6, 0, 6, 6, 6, 6 ! ಬದೋನಿಯ ಒಂದೇ ಓವರ್​ನಲ್ಲಿ 5 ಸಿಕ್ಸರ್ ಬಾರಿಸಿದ ಮಯಾಂಕ್ -VIDEO

ದೆಹಲಿ ಪ್ರೀಮಿಯರ್ ಲೀಗ್​ (DPL) ಫೈನಲ್ ಪಂದ್ಯವು ರೋಚಕವಾಗಿತ್ತು. ಪ್ರಶಸ್ತಿ ಸುತ್ತಿನ ಪಂದ್ಯದಲ್ಲಿ ಈಸ್ಟ್​ ಡೆಲ್ಲಿ ರೈಡರ್ಸ್​ ಮೂರು ರನ್​ಗಳಿಂದ ಸೌತ್ ಡೆಲ್ಲಿ ಸೂಪರ್ ಸ್ಟಾರ್ಸ್​ ತಂಡವನ್ನು ಸೋಲಿಸಿತು. ಮಯಾಂಕ್ ರಾವತ್ ಇನ್ನಿಂಗ್ಸ್​ನ ಕೊನೆಯ ಓವರ್​ನಲ್ಲಿ 5 ಸಿಕ್ಸರ್ ಬಾರಿಸಿ ತಂಡವನ್ನು ದೊಡ್ಡ ಸ್ಕೋರ್​​​ಗೆ ಕೊಂಡೊಯ್ದು ಗೆಲುವಿನ ಹೀರೋ ಆದರು.

ಟಾಸ್ ಸೋತು ಮೊದಲು ಬ್ಯಾಟ್ ಮಾಡಿದ್ದ ರೈಡರ್ಸ್ 5 ವಿಕೆಟ್ ಕಳೆದುಕೊಂಡು 183 ರನ್​ಗಳಿಸಿತು. ಮಯಾಂಕ್ ರಾವತ್ ಕೊನೆಯ ಓವರ್​ನಲ್ಲಿ ಆಯುಷ್ ಬದೋನಿಗೆ 5 ಸಿಕ್ಸರ್​ಗಳನ್ನು (6, 0, 6, 6, 6, 6) ಬಾರಿಸಿದರು. ಈ ಮೂಲಕ ಕೇವಲ 39 ಎಸೆತದಲ್ಲಿ 78 ರನ್​ಗಳಿಸಿ ಅಜೇಯ ಇನ್ನಿಂಗ್ಸ್ ಆಡಿದರು.

ಇದನ್ನೂ ಓದಿ:ಪತ್ನಿಯ ಆಸ್ಪತ್ರೆ ಬಿಲ್ ಕಟ್ಟಲು 3 ವರ್ಷದ ಮಗುವನ್ನೇ ಮಾರಿದ ಪತಿ; ಕರುಳು ಹಿಂಡುವ ಕೆಲಸ

ಮಯಾಂಕ್ ಇನ್ನಿಂಗ್ಸ್​ನಲ್ಲಿ ಒಟ್ಟು 6 ಸಿಕ್ಸರ್​ಗಳನ್ನು ಬಾರಿಸಿದರು. ಇವರಲ್ಲದೇ ಹಾರ್ದಿಕ್ ಶರ್ಮಾ 21, ಹಾಗೂ ನಾಯಕ ಹಿಮ್ಮತ್ ಸಿಂಗ್ 20 ರನ್​ಗಳಿಸಿದರು. ದಕ್ಷಿಣ ದೆಹಲಿ ಪರ ಕುಲ್ದೀಪ್ ಯಾದವ್ ಮತ್ತು ರಾಘವ್ ತಲಾ ಎರಡು ವಿಕೆಟ್ ಪಡೆದುಕೊಂಡರು
ಇನ್ನು ಡೈಡರ್ಸ್​ ತಂಡದ ಇನ್ನಿಂಗ್ಸ್​ನಲ್ಲಿ ಮಯಾಂಕ್ ರಾವತ್ ಆರನೇ ಕ್ರಮಾಂಕದಲ್ಲಿ ಬ್ಯಾಟಿಂಗ್​ಗೆ ಬಂದರು. ಇನ್ನಿಂಗ್ಸ್​ನ ಕೊನೆಯ ಓವರ್​ ಅನ್ನು ದಕ್ಷಿಣ ದೆಹಲಿಯ ನಾಯಕ ಆಯುಷ್ ಬದೋನಿ ಎಸೆಯಲು ಬಂದಿದ್ದರು. ಇದರ ಲಾಭ ಪಡೆದ ಮಯಾಂಕ್, 6 ಸಿಕ್ಸರ್ ಬಾರಿಸಿ 30 ರನ್​ ಚಚ್ಚಿದರು. ಮಯಾಂಕ್ ಮೊದಲ ಮತ್ತು ಕೊನೆಯ 4 ಎಸೆತಗಳಲ್ಲಿ ಸಿಕ್ಸರ್ ಬಾರಿಸಿದರು.

ಡೈಡರ್ಸ್ ತಂಡವು ದಕ್ಷಿಣ ಡೆಲ್ಲಿಗೆ 184 ರನ್​ಗಳ ಗುರಿಯನ್ನು ನೀಡಲಾಗಿತ್ತು. ಇದಕ್ಕೆ ಉತ್ತರವಾಗಿ 9 ವಿಕೆಟ್ ಕಳೆದುಕೊಂಡು 180 ರನ್​ಗಳಿಸಿ ಫೈನಲ್ ಪಂದ್ಯದಲ್ಲಿ ಸೋಲನ್ನು ಅನುಭವಿಸಿತು. ತಂಡದ ಪರ ತೇಜಸ್ವಿ ದಹಿಯಾ 42 ಎಸೆತಗಳಲ್ಲಿ 68 ರನ್​ ಬಾರಿಸಿದರು. ವಿಷನ್ ಪಾಂಚಾಲ್ 25, ಕುನ್ವರ್ ಬಿಧುರಿ 22 ರನ್​ಗಳಿಸಿದರು.

ಇದನ್ನೂ ಓದಿ:ಆಸ್ಟ್ರೇಲಿಯಾ ವಿರುದ್ಧದ ಸರಣಿಗೆ ಆಯ್ಕೆ ಮಾಡದಿದ್ದಕ್ಕೆ ಬೇಸರ; ಸ್ಟಾರ್ ಆಲ್​ರೌಂಡರ್ ಕ್ರಿಕೆಟ್​ಗೆ ಗುಡ್​ಬೈ

Mayank Rawat - remember the name 6️⃣6️⃣6️⃣6️⃣6️⃣#AdaniDPLT20#AdaniDelhiPremierLeagueT20#DilliKiDahaad | @delhi_cricket@JioCinema@Sports18pic.twitter.com/qzWNHwnPjy

— Delhi Premier League T20 (@DelhiPLT20) September 8, 2024

ವಿಶೇಷ ಸೂಚನೆ: ಕ್ರಿಕೆಟ್​​ನ ವಿಶೇಷ ಸುದ್ದಿಗಳಿಗಾಗಿ ವೀಕ್ಷಿಸಿ 'ರನ್ ಭೂಮಿ' ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್ ಫಸ್ಟ್ ಚಾನೆಲ್