ಇಶಾನ್​​ ಕಿಶನ್​​​ ಖರೀದಿಗೆ RCB ಹಿಂದೇಟು ಹಾಕಿದ್ದೇಕೆ? ಕೊನೆಗೂ ಕಾರಣ ರಿವೀಲ್​ ಮಾಡಿದ ದಿನೇಶ್​ ಕಾರ್ತಿಕ್​​

2025ರ ಇಂಡಿಯನ್​ ಪ್ರೀಮಿಯರ್​ ಲೀಗ್​​ ಮೆಗಾ ಹರಾಜಿನಲ್ಲಿ ರಾಯಲ್​​ ಚಾಲೆಂಜರ್ಸ್​ ಬೆಂಗಳೂರು ಸ್ಟಾರ್​ ಆಟಗಾರರನ್ನೇ ಖರೀದಿ ಮಾಡುವ ಮೂಲಕ ಬಲಿಷ್ಠ ತಂಡವನ್ನು ಕಟ್ಟಿದೆ. ಆರ್​​ಸಿಬಿ ಓಪನಿಂಗ್​ ಸ್ಲಾಟ್​​ಗೆ ಟೀಮ್​ ಇಂಡಿಯಾದ ಸ್ಟಾರ್​​ ವಿಕೆಟ್​ ಕೀಪರ್​ ಬ್ಯಾಟರ್​​ ಇಶಾನ್​ ಕಿಶನ್​​ಗೆ ಕನ್ಸಿಡರ್​ ಮಾಡಿದ್ರು. ಆದರೆ, ಇವರನ್ನು ಆರ್​​ಸಿಬಿ ಖರೀದಿ ಮಾಡಲು ಮುಂದಾಗಲಿಲ್ಲ. ಇದರ ಮಧ್ಯೆ ರಾಯಲ್​ ಚಾಲೆಂಜರ್ಸ್​ ಬೆಂಗಳೂರು ತಂಡದ ಬ್ಯಾಟಿಂಗ್​ ಕೋಚ್​ ದಿನೇಶ್​ ಕಾರ್ತಿಕ್​ ಇಶಾನ್​ ಕಿಶನ್​ ಅವರನ್ನು ಏಕೆ ಖರೀದಿ ಮಾಡಲಿಲ್ಲ ಎಂದು ಬಿಚ್ಚಿಟ್ಟಿದ್ದಾರೆ.

ಅದರಲ್ಲೂ ಇಂಗ್ಲೆಂಡ್‌ ತಂಡದ ಸ್ಫೋಟಕ ಬ್ಯಾಟರ್‌ ಫಿಲ್‌ ಸಾಲ್ಟ್‌ ಅವರನ್ನು ಖರೀದಿ ಮಾಡುವಲ್ಲಿ ಆರ್​​ಸಿಬಿ ಯಶಸ್ವಿಯಾಗಿದೆ. ಇವರಿಗೆ ಬರೋಬ್ಬರಿ 11.50 ಕೋಟಿ ನೀಡಿ ಆರ್‌ಸಿಬಿ ತಂಡಕ್ಕೆ ಬರಮಾಡಿಕೊಂಡಿತು. ಇವರ ಖರೀದಿಗೆ ಕಾರಣ ಏನು? ಎಂದು ಆರ್​​ಸಿಬಿ ಮೆಂಟರ್​​ ಮತ್ತು ಬ್ಯಾಟಿಂಗ್​ ಕೋಚ್​​ ದಿನೇಶ್​ ಕಾರ್ತಿಕ್​ ಬಿಚ್ಚಿಟ್ಟಿದ್ದಾರೆ. ಈ ಸಂದರ್ಭದಲ್ಲಿ ಇಶಾನ್​ ಕಿಶನ್​ ಬಗ್ಗೆ ದಿನೇಶ್​ ಕಾರ್ತಿಕ್ ಮಾತಾಡಿದ್ದಾರೆ.

ಏನಂದ್ರು ದಿನೇಶ್​ ಕಾರ್ತಿಕ್​​?

ಈ ಸಂಬಂಧ ಮಾತಾಡಿದ ದಿನೇಶ್​ ಕಾರ್ತಿಕ್​​ ಅವರು, ಆರ್‌ಸಿಬಿ ವಿದೇಶಿ ಆರಂಭಿಕ ಆಟಗಾರನ ಹುಡುಕಾಟ ನಡೆಸಿತ್ತು. ನಮಗೆ ಉತ್ತಮ ಸ್ಟ್ರೈಕ್‌ ರೇಟ್​​ನೊಂದಿಗೆ ದೊಡ್ಡ ಇನಿಂಗ್ಸ್‌ ಕಟ್ಟುವ ಸ್ಟಾರ್ ಆಟಗಾರರ ಬೇಕಿತ್ತು. ಈ ರೀತಿಯ ಸ್ಫೋಟಕ ಇನಿಂಗ್ಸ್​ಗೆ ಹೆಸರು ವಾಸಿ ಫಿಲ್‌ ಸಾಲ್ಟ್‌. ಭಾರತದ ಪರ ಇಶಾನ್‌ ಕಿಶನ್‌ ಬಿಗ್ ಸ್ಕೋರ್‌ ಕಲೆ ಹಾಕಬಲ್ಲ ಪ್ಲೇಯರ್‌. ಆದರೆ, ಇಶಾನ್​ ಕಿಶನ್​ ಅವರನ್ನು ಖರೀದಿ ಮಾಡಲು ಇರೋ ಸಮಸ್ಯೆ ಏನಂದ್ರೆ ಅವರಲ್ಲಿ ಪವರ್​ ಇಲ್ಲ. ಪವರ್​ ಹಿಟ್ಟಿಂಗ್​​ ಇಲ್ಲ ಎಂದಮೇಲೆ ಖರೀದಿ ಮಾಡಬೇಕು. ನಮ್ಮ ತಂಡ ಆರಂಭಿಕರಾಗಿ ವಿದೇಶಿ ಆಟಗಾರರನ್ನು ಮನಸ್ಸಿನಲ್ಲಿ ಇಟ್ಟುಕೊಂಡಿತ್ತು. ಹಾಗಾಗಿ ಇವರನ್ನು ಖರೀದಿ ಮಾಡಿದೆವು ಎಂದಿದ್ದಾರೆ.

ಇದನ್ನೂ ಓದಿ: ನ್ಯೂಜಿಲೆಂಡ್​​ ವಿರುದ್ಧ ರೋಚಕ ಜಯ; ಭಾರತದ ಗೆಲುವಿಗೆ ಕಾರಣ ಬಿಚ್ಚಿಟ್ಟ ಕ್ಯಾಪ್ಟನ್​ ರೋಹಿತ್

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ