ಕನ್ನಡಿಗ ಪಡಿಕ್ಕಲ್ RCB ತಂಡದಲ್ಲಿ ಆಡ್ತಾರಾ.. ಮಯಾಂಕ್​​​ ಅಗರ್ವಾಲ್​ಗೆ ಎಷ್ಟು ಕೋಟಿ ಹಣ ಕೊಡಲಾಗಿದೆ?

ಐಪಿಎಲ್ ಸೀಸನ್​ 18ರಲ್ಲಿ ರಾಯಲ್ ಚಾಲೆಂಜರ್ಸ್​ ಬೆಂಗಳೂರು ತಂಡ ಅದ್ಭುತ ಪ್ರದರ್ಶನ ನೀಡುತ್ತಿದೆ. ಪಾಯಿಂಟ್ಸ್‌ ಟೇಬಲ್‌ನಲ್ಲಿ ಆರ್​ಸಿಬಿ 2ನೇ ಸ್ಥಾನದಲ್ಲಿದ್ದು, ಪ್ಲೇ ಆಫ್​ ಹಂತಕ್ಕೆ ದಾಪುಗಾಲಿಡೋ ತವಕದಲ್ಲಿದೆ. ಇದರ ನಡುವೆ ಮೇ 17 ರಂದು ನಡೆಯುವ ಕೋಲ್ಕತ್ತಾ ನೈಟ್​ ರೈಡರ್ಸ್​ ವಿರುದ್ಧದ ಪಂದ್ಯದಲ್ಲಿ ಕನ್ನಡಿಗ ದೇವದತ್ ಪಡಿಕ್ಕಲ್ ಆಡುತ್ತಾರಾ, ಇಲ್ವಾ ಎನ್ನುವ ಪ್ರಶ್ನೆಗೆ ಉತ್ತರ ಇಲ್ಲಿದೆ.

ದೇವದತ್ ಪಡಿಕ್ಕಲ್ ಅವರು ಈ ಸೀಸನ್​ನಲ್ಲಿ ಅತ್ಯುತ್ತಮ ಪ್ರದರ್ಶನ ನೀಡಿದ್ದರು. ತಂಡದಲ್ಲಿ 3ನೇ ಕ್ರಮಾಂಕದಲ್ಲಿ ಬ್ಯಾಟಿಂಗ್​ಗೆ ಆಗಮಿಸುತ್ತಿದ್ದ ಪಡಿಕ್ಕಲ್​ ಅಬ್ಬರಿಸುತ್ತಿದ್ದರು. ಹೀಗಾಗಿಯೇ 10 ಪಂದ್ಯಗಳಲ್ಲಿ 247 ರನ್​ಗಳನ್ನು ಕಲೆ ಹಾಕಿದ್ದಾರೆ. ಇದರಲ್ಲಿ ಎರಡು ಅರ್ಧಶತಕಗಳಿವೆ. ಸ್ಟ್ರೈಕ್​ರೇಟ್​ 150.61 ಇದೆ. ಐಪಿಎಲ್​ನಲ್ಲಿ ಇದು ಅವರ ಉತ್ತಮ ರನ್​ಗಳು ಆಗಿವೆ.

ಇದನ್ನೂ ಓದಿ: ಪ್ಲೇ ಆಫ್​ಗಾಗಿ 6 ತಂಡಗಳ ನಡುವೆ ಮಹಾಯುದ್ಧ.. RCB, ಗುಜರಾತ್​ಗೆ ಬಿಗ್ ಟೆನ್ಷನ್ ಶುರು..!

ಆರ್​ಸಿಬಿಯಲ್ಲಿ ಅದ್ಭುತ ಬ್ಯಾಟಿಂಗ್​ ಪ್ರದರ್ಶನ ನೀಡುತ್ತಿದ್ದ ದೇವದತ್ ಪಡಿಕ್ಕಲ್ ಗಾಯಕ್ಕೆ ಒಳಗಾಗಿದ್ದಾರೆ. ಮಂಡಿನೋವಿನ ಗಾಯಕ್ಕೆ ತುತ್ತಾಗಿದ್ದರಿಂದ ಇಡೀ ಐಪಿಎಲ್​ನಿಂದಲೇ ಹೊರಗುಳಿದಿದ್ದಾರೆ. ಆರ್​ಸಿಬಿಯ ಉಳಿದ ಪಂದ್ಯಗಳಲ್ಲಿ ಪಡಿಕ್ಕಲ್ ಆಡುವುದಿಲ್ಲ. ಇದರಿಂದ ತಂಡಕ್ಕೆ ಮತ್ತೊಬ್ಬ ಕನ್ನಡಿಗ ಮಯಾಂಕ್ ಅಗರ್ವಾಲ್ ಅವರನ್ನು ಕರೆದುಕೊಂಡು ಬರಲಾಗಿದೆ.

ಕನ್ನಡಿಗ ಮಯಾಂಕ್ ಅಗರ್ವಾಲ್ ಅವರು ಐಪಿಎಲ್​ನಲ್ಲಿ ಒಳ್ಳೆಯ ಪರ್ಫಾಮೆನ್ಸ್​ ಹೊಂದಿದ್ದಾರೆ. ಒಟ್ಟು 127 ಪಂದ್ಯ ಆಡಿರುವ ಮಯಾಂಕ್, ಒಂದು ಶತಕ ಸಿಡಿಸಿದ್ದು 13 ಹಾಫ್​​ಸೆಂಚುರಿ ಬಾರಿಸಿದ್ದಾರೆ. ಐಪಿಎಲ್​​ನಲ್ಲಿ ಆರ್​ಸಿಬಿ ತಂಡದಲ್ಲೇ ಮಯಾಂಕ್ ಮೊದಲು ಆಡಿದ್ದು, ನಂತರ ಬೇರೆ ಬೇರೆ ತಂಡಗಳಲ್ಲಿ ಬ್ಯಾಟ್​ ಬೀಸಿದ್ದಾರೆ. ಕಳೆದ ಬಾರಿ ಸನ್​ರೈಸರ್ಸ್​ ಹೈದ್ರಾಬಾದ್​ ತಂಡದಲ್ಲಿ ಆಡಿದ್ದರು. ಆದರೆ ಈ ಬಾರಿಯ ಆಕ್ಷನ್​ನಲ್ಲಿ ಅನ್​ಸೋಲ್ಡ್ ಆಗಿದ್ದರು. ಈಗ ಆರ್​ಸಿಬಿಗೆ ಅವಶ್ಯಕತೆ ಇದ್ದಿದ್ದರಿಂದ 1 ಕೋಟಿ ರೂಪಾಯಿಗೆ ಸಹಿ ಹಾಕಿದ್ದಾರೆ ಎಂದು ಹೇಳಲಾಗಿದೆ.

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.30ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ