ಅಮೆರಿಕಾಗೆ ಚೆಕ್​​ಮೇಟ್,​​ ಡಾಲರ್​ ಎದುರು ಪ್ರಬಲ ಬ್ರಿಕ್ಸ್ ಕರೆನ್ಸಿ!

ಒಂದು ಬ್ರಿಕ್ಸ್​ ಕರೆನ್ಸಿಗೆ ಎಷ್ಟು ಡಾಲರ್​ ನೀಡಬೇಕಾಗುತ್ತೆ, ಗೊತ್ತಾ?

ಬ್ರಿಕ್ಸ್​ ಕರೆನ್ಸಿಯಲ್ಲಿ ತಾಜ್​ಮಹಲ್ ಚಿತ್ರ, ಶುರುವಾಯ್ತು ವಿರೋಧ!

ವಿಶ್ವದ ಕರೆನ್ಸಿ ಸಾಮ್ರಾಜ್ಯದಲ್ಲಿ ಡಾಲರ್​ ಬಹುದೊಡ್ಡ ಅಧಿಪತ್ಯ ನಡೀತಿತ್ತು. ಇದೀಗ ಬ್ರಿಕ್ಸ್ ದೇಶಗಳು ಡಾಲರ್​ಗೆ ಚೆಕ್​ಮೆಟ್​​ ಇಟ್ಟಿವೆಯೇ? ಬ್ರಿಕ್ಸ್​ ವೇದಿಕೆಯಲ್ಲಿ ರಷ್ಯಾ ಅಧ್ಯಕ್ಷ ಪುಟಿನ್ ಕೈಯಲ್ಲಿ ಕರೆನ್ಸಿ ನೋಟ್ ಒಂದು ಕಾಣಿಸಿಕೊಂಡಿದೆ. ಬ್ರೆಜಿಲ್, ರಷ್ಯಾ, ಇಂಡಿಯಾ, ಚೀನಾ ಹಾಗೂ ದಕ್ಷಿಣ ಆಫ್ರಿಕಾ ದೇಶಗಳ ಒಕ್ಕೂಟ ಹೊಸ ಕರೆನ್ಸಿ ಪರಿಚಯಿಸಿವೆ ಅನ್ನೋ ಚರ್ಚೆ ನಡೀತಿದೆ. ಹಾಗಾಗಿಯೇ ಬ್ರಿಕ್ಸ್​ ಕರೆನ್ಸಿ ಡಾಲರ್​​ಗೆ ಶಾಕ್ ನೀಡಿದೆ ಎನ್ನಲಾಗುತ್ತಿದೆ.

ಪುಟಿನ್ ಕೈಯಲ್ಲಿರೋದು ಬ್ರಿಕ್ಸ್ ಕರೆನ್ಸಿ ನೋಟಾ?
ರಷ್ಯಾದ ಕಜಾನ್​​​ನಲ್ಲಿ ಬ್ರಿಕ್ಸ್​ ಸಮಾವೇಶ ನಡೀತಿದೆ. ಇದೇ ಸಮಾವೇಶದಲ್ಲಿ ಪ್ರಧಾನಿ ಮೋದಿ ಕೂಡ ಭಾಗವಹಿಸಿದ್ದಾರೆ. ಸದ್ಯ, ಸೋಷಿಯಲ್ ಮೀಡಿಯಾದಲ್ಲಿ ಪುಟಿನ್ ಕೈಯಲ್ಲೊಂದು ನೋಟು ಕಾಣಿಸುತ್ತಿದೆ. ಇದು ಬ್ರಿಕ್ಸ್​ ದೇಶಗಳ ಒಕ್ಕೂಟ ಒಪ್ಪಿಕೊಂಡಿರೋ ಹೊಸ ಕರೆನ್ಸಿ ನೋಟು ಪರಿಚಯಿಸಿವೆ ಎಂದು ಹೇಳಲಾಗುತ್ತಿದೆ. ಇದು ನಿಜವೇ ಆಗಿದ್ದಲ್ಲಿ ಬ್ರಿಕ್ಸ್​ ಕರೆನ್ಸಿ ಅಮೆರಿಕಾದ ಡಾಲರ್​ಗೆ ಬಹುದೊಡ್ಡ ಶಾಕ್ ನೀಡಲಿದೆ. ಪ್ರಸ್ತುತ ಜಾಗತಿಕ ವಹಿವಾಟಿನಲ್ಲಿ ಶೇಕಡಾ 90ರಷ್ಟು ಲೇವಾದೇವಿ ಡಾಲರ್​ನಲ್ಲೇ ನಡೀತಿದೆ. ಒಂದು ವೇಳೆ ಬ್ರಿಕ್ಸ್​ ಕರೆನ್ಸಿ ಅಖಾಡಕ್ಕಿಳಿದರೇ ಎಲ್ಲಾ ಉಲ್ಟಾಪಲ್ಟಾ ಆಗಲಿದೆ.

ಇದನ್ನೂ ಓದಿ: ಸ್ಮಶಾನಕ್ಕೆ ಹೋದಾಗ ಕೈ ಹಿಡಿದ 8 ತಿಂಗಳ ಮಗು.. ದಿಢೀರ್ ಆಸ್ಪತ್ರೆಗೆ ಶಿಫ್ಟ್‌; ಆಮೇಲೆ ನಡೆದಿದ್ದು ಘೋರ ದುರಂತ! 

ಬ್ರಿಕ್ಸ್​ ನೋಟು, ದಿ ಯುನಿಟ್​​ ಇದರ ಮೌಲ್ಯ ಎಷ್ಟು?
ಬ್ರಿಕ್ಸ್​ ಸಮಾವೇಶದಲ್ಲಿ ಕಾಣಿಸಿಕೊಂಡ ಈ ನೋಟನ್ನು ದಿ ಯುನಿಟ್ ಎನ್ನಲಾಗುತ್ತದೆ ಅನ್ನೋ ಸುದ್ದಿ ಹರಿದಾಡುತ್ತಿದೆ. ಹೊಸ ಕರೆನ್ಸಿ ಲಾಂಛನದ ಬಗ್ಗೆ ಹೊಸ ಚರ್ಚೆಗಳು ಶುರುವಾಗಿವೆ. ಆದರೇ, ಈ ವಿಚಾರವಾಗಿ ದ ಗಾರ್ಡಿಯನ್ ಪತ್ರಿಕೆ ಸ್ಪಷ್ಟನೆ ನೀಡಿದೆ. ಇದೆಲ್ಲವೂ ಕಪೋಲ ಕಲ್ಪಿತ ಸುದ್ದಿಗಳು ಎನ್ನುತ್ತಿದೆ. ಆದಾಗ್ಯೂ, ಬ್ರಿಕ್ಸ್​ ಕರೆನ್ಸಿಯಲ್ಲಿ ತಾಜ್​ಮಹಲ್ ಬದಲು ರಾಮಮಂದಿರ ಫೋಟೋ ಇರಬೇಕಿತ್ತು ಅಂತ ಒಂದಷ್ಟು ಮಂದಿ ವಿರೋಧಿಸುತ್ತಿದ್ದಾರೆ. ಇನ್ನು, ಒಂದು ಬ್ರಿಕ್ಸ್​ ಕರೆನ್ಸಿಗೆ 17 ರಿಂದ 19 ಅಮೆರಿಕನ್ ಡಾಲರ್​ ನೀಡಬೇಕು ಅನ್ನೋ ಚರ್ಚೆಗಳು ಸೋಷಿಯಲ್ ಮೀಡಿಯಾದಲ್ಲಿ ಜೋರಾಗಿ ನಡೀತಿದೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ