ಮಹಾನಟಿ ಗಗನಾ ಕೊಟ್ಟ ಸರ್​ಪ್ರೈಸ್​ಗೆ ವೇದಿಕೆ ಮೇಲೆ ಡ್ರೋನ್​ ಪ್ರತಾಪ್ ಕಣ್ಣೀರು.. VIDEO

​ಜೀ ಕನ್ನಡದಲ್ಲಿ ಪ್ರಸಾರವಾಗುತ್ತಿರೋ ಭರ್ಜರಿ ಬ್ಯಾಚುಲರ್ಸ್ ವೇದಿಕೆ ಮೇಲೆ ಡ್ರೋನ್​ ಪ್ರತಾಪ್​ ಕಣ್ಣೀರು ಹಾಕಿದ್ದಾರೆ. ಹೌದು, ಬಿಗ್​ಬಾಸ್ ಸೀಸನ್ 10ರ ರನ್ನರ್ ಅಪ್​ ಆಗಿದ್ದ ಡ್ರೋನ್​ ಪ್ರತಾಪ್​ ಸದ್ಯ ಭರ್ಜರಿ ಬ್ಯಾಚುಲರ್ಸ್ ಸೀಸನ್ 2ಗೆ ಎಂಟ್ರಿ ಕೊಟ್ಟಿದ್ದಾರೆ. ಡ್ರೋನ್​ ಪ್ರತಾಪ್​ಗೆ ಜೋಡಿಯಾಗಿ ಮಹಾನಟಿ ಖ್ಯಾತಿಯ ಗಗನಾ ಆಯ್ಕೆಯಾಗಿದ್ದರು.

ಇದನ್ನೂ ಓದಿ: ಪಾದರಕ್ಷೆ ಕೊಳ್ಳಲು ದುಡ್ಡಿಲ್ಲ.. ಇಡೀ ಗ್ರಾಮಕ್ಕೆ ಪವನ್ ಕಲ್ಯಾಣ್‌ ಭರ್ಜರಿ ಗಿಫ್ಟ್‌; ಮನ ಮಿಡಿಯುವ ಸ್ಟೋರಿ!

ಕಳೆದ ವಾರ ಬ್ಯಾಚುಲರ್ಸ್​ಗಳಿಗೆ ಲವ್​ ಕೆಮಿಸ್ಟ್ರಿ ರೌಂಡ್ ಇತ್ತು. ಆದ್ರೆ, ಈ ವಾರ ಏಂಜಲ್ಸ್​ಗಳಿಗೆ ಹೊಸ ಚಾಲೆಂಜ್​ ಎದುರಾಗಿದೆ. ಏಂಜಲ್‌ಗಳು ಕೊಟ್ಟ ಭಾವನಾತ್ಮಕ ಸರ್​ಪ್ರೈಸ್​ಗೆ ಬ್ಯಾಚುಲರ್ಸ್ ಭರ್ಜರಿಯಾಗಿ ಮನಸೋತ್ತಿದ್ದಾರೆ. ಹೌದು, ರಿಲೀಸ್​ ಆಗಿರೋ ಪ್ರೋಮೋದಲ್ಲಿ ಗಗನಾ ಕೊಟ್ಟ ಸರ್​ಪ್ರೈಸ್​ಗೆ ಡ್ರೋನ್​ ಪ್ರತಾಪ್​ ಕಣ್ಣೀರು ಸುರಿಸಿದ್ದಾರೆ.

ಡ್ರೋನ್​ ಪ್ರತಾಪ್​ಗೆ ಸರ್​ಪ್ರೈಸ್​ ನೀಡುವ ಸಲುವಾಗಿ ಗಗನಾ ರೋಬೋ ಆಗಿ ವೇದಿಕೆಗೆ ಎಂಟ್ರಿ ಕೊಟ್ಟು ಶಾಕ್​ ನೀಡಿದ್ದರು. ಪ್ರತಾಪ್​ ಅವರನ್ನು ಇಂಪ್ರೆಸ್​​ ಮಾಡಲು ಫಿಸಿಕ್ಸ್​, ಕೆಮೆಸ್ಟ್ರಿನೇ ಬೇಕು ಎಂದು ಹೀಗೆ ಬಂದೆ, ಇಂಪ್ರೆಸ್​ ಆದ್ರಾ ಅಂತ ಕೇಳಿದ್ದಾರೆ. ಅದಕ್ಕೆ ಪ್ರತಾಪ್​ ತುಂಬಾ ಇಂಪ್ರೆಸ್​​ ಆದೆ. ಮುಂದೆ ಗಗನಾ ಥರ ರೋಬೋ ಮಾಡಲು ಪ್ರಯತ್ನ ಮಾಡ್ತೇನೆ ಎಂದಾಗ ಎಲ್ಲರು ನಕ್ಕಿದ್ದಾರೆ.

ಇದಾದ ಬಳಿಕ ವಿಜ್ಞಾನಿಗಳ ಸಾಲಿನಲ್ಲಿ ಡ್ರೋನ್​ ಪ್ರತಾಪ್​ ಫೋಟೋ ಫಿಕ್ಸ್​ ಮಾಡಲಾಗಿದೆ. ಇವರು ಖ್ಯಾತ ವಿಜ್ಞಾನಿ ಎಂದು ತಮಾಷೆ ಮಾಡಲಾಗಿದೆ. ಡ್ರೋನ್​ ಅವರನ್ನು ಇಷ್ಟ ಪಡುವ ಅಭಿಮಾನಿಗಳನ್ನು ವೇದಿಕೆ ಮೇಲೆ ಕರೆತರಲಾಗಿತ್ತು. ಅಭಿಮಾನಿಗಳು ಡ್ರೋನ್​ಗೆ ಹಾರ ಹಾಕಿ, ಸಿಹಿ ತಿನ್ನಿಸಿ ಜೈಕಾರ ಹಾಕಿದ್ದಾರೆ. ಇದೇ ಖುಷಿಯಲ್ಲಿ ಡ್ರೋನ್ ಪ್ರತಾಪ್​ ಕಣ್ಣೀರು ಹಾಕಿದ್ದಾರೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ