ಗ್ರ್ಯಾಂಡ್ ಕಾನ್​ ಚಿತ್ರೋತ್ಸವದಲ್ಲಿ ಕಂಗೊಳಿಸಿದ ದಿಶಾ ಮದನ್.. ಕನ್ನಡಿಗರಿಗೆ ಹೇಳಿದ್ದು ಏನು..?

ಪ್ರತಿಷ್ಠಿತ ದೀ ಗ್ರ್ಯಾಂಡ್​ ಕಾನ್​ ಅಂತರರಾಷ್ಟ್ರೀಯ ಚಿತ್ರೋತ್ಸವದ ರೆಡ್​ ಕಾರ್ಪೆಟ್​​ ಮೇಲೆ ಕನ್ನಡದ ನಟಿ ಹಾಗೂ ಮಾಡೆಲ್ ಆಗಿರುವ ದಿಶಾ ಮದನ್ ಅವರು ಹೆಜ್ಜೆ ಹಾಕಿ ಎಲ್ಲರ ಗಮನ ಸೆಳೆದಿದ್ದಾರೆ. ಇದೇ ವೇಳೆ ಕನ್ನಡಿಗರ ಬಗ್ಗೆಯೂ ಮಾತನಾಡಿ, ಎಲ್ಲರಿಗೂ ಧನ್ಯವಾದ ತಿಳಿಸಿದ್ದಾರೆ.

ಕನ್ನಡದ ಕುಲವಧು ಸೀರಿಯಲ್​ ಮೂಲಕ ಕಿರುತೆರೆಗೆ ಎಂಟ್ರಿ ಕೊಟ್ಟಿದ್ದ ದಿಶಾ ಮದನ್ ಸದ್ಯ ಲಕ್ಷ್ಮಿ ನಿವಾಸದಲ್ಲಿ ಭಾವನಾ ಪಾತ್ರಕ್ಕೆ ಜೀವ ತುಂಬುತ್ತಿದ್ದಾರೆ. ಕಾನ್ ಫಿಲ್ಮ್ ಫೆಸ್ಟಿವಲ್‌ನ ರೆಡ್‌ ಕಾರ್ಪೆಟ್‌ ಮೇಲೆ ದಿಶಾ ಮದನ್ ಮಸ್ತ್​ ಲುಕ್​ನಲ್ಲಿ ಕಾಣಿಸಿಕೊಂಡಿದ್ದಾರೆ. ಈ ಸಂಭ್ರಮ ಮುಗಿದ ಮೇಲೆ ದಿಶಾ ಮದನ್ ಅವರು ಕನ್ನಡದಲ್ಲಿ ಮಾತನಾಡಿ, ನನ್ನ ಭಾಷೆ ಕನ್ನಡದಲ್ಲಿ ಸ್ವಲ್ಪ ಮಾತನಾಡಲು ಇಷ್ಟ ಪಡುತ್ತೇನೆ ಎಂದಿದ್ದಾರೆ.

ಕರ್ನಾಟಕದ ಜನರು ನನ್ನನ್ನು ಪ್ರೋತ್ಸಾಹಿಸಿದ್ದಕ್ಕೆ ಕನಸು ಇಂದು ನನಸು ಆಗಿದೆ. ಎಲ್ಲರಿಗೂ ಧನ್ಯವಾದಗಳು ಎಂದು ಹೇಳಿದ್ದಾರೆ. ನಾನು ಧರಿಸಿರುವ ಈ ಸೀರೆ ಹಾಗೂ ರವಿಕೆಯನ್ನು ವಿಶೇಷವಾಗಿ ಡಿಸೈನ್ ಮಾಡಿದ್ದಕ್ಕಾಗಿ ಅನ್ಮೋಲ್ ಹಾಗೂ ಬಿಂದುಗೆ ತುಂಬಾ ಥ್ಯಾಂಕ್ಸ್​. ಇದು 17 ವರ್ಷದ ಹಿಂದಿನ ಸೀರೆ ಆಗಿದ್ದು ಇದು ಚೆಟ್ಟಿನಾಡಿನಲ್ಲಿ ನೇಯ್ಗೆ ಮಾಡಲಾಗಿತ್ತು. ಒಳ್ಳೆಯ ಲುಕ್ ಕೊಟ್ಟಿದ್ದು ಅನ್ಮೋಲ್ ಹಾಗೂ ಬಿಂದು ಎಂದು ಹೇಳಿದ್ದಾರೆ.

ಇದನ್ನೂ ಓದಿ: ಧರ್ಮಸ್ಥಳದ ಯುವತಿ ಕೇಸ್​; ಪ್ರೊಫೆಸರ್ ಜತೆ ಪ್ರೇಮ ವೈಫಲ್ಯ.. ಕಟ್ಟಡದಿಂದ ಹಾರಿದ್ದ ಆಕಾಂಕ್ಷ

ಮಾಡೆಲಿಂಗ್, ಧಾರಾವಾಹಿಗಳಲ್ಲಿ ನಟಿಸುತ್ತಿರುವ ದಿಶಾ ಮದನ್ ಸಿನಿಮಾದಲ್ಲೂ ಆ್ಯಕ್ಟ್ ಮಾಡಿದ್ದಾರೆ. ಫ್ರೆಂಚ್ ಬಿರಿಯಾನಿ ಎನ್ನುವ ಸಿನಿಮಾ ಹಾಗೂ ಹಂಬಲ್ ಪೊಲಿಟಿಷಿಯನ್ ನೊಗರಾಜ್ ಎಂಬ ವೆಬ್​ ಸಿರೀಸ್​ನಲ್ಲಿ ಅಭಿನಯ ಮಾಡಿದ್ದಾರೆ. ಇನ್​ಸ್ಟಾದಲ್ಲೂ ಈ ಬಗ್ಗೆ ಪೋಸ್ಟ್ ಶೇರ್ ಮಾಡಿದ್ದು ತಮಿಳುನಾಡಿನ ಚೆಟ್ಟಿನಾಡ್​ ಭಾಗದಲ್ಲಿ 1950ರಲ್ಲಿ ಪ್ರಖ್ಯಾತಿ ಪಡೆದಿದ್ದ ಮದುಮಗಳ ಉಡುಗೆಯನ್ನು ಧರಿಸಿದ್ದು ಖುಷಿ ನೀಡಿತು ಎಂದು ಬರೆದುಕೊಂಡಿದ್ದಾರೆ.

ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ