ಬಹುನಿರೀಕ್ಷಿತ 2025ರ ಇಂಡಿಯನ್​ ಪ್ರೀಮಿಯರ್​ ಲೀಗ್​ ಮೆಗಾ ಟೂರ್ನಿ!

ಆಕ್ಷನ್​ಗೆ ರಾಯಲ್​ ಚಾಲೆಂಜರ್ಸ್ ಬೆಂಗಳೂರು ತಂಡದಿಂದ ಭರ್ಜರಿ ತಯಾರಿ

ಮೆಗಾ ಆಕ್ಷನ್​​ನಲ್ಲಿ ಸ್ಟಾರ್​​ ಆಲ್​ರೌಂಡರ್​​ ಮೇಲೆ ಆರ್​​ಸಿಬಿ ತಂಡದ ಹದ್ದಿನ ಕಣ್ಣು​

ಬಹುನಿರೀಕ್ಷಿತ 2025ರ ಇಂಡಿಯನ್​ ಪ್ರೀಮಿಯರ್​ ಲೀಗ್​ಗೆ ಭರ್ಜರಿ ತಯಾರಿ ನಡೆಯುತ್ತಿದೆ. ಯಾರನ್ನು ಕೈ ಬಿಡಬೇಕು? ಯಾರನ್ನು ರಿಲೀಸ್​ ಮಾಡಬೇಕು? ಅನ್ನೋ ಚರ್ಚೆಗಳು ಜೋರಾಗಿವೆ. ಆರ್‌ಸಿಬಿ ಕೂಡ ಯಾರನ್ನು ಉಳಿಸಿಕೊಳ್ಳಲಿದೆ ಎಂಬ ಕುತೂಹಲ ಫ್ಯಾನ್ಸ್​ಗೆ ಇದೆ.

ಐಪಿಎಲ್​​ 18ನೇ ಸೀಸನ್​ಗೂ ಮುನ್ನ ಆಟಗಾರರ ಮೆಗಾ ಹರಾಜು ಪ್ರಕ್ರಿಯೆ ನಡೆಯಲಿದೆ. ಈ ಹರಾಜಿಗೆ ಮುನ್ನ ಮಾಲೀಕರು ರೀಟೈನ್​ ಮತ್ತು ರಿಲೀಸ್​ ಲಿಸ್ಟ್​​ ರೆಡಿ ಮಾಡಿ ಬಿಸಿಸಿಐಗೆ ಸಲ್ಲಿಸಬೇಕಿದೆ. ಸ್ಟಾರ್ ಆಟಗಾರರಾದ ರೋಹಿತ್ ಶರ್ಮಾ, ಸೂರ್ಯಕುಮಾರ್‌ ಯಾದವ್, ಫಾಫ್‌ ಡುಪ್ಲೆಸಿಸ್‌, ರಿಷಭ್‌ ಪಂತ್​ ಸೇರಿ ಹಲವರನ್ನು ಐಪಿಎಲ್​ ತಂಡಗಳು ರಿಲೀಸ್​ ಮಾಡಲಿವೆ. ಸದ್ಯಕ್ಕೆ ಲಭ್ಯವಾಗಿರೋ ಮಾಹಿತಿ ಪ್ರಕಾರ ಚೆನ್ನೈ ಸೂಪರ್​ ಕಿಂಗ್ಸ್​ ತಂಡವು ಬೆನ್​ಸ್ಟೋಕ್ಸ್​ ಅವರನ್ನು ರಿಲೀಸ್​ ಮಾಡಲಿದ್ದು, ಇವರ ಮೇಲೆ ಆರ್​​ಸಿಬಿ ಹದ್ದಿನ ಕಣ್ಣಿಟ್ಟಿದೆ.

ಬೆನ್​ಸ್ಟೋಕ್ಸ್​ ಅವರನ್ನು ಕೈ ಬಿಡಲು ಕಾರಣವೇನು?

ಚೆನ್ನೈ ಸೂಪರ್​ ಕಿಂಗ್ಸ್​ ತಂಡದ ಪರ ಬೆನ್​ಸ್ಟೋಕ್ಸ್​ ಹೇಳಿಕೊಳ್ಳುವಂತ ಪ್ರದರ್ಶನ ನೀಡಿಲ್ಲ. ಈ ಕಾರಣದಿಂದಾಗಿ, ತಂಡದ ನಿರ್ವಹಣಾ ಮಂಡಳಿ ಅವರ ಬಗ್ಗೆ ಅಸಮಾಧಾನ ಹೊಂದಿದೆ. ಹಾಗಾಗಿ 2025ರ ಐಪಿಎಲ್​ಗೆ ತಂಡದಿಂದ ಕೈ ಬಿಡುವ ಸಾಧ್ಯತೆ ಇದೆ.

Overseas Captaincy Options

Ben Stokes To Lead #RCB in #IPL2025 ?#Crickettwitter pic.twitter.com/s0ycd4z6ub

— RCBIANS OFFICIAL (@RcbianOfficial) August 13, 2024

ಬೆನ್​ಸ್ಟೋಕ್ಸ್​ ಮೇಲೆ ಆರ್​​ಸಿಬಿ ಕಣ್ಣು

ಆರ್‌ಸಿಬಿ ತಂಡದ ನಾಯಕ ಫಾಫ್‌ ಡುಪ್ಲೇಸಿಸ್‌ ಅವರನ್ನು ರಿಲೀಸ್​ ಮಾಡಲಿದೆ. ಹೀಗಾಗಿ ಆರ್‌ಸಿಬಿ ಭವಿಷ್ಯದ ದೃಷ್ಟಿಯಿಂದ ಬೆನ್​ಸ್ಟೋಕ್ಸ್​ ಅವರನ್ನು ಆರ್‌ಸಿಬಿ ಖರೀದಿ ಮಾಡಬೇಕು ಎಂದು ಪ್ಲಾನ್​ ಮಾಡಿಕೊಂಡಿದೆ. ಇವರು ಆರ್‌ಸಿಬಿ ತಂಡ ಸೇರಿಕೊಂಡರೆ ಮಿಡ್ಲ್‌ ಆರ್ಡರ್ ಬ್ಯಾಟಿಂಗ್ ಬಲಗೊಳ್ಳಲಿದೆ. ಇವರು ಆಲ್‌ರೌಂಡರ್‌ ಆಗಿದ್ದು, ಬೌಲಿಂಗ್​ ಕೂಡ ಮಾಡಬಹುದು. ಜತೆಗೆ ನಾಯಕತ್ವದ ಸಮಸ್ಯೆಗಳಿಗೆ ಪರಿಹಾರ ಕಂಡುಬರುವ ಸಾಧ್ಯತೆ ಇದೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ