ಓಂ ಪ್ರಕಾಶ್ ಹತ್ಯೆ ತನಿಖೆಯಲ್ಲಿ ಮಹತ್ವದ ಸುಳಿವು.. FSL ತಂಡಕ್ಕೆ ಸಿಕ್ಕ ಕ್ಲೂ ಏನು..?

ಬೆಂಗಳೂರು: ನಿವೃತ್ತ ಡಿಜಿ ಓಂ ಪ್ರಕಾಶ್ ಕೊಲೆ ಪ್ರಕರಣದಲ್ಲಿ ತನಿಖೆ ನಡೆಸ್ತಿರುವ ಪೊಲೀಸ್ ಅಧಿಕಾರಿಗಳಿಗೆ ಮಹತ್ವದ ಸಾಕ್ಷಿ ಸಿಕ್ಕಿದೆ ಎನ್ನಲಾಗಿದೆ. ಎಫ್​ಎಸ್​ಎಲ್ ಅಧಿಕಾರಿಗಳು ಪರಿಶೀಲನೆ ಮಾಡುವಾಗ ಮತ್ತೊಂದು ಕ್ಲೂ ಸಿಕ್ಕಿದೆಯಂತೆ.

ಸದ್ಯ ಓಂ ಪ್ರಕಾಶ್ ಅವರನ್ನು ಸಾಯಿಸಿದ್ದು ನಾನೇ ಅಂತಾ ಅವರ ಪತ್ನಿ ಪಲ್ಲವಿ ಒಪ್ಪಿಕೊಂಡಿದ್ದಾರೆ. ಅಂತೆಯೇ ಹೆಚ್​ಎಸ್​ಆರ್​​ ಲೇಔಟ್ ಠಾಣೆ ಪೊಲೀಸರು ಪಲ್ಲವಿಯನ್ನ ಬಂಧಿಸಿ ಪರಪ್ಪನ ಅಗ್ರಹಾರ ಜೈಲಿಗೆ ಕಳಸಿದ್ದಾರೆ. ಇದರ ನಡುವೆ FSL ಅಧಿಕಾರಿಗಳಿಗೆ ಎರಡು ಫಿಂಗರ್ ಪ್ರಿಂಟ್ಸ್ ಸಿಕ್ಕದೆಯಂತೆ.

ಇದನ್ನೂ ಓದಿ: ಮುಖದಲ್ಲಿ ಕೊಂಚವೂ ಪಶ್ಚಾತ್ತಾಪ ಇರಲಿಲ್ಲ.. ಪರಪ್ಪನ ಅಗ್ರಹಾರ ಸೇರುವಾಗ ಓಂ ಪ್ರಕಾಶ್ ಪತ್ನಿ ಹೇಳಿದ್ದೇನು..?

ಪರಿಶೀಲನೆ ವೇಳೆಯಲ್ಲಿ ಎರಡು ಫಿಂಗರ್ ಪ್ರಿಂಟ್ ಗುರುತು ಪತ್ತೆಯಾಗಿದ್ದು, ಚಾಕುವಿನ ಮೇಲೆ‌ ಎರಡೆರಡು ಪಿಂಗರ್ ಪ್ರಿಂಟ್ಸ್ ಪತ್ತೆಯಾಗಿದೆ ಎನ್ನಲಾಗಿದೆ. ಇತ್ತ ನಾನು ಒಬ್ಬಳೆ ಕೊಲೆ ಮಾಡಿರೋದಾಗಿ ಪತ್ನಿ ಪಲ್ಲವಿ ಹೇಳಿದ್ದಾಳೆ. ಈ ಪ್ರಕರಣದಲ್ಲಿ ಮಗಳ ಪಾತ್ರ ಇಲ್ಲ ಅಂತ ಪಲ್ಲವಿ ಹೇಳಿದ್ದಾಳೆ. ಪ್ರಕರಣ ಬೆಳಕಿಗೆ ಬರುತ್ತಿದ್ದಂತೆಯೇ, ಪಲ್ಲವಿ ಹಾಗೂ ಮಗಳು ಕೃತಿ ವಿರುದ್ಧ ಆರೋಪ ಕೇಳಿಬಂದಿತ್ತು.

ಎರಡು ಫಿಂಗರ್ ಪ್ರಿಂಟ್ ಹಿನ್ನೆಲೆಯಲ್ಲಿ ತನಿಖಾಧಿಕಾರಿಗಳಿಗೆ ಮತಷ್ಟು ಅನುಮಾನ ಶುರುವಾಗಿದೆ. ಈ ಪ್ರಕರಣದಲ್ಲಿ ಇನ್ನೊಬ್ಬರು ಯಾರಾದ್ರೂ ಎಂಟ್ರಿಯಾದ್ರಾ ಅನ್ನೋದರ ಬಗ್ಗೆ ತನಿಖೆ ಶುರುವಾಗಿದೆ. ಜೊತೆಗೆ ಮಗಳನ್ನ ಪಾರು ಮಾಡಲು ಈ ರೀತಿಯ ಹೇಳಿಕೆ ನೀಡಿದರಾ? ಮಗಳು ಕೃತಿ ಫಿಂಗರ್ ಪ್ರಿಂಟ್​ಗೂ, ಸಿಕ್ಕಿರೋ ಪ್ರಿಂಟ್​​ಗೂ ಮ್ಯಾಚ್ ಅಗುತ್ತಾ ಅನ್ನೋದರ ಬಗ್ಗೆ ತನಿಖೆ ನಡೆಸಲು ಮುಂದಾಗಿದ್ದಾರೆ. ಮಗಳ ಫಿಂಗರ್ ಪ್ರಿಂಟ್ ಮ್ಯಾಚ್ ಆದರೆ ಕೃತಿಗೆ ಸಂಕಷ್ಟ ಎದುರಾಗಲಿದೆ. ಒಂದು ವೇಳೆ ಮ್ಯಾಚ್ ಆಗಲಿಲ್ಲ ಅಂದರೆ ಇನ್ನೊಬ್ಬ ಆರೋಪಿ ಯಾರು ಅನ್ನೋದರ ಬಗ್ಗೆ ತನಿಖೆಯಾಗಲಿದೆ.

ಇದನ್ನೂ ಓದಿ: ಸ್ಟಾರ್ ನಟ ಮಹೇಶ್​ ಬಾಬುಗೆ ED ಸಂಕಷ್ಟ.. ನಡೆದಿದೆಯಾ ಕೋಟಿ ಕೋಟಿ ಅವ್ಯವಹಾರ..?

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ