ಮೋಸದ ಬಲೆ ಬೀಸಿದ್ದಾರೆ ಸೈಬರ್ ಖದೀಮರು

ಸೈಬರ್ ವಂಚಕರಿಗೆ ಮರುಳಾಗದಿರಿ ಹುಷಾರು

ಬೆಂಗಳೂರಲ್ಲಿ ಜಾಗೃತಿ ಮೂಡಿಸ್ತಿದ್ದಾರೆ ಪೊಲೀಸರು

ಬೆಂಗಳೂರು: ಗುಲಾಬಿ ಬಣ್ಣದ ವಾಟ್ಸ್​ಆ್ಯಪ್ ಬಳಸೋಕು ಮುನ್ನ ಹುಷಾರ್. ಸೈಬರ್ ಖದೀಮರು ಪಿಂಕ್ ಕಲರ್​​​​ ವಾಟ್ಸ್​ಆ್ಯಪ್ ವಂಚನೆ ಮಾಡಲು ಮುಂದಾಗಿದ್ದು, ಬೆಂಗಳೂರು ಪೊಲೀಸರು ಅಲರ್ಟ್ ಆಗಿದ್ದಾರೆ.

ಯಾವುದೇ ಕಾರಣಕ್ಕೂ ಗುಲಾಬಿ ಬಣ್ಣದ ವಾಟ್ಸ್​ಆ್ಯಪ್ ಬಳಸದಂತೆ ಪೊಲೀಸರು ಮನವಿ ಮಾಡಿಕೊಳ್ತಿದ್ದಾರೆ. ಎಕ್ಸ್ (ಟ್ವಿಟರ್​) ಮೂಲಕ ಗುಲಾಬಿ ಬಣ್ಣದ ವಾಟ್ಸ್​ಆ್ಯಪ್ ಫೋಟೋ ಹಾಕಿ ಟ್ಯಾಗ್ ಮಾಡಿದ್ದು, ಈ ವಾಟ್ಸ್​ಆ್ಯಪ್ ಬಳಸಿದರೆ ಮೊಬೈಲ್ ಸಂಪೂರ್ಣ ಡೇಟಾ ಹ್ಯಾಕರ್ಸ್ ಕೈಸೇರುತ್ತದೆ.

ನಿಮ್ಮ ಮೊಬೈಲ್​ನಲ್ಲಿರುವ ಫೋಟೋ, ಬ್ಯಾಂಕ್ ಖಾತೆಗಳ ವಿವರ, ಪಾಸ್​ ವರ್ಡ್, ಕಾಂಟ್ಯಾಕ್ಟ್ಸ್ ಹಾಗೂ ಮೆಸೇಜ್​ಗಳನ್ನು ಕದಿಯುತ್ತಾರೆ. ಜೊತೆಗೆ ಸಂಪೂರ್ಣ ನಿಮ್ಮ ಮೊಬೈಲ್​ನ ದತ್ತಾಂಶ ಹ್ಯಾಕರ್ಸ್ ಕೈಸೇರುತ್ತದೆ ಹುಷಾರ್ ಆಗಿರಿ ಎಂದು ಎಚ್ಚರಿಸಿದ್ದಾರೆ. ಯಾರೂ ಕೂಡ ಈ ಪಿಂಕ್ ವಾಟ್ಸ್​ಆ್ಯಪ್ ಯಾರೂ ಬಳಕೆ ಮಾಡಬಾರದು. ಯಾವುದೇ ರೀತಿಯ ಸೈಬರ್ ವಂಚನೆಯಾದರೆ 1930ಕ್ಕೆ ಕರೆ ಮಾಡಲು ಪೊಲೀಸರು ತಿಳಿಸಿದ್ದಾರೆ.

ಗುಲಾಬಿ ಬಣ್ಣದ ವಾಟ್ಸ್ ಆಪ್ ಅಪಾಯಕಾರಿ ಎಚ್ಚರಿಕೆಯಿಂದಿರಿ.

ಆಕರ್ಷಣೆಯ ಗುಲಾಬಿ ಬಣ್ಣದ ವಾಟ್ಸ್ಅಪ್ (Apk) ಬಳಸುವವರನ್ನು ಗುರಿಯಾಗಿಸಿ ಮೋಸಗಾರರು ಡೇಟಾ ಕದಿಯಲು ಇಲ್ಲವೇ Android ಮೊಬೈಲ್ ಹ್ಯಾಕ್ ಮಾಡಲು ಬಳಸಿಕೊಳ್ಳುತ್ತಾರೆ.

ಜಾಗೃತೆಯಿಂದಿರಿ..#CyberSecurity #KSP_ಸುವರ್ಣಸಂಭ್ರಮ #GoldenJubileeOf_KSP pic.twitter.com/AgdjRLXnNf

— ಕರ್ನಾಟಕ ರಾಜ್ಯ ಪೊಲೀಸ್ Karnataka State Police (@KarnatakaCops) January 23, 2024

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ