IPL Auction; ದೇವದತ್ತ ಪಡಿಕಲ್ ಅನ್​ಸೋಲ್ಡ್​​​.. ಕರ್ನಾಟಕ ಪ್ಲೇಯರ್​​ನ ಕೈಬಿಟ್ಟ RCB

ಸೌದಿ ಅರೇಬಿಯಾದ ಜೆಡ್ಡಾದಲ್ಲಿ ನಡೆಯುತ್ತಿರುವ ಎರಡು ದಿನಗಳ ಐಪಿಎಲ್ ಮೆಗಾ ಹರಾಜಿನಲ್ಲಿ ಆಟಗಾರರು ಸೇಲ್ ಆಗಿದ್ದಾರೆ. ರಿಷಬ್ ಪಂತ್ ಹಾಗೂ ಶ್ರೇಯಸ್ ಅಯ್ಯರ್ ಇಬ್ಬರು ಐಪಿಎಲ್​​ ಆಕ್ಷನ್​ನಲ್ಲಿ ಭಾರೀ ಹಣವನ್ನು ಕೊಳ್ಳೆ ಹೊಡೆದಿದ್ದಾರೆ. ಫ್ರಾಂಚೈಸಿಗಳು ಕೂಡ ಒಳ್ಳೆಯ ಮಟ್ಟದಲ್ಲೇ ಹೂಡಿಕೆ ಮಾಡುತ್ತಿವೆ. ಸದ್ಯ ಮೆಗಾ ಆಕ್ಷನ್​​ನಲ್ಲಿ ಕನ್ನಡಿಗ ದೇವದತ್ತ ಪಡಿಕಲ್​​ ಅವರು ಅನ್​ಸೋಲ್ಡ್ ಆಗಿದ್ದಾರೆ.

ಈ ಐಪಿಎಲ್​​ನ ಮೆಗಾ ಆಕ್ಷನ್​​ನಲ್ಲಿ ದೇವದತ್ತ ಪಡಿಕಲ್ ಅವರು ಬೇಸ್ ಬೆಲೆ 2 ಕೋಟಿ ರೂಪಾಯಿಗಳನ್ನು ಪಡೆದಿದ್ದರು. ಆದರೆ ಹರಾಜಿನಲ್ಲಿ ಯಾವ ಫ್ರಾಂಚೈಸಿಯು ಪಡಿಕಲ್ ಅವರನ್ನು ಖರೀದಿ ಮಾಡಲು ಮುಂದೆ ಬರಲಿಲ್ಲ. ಹೀಗಾಗಿ ಹರಾಜು ಕೂಗಿದ ಕೆಲವೇ ಕ್ಷಣದಲ್ಲಿ ಅನ್​ಸೋಲ್ಡ್​ ಪ್ಲೇಯರ್ ಎಂದು ಘೋಷಣೆ ಮಾಡಲಾಯಿತು.

ಇದನ್ನೂ ಓದಿ:IPL 2025 Auction; ಚಹಾಲ್​ಗಿಂತ ಅತ್ಯಂತ ಕಡಿಮೆ ದುಡ್ಡು ಪಡೆದ KL ರಾಹುಲ್​.. ಎಷ್ಟು ಕೋಟಿಗೆ ಸೇಲ್ ಆದ್ರು?

ದೇವದತ್ ಪಡಿಕ್ಕಲ್ ಅವರು ಟೀಮ್ ಇಂಡಿಯಾವನ್ನು ಪ್ರತಿನಿಧಿಸಿದ್ದಾರೆ. ಪಡಿಕಲ್ ದೇಶೀಯ ಕ್ರಿಕೆಟ್‌ನಲ್ಲಿ ಕರ್ನಾಟಕ ಹಾಗೂ ಐಪಿಎಲ್​ನಲ್ಲಿ ಲಕ್ನೋ ಸೂಪರ್ ಜೈಂಟ್ಸ್ ಪರ ಆಡಿದ್ದರು. 2021ರ ಜುಲೈನಲ್ಲಿ ಶ್ರೀಲಂಕಾ ವಿರುದ್ಧ T20I ಮ್ಯಾಚ್​ ವೇಳೆ ಪಡಿಕಲ್ ಅವರು ಭಾರತ ತಂಡಕ್ಕೆ ಪಾದಾರ್ಪಣೆ ಮಾಡಿದ್ದರು. ಆದರೆ ಸದ್ಯ ನಡೆಯುತ್ತಿರುವ ಮೆಗಾ ಆಕ್ಷನ್​ನಲ್ಲಿ ಅನ್​ಸೋಲ್ಡ್ ಆಗಿದ್ದಾರೆ. ಇದು ಅವರಿಗೆ ತುಂಬಾ ಬೇಸರ ತರಿಸಿದೆ ಎಂದು ಹೇಳಬಹುದು.

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ