ಕೋಟಿ ಕೋಟಿ ಆಫರ್​ ಕೊಟ್ರೂ ಪಾನ್​ ಮಸಾಲ ಜಾಹೀರಾತು ಮಾಡಲ್ಲ ಎಂದ ಸ್ಟಾರ್​ ನಟ; ಯಾರದು?

ಶಾರುಖ್​ ಖಾನ್​, ಅಜಯ್​ ದೇವಗನ್​​, ಅಕ್ಷಯ್​ ಕುಮಾರ್​ ಪಾನ್​ ಮಸಾಲಾ ಜಾಹೀರಾತಿನಲ್ಲಿ ನಟಿಸಿರುವ ಬಗ್ಗೆ ಎಲ್ಲರಿಗೂ ತಿಳಿದೇ ಇದೆ. ಇದೇ ವಿಚಾರಕ್ಕೆ ಅವರೆಲ್ಲರೂ ಟೀಕೆಗೆ ಗುರಿಯಾಗಿದ್ದು ಗೊತ್ತೇ ಇದೆ. ಅತ್ತ ಪಾನ್​ ಮಸಾಲಾ ಕಂಪನಿಗಳು ತಮ್ಮ ಪ್ರಚಾರಕ್ಕೆ ದೊಡ್ಡ ಮೊತ್ತದಲ್ಲಿ ಹಣ ನೀಡಿ ನಟರನ್ನು ಜಾಹೀರಾತಿನಲ್ಲಿ ನಟಿಸುವಂತೆ ಆಹ್ವಾನಿಸುತ್ತವೆ. ಇದೀಗ ಅಂತಹದ್ದೇ ಆಫರ್​ ಖ್ಯಾತ ನಟ ಅನಿಲ್​ ಕಪೂರ್​ಗೂ ಬಂದಿದ್ದು, ಆದರೆ ಹಿರಿಯ ನಟ ಈ ಆಫರ್ ಅನ್ನು ತಿರಸ್ಕರಿಸಿದ್ದಾರೆ.

ಪಾನ್​ ಮಸಾಲಾ ಕಂಪನಿಯೊಂದು ಅನಿಲ್​ ಕಪೂರ್​ ಅವರಿಗೆ 10 ಕೋಟಿಯ ಆಫರ್​ ನೀಡಿದೆ. ಆದರೆ ಅನಿಲ್​ ಕಪೂರ್​ ಮಾತ್ರ 10 ಕೋಟಿಯ ಆಸೆಗೆ ಬೀಳದೆ ಸಮಾಜದ ಒಳಿತಿಗಾಗಿ ನಟಿಸಲ್ಲ ಎಂದು ಹೇಳಿದ್ದಾರೆ. ದೇಶದ ಯುವಕರ ಮೇಲೆ ಪಾನ್​​ ಮಸಾಲಾ ಪರಿಣಾಮ ಬೀರುತ್ತದೆ. ಹೀಗಾಗಿ ಇಂತಹ ಜಾಹೀರಾತಿನಲ್ಲಿ ನಟಿಸಲ್ಲ ಎಂದು ದೂರ ಸರಿಸಿದ್ದಾರೆ.

ಅಕ್ಷಯ್​ ಕುಮಾರ್​ ಪಾನ್​​ ಮಸಾಲಾ ಜಾಹೀರಾತಿನಲ್ಲಿ ನಟಿಸಿ ತೀವ್ರ ಟೀಕೆಗೆ ಗುರಿಯಾಗಿದ್ದರು. ಅಭಿಮಾನಿಗಳು ಈ ಬಗ್ಗೆ ಟೀಕಿಸಿದ್ದರು. ಕೊನೆಗೆ ಅಕ್ಷಯ್​ ಕುಮಾರ್​ ಕ್ಷಮೆಯಾಚಿಸಿದ್ದು, ಇನ್ನು ಮುಂದೆ ಹೀಗೆ ಮಾಡಲ್ಲ ಎಂದಿದ್ದರು.

ಜಾನ್​ ಅಬ್ರಹಾಂ ಕೂಡ ಕೆಲವು ತಿಂಗಳ ಹಿಂದೆ ಸಂಭಾವನೆ ಲೆಕ್ಕಿಸಿ ಪಾನ್​ ಮಸಾಲಾ ಜಾಹೀರಾತಿನಲ್ಲಿ ನಟಿಸುವುದಿಲ್ಲ ಎಂದಿದ್ದರು. ನಾನು ಈ ಜಾಹೀರಾತಿನಲ್ಲಿ ನಟಿಸುವ ನಟರನ್ನು ಟೀಕಿಸುತ್ತಿಲ್ಲ. ನಾನು ನನ್ನ ಪರವಾಗಿ ಮಾತನಾಡುತ್ತಿದ್ದೇನೆ. ನಾನು ಸಾವನ್ನು ಮಾರಾಟ ಮಾಡೋದಿಲ್ಲ ಎಂದು ಹೇಳಿದ್ದರು.

ಇದನ್ನೂ ಓದಿ:ಕೇವಲ 4 ಲಕ್ಷದಲ್ಲಿ ಕೋಟಿ ಕೋಟಿ ದುಡಿಯೋದು ಹೇಗೆ? ಇದು ಯಾವ ಬ್ಯುಸಿನೆಸ್​ಗೂ ಕಮ್ಮಿ ಇಲ್ಲ!

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ