ಅಯ್ಯರ್ ಪ್ಲಾನ್ ಉಲ್ಟಾ ಮಾಡಿದ ಡೆಲ್ಲಿ ಕ್ಯಾಪಿಟಲ್ಸ್.. RCB, GTಗೆ ಇನ್ನೊಂದು ಚಾನ್ಸ್..!

ಜೈಪುರದಲ್ಲಿ ಪಂಜಾಬ್ ಕಿಂಗ್ಸ್​ಗೆ ಡೆಲ್ಲಿಯ ಪವರ್ ಫುಲ್ ಡಿಚ್ಚಿ ನೀಡ್ತು. ಪಂಜಾಬ್ ನೀಡಿದ್ದ ಬೃಹತ್ ಟಾರ್ಗೆಟ್​ನ ಕೂಲ್ ಆ್ಯಂಡ್ ಕಾಮ್ ಆಗಿ ಚೇಸ್ ಡಿದ ಡೆಲ್ಲಿ, ಟೂರ್ನಿಗೆ ಗೆಲುವಿನ ವಿದಾಯ ಹೇಳ್ತು. ಈ ಗೆಲುವಿನ ಕ್ರೆಡಿಟ್ ಸಮೀರ್​ ರಿಜ್ವೆಗೆ ಸಲ್ಲಬೇಕು.

ಜೈಪುರದಲ್ಲಿ ಟಾಸ್​ ಗೆದ್ದ ಡೆಲ್ಲಿ ಕ್ಯಾಪಿಟಲ್ಸ್​ ಬೌಲಿಂಗ್ ಆಯ್ದುಕೊಳ್ತು. ಇದರಂತೆ ಮೊದಲು ಬ್ಯಾಟಿಂಗ್ ನಡೆಸಿದ ಪಂಜಾಬ್ ಕಿಂಗ್ಸ್​ಗೆ ಆರಂಭದಲ್ಲೇ ಮುಸ್ತಾಫಿಜುರ್ ರಹಮಾನ್ ಶಾಕ್ ನೀಡಿದರು. 6 ರನ್ ಗಳಿಸಿದ್ದ ಪ್ರಿಯಾಂಶ್ ಆರ್ಯ ವಿಕೆಟ್ ಉರುಳಿಸಿ ಡೆಲ್ಲಿಗೆ ಆರಂಭಿಕ ಮೈಲುಗೈ ತಂದಿಟ್ಟರು. ಈ ವೇಳೆ ಪ್ರಬ್ ಸಿಮ್ರಾನ್ ಜೊತೆಯಾದ ಜೋಶ್ ಇಂಗ್ಲಿಸ್​, 2ನೇ ವಿಕೆಟ್​​ಗೆ 47 ರನ್​ಗಳ ಜೊತೆಯಾಟವಾಡಿ ಪಂಜಾಬ್ ತಂಡಕ್ಕೆ ಆಸರೆಯಾದರು.

ಇದನ್ನೂ ಓದಿ: ಆರ್​ಸಿಬಿ ಕ್ಯಾಂಪ್ ತೊರೆದ ಮತ್ತೊಬ್ಬ ಸ್ಟಾರ್​.. ಸೋಶಿಯಲ್ ಮೀಡಿಯಾದಲ್ಲಿ ಭಾವುಕ ಪೋಸ್ಟ್..!

12 ಎಸೆತಗಳಲ್ಲಿ 3 ಬೌಂಡರಿ, 2 ಸಿಕ್ಸರ್ ಒಳಗೊಂಡ 32 ರನ್ ಸಿಡಿಸಿದ್ದ ಇಂಗ್ಲಿಸ್​​​, ಮುನ್ನುಗ್ಗಿ ಹೊಡೆಯುವ ಯತ್ನದಲ್ಲಿ ಸ್ಟಂಪ್ ಔಟ್ ಆಗಿ ಹೊರ ನಡೆದ್ರೆ, ಅಪಾಯಕಾರಿಯಾಗುವ ಮುನ್ಸೂಚನೆ ನೀಡಿದ್ದ ಪ್ರಭ್ ಸಿಮ್ರಾನ್, 28 ರನ್​ಗಳಿಗೆ ಆಟ ಮುಗಿಸಿದ್ರು.
ಈ ವೇಳೆ ತಾಳ್ಮೆಯ ಇನ್ನಿಂಗ್ಸ್​ ಕಟ್ಟಲು ಮುಂದಾದ ನೇಹಲ್ ವದೇರಾ, 16 ರನ್​ಗೆ ಪೆವಿಲಿಯನ್ ಸೇರಿದ್ರು. ಶಶಾಂಕ್ ಸಿಂಗ್ 11 ರನ್​ ಗಳಿಸಿದ್ದಾಗ ಮುಸ್ತಾಫಿಜುರ್ ಬೌಲಿಂಗ್​ನಲ್ಲಿ ವಿಕೆಟ್ ಕೀಪರ್ ಸ್ಟಬ್ಸ್​ಗೆ ಕ್ಯಾಚ್ ನೀಡಿ ನಿರಾಸೆ ಮೂಡಿಸಿದರು. ಜವಾಬ್ದಾರಿಯುವ ಬ್ಯಾಟಿಂಗ್ ನಡೆಸಿದ ಶ್ರೇಯಸ್ ಅಯ್ಯರ್, 33 ಎಸೆತಗಳಲ್ಲಿ ಅರ್ಧಶತಕ ಪೂರ್ಣಗೊಳಿಸಿದರು.

ಇದನ್ನೂ ಓದಿ: ಟೀಂ ಇಂಡಿಯಾಗೆ ಗುಜರಾತ್ ತಂಡದಿಂದ 5 ಸ್ಟಾರ್​ಗಳು ಆಯ್ಕೆ.. RCBಯಿಂದ ಎಷ್ಟು ಮಂದಿ ಸೆಲೆಕ್ಟ್..?

ಅರ್ಧಶತಕದ ಬಳಿಕ ಸ್ಪೋಟಕ ಬ್ಯಾಟಿಂಗ್ ನಡೆಸುವ ಮುನ್ಸೂಚನೆ ನೀಡಿದ ಶ್ರೇಯಸ್, 53 ರನ್​ಗೆ ಆಟ ಮುಗಿಸಿ ಪೆವಿಲಿಯನ್ ಸೇರಿದರು. ಈ ಬಳಿಕ ತಂಡದ ಮೊತ್ತ ಹೆಚ್ಚಿಸುವ ವಹಿಸಿಕೊಂಡ ಮಾರ್ಕಸ್​ ಸ್ನೋಯಿಸ್, 16 ಎಸೆತಗಳಲ್ಲಿ 3 ಬೌಂಡರಿ, 4 ಸಿಕ್ಸರ್ ಒಳಗೊಂಡ ಅಜೇಯ 44 ರನ್ ಸಿಡಿಸಿದ್ರು. ಪರಿಣಾಮ 20 ಓವರ್​ಗಳಲ್ಲಿ 8 ವಿಕೆಟ್​ ಕಳೆದುಕೊಂಡ ಪಂಜಾಬ್, 206 ರನ್ ಗಳಿಸಿತ್ತು.

207 ರನ್​​ಗಳ ಟಾರ್ಗೆಟ್ ಬೆನ್ನಟ್ಟಿದ ಡೆಲ್ಲಿಗೆ ಕೆ.ಎಲ್.ರಾಹುಲ್, ಫಾಫ್​​ ಉತ್ತಮ ಆರಂಭ ನೀಡಿದರು. ಆದ್ರೆ, ಕೆ.ಎಲ್.ರಾಹುಲ್ ಆಟ, 4 ಬೌಂಡರಿ, 1 ಸಿಕ್ಸರ್ ಒಳಗೊಂಡ 35 ರನ್ ಗಳಿಗೆ ಅಂತ್ಯವಾದ್ರೆ. ಫಾಫ್ ಡುಪ್ಲೆಸಿ 23 ರನ್​ ಗಳಿಸಿದ್ದಾಗ ವಿಕೆಟ್ ಒಪ್ಪಿಸಿ ಹೊರ ನಡೆದ್ರು. ಬಳಿಕ ಬಂದ ಸೇದಿಕುಲ್ಲಾ ಅಟಲ್, 22 ರನ್​ ಗಳಿಗೆ ವಿಕೆಟ್​ ಒಪ್ಪಿಸಿದ್ರು.

ಟೆಸ್ಟ್​ ತಂಡದ ಕಮ್​ಬ್ಯಾಕ್ ಖುಷಿಯಲ್ಲಿದ್ದ ಕರುಣ್, ಎದುರಿಸಿದ ಮೊದಲ ಎಸೆತದಲ್ಲೇ ಸಿಕ್ಸರ್ ಸಿಡಿಸಿ ಅಪಾಯಕಾರಿಯಾಗುವ ಮುನ್ಸೂಚನೆ ನೀಡಿದರು. ಅದರಂತೆಯೇ ಬ್ಯಾಟ್ ​ ಬೀಸಿದ ಕರುಣ್, 44 ರನ್​ ಗಳಿಸಿದ್ದಾಗ ಬ್ರಾರ್​ಗೆ ವಿಕೆಟ್ ಒಪ್ಪಿಸಿದರು. ಮತ್ತೊಂದು ತುದಿಯಲ್ಲಿ ಅಬ್ಬರಿಸಿದ ಸಮೀರ್ ರಿಜ್ವಿ, ಪಂಜಾಬ್ ಬೌಲರ್​​ಗಳನ್ನು ಬೆಂಡೆತ್ತಿದರು. 22 ಎಸೆತಗಳಲ್ಲಿ ಅರ್ಧಶತಕ ಸಿಡಿಸಿದ ಸಮೀರ್ ರಿಜ್ವಿ, ಐಪಿಎಲ್​ನಲ್ಲಿ ಚೊಚ್ಚಲ ಅರ್ಧಶತಕದ ಸಾಧನೆ ಮಾಡಿದರು.

ಇದನ್ನೂ ಓದಿ: ಪ್ಲೇ-ಆಫ್​ಗೆ ಬಂತು ಆನೆಬಲ.. ಬಲಿಷ್ಠ ಸ್ಟಾರ್​​ ವೇಗಿಗೆ ಮತ್ತೆ ವೆಲ್​​​​ಕಮ್ ಹೇಳಿದ ಆರ್​ಸಿಬಿ..!\

ಅತ್ತ ತಾಳ್ಮೆಯ ಇನ್ನಿಂಗ್ಸ್​ ಕಟ್ಟಿದ ಟ್ರಿಸ್ಟನ್ ಸ್ಟಬ್ಸ್​, ಅಜೇಯ 18 ರನ್ ಗಳಿಸಿದ್ರೆ. ರಿಜ್ವಿ ಸಿಕ್ಸರ್​ನೊಂದಿಗೆ ಡೆಲ್ಲಿ ತಂಡವನ್ನು ಗೆಲುವಿನ ದಡ ಸೇರಿಸಿದ್ರು. ಆ ಮೂಲಕ ಟೂರ್ನಿಗೆ ಡೆಲ್ಲಿ ಗೆಲುವಿನ ವಿದಾಯ ಹೇಳ್ತು. ಇನ್ನು ಪಾಯಿಂಟ್ಸ್​ ಪಟ್ಟಿಯಲ್ಲಿ ಅಗ್ರಸ್ಥಾನಕ್ಕೆ ಏರಬೇಕು ಎಂಬ ಪಂಜಾಬ್ ಕಿಂಗ್ಸ್​​ ಪ್ಲಾನ್​ಗೆ ಕೊಂಚ ಹಿನ್ನಡೆ ಆಗಿದೆ. ಆ ಮೂಲಕ ಗುಜರಾತ್ ಟೈಟನ್ಸ್ 18 ಅಂಕದೊಂದಿಗೆ ಮೊದಲ ಸ್ಥಾನ ಹಾಗೂ 17 ಪಾಯಿಂಟ್ಸ್​ನೊಂದಿಗೆ ಪಿಬಿಕೆಎಸ್ ಎರಡನೇ ಸ್ಥಾನದಲ್ಲಿ ಉಳಿದುಕೊಂಡಿದೆ. ಇನ್ನು, 17 ಪಾಯಿಂಟ್ಸ್​ನೊಂದಿಗೆ ಆರ್​ಸಿಬಿ ಮೂರನೇ ಸ್ಥಾನದಲ್ಲಿದೆ. ಮೂರನೇ ಸ್ಥಾನದಲ್ಲಿರುವ ಆರ್​ಸಿಬಿಗೆ ಪಾಯಿಂಟ್ಸ್​ ಟೇಬಲ್​​ನ ಮೊದಲ ಎರಡು ಸ್ಥಾನಗಳಲ್ಲಿ ಒಂದು ಸ್ಥಾನ ಪಡೆಯಲು ಅವಕಾಶ ಇದೆ. ಆರ್​ಸಿಬಿ ತನ್ನ ಮುಂದಿನ ಪಂದ್ಯವನ್ನು ಒಳ್ಳೆಯ ರನ್​​ ರೇಟ್​ನಿಂದ ಗೆದ್ದರೆ ಫೈನಲ್ ಪ್ರವೇಶಕ್ಕೆ ಎರಡು ಅವಕಾಶಗಳನ್ನು ಪಡೆಯಲಿದೆ.

ಇದನ್ನೂ ಓದಿ: ಪ್ಲೇ-ಆಫ್​ಗೆ ಬಂತು ಆನೆಬಲ.. ಬಲಿಷ್ಠ ಸ್ಟಾರ್​​ ವೇಗಿಗೆ ಮತ್ತೆ ವೆಲ್​​​​ಕಮ್ ಹೇಳಿದ ಆರ್​ಸಿಬಿ..!

ವಿಶೇಷ ಸೂಚನೆ: ಕ್ರಿಕೆಟ್​​ನ ವಿಶೇಷ ಸುದ್ದಿಗಳಿಗಾಗಿ ವೀಕ್ಷಿಸಿ 'ರನ್ ಭೂಮಿ' ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್ ಫಸ್ಟ್ ಚಾನೆಲ್