ಆಂಧ್ರಪ್ರದೇಶದ ನಂದ್ಯಾಲಯದ ಥಿಯೇಟರ್​ನಲ್ಲಿ ಘಟನೆ

ಬೆಂಕಿ ಹೆಚ್ಚಿ ಹುಚ್ಚಾಟ ಮೆರೆದ ಅಭಿಮಾನಿಗಳು

ಕೆಲ ಕಾಲ ಆತಂಕ ಸೃಷ್ಟಿ, ಸಿನಿ ವೀಕ್ಷಕರು ಕಂಗಾಲು

ಆಂಧ್ರಪ್ರದೇಶದ ನಂದ್ಯಾಲಯದ ಥಿಯೇಟರ್​ನಲ್ಲಿ ಅಗ್ನಿ ಅವಘಡ ಸಂಭವಿಸಿದೆ. ತೆಲುಗಿನ ಪವರ್​​ ಸ್ಟಾರ್​​​ ಪವನ್ ಕಲ್ಯಾಣ್ ಅಭಿನಯದ ‘ಕ್ಯಾಮೆರಾಮ್ಯಾನ್ ಗಂಗಾ ಟು ರಾಂಬಾಬು’ ಚಿತ್ರದ ಮರು-ಬಿಡುಗಡೆಯಾಗಿದೆ.

ತಮ್ಮ ನೆಚ್ಚಿನ ಹೀರೋನ ಕಣ್ತುಂಬಿಕೊಳ್ಳಲು ಬಂದ ಪವನ್​ ಕಲ್ಯಾಣ್​ ಅಭಿಮಾನಿಗಳು ಕಾಗದದ ಚೂರುಗಳಿಗೆ ಬೆಂಕಿ ಹಚ್ಚಿ ಚಿತ್ರಮಂದಿರದಲ್ಲಿ ಹುಚ್ಚಾಟ ಮೆರೆದಿದ್ದಾರೆ. ಬೆಂಕಿ ಹಚ್ಚಿದ ಹಿನ್ನೆಲೆಯಲ್ಲಿ ಥಿಯೇಟರ್​ನಲ್ಲಿ ಕೆಲಕಾಲ ಆತಂಕ ಸೃಷ್ಟಿಯಾಗಿತ್ತು. ಕೊನೆಗೆ ಬೆಂಕಿಯನ್ನು ನಂದಿಸಲಾಗಿದೆ.

#WATCH | Andhra Pradesh: During the re-release of Pawan Kalyan's movie 'Cameraman Ganga to Rambabu', fans lit scraps of papers inside a theatre in Nandyala, earlier today pic.twitter.com/gDR1qnzN7c

— Avinash Pujari (@Avinashpujari02) February 8, 2024

ಅಕ್ಟೋಬರ್ 18, 2012ರಂದು ಕ್ಯಾಮೆರಾಮ್ಯಾನ್ ಗಂಗಾ ಟು ರಾಂಬಾಬು ಸಿನಿಮಾ ರಿಲೀಸ್ ಆಗಿತ್ತು. 52 ಕೋಟಿ ಬಜೆಟ್​​ ಚಿತ್ರಕ್ಕೆ ಪುರಿ ಜಗ್ನಾಥ್ ಆ್ಯಕ್ಷನ್ ಕಟ್ ಹೇಳಿದ್ದರು. ತಮ್ಮನಾ ಭಾಟಿಯಾ, ಪ್ರಕಾಶ್ ರಾಜ್ ಮೊದಲಾದ ಕಲಾವಿದರು ಪ್ರಮುಖ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದರು.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ