ಕನ್ನಡಿಗ KL ರಾಹುಲ್​​ಗೆ ಬಿಗ್​ ಶಾಕ್​​; ಆರ್​​ಸಿಬಿ ಸ್ಟಾರ್​​​ ಪಡಿಕ್ಕಲ್​ಗೆ ಸುವರ್ಣಾವಕಾಶ

ಟೀಮ್​​ ಇಂಡಿಯಾ, ಆಸ್ಟ್ರೇಲಿಯಾ ನಡುವಿನ ಬಾರ್ಡರ್‌ ಗವಾಸ್ಕರ್‌ ಸರಣಿ ನಡೆಯುತ್ತಿದೆ. ಹೇಗಾದ್ರೂ ಮಾಡಿ 4ನೇ ಟೆಸ್ಟ್​ ಗೆಲ್ಲಲೇಬೇಕು ಎಂದು ಟೀಮ್​ ಇಂಡಿಯಾ ಮುಂದಾಗಿದೆ. ಇದು ಬಾಕ್ಸಿಂಗ್‌ ಡೇ ಟೆಸ್ಟ್‌ ಆಗಿದ್ದು, ಉಭಯ ತಂಡಗಳು ಭರ್ಜರಿ ತಯಾರಿ ನಡೆಸಿವೆ. 3ನೇ ಟೆಸ್ಟ್​ ಡ್ರಾ ಆಗಿದ್ದು, ಎರಡು ತಂಡಗಳು ತಲಾ 1 ಪಂದ್ಯ ಗೆದ್ದು ಸಮಬಲ ಸಾಧಿಸಿವೆ.

ಮೆಲ್ಬರ್ನ್‌ ಟೆಸ್ಟ್‌ ಆರಂಭಕ್ಕೂ ಮುನ್ನ ಟೀಮ್​ ಇಂಡಿಯಾ ಅಭ್ಯಾಸ ಆರಂಭಿಸಿದೆ. ಕ್ಯಾಂಪ್​​ನಲ್ಲಿ ಆರಂಭಿಕ ಆಟಗಾರ ಕರ್ನಾಟಕದ ಕೆಎಲ್ ರಾಹುಲ್ ಕೂಡ ಕಾಣಿಸಿಕೊಂಡಿದ್ದರು. ಪ್ರಾಕ್ಟೀಸ್​ ವೇಳೆ ರಾಹುಲ್​​​ ಬಲಗೈಗೆ ಚೆಂಡು ಬಡಿದಿದೆ. ಇವರ ಗಾಯದ ಗಂಭೀರತೆ ಬಗ್ಗೆ ಬಿಸಿಸಿಐ ಯಾವುದೇ ಸ್ಪಷ್ಟ ಮಾಹಿತಿ ನೀಡಿಲ್ಲ.

ಭರ್ಜರಿ ಫಾರ್ಮ್‌ನಲ್ಲಿರೋ ರಾಹುಲ್​​

4ನೇ ಟೆಸ್ಟ್‌ ಪಂದ್ಯಕ್ಕೆ ಕೆಎಲ್ ರಾಹುಲ್‌ ತುಂಬ ಮುಖ್ಯ. ಇವರು ಸಂಪೂರ್ಣ ಫಿಟ್​ ಆಗಿರಲಿ ಎಂಬುದು ಎಲ್ಲರ ಆಸೆ. ಆಸ್ಟ್ರೇಲಿಯಾ ವಿರುದ್ಧ ಸರಣಿಯಲ್ಲೇ ಟೀಮ್​ ಇಂಡಿಯಾ ಪರ ಅತೀ ಹೆಚ್ಚು ರನ್​ ಸಿಡಿಸಿದ ಆಟಗಾರ ಕೆ.ಎಲ್​ ರಾಹುಲ್​. ಇವರ ಉಪಸ್ಥಿತಿ ತಂಡಕ್ಕೆ ಅನಿವಾರ್ಯ. ಕೆ.ಎಲ್​ ರಾಹುಲ್​​ ಗಾಯಗೊಂಡಿರುವುದು ಟೀಮ್​ ಇಂಡಿಯಾಗೆ ತಲೆನೋವಾಗಿದೆ.

ಕೆಎಲ್ ರಾಹುಲ್ ಅಮೋಘ ಫಾರ್ಮ್‌ನಲ್ಲಿದ್ದಾರೆ. ಇವರು ಆಡಿದ 6 ಇನಿಂಗ್ಸ್‌ಗಳಲ್ಲಿ 47 ಸರಾಸರಿಯಲ್ಲಿ 235 ರನ್ ಗಳಿಸಿದ್ದು, 2 ಅರ್ಧಶತಕಗಳು ಸೇರಿವೆ. ಟೀಮ್​ ಇಂಡಿಯಾ 3ನೇ ಟೆಸ್ಟ್​ ಡ್ರಾ ಆಗಲು ರಾಹುಲ್​ ಅವರೇ ಕಾರಣ. ಈ ಟೆಸ್ಟ್​ನಲ್ಲಿ 84 ರನ್​ ಸಿಡಿಸಿದ ರಾಹುಲ್​​​ ಶತಕ ವಂಚಿತರಾದ್ರು.

ಕೆ.ಎಲ್​ ರಾಹುಲ್​ ಬದಲಿಗೆ ಪಡಿಕ್ಕಲ್​ಗೆ ಚಾನ್ಸ್​

ಮುಂದಿನ ಸೀಸನ್​ಗೆ ಕೆ.ಎಲ್​ ರಾಹುಲ್​ ಬದಲಿಗೆ ಕನ್ನಡಿಗ ಪಡಿಕ್ಕಲ್​ ಅವರಿಗೆ ಅವಕಾಶ ಸಾಧ್ಯತೆ ಇದೆ. ದೇವದತ್​ ಪಡಿಕ್ಕಲ್​ ಒಳ್ಳೆಯ ಓಪನರ್​​. ಕರ್ನಾಟಕ ರಣಜಿ ತಂಡದ ಪರ ಓಪನಿಂಗ್​ ಮಾಡಿ ಅನುಭವ ಇದೆ. ಓಪನಿಂಗ್​ನಲ್ಲಿ ಇವರಿಗೆ ಒಳ್ಳೆಯ ರೆಕಾರ್ಡ್​ ಕೂಡ ಇದೆ. ಹೀಗಾಗಿ ಇವರು ಟೀಮ್​ ಇಂಡಿಯಾ ಪರ ಓಪನಿಂಗ್​​ ಮಾಡಬಹುದು. ಇತ್ತೀಚೆಗೆ ನಡೆದ ಐಪಿಎಲ್​ ಮೆಗಾ ಹರಾಜಿನಲ್ಲಿ ಆರ್​​ಸಿಬಿ ತಂಡ 2 ಕೋಟಿ ನೀಡಿ ಪಡಿಕ್ಕಲ್​ ಅವರನ್ನು ಖರೀದಿ ಮಾಡಿತ್ತು. ಆರ್​​ಸಿಬಿ ಸೇರಿದ ಬೆನ್ನಲ್ಲೇ ಇವರಿಗೆ ಜಾಕ್​ಪಾಟ್​​ ಹೊಡೆದಿದೆ.

ಇದನ್ನೂ ಓದಿ:ನಾಳೆಯಿಂದ ಕರ್ನಾಟಕದ ಈ ಜಿಲ್ಲೆಗಳಲ್ಲಿ ಜೋರು ಮಳೆ; ಹಲವೆಡೆ ಹೈ ಅಲರ್ಟ್​ ಘೋಷಣೆ

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ