ರಮೋಲಗೆ BABY ಆಗೇಬಿಟ್ಟ ಮರಿ ಬುಲೆಟ್​​.. ರಕ್ಷಕ್ ಕ್ಯೂಟ್​ ಪ್ರಪೋಸಲ್​ಗೆ ಎಲ್ಲರೂ ಫುಲ್ ಶಾಕ್!​

ಜೀ ಕನ್ನಡದಲ್ಲಿ ಪ್ರಸಾರ ಆಗುತ್ತಿರೋ ಭರ್ಜರಿ ಬ್ಯಾಚುಲರ್ಸ್ ಸೀಸನ್ 2 ವೀಕ್ಷಕರಿಗೆ ಸಖತ್ ಮನರಂಜನೆ ನೀಡುತ್ತಿದೆ. ಈ ವಾರ ಎಲ್ಲಾ ಬ್ಯಾಚುಲರ್ಸ್​ಗಳಿಗೆ ಸ್ಪೆಷಲ್​ ಅಂತಲೇ ಹೇಳಬಹುದು. ಏಕೆಂದರೆ ತಮ್ಮ ತಮ್ಮ ಮೆಂಟರ್​ಗಳಿಗೆ ಬ್ಯಾಚುಲರ್ಸ್​ಗಳು ಹೇಗೆ ಪ್ರಪೋಸ್​ ಮಾಡಬೇಕಿತ್ತು.

ಇದನ್ನೂ ಓದಿ: ಗುಡ್​​ನ್ಯೂಸ್​​; KRS ಡ್ಯಾಂ ಐತಿಹಾಸಿಕ ದಾಖಲೆಗೆ ಕೇವಲ ಒಂದೇ 1 ಅಡಿ ಮಾತ್ರ ಬಾಕಿ

ಅದರಂತೆ ಎಲ್ಲಾ ಬ್ಯಾಚುಲರ್ಸ್​ಗಳು ತಮ್ಮ ಮೆಂಟರ್​ಗಳಿಗೆ ಪ್ರಪೋಸ್​ ಮಾಡಿದ್ದಾರೆ. ಅದರಲ್ಲೂ ವಿಶೇಷ ಎಂದರೆ ವೇದಿಕೆ ಮೇಲೆ ಉಂಗುರ ತೊಡಿಸಿ, ರಮೋಲ ಕೆನ್ನೆಗೆ ಮುತ್ತಿಟ್ಟು ಬ್ಯೂಟಿಫುಲ್​ ಆಗಿ ಪ್ರೇಮ ನಿವೇದನೆ ಮಾಡಿದ್ದಾನೆ ರಕ್ಷಕ್​ ಬುಲೆಟ್​.

ಹೌದು, ದಿನೇ ದಿನೇ ರಕ್ಷಕ್​ ಬುಲೆಟ್​ ಸಖತ್​ ಆಗಿ ಪರ್ಫಾರ್ಮೆನ್ಸ್ ನೀಡುತ್ತಿದ್ದಾರೆ. ಬಿಗ್​ಬಾಸ್​ ಸೀಸನ್ 10 ಮೂಲಕ ಫೇಮಸ್​ ಆಗಿದ್ದ ರಕ್ಷಕ್​ ಬುಲೆಟ್ ಇದೀಗ ಭರ್ಜರಿ ಬ್ಯಾಚುಲರ್ಸ್ ವೇದಿಕೆ ಮೇಲೆ ಮಿಂಚುತ್ತಿದ್ದಾರೆ. ಅದರಲ್ಲೂ ರಕ್ಷಕ್ ಬುಲೆಟ್​ಗೆ ರಮೋಲ ಜೋಡಿಯಾಗಿ ಸಿಕ್ಕಿದ್ದು ವೀಕ್ಷಕರಿಗೆ ಒಳ್ಳೆ ಮಜಾ ಕೊಡುವಂತಿದೆ.

ರಕ್ಷಕ್​ ಬುಲೆಟ್​ ಸರ್​ಪ್ರೈಸ್​ ಎಂಬಂತೆ ಭರ್ಜರಿ ಬ್ಯಾಚುಲರ್ಸ್ ವೇದಿಕೆ ಮೇಲೆ ಮುದ್ದಾಗಿ ರಮೋಲಗೆ ಪ್ರಪೋಸ್​ ಮಾಡಿದ್ದಾರೆ. ಆಕಾಶದ ಎತ್ತರಕ್ಕೆ ಕರೆದುಕೊಂಡು ಹೋಗಿ ತನ್ನ ಮನಸ್ಸಿನ ಮಾತನ್ನು ಬಿಚ್ಚಿಟ್ಟಿದ್ದಾರೆ ರಕ್ಷಕ್​. ನಾನು ಎಷ್ಟೇ ದೌಲತ್​ನಿಂದ ಇರಬಹುದು ಆದ್ರೆ, ನಿಮ್ಮ ಮುಂದೆ ಯಾವತ್ತು ನಾನು ತಲೆ ಬಗ್ಗಿಸಿಕೊಂಡೆ ಇರುತ್ತೇನೆ. ಈ ಪ್ರೀತಿಗೆ ನಾನು ಯಾವತ್ತು ಚಿರರುಣಿಯಾಗಿ ಇರುತ್ತೇನೆ ಎಂದು ಕೈಗೆ ಉಂಗುರ ಹಾಕಿ, ಕೆನ್ನೆಗೆ ಮುತ್ತು ಕೊಟ್ಟಿದ್ದಾರೆ.

View this post on Instagram

A post shared by Zee Kannada (@zeekannada)

ಆಗ ರಮೋಲ ನಿನ್ನ ಲೈಫ್​ನಲ್ಲಿ ಹುಡುಗಿ ಎಷ್ಟು ಮುಖ್ಯ ಅಂತ ಕೇಳಿದ್ದಾರೆ. ಅದಕ್ಕೆ ಉತ್ತರಿಸಿದ ರಕ್ಷಕ್, ಇವತ್ತು ನಮ್ಮ ಅಮ್ಮ ಎಷ್ಟು ಮುಖ್ಯನೋ ಅದೇ ರೀತಿ ನೀವು ಇಂಪಾರ್ಟೆಂಟ್ ಎಂದಿದ್ದಾರೆ. ಇದಕ್ಕೆ ಮನಸೋತ ರಮೋಲ, ನೀನು ಈಗ ರಾಮನಾಥ್, ಆಕಾಶಾ ಅಥವಾ ರಕ್ಷಕ್​ ಏನ್​ ಆಗೋದಕ್ಕೆ ಇಷ್ಟ ಪಡ್ತೀಯಾ ಅಂತ ಕೇಳ್ತಾರೆ ಅದಕ್ಕೆ ರಕ್ಷಕ್​ ನಾನು ರಮೋಲಗೆ ಬೇಬಿ ಆಗೋದಕ್ಕೆ ಇಷ್ಟ ಪಡುತ್ತೇನೆ ಎಂದು ಉಂಗುರ ಹಾಕಿ, ಕೆನ್ನೆಗೆ ಹಾಗೂ ಹಣೆಗೆ ಮುತ್ತು ಕೊಟ್ಟಿದ್ದಾರೆ. ಮತ್ತೆ ರಮೋಲ ಇಡೀ ಜೀವನ ನಾನು ನಿಮ್ಮ ಜೊತೆಗೆ ಇರಲು ಇಷ್ಟ ಪಡುತ್ತೇನೆ ಎಂದು ಗ್ರೀನ್​ ಸಿಗ್ನಲ್ ಕೊಟ್ಟಿದ್ದಾರೆ. ಈ ಇಬ್ಬರ ಪ್ರೇಮ ನಿವೇದನೆ ನೋಡಿ ನಟಿ ರಚಿತಾ ರಾಮ್​ ಸೇರಿ ಎಲ್ಲರೂ ಫುಲ್ ಶಾಕ್​ ಆಗಿದ್ದಾರೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ