ಟೀಮ್ ಇಂಡಿಯಾದ ಮಾಜಿ ಸ್ಪಿನ್ನರ್ ದಿಲೀಪ್ ದೋಶಿ ನಿಧನ

ಟೀಮ್ ಇಂಡಿಯಾದ ಮಾಜಿ ಸ್ಪಿನ್​ ಬೌಲರ್​ ದಿಲೀಪ್​ ದೋಶಿ (77) ಅವರು ಹೃದಯ ಸಮಸ್ಯೆಯಿಂದ ಲಂಡನ್​​ನಲ್ಲಿ ನಿಧನ ಹೊಂದಿದ್ದಾರೆ. ಇವರು ಕಳೆದ ಕೆಲ ದಶಕಗಳಿಂದ ಇಂಗ್ಲೆಂಡ್​ನಲ್ಲಿ ನೆಲೆಸಿದ್ದರು ಎಂದು ಹೇಳಲಾಗಿದೆ.

ದಿಲೀಪ್​ ದೋಶಿ ಅವರು ತಮ್ಮ 32ನೇ ವಯಸ್ಸಿನಲ್ಲಿ ಭಾರತ ತಂಡದ ಟೆಸ್ಟ್​ ಕ್ರಿಕೆಟ್​​ಗೆ ಪದಾರ್ಪಣೆ ಮಾಡಿದ್ದರು. ನಾಟಿಂಗ್‌ಹ್ಯಾಮ್‌ಶೈರ್‌ನಲ್ಲಿ ವೆಸ್ಟ್ ಇಂಡೀಸ್ ದಂತಕಥೆ ಗಾರ್ಫೀಲ್ಡ್ ಸೋಬರ್ಸ್ ಅವರ ಆಟ ನೋಡಿ ಹೆಚ್ಚು ಪ್ರಭಾವಿತರಾಗಿದ್ದರು. ಹೀಗಾಗಿ ಟೀಮ್ ಇಂಡಿಯಾದಲ್ಲಿ ಸ್ಥಾನ ಪಡೆದು ಅತ್ಯುತ್ತಮ ಪ್ರದರ್ಶನ ನೀಡಿದ್ದರು.

ಇದನ್ನೂ ಓದಿ:ರೋಹಿತ್ ಶರ್ಮಾ, ರಿತಿಕಾಗೆ ಪ್ರಪೋಸ್ ಮಾಡಿದ್ದೇಗೆ.. ಈ ಸೀನ್​ ಯಾವ ಮೂವಿಗೂ ಕಡಿಮೆ ಇಲ್ಲ!

[caption id="attachment_128907" align="alignnone" width="800"] ದಿಲೀಪ್​ ದೋಶಿ ಅವರ ಜೊತೆ ಸುನಿಲ್ ಜೋಶಿ[/caption]

ಇವರು 1970ರ ದಶಕದಲ್ಲಿ ಟೀಮ್ ಇಂಡಿಯಾದ ಫೇಮಸ್ ಬೌಲರ್ ಆಗಿದ್ದರು. ಇದಕ್ಕೂ ಮೊದಲು ಇವರು ಸೌರಾಷ್ಟ್ರ, ಬಂಗಾಳ, ವಾರ್ವಿಕ್‌ಷೈರ್ ಮತ್ತು ನಾಟಿಂಗ್‌ಹ್ಯಾಮ್‌ಷೈರ್ ಪರ ಪ್ರಥಮ ದರ್ಜೆ (First Class Cricket) ಕ್ರಿಕೆಟ್ ಆಡಿದ್ದರು. 1980ರಲ್ಲಿ ಕ್ರಿಕೆಟ್​ನಿಂದ ದೂರ ಸರಿದರು. ಬಳಿಕ ಕ್ರಿಕೆಟ್​ನಲ್ಲಿ ಕಳೆದಂತ ಅತ್ಯಮೂಲ್ಯ ದಿನಗಳನ್ನು ತಮ್ಮ ಆತ್ಮಚರಿತ್ರೆ ಸ್ಪಿನ್​ ಪಂಚ್​ ಪುಸ್ತಕದಲ್ಲಿ ಬರೆದುಕೊಂಡಿದ್ದಾರೆ.

33 ಟೆಸ್ಟ್​ ಪಂದ್ಯಗಳನ್ನು ಆಡಿದ್ದ ಸ್ಪಿನ್​ ಬೌಲರ್​ ದಿಲೀಪ್​ ದೋಶಿ ಅವರು, ಒಟ್ಟು 144 ವಿಕೆಟ್​ಗಳನ್ನು ಕಬಳಿಸಿದ್ದರು. ಇದರಲ್ಲಿ ಅವರು 6 ಬಾರಿ 5 ವಿಕೆಟ್​​ಗಳ ಗೊಂಚಲು ಪಡೆದಿರುವುದು ವಿಶೇಷ ಎನಿಸಿದೆ. 15 ಒನ್​ಡೇ ಪಂದ್ಯಗಳಿಂದ 22 ವಿಕೆಟ್​ ಉರುಳಿಸಿದ್ದು 3.96 ಎಕನಾಮಿ ಹೊಂದಿದ್ದರು.

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.30ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ