ನಮ್ಮ ಮೆಟ್ರೋದಲ್ಲಿ ಮಹತ್ವದ ಬೆಳವಣಿಗೆ.. ಚಾಲಕ ರಹಿತ ರೈಲು ಓಡಾಟ ಕುರಿತು ಅಪ್​ಡೇಟ್ಸ್..!

ದರ ಏರಿಕೆ ಒಂದು ಕಡೆಯಾದರೆ, ನಮ್ಮ ಮೆಟ್ರೋದಲ್ಲಿ ಮಹತ್ವದ ಬೆಳವಣಿಗೆಗಳು ನಡೆಯುತ್ತಿವೆ. ಎಲೆಕ್ಟ್ರಾನಿಕ್​ ಸಿಟಿಗೆ ಸಂಪರ್ಕ ಕಲ್ಪಿಸಲಿರುವ ನಮ್ಮ ಮೆಟ್ರೋ ಹಳದಿ ಮಾರ್ಗ ತೆರೆಯುವ ನಿಟ್ಟಿನಲ್ಲಿ ಮಹತ್ವದ ಕೆಲಸಗಳು ಆಗುತ್ತಿವೆ.

ನಿನ್ನೆಯ ದಿನ ಮೆಟ್ರೋ ರೈಲು ಸುರಕ್ಷತಾ ಆಯುಕ್ತರ ತಂಡವು ಈ ಮಾರ್ಗಕ್ಕಾಗಿ ಚೀನಾದ ಸಿಆರ್​​ಆರ್​ಸಿ ಕಂಪನಿ ಪೂರೈಸಿರುವ ಚಾಲಕ ರಹಿತ ರೈಲಿನ ಶಾಸನಬದ್ಧ ತಪಾಸಣೆ ನಡೆಸಿದೆ. ಆರ್​ವಿ ರಸ್ತೆ-ಬೊಮ್ಮಸಂದ್ರ (19.15 ಕಿಮೀ) ಸಂಪರ್ಕಿಸುವ ಹಳದಿ ಮಾರ್ಗಕ್ಕಾಗಿ ಕಳೆದ ವರ್ಷ ಈ ರೈಲು ಬಂದಿದೆ. ಈವರೆಗೆ ಸುಮಾರು 37 ಪರೀಕ್ಷೆಗಳನ್ನು ಮಾಡಲಾಗಿದೆ. ರೈಲಿನ ವೇಗ, ನಿಲ್ಲುವ ಬಗೆ, ಸಿಗ್ನಲಿಂಗ್ ಹಾಗೂ ಎಲೆಕ್ಟ್ರಿಫಿಕೇಶನ್, ಪ್ರಯಾಣಿಕರ ಸುರಕ್ಷತೆ ಸೇರಿ ಹಲವು ತಪಾಸಣೆ ಮಾಡಲಾಗಿದೆ.

ಇದನ್ನೂ ಓದಿ: ಬೆಳಗಾವಿ ಮಂದಿಗೆ ಮತ್ತೊಂದು ಗುಡ್​ನ್ಯೂಸ್; ಕೇಂದ್ರ ಸರ್ಕಾರದಿಂದ ಮಹತ್ವದ ನಿರ್ಧಾರ

ನಿನ್ನೆಯ ದಿನ ಸಿಎಂಆರ್​ಎಸ್ ತಂಡವು ರೋಲಿಂಗ್ ಸ್ಟಾಕ್ ತಪಾಸಣೆ ನಡೆಸಿದೆ. ಇದರ ವರದಿಯನ್ನು ಸದ್ಯದಲ್ಲೇ ಕೇಂದ್ರ ರೈಲ್ವೇ ಸಚಿವಾಲಯಕ್ಕೆ ನೀಡಲಾಗುತ್ತದೆ. ರೈಲ್ವೇ ಸಚಿವಾಲಯದ ಒಪ್ಪಿಗೆ ಬಳಿಕ ಸಿಎಂಆರ್​ಎಸ್ ತಂಡವನ್ನು ಮತ್ತೆ ಕರೆಸಿ, ಹಳಿ ಮೆಟ್ರೋ ಮಾರ್ಗ ಹಾಗೂ ನಿಲ್ದಾಣಗಳನ್ನು ತಪಾಸಣೆ ನಡೆಸಲು ಕೋರಲಾಗುತ್ತದೆ. ನಂತರ ಸಾರ್ವಜನಿಕರ ಪ್ರಯಾಣಕ್ಕೆ ಮುಕ್ತಗೊಳಿಸಲಾಗುತ್ತದೆ.

ಇದೇ ಮಾರ್ಗಕ್ಕಾಗಿ ಫೆಬ್ರವರಿ 14 ರಂದು 6 ಬೋಗಿಗಳ ಎರಡನೇ ರೈಲು ಕೋಲ್ಕತ್ತಾದಿಂದ ಬೆಂಗಳೂರಿಗೆ ಆಗಮಿಸಿದೆ. ಈ ರೈಲಿನ ತಪಾಸಣೆ, ಪ್ರಾಯೋಗಿಕ ಪರಿಶೀಲನೆ ಕೂಡ ನಡೆಯಲಿದೆ. ಚಾಲಕ ರಹಿತ ರೈಲುಗಳ ಸಂವಹನ ಆಧಾರಿತ ರೈಲು ನಿಯಂತ್ರಣ ವ್ಯವಸ್ಥೆ (ಸಿಬಿಟಿಸಿ) ತಂತ್ರಜ್ಞಾನ ಆಧಾರಿತವಾಗಿದೆ. ಇದು ಚಾಲಕ ರಹಿತ ತಂತ್ರಜ್ಞಾವುಳ್ಳ ರೈಲು ಆಗಿದೆ. ಸದ್ಯ ಲೋಕೋ ಪೈಲೆಟ್​ಗಳನ್ನು ಇಟ್ಟುಕೊಂಡೇ ಓಡಿಸಲು ಬಿಎಂಆರ್​ಸಿಎಲ್ ನಿರ್ಧರಿಸಿದೆ ಎನ್ನಲಾಗಿದೆ.

ಇದನ್ನೂ ಓದಿ: ಕೇವಲ 9 ರನ್​ ಗಳಿಸದ RCB.. ತವರಲ್ಲಿ ಕ್ಯಾಪ್ಟನ್​ ಸ್ಮೃತಿ ಮಂದಾನಗೆ ಭಾರೀ ಮುಖಭಂಗ

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ