ನಿಮ್ಮ ಬಳಿ ಒಂದಕ್ಕಿಂತ ಹೆಚ್ಚು ಬ್ಯಾಂಕ್​ ಅಕೌಂಟ್​​​​​ ಇದ್ಯಾ? ಹಾಗಾದ್ರೆ ಹುಷಾರ್​​! ಕಾರಣವೇನು?

ಎಲ್ಲರಿಗೂ ಸಾಮಾನ್ಯವಾಗಿ ಒಂದಕ್ಕಿಂತ ಹೆಚ್ಚು ಬ್ಯಾಂಕ್ ಅಕೌಂಟ್​ಗಳು ಇದ್ದೇ ಇರುತ್ತೆ. ಸರ್ಕಾರಿ ನೌಕರರು ಆಗಲಿ, ಖಾಸಗಿ ಉದ್ಯೋಗಿಗಳಾಗಲಿ, ಉದ್ಯಮಿಗಳು, ವ್ಯಾಪಾರಸ್ಥರು ಹೀಗೆ ಎಲ್ಲರೂ ಕನಿಷ್ಠ ಎರಡು ಬ್ಯಾಂಕ್​ ಅಕೌಂಟ್​ಗಳು ಹೊಂದಿರುತ್ತಾರೆ. ಖಾಸಗಿ ಕಂಪನಿಯಲ್ಲಿ ಕೆಲಸ ಮಾಡೋರಿಗೆ ಸ್ಯಾಲರಿ ಅಕೌಂಟ್​ ಜತೆಗೆ ಸೇವಿಂಗ್ಸ್​ ಖಾತೆ ಕೂಡ ಇರುತ್ತದೆ. ಆದರೆ ಒಂದಕ್ಕಿಂತ ಹೆಚ್ಚು ಖಾತೆ ಹೊಂದಿರೋರಿಗೆ ಲಾಭಕ್ಕಿಂತಲೂ ನಷ್ಟವೇ ಹೆಚ್ಚು. ಕಾರಣ ನೀವು ಮಿನಿಮಮ್​ ಬ್ಯಾಲೆನ್ಸ್​ ಮೈನ್​ಟೈನ್​​ ಮಾಡದಿದ್ರೆ ದಂಡ ಕಟ್ಟಬೇಕು.

ದಂಡ ಕಟ್ಟುವುದು ಏಕೆ?

ನಿಮ್ಮ ಬಳಿ ಒಂದಕ್ಕಿಂತಲೂ ಹೆಚ್ಚು ಅಕೌಂಟ್​ ಇದ್ದು, ಅದರಲ್ಲೂ ನೀವು ಯಾವುದಾದ್ರೂ ಖಾತೆಯನ್ನು ಬಳಸದಿದ್ರೆ ದಂಡ ಕಟ್ಟಬೇಕು. ಇಲ್ಲದೆ ಹೋದಲ್ಲಿ ಅದನ್ನು ಕ್ಲೋಸ್​ ಮಾಡಬೇಕು. ಒಂದು ವೇಳೆ ನೀವು ಆ ಖಾತೆಯನ್ನು ಕ್ಲೋಸ್​ ಮಾಡದಿದ್ರೆ ದಂಡದ ರೂಪದಲ್ಲಿ ಹೆಚ್ಚಿನ ಹಣ ಬ್ಯಾಂಕ್​​ಗೆ ಪಾವತಿಸಬೇಕು.

ವ್ಯವಹಾರ ನಡೆಸದಿದ್ರೂ ಬೀಳುತ್ತೆ ದಂಡ

ಬ್ಯಾಂಕ್​​ ರೂಲ್ಸ್​ ಪ್ರಕಾರ ಕಸ್ಟಮರ್​​ ಸದಾ ತನ್ನ ಖಾತೆಯಲ್ಲಿ ಮಿನಿಮಮ್​ ಬ್ಯಾಲೆನ್ಸ್​​ ಇಡಬೇಕು. ಜತೆಗೆ ಆಗಾಗ ವ್ಯವಹಾರ ಕೂಡ ಮಾಡಬೇಕು. ಇಲ್ಲವಾದರೆ ಬ್ಯಾಂಕ್ ಗ್ರಾಹಕನಿಗೆ ಹೆಚ್ಚಿನ ದಂಡ ವಿಧಿಸಲಾಗುತ್ತದೆ. ಹೀಗಾಗಿ ಬ್ಯಾಂಕ್ ಖಾತೆಯನ್ನು ನಿಷ್ಕ್ರಿಯೆಗೊಳಿಸಿ ಎಂದು ಪರಿಣಿತರು ಸಲಹೆ ನೀಡಿತ್ತಾರೆ.

10 ಸಾವಿರ ಮಿನಿಮಮ್ ಬ್ಯಾಲೆನ್ಸ್​

ಸೇವಿಂಗ್ಸ್​ ಬ್ಯಾಂಕ್​ ಅಕೌಂಟ್​ನಲ್ಲಿ ಎಲ್ಲರೂ ಮಿನಿಮಮ್​ 10 ಸಾವಿರ ಬ್ಯಾಲೆನ್ಸ್ ಮೈನ್​ಟೈನ್​ ಮಾಡಬೇಕು ಅನ್ನೋ ರೂಲ್ಸ್​ ಇದೆ. ಒಂದು ತಿಂಗಳಲ್ಲಿ ಬ್ಯಾಂಕ್ ಖಾತೆಯಲ್ಲಿ ಒಂದು ಸಲ ಆದ್ರೂ 10 ಸಾವಿರ ಇಡಬೇಕು. ಅಷ್ಟು ಹಣ ನಿಮ್ಮ ಖಾತೆಯಲ್ಲಿ ಇಡದಿದ್ರೆ ಪೆನಾಲ್ಟಿ ಬೀಳುತ್ತೆ.

ಇದನ್ನೂ ಓದಿ: ಬೆಂಗಳೂರು ತಂಡಕ್ಕೆ KL​ ರಾಹುಲ್​ ಎಂಟ್ರಿ ಪಕ್ಕಾ; ಸ್ಫೋಟಕ ಸುಳಿವು ಕೊಟ್ಟ RCB

ವಿಶೇಷ ಸೂಚನೆ: ಕ್ರಿಕೆಟ್​​ನ ವಿಶೇಷ ಸುದ್ದಿಗಳಿಗಾಗಿ ವೀಕ್ಷಿಸಿ ‘ರನ್ ಭೂಮಿ’ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್ ಫಸ್ಟ್ ಚಾನೆಲ್