ಅಂಗ ರಂಗ ವೈಭವಂಗ ನಡೆಯಿತು ಈ ಬೀದಿ ನಾಯಿಯ ಬರ್ತ್​ಡೇ.. ಹೇಗೆಲ್ಲಾ ಇತ್ತು ಆಚರಣೆ?

ಈಗೀಗ ಸಾಕು ಪ್ರಾಣಿಗಳ ಹುಟ್ಟುಹಬ್ಬ, ಮದುವೆ, ಸೀಮಂತ ಆಚರಣೆ ಮಾಡುವುದು ಸಾಮಾನ್ಯವಾಗಿದೆ. ಮನೆಯಲ್ಲಿಯೇ ಸಣ್ಣದೊಂದು ಕಾರ್ಯಕ್ರಮ ಮಾಡುತ್ತಾರೆ. ತಮ್ಮ ಕುಟುಂಬದ ಸದಸ್ಯನಂತೆ ಅವುಗಳನ್ನು ಮಾಲೀಕರು ಇತ್ತೀಚೆಗೆ ಕಾಣುತ್ತಿದ್ದಾರೆ. ಕೆಲವೊಬ್ಬರು, ತಮ್ಮ ಸಾಕು ಪ್ರಾಣಿಗೂ ಆಸ್ತಿ ಬರೆದಿರುವುದು ಕೇಳಿದ್ದೇವೆ. ಈ ಎಲ್ಲ ಈಗಿರುವಾಗಲೇ ಇಲ್ಲೊಂದು ಬೀದಿ ನಾಯಿಗೆ ಅಂಗ ರಂಗ ವೈಭವಂಗ ಬರ್ತ್​ಡೇ ಸೆಲೆಬ್ರೆಷನ್ ಮಾಡಲಾಗಿದೆ.

ಈ ಶ್ವಾನದ ಹೆಸರು ಲುಡೋ ಭಾಯ್​. ಇದೇನೋ ದೊಡ್ಡ ಶ್ರಿಮಂತನೋ ಅಥವಾ ಇನ್ಯಾರೋ ಸಾಕಿರುವ ನಾಯಿ ಅಲ್ಲವೇ ಅಲ್ಲ. ಇದೊಂದು ಬೀದಿ ನಾಯಿ. ಬೀದಿಯಲ್ಲಿ ಓಡಾಡಿಕೊಂಡಿರುವ ನಾಯಿ ಅಲ್ಲಿನ ಜನರ ಪ್ರೀತಿ ಗಳಿಸಿದೆ. ಅವರಿಗೆ ನಂಬಿಕೆ, ವಿಶ್ವಾಸದಿಂದ ಇದೆ. ಹೀಗಾಗಿಯೇ ಆ ಬೀದಿಯ ಯುವಕರೆಲ್ಲಾ ಸೇರಿ ನಾಯಿಗೆ ಅದ್ಧೂರಿಯಾಗಿ ಹುಟ್ಟುಹಬ್ಬವನ್ನು ಆಚರಣೆ ಮಾಡಲಾಗಿದೆ.

ಹುಟ್ಟುಹಬ್ಬದ ದಿನ ಲುಡೋ ಭಾಯ್​ಯ ದೊಡ್ಡ ದೊಡ್ಡ ಬ್ಯಾನರ್​ಗಳನ್ನು ಯುವಕರು ನಗರದಲ್ಲೆಡೆ ಹಾಕಿದ್ದಾರೆ. ಬ್ಯಾನರ್ ಮೇಲೆ ಹೃತ್ಪೂರ್ವಕ ಹುಟ್ಟುಹಬ್ಬದ ಶುಭಾಶಯಗಳು ಎಂದು ಬರೆಯಲಾಗಿದೆ. ಓಪನ್ ಜೀಪ್​ನಲ್ಲಿ ನಾಯಿಯನ್ನು ಅದ್ಧೂರಿಯಾಗಿ ಮೆರವಣಿಗೆ ಮಾಡಲಾಗಿದೆ. ನಾಯಿಯ ಮೇಲೆ ಹೂವಿನ ಸುರಿಮಳೆಗೈದಿದ್ದಾರೆ. ದೊಡ್ಡ ದೊಡ್ಡ ಹೂವಿನ ಹಾರಗಳನ್ನು ಹಾಕಿ ದೊಡ್ಡ ಮಟ್ಟದಲ್ಲೇ ಆಚರಣೆ ಮಾಡಿದ್ದಾರೆ.

ಇದನ್ನೂ ಓದಿ: Aero India Show; ಬೆಂಗಳೂರಲ್ಲಿ ಭಾರೀ ಟ್ರಾಫಿಕ್​.. ಕೆಲ ರಸ್ತೆಗಳಿಗೆ ಎಂಟ್ರಿಯೇ ಇಲ್ಲ, ಎಲ್ಲೆಲ್ಲಿ?

ಓಪನ್ ಜೀಪ್​ನ ಮುಂಭಾಗವೇ ಕೇಕ್ ಅನ್ನು ಇಟ್ಟು ಕಟ್ ಮಾಡಲಾಗಿದೆ. ಕೇಕ್ ಅನ್ನು ಲುಡೋಗೆ ತಿನ್ನಿಸಲಾಗಿದೆ. ನಾಯಿಯನ್ನು ಜೀಪ್​ನಲ್ಲಿ ಮೆರವಣಿಗೆ ಮಾಡಿರುವುದು ಎಲ್ಲರ ಗಮನ ಸೆಳೆದಿದೆ. ಈ ವೇಳೆ ನಾಯಿ ಬೊಗುಳುವುದು, ಓಡುವುದು ಅಂತದ್ದೇನೋ ಮಾಡದೇ ಸುಮ್ಮನಿದೆ. ಆದರೆ ನಾಯಿಯ ಬರ್ತ್​ಡೇ ಮಾತ್ರ ದೊಡ್ಡ ಮಟ್ಟದಲ್ಲಿ ಮಾಡಿರುವ ವಿಡಿಯೋ ಸೋಶಿಯಲ್​ ಮೀಡಿಯಾದಲ್ಲಿ ಸಖತ್ ವೈರಲ್ ಆಗುತ್ತಿದೆ. ಇನ್ನು ಇದೆಲ್ಲಾ ನಡೆದಿರುವುದು ಮಧ್ಯಪ್ರದೇಶದ ದೇವಾಸ್ ನಗರದಲ್ಲಿ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ