ಮಂಗಳನ ಅಂಗಳಕ್ಕೆ ತಲುಪಲಿದೆ ಎಲಾನ್ ಮಸ್ಕ್​​ನ ಸ್ಟಾರ್​ಶಿಪ್​.. ಮಾನವ ಸಮೇತ ಯಾನ ಯಾವಾಗ?

ಸ್ಪೇಸ್​ ಎಕ್ಸ್​ ಸಿಇಒ ಎಲಾನ್ ಮಸ್ಕ್​ ಶನಿವಾರ ಒಂದು ಮಹತ್ವದ ಘೋಷಣೆ ಮಾಡಿದ್ದಾರೆ. ಅವರ ಸ್ಟಾರ್​ಶಿಪ್​ನ ರಾಕೆಟ್​ 2026ರಲ್ಲಿ ಮಂಗಳ ಗ್ರಹಕ್ಕೆ ಪ್ರಯಾಣ ಬೆಳಸಲಿದೆ ಎಂದು ಹೇಳಿದ್ದಾರೆ. ಈ ಒಂದು ಬಾಹ್ಯಾಕಾಶ ನೌಕೆ ಟೆಸ್ಲಾದ ಹುಮನಾಯ್ಡ್ ರೋಬೋಟ್ ಆಪ್ಟಿಮಸ್​ಗಳನ್ನು ಕೂಡ ಹೊತ್ತೊಯ್ಯಲಿದೆ ಎಂದು ಮಸ್ಕ್ ಘೋಷಿಸಿದ್ದಾರೆ.

ತಮ್ಮ ಎಕ್ಸ್ ಖಾತೆಯಲ್ಲಿ ಈ ಬಗ್ಗೆ ಮಾಹಿತಿ ಹಂಚಿಕೊಂಡಿರುವ ಎಲಾನ್ ಮಸ್ಕ್​ ನಮ್ಮ ಸ್ಟಾರ್​ಶಿಪ್​ ಮುಂದಿನ ವರ್ಷದ ಅತ್ಯಂತದಲ್ಲಿ ಮಾರ್ಸ್​ ಅಂಗಳಕ್ಕೆ ನೆಗೆಯಲಿದೆ. ಇದಾದ ಬಳಿಕ ಮಾನವಸಹಿತ ಮಂಗಳಯಾನ ಬಹುಶಃ 2029 ಇಲ್ಲವೇ 2030ರಲ್ಲಿ ನಡೆಯಲಿದೆ ಎಂದು ಹೇಳಿದ್ದಾರೆ.

ಇದನ್ನೂ ಓದಿ:ಫೋನ್ ನೀರಿಗೆ ಬಿದ್ದಾಗ ಈ ತಪ್ಪು ಮಾಡಿದ್ರೆ ಗೋವಿಂದ.. ಫಸ್ಟ್ ಏನು ಮಾಡಬೇಕು ಗೊತ್ತಾ?

ಸ್ಪೇಸ್​ ಎಕ್ಸ್ ಮಾರ್ಚ್​ 14,2002ರಂದು ಸ್ಥಾಪನೆಯಾಗಿದೆ. ಇತ್ತೀಚೆಗಷ್ಟೇ ತನ್ನ 23ನೇ ವಾರ್ಷಿಕೋತ್ಸವವನ್ನು ಆಚರಿಸಿಕೊಂಡಿದೆ. ಈ ಹಿಂದೆ ನಡೆಸಿದ ಸ್ಟಾರ್​ಶಿಪ್​ನ ಎಂಟು ಉಡಾವಣೆಗಳು ವಿಫಲಗೊಂಡಿವೆ. ಇತ್ತೀಚೆಗಷ್ಟೇ ಅಂದ್ರೆ ಮಾರ್ಚ್​ 7 ರಂದು ಉಡಾಯಿಸಲಾದ ಸ್ಟಾರ್​ಶಿಪ್​ನ ರಾಕೆಟ್​ ಸ್ಫೋಟಗೊಂಡು ಧ್ವಂಸವಾಯಿತು. ಲಾಂ್​ ಆದ ಕೆಲವೇ ನಿಮಿಷಗಳಲ್ಲಿ ಬಾಹ್ಯಾಕಾಶ ನೌಕೆ ಸ್ಫೋಟಗೊಂಡಿತ್ತು.

ಈ ಎಲ್ಲಾ ವಿಫಲತೆಗಳ ಮಧ್ಯೆಯೂ ಮತ್ತೆ ಎಫ್​ಎಫ್​ಎ ದಿಂದ ಪರವಾನಿಗೆ ಪಡೆದುಕೊಂಡಿರುವ ಸ್ಪೇಸ್​ ಎಕ್ಸ್​ ಹಲವು ಬಾಹ್ಯಾಕಾಶದಲ್ಲಿ ಹಲವು ಪರೀಕ್ಷೆಗಳನ್ನು ನಡೆಸಲು ಮುಂದಾಗಿದೆ. ಸದ್ಯ ಈಗ ಮಂಗಳಯಾನದ ಮೇಲೆ ಕಣ್ಣಿಟ್ಟಿರುವ ಸ್ಪೇಸ್ ಎಕ್ಸ್ 2026 ಅಂತ್ಯಕ್ಕೆ ಉಪಗ್ರಹವನ್ನು ಕಳುಹಹಿಸಲಿದ್ದು. ಮಾನವಸಮೇತ ಮಂಗಳಯಾನವನ್ನು 2029 ಇಲ್ಲವೇ 2030ರಲ್ಲಿ ನಡೆಸಲು ಸಿದ್ಧತೆ ಆರಂಭಿಸಿದೆ

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ