ಚಿತ್ರದುರ್ಗ ಮೂಲದ ಯುವಕ ರೇಣುಕಾ ಸ್ವಾಮಿ ಕೊಲೆ ಕೇಸ್​ಗೆ ಬಿಗ್​ ಟ್ವಿಸ್ಟ್​

ಕೊಲೆ ಕೇಸಲ್ಲಿ ನಟ ದರ್ಶನ್​ ಭಾಗಿಯಾಗಿದ್ದಾರೆ ಅನ್ನೋ ಮಹತ್ವದ ಸುಳಿವು

ಕಾರಲ್ಲಿ ರೇಣುಕಾಸ್ವಾಮಿ ಮೃತದೇಹ ಸಾಗಿಸಿದ ಸಿಸಿಟಿವಿ ವಿಡಿಯೋ ಲಭ್ಯ!

ಬೆಂಗಳೂರು: ಚಿತ್ರದುರ್ಗ ಮೂಲದ ಯುವಕ ರೇಣುಕಾ ಸ್ವಾಮಿ ಕೊಲೆ ಕೇಸ್​ಗೆ ಬಿಗ್​ ಟ್ವಿಸ್ಟ್​ ಸಿಕ್ಕಿದೆ. ಕೊಲೆ ಮಾಡಿದ ಬಳಿಕ ಕಾರಲ್ಲಿ ಮೃತದೇಹ ಸಾಗಾಟ ಮಾಡಿದ ದೃಶ್ಯ ಸಿಕ್ಕಿದೆ.

ಜೂನ್​​ 9ನೇ ತಾರೀಕು ರಾಜರಾಜೇಶ್ವರಿ ನಗರದ ಉದ್ಯಮಿ ಪಟ್ಟಣಗೆರೆ ಜಯಣ್ಣ ಅವರ ಶೆಡ್​​ಗೆ ದರ್ಶನ್​​ ತನ್ನ ಜೀಪ್​​ ಕಾರ್​ನಲ್ಲಿ ಎಂಟ್ರಿ ನೀಡಿರೋ ದೃಶ್ಯ ಸಿಸಿಟಿವಿ ಕ್ಯಾಮೆರಾದಲ್ಲಿ ಸೆರೆಯಾಗಿತ್ತು. ದರ್ಶನ್​ ಜೀಪ್​ ಕಾರಲ್ಲಿ ರಾತ್ರಿ 8 ಗಂಟೆಗೆ ಹೋಗಿ 9.30ಕ್ಕೆ ಹೊರಬಂದಿರೋ ವಿಡಿಯೋ ಲಭ್ಯವಾಗಿತ್ತು.

ಮೊದಲು ಸ್ಕಾರ್ಪಿಯೋ ಕಾರಲ್ಲಿ ದರ್ಶನ್​ ಆಪ್ತ ವಿನಯ್​ ಎಂಟ್ರಿ ಕೊಟ್ಟಿದ್ರು. ಸ್ಕಾರ್ಪಿಯೋ ಬೆನ್ನಲ್ಲೇ ನಟ ದರ್ಶನ್ ಜೀಪ್​ ಕಾರಲ್ಲಿ ರಾತ್ರಿ 8 ಗಂಟೆಗೆ ಎಂಟ್ರಿ ಕೊಟ್ಟಿತ್ತು. ಈಗ ಕೊಲೆ ಬಳಿಕ ಮೃತದೇಹ ಸಾಗಿಸಿದ ವಿಡಿಯೋ ಕೂಡ ಸಿಕ್ಕಿದೆ.

ಅಂದು ಬೆಳಗಿನ ಜಾವ 3.40ಕ್ಕೆ ಜೀಪ್​ ಮತ್ತು ಸ್ಕಾರ್ಪಿಕೋ ಕಾರಲ್ಲೇ ಮೃತದೇಹ ಸಾಗಿಸಿದ್ದು ಸಿಸಿಟಿವಿಯಲ್ಲಿ ಸೆರೆಯಾಗಿದೆ. ಶೆಡ್​​ನಿಂದ ಹೊರಬಂದು ಹೋಗುವ ದೃಶ್ಯ ಇದಾಗಿದೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ