ESICನಲ್ಲಿ 600ಕ್ಕೂ ಅಧಿಕ ಉದ್ಯೋಗಗಳು.. ಈ ಹುದ್ದೆಗಳಿಗೆ ಅರ್ಜಿ ಸಲ್ಲಿಸಲು ಯಾರು ಅರ್ಹರು?

ನೌಕರರ ರಾಜ್ಯ ವಿಮಾ ನಿಗಮ (ಇಎಸ್​​ಐಸಿ) ದಿಂದ ನೇಮಕಾತಿ ಪ್ರಾರಂಭವಾಗಿದ್ದು ಆಸಕ್ತ ಅಭ್ಯರ್ಥಿಗಳು ಅರ್ಜಿ ಸಲ್ಲಿಸಬಹುದು. ಇನ್ಶುರೆನ್ಸ್ ಮೆಡಿಕಲ್ ಆಫೀಸರ್ ಗ್ರೇಡ್- II (IMO Gr.-II) ಹುದ್ದೆಗಳನ್ನ ಭರ್ತಿ ಮಾಡಲಾಗುತ್ತಿದೆ. ಈ ಹುದ್ದೆಗಳಿಗೆ ಅರ್ಜಿ ಸಲ್ಲಿಕೆ ಮಾಡಬೇಕು ಎಂದರೆ ಯುಪಿಎಸ್​ಸಿ 2022-23ರಲ್ಲಿ ನಡೆಸಿದಂತ CMSE (Combined Medical Services Examination) ಪರೀಕ್ಷೆಯಲ್ಲಿ ಉತ್ತೀರ್ಣಗೊಂಡು ಬಿಡುಗಡೆ ಮಾಡಲಾದ ಪಟ್ಟಿಯಲ್ಲಿ ಹೆಸರು ಇರಬೇಕು.

ಈ ಉದ್ಯೋಗಗಳಿಗೆ ಆನ್​​ಲೈನ್ ಮೂಲಕ ಆಕಾಂಕ್ಷಿಗಳು ಅಪ್ಲೇ ಮಾಡಬೇಕು. ಇದಕ್ಕಾಗಿ esic.gov.in ಈ ವೆಬ್​ಸೈಟ್​ಗೆ ಭೇಟಿ ಎಲ್ಲ ಪರಿಶೀಲಿಸಿ ಅರ್ಜಿ ಹಾಕಬಹುದು. ಇವೆಲ್ಲ ಕೇಂದ್ರ ಸರ್ಕಾರದಡಿ ಬರುವ ಕೆಲಸವಾಗಿದ್ದರಿಂದ ಭಾರತದಲ್ಲಿ ಎಲ್ಲಿ ಬೇಕಾದರೂ ಕೆಲಸ ಮಾಡಲು ಅಭ್ಯರ್ಥಿಗಳು ಸಿದ್ಧರಾಗಿರಬೇಕು. ಅಲ್ಲದೇ ಉತ್ತಮವಾದ ಸಂಬಳವನ್ನು ನೀವು ನಿರೀಕ್ಷೆ ಮಾಡಬಹುದು.

ಇನ್ನು ಈ ಉದ್ಯೋಗಗಳಿಗೆ ಬೇಕಾದ ಇನ್ನಷ್ಟು ಮಾಹಿತಿ ಇಲ್ಲಿ ನೀಡಲಾಗಿದೆ. ಇದನ್ನು ಸಂಪೂರ್ಣವಾಗಿ ಮನನ ಮಾಡಿಕೊಂಡ ನಂತರವೇ ಮುಂದಿನ ಕೆಲಸಕ್ಕೆ ಸಿದ್ಧರಾಗಿ. ಕೊನೆ ದಿನಾಂಕ, ಆಯ್ಕೆ ಪ್ರಕ್ರಿಯೆ ಅರ್ಜಿ ಶುಲ್ಕ, ಪರೀಕ್ಷೆ ಇಂತಹ ಮಾಹಿತಿಗಳು ಇಲ್ಲಿ ಕೊಡಲಾಗಿದೆ, ಗಮನಿಸಿ.

ಮಾಸಿಕ ವೇತನ ಶ್ರೇಣಿ-

56,100 ರೂಪಾಯಿ ಇಂದ 1,77,500 ರೂಪಾಯಿಗಳು
ಕೆಲಸ ಮಾಡುವ ಸ್ಥಳ- ಭಾರತದದ್ಯಾಂತ

ಇದನ್ನೂ ಓದಿ:Indian Coast Guard; 140 ಹುದ್ದೆಗಳ ಆಹ್ವಾನ.. PUC ಮಾಡಿದವರಿಗೂ ಅವಕಾಶ

ಉದ್ಯೋಗದ ಹೆಸರು-

ವಿಮಾ ವೈದ್ಯಕೀಯ ಅಧಿಕಾರಿ ಗ್ರೇಡ್-II (IMO Gr.-II) (Insurance Medical Officer)

ವಿದ್ಯಾರ್ಹತೆ ಏನು ಕೇಳಲಾಗಿದೆ?

MBBS ಪದವಿ ಜೊತೆಗೆ ಇಂಟರ್ನ್‌ಶಿಪ್ ಪೂರ್ಣಗೊಳಿಸಿರಬೇಕು
2022 ಮತ್ತು 2023 ರ CMSE ಪಟ್ಟಿಗೆ ಅಭ್ಯರ್ಥಿ ಅರ್ಹನಾಗಿರಬೇಕು

ವಯೋಮಿತಿ ಏನಿದೆ..?

35 ವರ್ಷಗಳ ಒಳಗಿನವರಿಗೆ ಅವಕಾಶ ಇದೆ
ಎಸ್​​​ಸಿ, ಎಸ್​ಟಿ, ಒಬಿಸಿ, ವಿಶೇಷ ಚೇತನ, ಮಾಜಿ ಸೈನಿಕರಿಗೆ ವಯಸ್ಸಿನ ಸಡಿಲಿಕೆ ಇದೆ

ಹುದ್ದೆಗಳ ವರ್ಗೀಕರಣ

• ಕಾಯ್ದಿರಿಸದ ವರ್ಗ (Unreserved category)- 254
• ಪರಿಶಿಷ್ಟ ವರ್ಗ- 63
• ಪರಿಶಿಷ್ಟ ಪಂಗಡ- 53
• ಒಬಿಸಿ- 178
• ಇಡಬ್ಲುಎಸ್- 60
• ವಿಶೇಷ ಚೇತನರು (ಸಿ)- 28
• ವಿಶೇಷ ಚೇತನರು (D & E)- 62

ಒಟ್ಟು ಉದ್ಯೋಗಗಳ ಸಂಖ್ಯೆ- 608

ಆಯ್ಕೆ ಪ್ರಕ್ರಿಯೆ ಹೇಗೆ ನಡೆಯುತ್ತದೆ.

ಯುಪಿಎಸ್​ಸಿ 2022-23ರಲ್ಲಿ ನಡೆಸಿದಂತ CMSE ಪರೀಕ್ಷೆಗೆ ಪಾಲ್ಗೊಂಡಿದ್ದ ಅಭ್ಯರ್ಥಿಗಳ ಜೊತೆ ಸಂವನ ನಡೆಸಲಾಗುತ್ತದೆ. ಇದರ ಬಳಿಕ ಪರೀಕ್ಷೆಯಲ್ಲಿ ಅವರು ಪಡೆದಂತ ಅಂಕಗಳ ಆಧಾರದ ಮೇಲೆ ಮೆರಿಟ್ ಲಿಸ್ಟ್ ಅನ್ನು ಪ್ರಕಟಿಸಲಾಗುತ್ತದೆ.

ಅರ್ಜಿ ಸಲ್ಲಿಕೆಗೆ ಕೊನೆಯ ದಿನಾಂಕ- 31 ಜನವರಿ 2025

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ