Aero Show; 100 ದೇಶಗಳು ಭಾಗಿ.. ಬೆಂಗಳೂರಿನ ಬಾನಂಗಳದತ್ತ ಇಡೀ ಜಗತ್ತಿನ ಚಿತ್ತ..!

2025ನೇ ಸಾಲಿನ ಏರೋ ಇಂಡಿಯಾ ಶೋಗೆ ಕ್ಷಣಗಣನೆ ಶುರುವಾಗಿದೆ. ಬಾನಂಗಳದಲ್ಲಿ‌ ಲೋಹದ ಹಕ್ಕಿಗಳ ಕಲರವ ಕಣ್ತುಂಬಿಕೊಳ್ಳಲು ಜನ ಕಾತರಾಗಿದ್ದಾರೆ. ಈ ಬಾರಿಯ ಏರ್ ಶೋ ಕುರಿತ ಪ್ರಮುಖ ವಿಚಾರಗಳನ್ನ ಕೇಂದ್ರ ರಕ್ಷಣಾ ಸಚಿವ ರಾಜನಾಥ್ ಸಿಂಗ್ ಸುದ್ದಿಗೋಷ್ಠಿ ಮೂಲಕ‌ ಬಿಚ್ಚಿಟ್ಟಿದ್ದಾರೆ. ಬೆಳಗ್ಗೆ 9.30ಕ್ಕೆ ಏರ್​ಶೋಗೆ ಚಾಲನೆ ಸಿಗಲಿದೆ.

ಏರೋ ಇಂಡಿಯಾ ಶೋ ಭಾರತದ ಶಕ್ತಿ, ದೇಶದ ಆತ್ಮವಿಶ್ವಾಸದ ಪ್ರತೀಕ. ಸಿಲಿಕಾನ್ ಸಿಟಿಯ ನೀಲಿ ಆಗಸದಲ್ಲಿ ವಾಯುಸೇನೆಯ ಲೋಹದ ಹಕ್ಕಿಗಳು ಅಬ್ಬರಿಸಲಿವೆ. ವಿಶ್ವವೇ ತಿರುಗಿ ನೋಡುವಂಥ ಫೈಟರ್ ಜೆಟ್‌ಗಳ ಅದ್ಭುತ ಸ್ಟಂಟ್‌ಗಳಿಗೆ ಹೈಟೆಕ್ ಸಿಟಿ ಸಾಕ್ಷಿಯಾಗಲಿದೆ.

ಬೆಂಗಳೂರಿನ ಬಾನಂಗಳದತ್ತ ಇಡೀ ಜಗತ್ತಿನ ಚಿತ್ತ!

ಇದು ಏಷ್ಯಾದ ಅತಿದೊಡ್ಡ ಏರ್‌ ಶೋ. ಇವತ್ತಿನಿಂದ ನಭದಲ್ಲಿ ಲೋಹದ ಹಕ್ಕಿಗಳು ವರ್ಣ ರಂಜಿತ ಚಿತ್ತಾರ ಕಾಣಲಿದ್ದು, ನೋಡುಗರ ಮೈ ರೋಮಾಂಚನಗೊಳಿಸಲಿದೆ. ಯಲಹಂಕದ ಏರ್​​ಬೇಸ್​​ನಲ್ಲಿ ಇಂದಿನಿಂದ ಫೆಬ್ರವರಿ 14ರ ತನಕ 2025ನೇ ಏರ್ ಶೋಗೆ ಚಾಲನೆ ನೀಡಲಾಗುತ್ತದೆ.

ಏರ್ ಶೋ ಹಿನ್ನೆಲೆ ರಾಜಧಾನಿಗೆ ಬಂದಿಳಿದಿರೋ ಕೇಂದ್ರ ರಕ್ಷಣಾ ಸಚಿವ ರಾಜನಾಥ್​ ಸಿಂಗ್​ ನಿನ್ನೆ, ಕರ್ಟನ್ ರೈಸರ್ಸ್ ಸುದ್ದಿಗೋಷ್ಠಿ ನಡೆಸಿದರು. ಏರೋ ಇಂಡಿಯಾ ವೈಮಾನಿಕ ಪ್ರದರ್ಶನ ಬರೀ ಏರ್ ಶೋ ಅಷ್ಟೇ ಅಲ್ಲ ಎಂದ ರಾಜನಾಥ್, ಏರೋ ಇಂಡಿಯಾ ದೇಶದ ಆರ್ಥಿಕತೆ, ರಕ್ಷಣಾ ವ್ಯವಸ್ಥೆಯ ಅಭಿವೃದ್ಧಿಗೆ ಉತ್ತಮ ವೇದಿಕೆ ಅಂತ ಬಣ್ಣಿಸಿದರು.

ಹೇಗಿರಲಿದೆ ಏರ್​ಶೋ-2025

• ರನ್ ವೇ ಟು ಬಿಲಿಯನ್ ಆಪರ್ಚುನಿಟಿಸಿ ಟ್ಯಾಗ್​ಲೈನ್​
• 100 ದೇಶಗಳು & 30 ದೇಶಗಳ ಜನಪ್ರತಿನಿಧಿಗಳು ಭಾಗಿ
• ರಷ್ಯನ್​, ಅಮೆರಿಕನ್‌ ಫೈಟ್ ಏರ್‌ಕ್ರಾಪ್ಟ್​ಗಳು ಘರ್ಜನೆ
• ಈ ಏರ್​​​ ಶೋದಲ್ಲಿ 900ಕ್ಕೂ ಹೆಚ್ಚು ಉತ್ಪಾದಕರು ಭಾಗಿ
• ಎಐ, ಡ್ರೋನ್ಸ್, ಸೈಬರ್ ಸೆಕ್ಯುರಿಟಿ, ಗ್ಲೋಬರ್ ಏರೋಸ್ಪೇಸ್
• ನೂತನ ತಂತ್ರಜ್ಞಾನದ ವಿವಿಧ ಎಕ್ಸಿಬಿಷನ್​ಗಳು ಇರಲಿವೆ
• ಈ ಬಾರಿ 7 ಲಕ್ಷಕ್ಕೂ ಹೆಚ್ಚು ಜನ ಭಾಗವಹಿಸುವ ನಿರೀಕ್ಷೆ

ಇದನ್ನೂ ಓದಿ: Apple; ಕಿಂಗ್ ಕೊಹ್ಲಿ, ರೋಹಿತ್ ಫ್ಯಾನ್ಸ್​ಗೆ ಆಪಲ್ ಎಸೆದ ಯಂಗ್ ಬೌಲರ್​.. ಫುಲ್ ಖುಷ್

ಭಾರತೀಯ ರಕ್ಷಣಾ ವಲಯದ ಅಭಿವೃದ್ಧಿ ಆತ್ಮ ನಿರ್ಭರ್ ಭಾರತದ ಮಾದರಿಗಳು ಏರ್​ಶೋನಲ್ಲಿ ಗಮನ ಸೆಳೆಯಲಿವೆ. ತಂತ್ರಜ್ಞಾನದ ಪ್ರದರ್ಶನಕ್ಕೆ ಅತಿದೊಡ್ಡ ವೇದಿಕೆ ಬೆಂಗಳೂರು ಸಜ್ಜಾಗಿದ್ದು, ವಿವಿಧ ಯುದ್ಧ ವಿಮಾನಗಳು, ರಫೆಲ್, ಚಾಪರ್​ಗಳು ಬಾನಂಗಳದಲ್ಲಿ ರಂಗು ರಂಗಿನ ಚಿತ್ತಾರ ಮೂಡಿಸಲಿವೆ. ಒಟ್ಟು 5 ದಿನಗಳ ಕಾಲ ಆಗಸದಲ್ಲಿ ಉಕ್ಕಿನ ಹಕ್ಕಿಗಳ ಅಬ್ಬರವೇ ಕೇಳಿಸಲಿದೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ