ಪೋಪ್ ಫ್ರಾನ್ಸಿಸ್‌ಗೆ ಗೌರವ ನಮನ.. ‘ಐಫೆಲ್​ ಟವರ್’ಗೆ​ ಕತ್ತಲು; ಶೋಕ ಸಾಗರ!

ಕ್ರೈಸ್ತ ಬಾಂಧವರ ಪರಮೋಚ್ಚ ಧರ್ಮಗುರು, ರೋಮನ್ ಕ್ಯಾಥೋಲಿಕ್ ಚರ್ಚ್‌ನ ಪೋಪ್ ಫ್ರಾನ್ಸಿಸ್‌ ಇಂದು ಬೆಳಗ್ಗೆ 7.35ಕ್ಕೆ ನಿಧನರಾಗಿದ್ದಾರೆ. ಪೋಪ್ ಫ್ರಾನ್ಸಿಸ್‌ ನಿಧನಕ್ಕೆ ಜಗತ್ತಿನಾದ್ಯಂತ ಶ್ರದ್ಧಾಂಜಲಿ ಸಲ್ಲಿಸಲಾಗುತ್ತಿದೆ. ಪೋಪ್‌ ಕಳೆದುಕೊಂಡ ವ್ಯಾಟಿಕನ್ ಸಿಟಿ, ರೋಮ್‌ನಲ್ಲಿ ಶೋಕ ಸಾಗರ ಮಡುಗಟ್ಟಿದೆ.

ಮಹಾನ್​ ನಾಯಕನಾಗಿ ಮುಂದಿದ್ದು ನಡೆಸುವ ವ್ಯಕ್ತಿ ಪೋಪ್​ ಫ್ರಾನ್ಸಿಸ್. ಬಡವರ ಪರ ಧ್ವನಿ ಎತ್ತುತ್ತಿದ್ದ ಪೋಪ್ ಫ್ರಾನ್ಸಿಸ್‌ಗೆ ಪ್ಯಾರಿಸ್‌ನ ಅತ್ಯುನ್ನತ ಗೌರವ ಸಲ್ಲಿಸಲಾಗುತ್ತಿದೆ. ಫ್ರಾನ್ಸಿಸ್​​ ಕಣ್ಮುಚ್ಚಿದ ಹಿನ್ನೆಲೆ, ಅವರ ಸ್ಮರಣಾರ್ಥವಾಗಿ ಪ್ಯಾರಿಸ್​ನ ಐಫೆಲ್​ ಟವರ್​ನಲ್ಲಿ ಇಂದು ರಾತ್ರಿ ಕಗ್ಗತ್ತಲು ಆವರಿಸಲಿದೆ.

ಬಡವರ ಬಂಧುವಾಗಿದ್ದ ಫ್ರಾನ್ಸಿಸ್​​ ಮೃತರಾಗಿದ್ದರಿಂದ, ಅವರ ಸ್ಮರಣಾರ್ಥವಾಗಿ ಸೋಮವಾರ ರಾತ್ರಿ ಐಫೆಲ್ ಟವರ್ ಲೈಟುಗಳನ್ನ ಆರಿಸಲಾಗಿದೆ. ಫ್ರೆಂಚ್ ರಾಜಧಾನಿಯಲ್ಲಿ ಒಂದು ಸ್ಥಳಕ್ಕೆ ಫ್ರಾನ್ಸಿಸ್​​ ಅವರ ಹೆಸರನ್ನ ಇಡಲು ನಿರ್ಧಾರ ಮಾಡಲಾಗಿದೆ. ಆಧ್ಯಾತ್ಮಿಕ ಕಾಳಜಿಯ ಕೇಂದ್ರದಲ್ಲಿ ಫ್ರಾನ್ಸಿಸ್​ ಅವರ ಮೃತದೇಹವನ್ನ ಇರಿಸಿ, ಬಡವರ ಅಂತಿಮ ದರ್ಶನಕ್ಕೆ ವ್ಯವಸ್ಥೆ ಮಾಡಲಾಗಿದೆ.

ಇದನ್ನೂ ಓದಿ: Rest in Peace: ಪೋಪ್ ಫ್ರಾನ್ಸಿಸ್ ಇನ್ನಿಲ್ಲ.. ವ್ಯಾಟಿಕನ್ ಸಿಟಿಯಿಂದ ಆಘಾತಕಾರಿ ಸುದ್ದಿ! 

ಇನ್ನೆರಡು ದಿನದಲ್ಲಿ ಪೋಪ್ ಫ್ರಾನ್ಸಿಸ್ ಅವರ ಮೃತದೇಹವನ್ನ ಸೇಂಟ್ ಪೀಟರ್ಸ್ ಬೆಸಿಲಿಕಾಗೆ ಸಾಗಿಸಿ, ಭಕ್ತರು ಗೌರವ ಸಲ್ಲಿಸಲು ಅಂತಿಮ ವಿಧಿವಿಧಾನ ವ್ಯವಸ್ಥೆ ಮಾಡಲಾಗುತ್ತಿದೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ