‘ಅಮುಲ್ ಗರ್ಲ್​’ ಸೃಷ್ಟಿಕರ್ತ ನಿಧನ.. ಗಣ್ಯರ ಕಂಬನಿ, ಕಣ್ಣೀರಿಟ್ಟ Amul ಬೇಬಿ

ಕ್ರಿಯೇಟರ್ ಆಫ್​ ದ ಐಕಾನಿಕ್ ‘ಅಮುಲ್ ಗರ್ಲ್​​’, ಜಾಹೀರಾತು ಲೋಕದ ದಂತಕತೆ ಸಿಲ್ವೆಸ್ಟರ್ ಡಕುನ್ಹಾ (Sylvester daCunha) ನಿಧನರಾಗಿದ್ದಾರೆ. 1960ರಲ್ಲಿ ಅವರು ಕ್ಯಾರಿಕೇಚರ್​​ ಮೂಲಕ ರಚಿಸಿದ್ದ Amul Girl ಭಾರೀ ಜನಪ್ರಿಯತೆ ಪಡೆದುಕೊಂಡಿತ್ತು.

ಮಾತ್ರವಲ್ಲ, ಗುಜರಾತ್ ಮೂಲದ ಅಮುಲ್ ಸಂಸ್ಥೆ ದೇಶಾದ್ಯಂತ ಜನಪ್ರಿಯತೆ ಪಡೆದುಕೊಳ್ಳವಲ್ಲಿ, ಇವರ ‘ಅಮುಲ್ ಗರ್ಲ್’​​ ಬಹುಮುಖ್ಯ ಪಾತ್ರವಹಿಸಿದೆ. ಈಗಲೂ ಕೂಡ ಅಮುಲ್ ಎನ್ನುತ್ತಿದ್ದಂತೆಯೇ, ಕಣ್ಮುಂದೆ ಬರೋದು ‘​​Amul Girl’ ಚಿತ್ರವಾಗಿದೆ.
ಈ ವಿಚಾರ ಹೇಳಲು ನಮಗೆ ತುಂಬಾ ಬೇಸರ ಆಗುತ್ತಿದೆ. daCunha Communicationsನ ಅಧ್ಯಕ್ಷರು ನಿನ್ನೆ ರಾತ್ರಿ ಮುಂಬೈನಲ್ಲಿ ನಿಧನರಾಗಿದ್ದಾರೆ ಎಂದು ಗುಜರಾತ್ ಕೊ-ಆಪರೇಟೀವ್ ಮಿಲ್ಕ್ ಮಾರ್ಕೆಟಿಂಗ್ ಫೆಡರೇಷನ್​ನ ನಿರ್ದೇಶಕ ಜಯೆನ್ ಮೆಹ್ತಾ ತಿಳಿಸಿದ್ದಾರೆ.

ಸಿಲ್ವೆಸ್ಟರ್ ಡಕುನ್ಹಾ 1966ರಲ್ಲಿ GCMMF ಒಡೆತನದ ಅಮುಲ್ ಬ್ರಾಂಡ್‌ಗಾಗಿ ‘ಅಟ್ಟರ್ಲಿ ಬಟರ್ಲಿ’ ಎಂಬ ಅಭಿಯಾನ ರೂಪಿಸಿದರು. ಈ ಮೂಲಕ ‘ಅಮುಲ್ ಗರ್ಲ್’ ಜಗತ್ತಿಗೆ ಪರಿಚಯ ಆಗಿತ್ತು. ಇಂದು ಸಿಲ್ವೆಸ್ಟರ್ ಡಕುನ್ಹಾ ಪುತ್ರ ರಾಹುಲ್ ಅವರು ಅಪ್ಪನ ಜಾಹೀರಾತು ಏಜೆನ್ಸಿಯ ಅಧಿಕಾರ ವಹಿಸಿಕೊಂಡಿದ್ದಾರೆ. ಅವರ ಅಗಲಿಕೆ ಸುದ್ದಿ ತಿಳಿಯುತ್ತಿದ್ದಂತೆಯೇ, ಅಮುಲ್ ಬೇಬಿ ಕಣ್ಣೀರು ಇಡುತ್ತಿರುವ ಕ್ಯಾರಿಕೇಚರ್​ನ ‘ಅಮುಲ್ ಗರ್ಲ್​’ ಫೋಟೋ ವೈರಲ್ ಆಗ್ತಿದೆ.

ಶ್ವೇತಕ್ರಾಂತಿಯ ಹರಿಕಾರ ವರ್ಗೀಸ್ ಕುರಿಯನ್ ಜೊತೆ ಕೆಲಸ ಮಾಡಿದ ಅನುಭವ ಇವರದ್ದಾಗಿತ್ತು. ವರ್ಗಿಸ್ ಕುರಿಯನ್, ಜೊತೆ ಕೆಲಸ ಮಾಡಿ ಮೆಚ್ಚುಗೆ ಗಳಿಸಿದ್ದರು. ಇನ್ನು, ಇವರ ಅಗಲಿಕೆಗೆ ಗಣ್ಯರು ಕಂಬನಿ ಮಿಡಿದಿದ್ದಾರೆ. ಕಾಂಗ್ರೆಸ್​ ಹಿರಿಯ ನಾಯಕ ಜೈರಾಂ ರಮೇಶ್ ಸೇರಿ ಹಲವರು ಟ್ವೀಟ್ ಮಾಡಿ ಸಂತಾಪ ಸೂಚಿಸಿದ್ದಾರೆ.

pic.twitter.com/79khUtFWI5

— R S Sodhi (@Rssamul) June 21, 2023

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ