್ತಿದೆ. ಈ ಹಿಂದೆ 70 % ಜನರಲ್ಲಿ ಧೂಮಪಾನ ಮಾಡೋದ್ರಿಂದ ಈ ಶ್ವಾಸಕೋಶ ಕ್ಯಾನ್ಸರ್​ ಬರುತ್ತೆ ಎನ್ನಲಾಗ್ತಿತ್ತು. ಆದ್ರೀಗ ಟಾಟಾ ಮೆಡಿಕಲ್​ ಸೆಂಟರ್​ನ ರಿಸರ್ಚ್​ ಪ್ರಕಾರ ಶ್ವಾಸಕೋಶದ ಕ್ಯಾನ್ಸರ್​ಗೆ ಒಳಗಾದ ಶೇ.50 ರಷ್ಟು ಮಂದಿ ಧೂಮಪಾನಿಗಳಲ್ಲ ಅನ್ನೋ ಮಾಹಿತಿ ಲಭ್ಯವಾಗಿದೆ.

ಇದನ್ನೂ ಓದಿ: ಸಿಗರೇಟ್ ಸೇದದವರಿಗೆ ಲಂಗ್ ಕ್ಯಾನ್ಸರ್‌.. ಅಪರ್ಣಾ ಸಾವಿನ ಬೆನ್ನಲ್ಲೇ ಹೆಚ್ಚಿದ ಆತಂಕ; ಏನಿದು ಅಪಾಯ?

ಶಾಕಿಂಗ್​ ಎನಿಸಿದರು ಇದು ನಿಜ. ಧೂಮಪಾನ ಮಾಡೋರಂತೆಯೇ ಧೂಮಪಾನ ಮಾಡದೇ ಇರೋರಲ್ಲೂ ಈ ಶ್ವಾಸಕೋಶ ಕ್ಯಾನ್ಸರ್​ ಕಂಡು ಬಂದಿದೆ. ಇದಕ್ಕೆ ಕಾರಣ ವಾಯುಮಾಲಿನ್ಯ ಅಂತ ಹೇಳಲಾಗ್ತಿದೆ. ಅಷ್ಟೇ ಅಲ್ಲ ಕಾರ್ಖಾನೆಯಿಂದ ಹೊರ ಬರುವ ಕೆಮಿಕಲ್ ಮಿಶ್ರಿತ ಹೊಗೆ​, ವೆಹಿಕಲ್​ನಿಂದ ಬರುವ ಹೊಗೆ ಗಾಳಿಯಲ್ಲಿ ಸೇರಿಕೊಂಡು ಅಶುದ್ಧವಾಗ್ತಿದೆ. ಈ ಗಾಳಿಯನ್ನ ಸೇವಿಸುವುದರಿಂದ ಶ್ವಾಸಕೋಶಕ್ಕೆ ಹಾನಿಯಾಗ್ತಿದ್ದು, ಇದ್ರಿಂದಾಗಿ ಕ್ಯಾನ್ಸರ್​​​ ಬರುತ್ತೆ ಎನ್ನಲಾಗ್ತಿದೆ. ಅಷ್ಟೇ ಅಲ್ಲ ಸ್ಮೋಕ್​ ಮಾಡುವವರ ಪಕ್ಕ ಇರೋದು ಜೊತೆಗೆ ಹೆಚ್ಚು ಮೇಕಪ್​​​ ಮಾಡಿಕೊಳ್ಳುವವರಿಗೂ ಈ ಕ್ಯಾನ್ಸರ್​ ಹೆಚ್ಚಾಗಿ ಕಂಡು ಬರ್ತಿದೆ.

ಲಂಗ್ ಕ್ಯಾನ್ಸರ್​ ಲಕ್ಷಣವೇನು?

• ವಿಪರೀತ ಕೆಮ್ಮು
• ಉಸಿರಾಟದ ತೊಂದರೆ
• ತೂಕ ಇಳಿಕೆ
• ಕೆಮ್ಮಿದಾಗ ರಕ್ತಸ್ರಾವ
• ಎದೆ ನೋವು
• ತಲೆನೋವು
• ನಿಶಕ್ತಿ
• ಮುಖ ಊದಿಕೊಳ್ಳುವುದು

ಸಾಕಷ್ಟು ವಿಧಗಳಲ್ಲಿ ಮನುಷ್ಯರಲ್ಲಿ ಕ್ಯಾನ್ಸರ್ ಕಾಣಿಸಿಕೊಳ್ಳುತ್ತದೆ. ಅದರಲ್ಲಿ ವಾಯು ಮಾಲಿನ್ಯ, ಧೂಮಪಾನ, ಆಹಾರ ಸೇವನೆಯಲ್ಲಿ ಬದಲಾವಣೆ, ಅವರಿಗಾಗಿ ಅವರು ಸಮಯ ಕೊಡದಿರುವುದು, ಒತ್ತಡ ಇನ್ನಿತರ ಅಂಶಗಳಿಂದ ಕ್ಯಾನ್ಸರ್ ಕಾಣಿಸಿಕೊಳ್ಳುತ್ತೆ. ದಿನಕ್ಕೆ 10ಕ್ಕೂ ಹೆಚ್ಚು ಜನರು ಕ್ಯಾನ್ಸರ್​ನಿಂದ ಬಳಲುತ್ತಿದ್ದಾರೆ. ಅದರಲ್ಲೂ ಐದರಿಂದ ಆರು ಮಹಿಳೆಯರಲ್ಲಿ ಲಂಗ್​​ ಕ್ಯಾನ್ಸರ್‌ ಕಾಣಿಸಿಕೊಳ್ಳುತ್ತಿದೆ. ಏಕೆಂದರೆ ಹೆಣ್ಣು ಮಕ್ಕಳ ಮನೆಯಲ್ಲಿ ಪತಿ, ತಂದೆ, ಮಗ ಹೀಗೆ ಯಾರಾದರೂ ಧೂಮಪಾನ ಮಾಡಿದ್ರೆ, ಧೂಮಪಾನ ಮಾಡುವವರ ಪಕ್ಕದಲ್ಲಿ ನಿಂತುಕೊಂಡರೇ ಅದರಿಂದ ಕೂಡ ಈ ಎಫೆಕ್ಟ್​ ಉಂಟಾಗುತ್ತದೆ. ಮುಖ್ಯವಾಗಿ ಒತ್ತಡ, ಡಯಟ್, ಮೇಕಪ್​ ವಿಧಾನ, ಫ್ಯಾಮಿಲಿಯಿಂದ ಕಿರಿಕಿರಿ ಆದಾಗಲೂ ಬಹುತೇಕವಾಗಿ ಕ್ಯಾನ್ಸರ್ ಕಾಣಿಸಿಕೊಳ್ಳುತ್ತದೆ. 

ಈ ಲಂಗ್​ ತುಂಬಾ ಭಯಾನಕವಾಗಿದೆ. ಈ ಲಂಗ್​​ ಕ್ಯಾನ್ಸರ್​ಗೆ ತುತ್ತಾದವರೂ ತುಂಬಾ ಕಷ್ಟವನ್ನು ಅನುಭವಿಸುತ್ತಾರೆ. ಶ್ವಾಸಕೋಶದಲ್ಲಿ ನೀರು ತುಂಬಿಕೊಂಡರೇ ಉಸಿರಾಟಕ್ಕೆ ತೊಂದರೆಯಾಗುತ್ತದೆ. ಲಂಗ್​​ನಿಂದ ಮೂಳೆಗಳಿಗೆ ಹೋದರೆ ತುಂಬಾ ಕಷ್ಟ. ಮೊದಲು ಇದರಲ್ಲಿ ಮೂರು ಭಾಗಗಳಾಗಿ ವಿಂಗಡಣೆ ಮಾಡುತ್ತೇವೆ. ಸ್ಟೇಜ್​ 1 ಸರ್ಜರಿ, ಸ್ಟೇಜ್​ 2 ಸರ್ಜರಿ, ಸ್ಟೇಜ್​ 3 ಸರ್ಜರಿಯನ್ನು ಮಾಡುತ್ತೇವೆ. ರೇಡಿಯೊ ಥೆರಪಿ, ಕಿಮೋ ಥೆರಪಿಯನ್ನು, ಟಾರ್ಗೆಟ್​​ ಥೆರಪಿ ಮಾಡಬಹುದು. ಆದರೆ ಇದಕ್ಕೂ ಮುಂದೆ ಹೋದಾಗ ತುಂಬಾ ಕಷ್ಟವಾಗುತ್ತದೆ. ಯಾವುದಾದರೂ ವ್ಯಕ್ತಿ ಈ ಕ್ಯಾನ್ಸರ್​ ಕಾಣಿಸಕೊಂಡರೇ ಅವರಿಗೆ ಹಿಮಿನೋ ಥೆರಪಿ ನೀಡುತ್ತೇವೆ. ಉದಾಹರಣೆಗೆ ನಟ ಸಂಜಯ್​ ದತ್​ ಅವರು ಕ್ಯಾನ್ಸರ್​ ನಾಲ್ಕನೇ ಹಂತಕ್ಕೆ ಬಂದಾಗ ಅವರಿಗೆ ಹಿಮಿನೋ ಥೆರಪಿ ಮಾಡಿದ್ದಕ್ಕೆ ಅವರು ಈಗಲೂ ಆರೋಗ್ಯವಾಗಿದ್ದಾರೆ.

ಕ್ಯಾನ್ಸರ್​ ಬಂದವಿಗೆ ಮೊದಲು ಕೀಮೋಥೆರಪಿ ಚಿಕಿತ್ಸೆ ನೀಡುತ್ತೇವೆ. ಈ ಕೀಮೋಥೆರಪಿಯಿಂದ ಸಾಕಷ್ಟ ಅಡ್ಡ ಪರಿಣಾಮಗಳು ಇವೆ. ಕೂದಲು ಉದುರುವುದು, ವಾಂತಿ ಬರುತ್ತೆ, ಬಾಯಲ್ಲಿ ಹುಣ್ಣು ಆಗುತ್ತೆ, ಮೈ ಕೈ ನೋವು ಆಗುತ್ತೆ. ಈಗ ಹಿಮಿನೋ ಥೆರಪಿ ಸಾಕಷ್ಟು ಉಪಾಯಕಾರಿಯಾಗಿದೆ. ಈ ಹಿಮಿನೋ ಥೆರಪಿಯನ್ನು ಎಲ್ಲರೂ ತೆಗೆದುಕೊಳ್ಳಲು ಆಗುವುದಿಲ್ಲ. ಈ ಹಿಮಿನೋ ಥೆರಪಿ ಯಾರ ದೇಹಕ್ಕೆ ತಡೆದುಕೊಳ್ಳುವ ಶಕ್ತಿ ಇರುತ್ತದೆ ಅವರಿಗೆ ಮಾತ್ರ ಇದನ್ನು ನೀಡುತ್ತೇವೆ. ಹಿಮಿನೋ ಥೆರಪಿಯೂ ಲಂಗ್​​ ಕ್ಯಾನ್ಸರ್​ನಲ್ಲಿ ಮುಖ್ಯವಾದ ಪಾತ್ರವನ್ನು ವಹಿಸುತ್ತದೆ. ಲಂಗ್​ ಕ್ಯಾನ್ಸರ್​ ಬಂದವರಿಗೆ ಎರಡು ಹಿಮಿನೋ ಥೆರಪಿ ಕೊಟ್ಟು ರೋಗಿಗಳನ್ನು ಉಳಿಸಿಕೊಂಡಿರೋ ಉದಾಹರಣೆ ಇದೆ. ಈ ಹಿಮಿನೋ ಥೆರಪಿ ಚಿಕಿತ್ಸೆ ನೀಡಬೇಕು ಅಂದ್ರೆ ಒಂದು ವರ್ಷಕ್ಕೆ ಬರೋಬ್ಬರಿ 10 ಲಕ್ಷ ರೂಪಾಯಿ ಖರ್ಚು ಆಗುತ್ತೆ.

ಸೀನಿಯರ್‌ ಆಂಕಾಲಜಿಸ್ಟ್‌ ಡಾ.ಸಂಪತ್‌ ಕುಮಾರ್‌ 

ಶ್ವಾಸಕೋಶ ಕ್ಯಾನ್ಸರ್​ ಪೀಡಿತರಿಗೆ ವಿಪರೀತ ಕೆಮ್ಮು ಇರುತ್ತೆ. ಜೊತೆಗೆ ಉಸಿರಾಟದ ತೊಂದರೆಯೂ ಆಗುತ್ತೆ, ತೂಕ ಇಳಿಕೆ ಆಗೋದು, ಕೆಮ್ಮಿದಾಗ ರಕ್ತಸ್ರಾವವಾಗುತ್ತೆ. ಜೊತೆಗೆ ಎದೆ ನೋವು, ತಲೆನೋವು, ನಿಶಕ್ತಿ, ಮುಖ ಊದಿಕೊಳ್ಳುವ ಲಕ್ಷಣಗಳು ಇರುತ್ತೆ ಅಂತಾರೆ ವೈದ್ಯರು. ಇನ್ನು, ಈ ಲಂಗ್​ ಕ್ಯಾನ್ಸರ್​​ಗೆ ಟ್ರೀಟ್ಮೆಂಟ್ ಇಲ್ವಾ? ಇದ್ದರೆ ಯಾವಾಗ ಟ್ರೀಟ್ಮೆಂಟ್​ ಕೊಟ್ರೆ ಈ ಕ್ಯಾನ್ಸರ್​ ಕ್ಯೂರ್​ ಆಗುತ್ತೆ ಅನ್ನೋ ಬಗ್ಗೆ ನ್ಯೂಸ್​ ಫಸ್ಟ್​ಗೆ ವೈದ್ಯರು ಮಾಹಿತಿ ಕೊಟ್ಟಿದ್ದಾರೆ. ಈ ಲಂಗ್​​ ಕ್ಯಾನ್ಸರ್​​ ಮಾರಕ. ವೈದ್ಯರು ಹೇಳಿದಂತೆ ಲಕ್ಷಣಗಳು ನಿಮ್ಮಲ್ಲಿದ್ರೆ ಎಚ್ಚರ ವಹಿಸಿ. ಜೊತೆಗೆ ಇಂಥಾ ಕ್ಯಾನ್ಸರ್​ಗಳಿಂದ ದೂರ ಇರ್ಬೇಕು ಅಂದ್ರೆ ನಿಮಗೋಸ್ಕರ ನೀವು ಟೈಮ್​ ಕೊಡಿ. ದಿನಕ್ಕೆ 2 ಗಂಟೆ ಸ್ಟ್ರೆಸ್ ಫ್ರೀಯಾಗಿರಿ ಅಂತ ಡಾಕ್ಟರ್​​ ಹೇಳಿದ ಕಿವಿಮಾತನ್ನ ಫಾಲೋ ಮಾಡಿ ಉತ್ತಮ ಆರೋಗ್ಯವನ್ನ ನಿಮ್ಮದಾಗಿಸಿಕೊಳ್ಳಿ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ