ಟ್ರಂಪ್ ಮುಗಿಸಲು ಇರಾನ್​​ ಸಂಚು ರೂಪಿಸಿತ್ತು..! ಅಮೆರಿಕದಲ್ಲಿ ಹೊಸ ಸಂಚಲನ

ಅಧ್ಯಕ್ಷೀಯ ಚುನಾವಣೆಗೂ ಮುನ್ನ ಡೊನಾಲ್ಡ್​ ಟ್ರಂಪ್ ಅವರನ್ನು ಕೊಲ್ಲುವ ಸಂಚು ನಡೆದಿತ್ತು, ಅದರ ಹಿಂದೆ ಇರಾನ್ ಕೈವಾಡ ಇದೆ ಎಂದು ಅಮೆರಿಕ ಆರೋಪಿಸಿದೆ.

ಮ್ಯಾನ್​ಹ್ಯಾಟನ್​ ಫೆಡರಲ್ ಕೋರ್ಟ್​ಗೆ ನಿನ್ನೆ ಕ್ರಿಮಿನಲ್ ಪ್ರಕರಣ ದಾಖಲಿಸಲಾಗಿದೆ. ಇರಾನ್​​ನ ಅರೆಸೈನಿಕ ಕ್ರಾಂತಿಕಾರಿ ಗಾರ್ಡ್​​ನ ಅಧಿಕಾರಿಯೊಬ್ಬರು ಬಾಡಿಗೆ ಶೂಟರ್​​ಗೆ ಟ್ರಂಪ್​ ಮೇಲೆ ನಿಗಾ ಇಡಲು ಹಾಗೂ ಕೊಲ್ಲಲು ಸೂಚಿಸಿದ್ದಾರೆ ಎಂದು ದೂರಿನಲ್ಲಿ ಆರೋಪಿಸಲಾಗಿದೆ. ಇರಾನ್​ನ ಸರ್ಕಾರಿ ಉದ್ಯೋಗಿ ಆಗಿದ್ದ ಪರ್ಹಾದ್​ ಶಾಕೇರಿಗೆ ಟ್ರಂಪ್​​ ಅವರನ್ನು ಕೊಲ್ಲುವ ಜವಾಬ್ದಾರಿ ನೀಡಲಾಗಿತ್ತು. ಅದು ಕೂಡ 7 ದಿನದಲ್ಲಿ ಸಾಯಿಸುವ ಪ್ಲಾನ್ ನಡೆದಿತ್ತು ಎಂದು ದೂರಿನಲ್ಲಿ ತಿಳಿಸಲಾಗಿದೆ.

ಇದನ್ನೂ ಓದಿ:ಅಮೆರಿಕಾದಲ್ಲಿರುವ 4 ಲಕ್ಷ ಭಾರತೀಯರಿಗೆ ದೊಡ್ಡ ಟೆನ್ಷನ್.. ಟ್ರಂಪ್‌ ಮತ್ತೆ ಆ ರೂಲ್ಸ್‌ ಜಾರಿಗೆ ತಂದ್ರೆ ತವರಿಗೆ ವಾಪಸ್‌!

ಇರಾನ್​​ನಲ್ಲಿದ್ದಾಗ ಎಫ್​ಬಿಐ ಏಜೆಂಟ್​ಗಳೊಂದಿಗೆ ರೆಕಾರ್ಡ್​ ಮಾಡಿದ ಫೋನ್ ಸಂಭಾಷಣೆಗಳಲ್ಲಿ ಶಾಕೇರಿ ಪಿತೂರಿಗಳ ವಿವರವನ್ನು ಬಹಿರಂಗಪಡಿಸಲಾಗಿದೆ. ಶಾಕೇರಿ ಮೂಲತಃ ಅಫ್ಘಾನ್ ಪ್ರಜೆಯಾಗಿದ್ದಾನೆ. ಬಾಲ್ಯದಲ್ಲಿ ಆತ ಅಮೆರಿಕಗೆ ವಲಸೆ ಬಂದಿದ್ದಿದ್ದ. ಅಲ್ಲಿ ದರೋಡೆ ಪ್ರಕರಣದಲ್ಲಿ ಸಿಲುಕಿಕೊಂಡು 14 ವರ್ಷಗಳ ಜೈಲು ಶಿಕ್ಷೆ ಅನುಭವಿಸಿ ಗಡಿಪಾರು ಆಗಿದ್ದ. ಈಗ ಟೆಹ್ರಾನ್​ನಿಂದ ನೇಮಕಗೊಂಡ ಅಪರಾಧಿಗಳ ಜಾಲವನ್ನು ನಡೆಸುತ್ತಿದ್ದಾನೆ. ಅಂತೆಯೇ ಈತ ಟ್ರಂಪ್ ಹತ್ಯೆಗೆ ಗುತ್ತಿಗೆ ಪಡೆದಿದ್ದು, ಇರಾನ್​ನಿಂದ ಈತ ಹಣವನ್ನು ಪಡೆದುಕೊಂಡಿದ್ದಾನೆ ಎಂದು ಅಮೆರಿಕ ಆರೋಪಿಸಿದೆ.

ಜುಲೈ 13 ರಂದು ಗುಂಡಿನ ದಾಳಿ
ಡೊನಾಲ್ಡ್​ ಟ್ರಂಪ್ ಮತ್ತೊಮ್ಮೆ ಅಮೆರಿಕದ ಅಧ್ಯಕ್ಷರಾಗುತ್ತಿದ್ದಾರೆ. ಅಧ್ಯಕ್ಷೀಯ ಚುನಾವಣೆಯಲ್ಲಿ ಕಮಲಾ ಹ್ಯಾರಿಸ್​ರನ್ನು ಸೋಲಿಸುವ ಮೂಲಕ ಎರಡನೇ ಬಾರಿಗೆ ದೊಡ್ಡಣ್ಣ ಆಗುತ್ತಿದ್ದಾರೆ. ಬೆನ್ನಲ್ಲೇ ಅವರ ವಿರುದ್ಧ ನಡೆದ ದೊಡ್ಡ ಪಿತೂರಿಯ ಅಸಲಿ ವಿಚಾರ ಬಯಲಿಗೆ ಬಂದಿದೆ. ಟ್ರಂಪ್ ಜೀವಬೆದರಿಕೆ ಎದುರಿಸುತ್ತಿರೋದು ಇದೇ ಮೊದಲಲ್ಲ. ಜುಲೈ 13 ರಂದು ಪೆನ್ಸಿಲ್ವೇನಿಯಾದ ಬಟ್ಲರ್ ನಗರದಲ್ಲಿ ಟ್ರಂಪ್​​ ಱಲಿ ಮೇಲೆ ಗುಂಡು ಹಾರಿಸಲಾಗಿತ್ತು. ಈ ವೇಳೆ ಟ್ರಂಪ್​ ಅವರ ಕಿವಿಗೆ ಗುಂಡು ತಗುಲಿತ್ತು. ಈ ಘಟನೆ ನಡೆದು 64 ದಿನಗಳ ಬಳಿಕ ಮತ್ತೊಮ್ಮೆ ಅವರ ಮೇಲೆ ಹಲ್ಲೆಗೆ ಯತ್ನ ನಡೆದಿದೆ. ಆ ಸಮಯದಲ್ಲಿ ಟ್ರಂಪ್ ಫ್ಲೊರಿಡಾಡ ಪಾಮ್ ಬೀಚ್​​ ಕಂಟಿಯ ಗಾಲ್ಫ್​ ಕ್ಲಬ್​ನಲ್ಲಿದ್ದರು.

ಇದನ್ನೂ ಓದಿ:ಡೊನಾಲ್ಡ್ ಟ್ರಂಪ್‌ ಎಷ್ಟು ಮದುವೆ ಆಗಿದ್ದಾರೆ? ಮೆಲಾನಿಯಾ ಎಷ್ಟು ವರ್ಷ ಚಿಕ್ಕವರು ಗೊತ್ತಾ?

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ