ಇಂದು ಥಿಯೇಟರ್​​ಗಳಲ್ಲಿ ‘ಮಾರ್ಟಿನ್’ ಹವಾ.. ಆ್ಯಕ್ಷನ್​ ಪ್ರಿನ್ಸ್ ಧ್ರುವ ಸರ್ಜಾ ಅಬ್ಬರ ಜೋರು

ಆಯುಧ ಪೂಜೆಯಂದೇ ಅಂದರೆ ಇಂದು ಆ್ಯಕ್ಷನ್​ ಪ್ರಿನ್ಸ್ ಧ್ರುವ ಸರ್ಜಾ ಅಭಿನಯದ ಮಾರ್ಟಿನ್ ಸಿನಿಮಾ ಕರ್ನಾಟಕ ಸೇರಿದಂತೆ ವಿಶ್ವದ್ಯಾಂತ ರಿಲೀಸ್ ಆಗುತ್ತಿದೆ. ಇಂತಹ ಒಂದು ಸಂಭ್ರಮಕ್ಕಾಗಿ ಕಾಯುತ್ತಿದ್ದ ಧ್ರುವ ಅಭಿಮಾನಿಗಳು ಫುಲ್ ಜೋಶ್​​ನಲ್ಲಿದ್ದಾರೆ. ಅಲ್ಲದೇ ಸಿನಿಮಾ ಇಂದು ಬೆಳ್ಳಿತೆರೆಗೆ ಅಪ್ಪಳಿಸುತ್ತಿದ್ದರಿಂದ ಥಿಯೇಟರ್​ಗಳ ಮುಂದೆ ಧ್ರುವ ಫ್ಯಾನ್ಸ್​ ಸಂಭ್ರಮ ಜೋರಾಗಿದೆ.

ಬಹುಕೋಟಿ ವೆಚ್ಚದ ಮಾರ್ಟಿನ್ ಸಿನಿಮಾವನ್ನು ಎ.ಪಿ ಅರ್ಜುನ್ ನಿರ್ದೇಶನ ಮಾಡಿದ್ದು ಉದಯ್ ಕೆ ಮೆಹ್ತಾ ಸಿನಿಮಾಕ್ಕೆ ಬಂಡವಾಳ ಹೂಡಿದ್ದಾರೆ. ಸಿನಿಮಾ ಕೂಡ ಭರ್ಜರಿಯಾಗಿ ಮೂಡಿಬಂದಿದೆ ಎಂದು ಹೇಳಲಾಗುತ್ತಿದ್ದು ಅಭಿಮಾನಿಳು ಟಿಕೆಟ್​ಗಾಗಿ ಥಿಯೇಟರ್​ಗಳ ಮುಂದೆ ಮುಗಿಬಿದ್ದಿದ್ದಾರೆ. ಅಲ್ಲದೇ ಟಿಕೆಟ್​ ಅಡ್ವಾನ್ಸ್ ಬುಕ್ಕಿಂಗ್ ಆಗಿವೆ. ವಿಶ್ವದ್ಯಾಂತ 3,500 ಸ್ಕ್ರೀನ್​​ಗಳಲ್ಲಿ ಸಿನಿಮಾ ಬಿಡುಗಡೆ ಆಗಿದ್ದು ರಾಜ್ಯದ 280ಕ್ಕೂ ಹೆಚ್ಚು ಸಿನಿಮಾ ಮಂದಿರಗಳಲ್ಲಿ ಆ್ಯಕ್ಷನ್ ಪ್ರಿನ್ಸ್​ ಅರ್ಭಟಿಸಲಿದ್ದಾನೆ. ಮೆಜೆಸ್ಟಿಕ್​​ನ ಕೆ.ಜಿ.ರಸ್ತೆಯಲ್ಲಿರುವ ನರ್ತಕಿ ಸಿನಿಮಾ ಮಂದಿರದಲ್ಲಿ ಮಾರ್ಟಿನ್ ಅದ್ಧೂರಿ ಎಂಟ್ರಿ ಕೊಟ್ಟಿದ್ದಾನೆ.

ಇದನ್ನೂ ಓದಿ:Martin: ಧ್ರುವ ಸರ್ಜಾ ಫ್ಯಾನ್ಸ್‌ ಹಬ್ಬ.. ರಿಲೀಸ್‌ಗೂ ಮೊದಲೇ ಮಾರ್ಟಿನ್ ಹವಾ ಹೇಗಿದೆ ಗೊತ್ತಾ?

ಧ್ರುವ ಸರ್ಜಾ ಅವರ ಮೊಟ್ಟ ಮೊದಲ ಪ್ಯಾನ್ ಇಂಡಿಯಾ ಸಿನಿಮಾವೇ ಮಾರ್ಟಿನ್ ಆಗಿದೆ. ಯಾವುದೇ ಪ್ರಾಜೆಕ್ಟ್ ಕೈಗೆತ್ತಿಕೊಂಡರೇ ಧ್ರುವ ನೂರಕ್ಕೆ 100ರಷ್ಟು ಯಶಸ್ವಿಯಾಗುತ್ತಾರೆ. ಇದಕ್ಕೆಲ್ಲ ಈ ಹಿಂದಿನ ಸಿನಿಮಾಗಳನ್ನ ಗಮನಿಸಬಹುದು. ಹೀಗಾಗಿ ಮಾರ್ಟಿನ್​ಗೆ ಸತತ 3 ವರ್ಷಗಳು ಶ್ರಮ ವಹಿಸಿದ್ದಾರೆ. ಹಾಲಿವುಡ್​ ಮಟ್ಟದಲ್ಲಿ ಸಿನಿಮಾ ಇರಬಹುದೆಂದು ಪ್ಯಾನ್ಸ್ ನಿರೀಕ್ಷೆ ಮಾಡಿದ್ದಾರೆ. ಪೋಸ್ಟರ್​ಗಳಲ್ಲಿ ಧ್ರುವ ಸರ್ಜಾ ಮಾಸ್​ ಲುಕ್​ನಲ್ಲೇ ಹೆಚ್ಚಾಗಿ ಕಣಿಸಿಕೊಂಡಿದ್ದರಿಂದ ಮಾಸ್ ಅಭಿಮಾನಿಗಳೆಲ್ಲ ಥಿಯೇಟರ್​ಗೆ ಹೆಚ್ಚಿನ ಸಂಖ್ಯೆಯಲ್ಲಿ ಬರಲಿದ್ದಾರೆ. ಧ್ರುವ ಸರ್ಜಾ ಮತ್ತೊಂದು ಗೆಲುವು ಕಾಣುವುದು ಪಕ್ಕಾ ಎಂದು ಅಭಿಮಾನಿಗಳು ಹರ್ಷ ವ್ಯಕ್ತಪಡಿಸಿದ್ದಾರೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ