IND vs ENG: ಪೋಪ್​ ಕ್ಯಾಚ್​ ಬಿಟ್ಟು ಬೆಲೆ ತೆತ್ತ ಟೀಮ್​ ಇಂಡಿಯಾ.. ಬೂಮ್ರಾ ಏಕಾಂಗಿ ಹೋರಾಟ..

ಲೀಡ್ಸ್​​​ ಟೆಸ್ಟ್​ನ ಮೊದಲ ದಿನಾದಟದಲ್ಲಿ ಪಾರಮ್ಯ ಮರೆದ ಟೀಮ್​ ಇಂಡಿಯಾ 2ನೇ ದಿನವೂ ಬೊಂಬಾಟ್​ ಆರಂಭ ಪಡೆದುಕೊಳ್ತು. ಆದ್ರೆ ಸೆಕೆಂಡ್​ ಸೆಷನ್​ನಲ್ಲಿ ಇಂಗ್ಲೆಂಡ್​ ಭರ್ಜರಿ ಕಮ್​​ಬ್ಯಾಕ್​ ಮಾಡ್ತು. ಆಂಗ್ಲರ ಎದುರು ಬೂಮ್ರಾ ಏಕಾಂಗಿ ಹೋರಾಟ ನಡೆಸಿದ್ರು.

ಸೆಷನ್​​ - 1: ಲೀಡ್ಸ್​ನಲ್ಲಿ ರಿಷಭ್​ ಪಂತ್ ಫೆಂಟಾಸ್ಟಿಕ್​ ಶತಕ

3 ವಿಕೆಟ್​ ನಷ್ಟಕ್ಕೆ 359 ರನ್​ಗಳೊಂದಿಗೆ ದಿನದಾಟ ಆರಂಭಿಸಿದ ಟೀಮ್​ ಇಂಡಿಯಾ ಅದ್ಭುತ ಆಟವನ್ನ ಮುಂದುವರೆಸಿತು. ಕ್ಯಾಪ್ಟನ್​ ಶುಭ್​ಮನ್​ ಗಿಲ್​, ವೈಸ್​ ಕ್ಯಾಪ್ಟನ್​ ರಿಷಭ್​ ಪಂತ್​ ಇಂಗ್ಲೆಂಡ್​ ಬೌಲರ್​ಗಳನ್ನ ಪಂಚರ್​ ಮಾಡಿದ್ರು. 4ನೇ ವಿಕೆಟ್​ಗೆ 209 ರನ್​ಗಳ ಬಿಗ್​ ಪಾರ್ಟನರ್​ಶಿಪ್​ ಕಟ್ಟಿದ್ರು.

ಮೊದಲ ದಿನದಂತೆ 2ನೇ ದಿನವೂ ರಿಷಭ್​ ಪಂತ್​ ಬೊಂಬಾಟ್​ ಬ್ಯಾಟಿಂಗ್​ ಮುಂದುವರೆಸಿದ್ರು. ಬೌಂಡರಿ-ಸಿಕ್ಸರ್​ ಸಿಡಿಸಿ ಫ್ಯಾನ್ಸ್​ಗೆ ಭರ್ಜರಿ ಎಂಟರ್​ಟೈನ್​ಮೆಂಟ್​ ನೀಡಿದ್ರು. 146 ಎಸೆತಕ್ಕೆ ಶತಕ ಸಿಡಿಸಿ ಸಂಭ್ರಮಿಸಿದ್ರು. ಇಂಗ್ಲೆಂಡ್​ ನೆಲದಲ್ಲಿ 3ನೇ ಶತಕ ಪೂರೈಸಿದ ಪಂತ್​, ಸ್ಪೆಷಲ್​ ಸೆಲಬ್ರೇಷನ್​ ಮಾಡಿ ಸಂಭ್ರಮಿಸಿದ್ರು.

ಇದನ್ನೂ ಓದಿ: ರಿಷಭ್ ಪಂತ್ ಈಗಲೂ ಡೇಟಿಂಗ್​ನಲ್ಲಿ ಇದ್ದಾರಾ.. ವಿಕೆಟ್​ ಕೀಪರ್​ನ​​ ಗರ್ಲ್​​ಫ್ರೆಂಡ್​ ಆಸ್ತಿ ಎಷ್ಟಿದೆ?

147 ರನ್​ಗಳಿಸಿ ಶುಭ್​ಮನ್​ ಗಿಲ್​ ಔಟಾದ್ರು. ಇದ್ರೊಂದಿಗೆ ಟೀಮ್​ ಇಂಡಿಯಾದ ಕುಸಿತ ಶುರುವಾಯ್ತು. ಕಮ್​ಬ್ಯಾಕ್​ ಮಾಡಿದ್ದ ಕರುಣ್​ ನಾಯರ್​ ಡಕೌಟ್​ ಆದ್ರು. ರಿಷಭ್​ ಆಟವೂ 134 ರನ್​ಗೆ ಅಂತ್ಯವಾಯ್ತು. ಶಾರ್ದೂಲ್​ ಠಾಕೂರ್​ ತಂಡಕ್ಕೆ ಆಸರೆಯಾಗಲಿಲ್ಲ. ಲಂಚ್​ ಬ್ರೇಕ್​ ವೇಳೆಗೆ 7 ವಿಕೆಟ್​​ ಕಳೆದುಕೊಂಡ ಟೀಮ್​ ಇಂಡಿಯಾ 454 ರನ್​ಗಳಿಸಿತು.

ಸೆಷನ್​​ - 2: ಇಂಡಿಯಾ ಆಲೌಟ್​, ಇಂಗ್ಲೆಂಡ್​ ಕಮ್​ಬ್ಯಾಕ್​

ಶುಭ್​ಮನ್​ ಗಿಲ್​ ಪತನದೊಂದಿಗೆ ಆರಂಭವಾದ ಪೆವಿಲಿಯನ್​ ಪರೇಡ್​​ ಲಂಚ್​ ಬ್ರೇಕ್​ ಬಳಿಕವೂ ನಿಲ್ಲಲಿಲ್ಲ. ಜಸ್ಟ್​ 41 ರನ್​ಗಳ ಅಂತರದಲ್ಲಿ 7 ವಿಕೆಟ್​ಗಳು ಉರುಳಿದ್ವು. 471 ರನ್​ಗಳಿಗೆ ಟೀಮ್​ ಇಂಡಿಯಾ ಮೊದಲ ಇನ್ನಿಂಗ್ಸ್​ನಲ್ಲಿ ಆಲೌಟ್​ ಆಯ್ತು.
ಬಳಿಕ ಮೊದಲ ಇನ್ನಿಂಗ್ಸ್​ ಆರಂಭಿಸಿದ ಇಂಗ್ಲೆಂಡ್​ ಆರಂಭದಲ್ಲೇ ಬೂಮ್ರಾಘಾತಕ್ಕೆ ಒಳಗಾಯ್ತು. ಬೂಮ್ರಾ ಬೆಂಕಿ ಎಸೆತಕ್ಕೆ ದಂಗಾದ ಜಾಕ್​ ಕ್ರಾವ್ಲಿ 4 ರನ್​ಗೆ ಆಟ ಮುಗಿಸಿದ್ರು. ಬಳಿಕ ಕ್ರಿಸ್​ನಲ್ಲಿ ಜೊತೆಯಾದ ಬೆನ್​ ಡಕೆಟ್​, ಒಲಿ ಪೋಪ್​ ತಂಡಕ್ಕೆ ಚೇತರಿಕೆ ನೀಡಿದ್ರು. ಸಿಕ್ಕ ಅವಕಾಶವನ್ನ ಕೈ ಚೆಲ್ಲಿದ ರವೀಂದ್ರ ಜಡೇಜಾ ಡಕೆಟ್​ಗೆ ಜೀವದಾನ ನೀಡಿದ್ರು. ಆ ಬಳಿಕ ಸಾಲಿಡ್​ ಆಟವಾಡಿದ ಈ ಜೋಡಿ 100 ರನ್​ಗಳ ಜೊತೆಯಾಟವಾಡಿತು. 2ನೇ ಸೆಷನ್​ ಅಂತ್ಯಕ್ಕೆ ಇಂಗ್ಲೆಂಡ್​ 1 ವಿಕೆಟ್​​ ನಷ್ಟಕ್ಕೆ 107 ರನ್​ಗಳಿಸಿತು.

ಇದನ್ನೂ ಓದಿ: ಕಿಂಗ್ ಕೊಹ್ಲಿ ಬ್ರ್ಯಾಂಡ್​ ವ್ಯಾಲ್ಯೂ ಮತ್ತಷ್ಟು ದುಬಾರಿ.. ಈ ಏರಿಕೆ ಹಿಂದಿದೆ ಸ್ಪೆಷಲ್ ರೀಸನ್​​!

ಸೆಷನ್​​ - 3: ಜಸ್​​ಪ್ರಿತ್​​ ಬೂಮ್ರಾ ಏಕಾಂಗಿ ಹೋರಾಟ

3ನೇ ಸೆಷನ್​ನಲ್ಲಿ ಬೂಮ್ರಾ ಏಕಾಂಗಿ ಹೋರಾಟ ನಡೆಸಿದ್ರು. ಸೆಷನ್​ ಆರಂಭದಲ್ಲೇ ಬೆನ್​ ಡಕೆಟ್​ನ ಕ್ಲೀನ್​ಬೋಲ್ಡ್​ ಮಾಡಿದ್ರು. ಅದ್ರ ಬೆನ್ನಲ್ಲೇ ಬೂಮ್ರಾ ಮತ್ತೊಂದು ​ ಆಪರ್ಚುನಿಟಿ ಕ್ರಿಯೇಟ್ ಮಾಡಿದ್ರು. ಅದನ್ನ ಯಶಸ್ವಿ ಜೈಸ್ವಾಲ್​ ಮಣ್ಣುಪಾಲು ಮಾಡಿ, ಒಲಿ ಪೋಪ್​ ಜೀವದಾನ ನೀಡಿದ್ರು. 3ನೇ ವಿಕೆಟ್​ಗೆ ಜೋ ರೂಟ್​-ಒಲಿ ಪೋಪ್ ಇಂಡಿಯನ್​ ಬೌಲರ್​ಗಳನ್ನ ಕಾಡಿದ್ರು. 127 ಎಸೆತಗಳಲ್ಲಿ ಪೋಪ್​ ಶತಕ ಪೂರೈಸಿದ್ರು.

ಒಲಿ ಪೋಪ್​ ಶತಕ ಸಿಡಿಸಿ ಮರು ಎಸೆತದಲ್ಲಿ ಜಸ್​ಪ್ರಿತ್​ ಬೂಮ್ರಾ ಜೋ ರೂಟ್​ ವಿಕೆಟ್​ ಉರುಳಿಸಿದ್ರು. ಅಂತಿಮವಾಗಿ ಇಂಗ್ಲೆಂಡ್​ ದಿನದ ಅಂತ್ಯಕ್ಕೆ 3 ವಿಕೆಟ್​ ನಷ್ಟಕ್ಕೆ ಇಂಗ್ಲೆಂಡ್​ 209 ರನ್​ಗಳಿಸಿದ್ದು, 262 ರನ್​ಗಳ ಹಿನ್ನಡೆಯಲ್ಲಿದೆ. ​ 100 ರನ್​ಗಳೊಂದಿಗೆ ಒಲಿ ಪೋಪ್ ಹಾಗೂ ಅದೃಷ್ಟದ ಆರಂಭ ಪಡೆದಿರೋ ಹ್ಯಾರಿ ಬ್ರೂಕ್​​​ ಇಂದಿಗೆ ಕ್ರಿಸ್​​ ಕಾಯ್ದುಕೊಂಡಿದ್ದಾರೆ.

ಇದನ್ನೂ ಓದಿ: 21 ಮಂದಿ ಪ್ರಯಾಣಿರಿದ್ದ ಹಾಟ್​ ಏರ್​ ಬಲೂನ್ ಧಗಧಗ.. ಆಗಸದಲ್ಲೇ ಘೋರ ದುರಂತ.. VIDEO

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.30ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ