ವೈಯಕ್ತಿಕ ಕಾರಣದಿಂದ ಕೊಲೆ ಮಾಡಿರುವ ಅನುಮಾನ

ಗನ್ ಪಾಯಿಂಟ್​ನಲ್ಲಿಟ್ಟು ಫೈರಿಂಗ್ ಮಾಡಿ ಎಸ್ಕೇಪ್

ಕೊಲೆಯಾದ ಓರ್ವನ ಮೇಲೆ ಎರಡು ಕ್ರಿಮಿನಲ್ ಕೇಸ್​

ನವದೆಹಲಿ: ಸಲೂನ್​ವೊಂದಕ್ಕೆ ನುಗ್ಗಿದ ಇಬ್ಬರು ದುಷ್ಕರ್ಮಿಗಳು ಇಬ್ಬರಿಗೆ ಮನಬಂದಂತೆ ಶೂಟ್ ಮಾಡಿ ಹತ್ಯೆಗೈದು ಎಸ್ಕೇಪ್ ಆಗಿರುವ ಘಟನೆ ದೆಹಲಿಯ ನಜಾಫ್‌ಗಢ ನಗರದಲ್ಲಿ ನಡೆದಿದೆ.

ಸಲೂನ್​ನಲ್ಲಿ ಹತ್ಯೆಯಾದವರನ್ನು ಸೋನು ಮತ್ತು ಆಶಿಸ್ ಎಂದು ಗುರುತಿಸಲಾಗಿದೆ. ಕೊಲೆಯಾದ ಇಬ್ಬರು ನಜಾಫ್‌ಗಢದ ನಾಗ್ಲಿ ಸಕ್ರಾವತಿ ಪ್ರದೇಶದಲ್ಲಿ ವಾಸವಾಗಿದ್ದರು. ದುಷ್ಕರ್ಮಿಗಳು ಸೋನು ತಲೆಗೆ ಒಮ್ಮೆ ಫೈರಿಂಗ್ ಮಾಡಿದ್ರೆ, ಆಶಿಸ್​ ತಲೆಗೆ ಮತ್ತು ಎದೆಗೆ 3-4 ಬಾರಿ ಗುಂಡು ಹಾರಿಸಿ ಪರಾರಿಯಾಗಿದ್ದಾರೆ. ತಕ್ಷಣ ಒಳ ಹೋದ ಪರಿಚಿತರು ಇಬ್ಬರನ್ನು ಸ್ಥಳೀಯ ಆಸ್ಪತ್ರೆಗೆ ದಾಖಲು ಮಾಡಿದ್ದರು. ತೀವ್ರವಾಗಿ ಗಾಯಗೊಂಡಿದ್ದರಿಂದ ಸಾವನ್ನಪ್ಪಿದ್ದಾರೆ. ಮಾಹಿತಿ ತಿಳಿಯುತ್ತಿದ್ದಂತೆ ಸ್ಥಳಕ್ಕೆ ಆಗಮಿಸಿದ ಪೊಲೀಸರು ಸಲೂನ್ ಒಳಗೆ ಹೋಗಿ ಪರಿಶೀಲನೆ ನಡೆಸಿದ್ದಾರೆ.

Appalling news from Delhi's Najafgarh, Indra park area!
2 shot dead in a salon, captured on CCTV. Victim seen pleading for life…shot at point blank range. Personal enmity suspected, police on hunt for accused #NajafgarhShootout pic.twitter.com/xDF2rLbmIh

— Nabila Jamal (@nabilajamal_) February 9, 2024

ಈ ಗುಂಡಿನ ದಾಳಿಗೆ ವೈಯಕ್ತಿಕ ಕಾರಣವೇ ಎಂದು ಪೊಲೀಸರು ಶಂಕೆ ವ್ಯಕ್ತಪಡಿಸಿದ್ದಾರೆ. ಮೃತಪಟ್ಟಿರುವ ಆಶಿಸ್ ಮೇಲೆ ಈ ಮೊದಲು ಎರಡು ಕ್ರಿಮಿನಲ್ ಕೇಸ್​ ದಾಖಲಾಗಿದ್ದವು ಎಂದು ಪೊಲೀಸರು ಹೇಳಿದ್ದಾರೆ. ಆರೋಪಿಗಳು ಗನ್​ಪಾಯಿಂಟ್​ನಲ್ಲಿ ಇಟ್ಟು ಕೊಲೆ ಮಾಡುತ್ತಿರುವ ದೃಶ್ಯಗಳು ಸಿಸಿಟಿವಿಯಲ್ಲಿ ಸೆರೆಯಾಗಿವೆ. ಈ ವಿಡಿಯೋ ಸೋಷಿಯಲ್ ಮೀಡಿಯಾದಲ್ಲಿ ಫುಲ್ ವೈರಲ್ ಆಗಿದ್ದು ಭಯ ಹುಟ್ಟಿಸುವಂತೆ ಇದೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ