ಕಂಡು ಕೇಳರಿಯದ ಘಟನೆಗಳು.. ಮತ್ತೊಮ್ಮೆ ಪ್ರಳಯದ ಡೇಟ್​ ಫಿಕ್ಸ್​ ಆಯ್ತಾ? 2025ಕ್ಕೆ 5 ವಿನಾಶದ ಭವಿಷ್ಯ?

2012ರಲ್ಲಿ ಪ್ರಳಯ ಆಗುತ್ತೆ ಅನ್ನೋ ಪುಕಾರು ಎದ್ದಿತ್ತು. 2012 ಉರುಳಿ 2025 ಬಂದಾಯ್ತು. ಆದಾಗ್ಯೂ ಪ್ರಳಯ ಅನ್ನೋದು ಬರೀ ಬೊಗಳೆಯೇ ಆಯ್ತು. ಮಾಯನ್ ಕ್ಯಾಲೆಂಡರ್​​ ತಪ್ಪು ಭವಿಷ್ಯ ನುಡೀತು ಅಂತ ಕೆಲವರು ಹೇಳುತ್ತಿದ್ದಾರೆ. ಆದರೆ ಇದೀಗ ಮತ್ತೊಬ್ಬ ಬಾಬಾ ದಿಗ್ಗನೆದ್ದು ಕೂತು ಪ್ರಳಯದ ಹೊಸ ಡೇಟ್​ಗಳನ್ನ ಹೇಳುತ್ತಿದ್ದಾನೆ.

ಅನ್ಯಗ್ರಹ ಜೀವಿಗಳು ಬರಲಿವೆಯೇ? ಕೆಲವರನ್ನಷ್ಟೇ ರಕ್ಷಿಸುತ್ತಾರಾ?
ಅಮೆರಿಕಾ ಮೂಲದ ಎಲ್ವಿಸ್​​ ಥಾಂಪ್ಸನ್ ಅನ್ನೋ ಇದೇ ವ್ಯಕ್ತಿಯೇ ಇದೀಗ ಹೊಸ ಪ್ರಳಯದ ದಿನಾಂಕವನ್ನು ಹೇಳುತ್ತಿದ್ದಾನೆ. ಟೈಮ್ ಟ್ರಾವೆಲ್ ಮಾಡಿ ಭವಿಷ್ಯವನ್ನು ನೋಡಿ ಬಂದಿದ್ದೀನಿ ಅಂತ ಹೇಳ್ತಿರೋ ಎಲ್ವಿಸ್​​ ತನ್ನ ಇನ್​ಸ್ಟಾಗ್ರಾಂ ಖಾತೆಯಲ್ಲಿ ಪ್ರಳಯದ ಮಾಹಿತಿ ಹಾಗೂ ಪ್ರಳಯದ ದಿನಾಂಕಗಳನ್ನೂ ದಾಖಲಿಸಿದ್ದಾರೆ. ಭವಿಷ್ಯವನ್ನೇ ನೋಡಿ ಬಂದಿರೋ ನನಗೆ ಪ್ರಳಯ ಹೇಗಾಗುತ್ತದೆ? ಎಲ್ಲೆಲ್ಲಿ ಸರ್ವನಾಶ ಎದುರಾಗುತ್ತದೆ? ಅನ್ನೋ ಸಂಪೂರ್ಣ ಮಾಹಿತಿ ಗೊತ್ತಿದೆ ಅಂತ ಹೇಳಿಕೊಂಡಿದ್ದಾರೆ.

ಪ್ರಳಯದ ಭವಿಷ್ಯ 1
ಗಂಟೆಗೆ 1046 ಕಿ.ಮೀ ವೇಗದಲ್ಲಿ ಸುಂಟರಗಾಳಿಯೊಂದು ಬರಲಿದೆ. ಇದೇ ಏಪ್ರಿಲ್ 6ರಂದು ಅಮೆರಿಕಾದ ಓಕ್ಲಾಹೋಮ್​​ಗೆ ಬಂದಪ್ಪಳಿಸಲಿದೆ. ಈ ಸುಂಟರಗಾಳಿ ಬಹುದೊಡ್ಡ ವಿನಾಶವನ್ನೇ ಸೃಷ್ಟಿಸಲಿದೆ ಎನ್ನುತ್ತಿದೆ ಎಲ್ವಿಸ್​ ಭವಿಷ್ಯ.

ಪ್ರಳಯದ ಭವಿಷ್ಯ 2
ಮೇ 27ರಂದು ಅಮೆರಿಕಾದಲ್ಲಿ ಸಿವಿಲ್ ವಾರ್ ನಡೆಯಲಿದೆ. ಇದೇ ಯುದ್ಧ ವಿಶ್ವದ ವಿನಾಶಕ್ಕೆ ಮುನ್ನುಡಿ ಬರೆಯಲಿದೆ. ಬಹುಪಾಲು ದೇಶಗಳು ಅಣ್ವಾಸ್ತ್ರಗಳನ್ನು ಬಳಸಲಿದ್ದಾರೆ. ಮೂರನೇ ಮಹಾಯುದ್ಧ ನಡೆಯುವ ಮೂಲಕ ವಿನಾಶ ಎದುರಾಗಲಿದೆ ಎನ್ನುತ್ತಿದೆ ಎಲ್ವಿಸ್​ ಪ್ರಳಯ ಭವಿಷ್ಯ.

ಪ್ರಳಯ ಭವಿಷ್ಯ 3
ಸೆಪ್ಟೆಂಬರ್​ 1ರಂದು ಚಾಂಪಿಯನ್ ಅನ್ನೋ ಒಂದು ಅನ್ಯಗ್ರಹ ಜೀವಿ ಭೂಮಿಗೆ ಬರಲಿದೆ. ಸುಮಾರು 12 ಸಾವಿರ ಮಂದಿ ಮನುಷ್ಯರನ್ನ ಚಾಂಪಿಯನ್ ಸುರಕ್ಷಿತ ಗ್ರಹಕ್ಕೆ ಕೊಂಡೊಯ್ಯಲಿದೆ ಎನ್ನುತ್ತಿದೆ ಎಲ್ವಿಸ್​ ಪ್ರಳಯ ಭವಿಷ್ಯ.

ಪ್ರಳಯ ಭವಿಷ್ಯ 4
ಇದೇ ಸೆಪ್ಟೆಂಬರ್​ 19ರಂದು ಅಮೆರಿಕಾ ಕರಾವಳಿ ತೀರದಲ್ಲಿ ಬಹುದೊಡ್ಡ ಚಂಡಮಾರುತ ಕಾಣಿಸಿಕೊಳ್ಳಿದ್ದು ಇಡೀ ಅಮೆರಿಕಾವೇ ಕೊಚ್ಚಿಕೊಂಡು ಹೋಗಲಿದೆ. ಅಪಾರ ಸಾವು ನೋವುಗಳು ಸಂಭವಿಸಲಿದ್ದು, ವಿಶ್ವದ ಹಿರಿಯಣ್ಣನೇ ಹೇಳ ಹೆಸರಿಲ್ಲದೇ ಹೋಗುತ್ತಾನೆ ಎನ್ನುತ್ತಿದೆ ಎಲ್ವಿಸ್​ ಪ್ರಳಯ ಭವಿಷ್ಯ.

ಇದನ್ನೂ ಓದಿ: 66 ಕೋಟಿ ಭಕ್ತರ ತೀರ್ಥಸ್ನಾನ.. 144 ವರ್ಷಗಳ ಮಹಾಕುಂಭಮೇಳಕ್ಕೆ ತೆರೆ; ಟಾಪ್ 10 ಫೋಟೋಗಳು ಇಲ್ಲಿದೆ 

View this post on Instagram

A post shared by Elvis Thompson (@elvis.thompson.927)

ಪ್ರಳಯ ಭವಿಷ್ಯ 5
ನವೆಂಬರ್​ 3ರಂದು ನೀಲಿ ತಿಮಿಂಗಿಲಕ್ಕಿಂತಲೂ 6 ಪಟ್ಟು ದೊಡ್ಡದಾದ ಜೀವಿಯೊಂದು ಫೆಸಿಫಿಕ್ ಸಮುದ್ರದೊಳಗಿನಿಂದ ಹುಟ್ಟಿ ಬರಲಿದೆ. ಈ ದೈತ್ಯ ಜೀವಿಯ ಹೆಸರು ಸೆರೆನಾ ಕ್ರೌನ್. ಈ ಮೃಗ ಭೂಮಿಗೆ ಕಾಲಿಟ್ಟ ಕೂಡಲೇ ಅಂತ್ಯದ ಅಧ್ಯಾಯ ಮುಗಿಯಲಿದೆ ಎನ್ನುತ್ತಿದೆ ಎಲ್ವಿಸ್​​ ಪ್ರಳಯ ಭವಿಷ್ಯ.

ಹೀಗೆ ಎಲ್ವಿಸ್​​ ನುಡಿದ ಪ್ರಳಯ ಭವಿಷ್ಯದ ವಿಡಿಯೋ ಡೌನ್​​ಲೋಡ್​​ ಮಾಡಿಕೊಂಡಿರೋ ಸಾಕಷ್ಟು ಮಂದಿ ಎಚ್ಚರಿಕೆ ನೀಡಿದ್ದಾರೆ. ನೀನು ಹೇಳಿದಂತೆ ಅದೇ ದಿನಾಂಕದಂದು ಏನೂ ನಡೆಯದೇ ಹೋದರೇ ನಿನ್ನ ವಿರುದ್ಧ ಕಾನೂನು ಕ್ರಮಕ್ಕೆ ಮುಂದಾಗ್ತೀವಿ ಅಂತ ವಾರ್ನಿಂಗ್ ಕಾಮೆಂಟ್​​ ಮಾಡಿದ್ದಾರೆ. ಇಂಥಾ ಪ್ರಳಯ ಭವಿಷ್ಯದ ಬಗ್ಗೆ ನೀವೇನಂತೀರಾ?

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ