ಲಾಟರಿ ಕಿಂಗ್​ ಆಫೀಸ್ ಮೇಲೆ ಜಾರಿ ನಿರ್ದೇಶನಾಲಯ ದಾಳಿ; ವಶಕ್ಕೆ ಪಡೆದಿದ್ದು ಎಷ್ಟು ಕೋಟಿ ಹಣ?

ಜಾರಿ ನಿರ್ದೇಶನಾಲಯ ಶುಕ್ರವಾರ ಚೆನ್ನೈ ಮೂಲದ ಲಾಟರಿ ಕಿಂಗ್ ಸ್ಯಾಂಟಿಗೋ ಮಾರ್ಟಿನ್ ಆಫೀಸ್ ಮೇಲೆ ದಾಳಿ ನಡೆಸಿ ಸುಮಾರು 8.8 ಕೋಟಿ ರೂಪಾಯಿ ಅಕ್ರಮ ಹಣವನ್ನು ವಶಕ್ಕೆ ಪಡೆದುಕೊಂಡಿದೆ. ಸ್ಯಾಂಟಿಗೊ ಮಾರ್ಟಿನ್​, ಎಲೆಕ್ಟ್ರಾಲ್ ಬಾಂಡ್ ಮೂಲಕ ಅತಿಹೆಚ್ಚು ದೇಣಿಗೆ ನೀಡಿದ ಒಬ್ಬನೇ ಒಬ್ಬ ಭಾರತೀಯ, ಈತ ರಾಜಕೀಯ ಪಕ್ಷಗಳಿಗೆ ದೇಣಿಗೆ ನೀಡಿದ ಹಣ ಬರೋಬ್ಬರಿ 1300 ಕೋಟಿ ರೂಪಾಯಿ ಎಂದು ಹೇಳಲಾಗುತ್ತಿದೆ.

ಲಾಟರಿ ಕಿಂಗ್ ಮಾರ್ಟಿನ್ ವಿರುದ್ಧ ಅಕ್ರಮ ಹಣ ವರ್ಗಾವಣೆ ಪ್ರಕರಣದ ಮೇಲೆ ಹಲವು ರಾಜ್ಯಗಳಲ್ಲಿ ಶೋಧ ಕಾರ್ಯ ನಡೆದಿದೆ. ಇತ್ತೀಚೆಗಷ್ಟೇ ಮದ್ರಾಸ್ ಹೈಕೋರ್ಟ್​ ಮಾರ್ಟಿನ್ ವಿರುದ್ಧ ತನಿಖೆ ನಡೆಸಲು ಜಾರಿ ನಿರ್ದೇಶನಾಲಯಕ್ಕೆ ಗ್ರೀನ್ ಸಿಗ್ನಲ್ ನೀಡಲಾಗಿತ್ತು. ತಮಿಳುನಾಡು ಪೊಲೀಸರು ಈ ಒಂದು ಪ್ರಕರಣದಲ್ಲಿ ಮಾರ್ಟಿನ್ ಹಾಗೂ ಹಲವರ ವಿರುದ್ಧ ಎಫ್​ಐಆರ್ ದಾಖಲು ಮಾಡಿಕೊಂಡಿದ್ದರು. ಕೆಳಹಂತದ ನ್ಯಾಯಾಲಯ ಪೊಲೀಸರು ಈ ಒಂದು ಅರ್ಜಿಯನ್ನು ಸ್ವೀಕರಿಸಿತ್ತು ಕೂಡ

ಇದನ್ನೂ ಓದಿ:ಒಂದೇ ಬೈಕ್​​ನಲ್ಲಿ ದೊಡ್ಡ ಕುಟುಂಬ.. ಪೊಲೀಸರೇ ಶಾಕ್ ಆಗಿಬಿಟ್ಟರು.. ವಿಡಿಯೋ

ಅಧಿಕೃತ ಮೂಲಗಳು ಹೇಳುವ ಪ್ರಕಾರ ತಮಿಳುನಾಡು, ಹರಿಯಾಣ, ಲುಧಿಯಾನ ಸೇರಿ ಹಲವು ರಾಜ್ಯಗಳಲ್ಲಿ ಈತನ ಉದ್ಯಮದ ಸಾಮ್ರಾಜ್ಯವಿದೆ ಎಂದು ಹೇಳಲಾಗುತ್ತಿದೆ. ವಂಚನೆ ಹಾಗೂ ಕಾನೂನು ಬಾಹಿರವಾಗಿ ಈತ ಲಾಟರಿ ಟಿಕೆಟ್​ಗಳನ್ನು ಮಾರಾಟ ಮಾಡುತ್ತಿದ್ದಾನೆ ಎನ್ನುವ ಆರೋಪ ಮಾರ್ಟಿನ್ ಮೇಲೆ ಇದೆ. ಪೊಲೀಸರ ಎಫ್​ಐಆರ್ ಆಧರಿಸಿದ ಸದ್ಯ ದಾಳಿ ನಡೆಸಿರುವ ಜಾರಿ ನಿರ್ದೇಶನಾಲಯದ ಅಧಿಕಾರಿಗಳು 8.8 ಕೋಟಿ ರೂಪಾಯಿಯನ್ನು ವಶಕ್ಕೆ ಪಡೆದಿದ್ದಾರೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ