ಯುವ ವೇಗಿಗೆ ಕೋಟಿ ಕೋಟಿ ಸುರಿದ RCB ವಿರುದ್ಧ ಫ್ಯಾನ್ಸ್​ ಆಕ್ರೋಶ; ಕಾರಣವೇನು?

ಬಹುನಿರೀಕ್ಷಿತ 2025ರ ಇಂಡಿಯನ್​ ಪ್ರೀಮಿಯರ್​ ಲೀಗ್​ ಮೆಗಾ ಹರಾಜು ಪೂರ್ಣಗೊಂಡಿದೆ. ಮೆಗಾ ಹರಾಜಿನಲ್ಲಿ ರಾಯಲ್​ ಚಾಲೆಂಜರ್ಸ್​ ಬೆಂಗಳೂರು ತಂಡ ಆನ್‌ಕ್ಯಾಪ್ಡ್‌ ಯುವ ವೇಗದ ಬೌಲರ್‌ ರಸಿಖ್ ದಾರ್ ಮೇಲೆ ಕೋಟಿ ಕೋಟಿ ಸುರಿದಿದೆ.

ರಾಸಿಖ್ ದಾರ್ ಅವರಿಗೆ ಆರ್​​ಸಿಬಿ ಫ್ರಾಂಚೈಸಿ ಬರೋಬ್ಬರಿ 6 ಕೋಟಿ ನೀಡಿ ಬಿಡ್ ಮಾಡಿದೆ. ರಸಿಖ್ ದಾರ್ ಉತ್ತಮ ವೇಗದ ಬೌಲರ್‌ ಆಗಿದ್ದು, ಈ ಹಿಂದೆ ಐಪಿಎಲ್‌ನಲ್ಲಿ ಆಡಿದ ಅನುಭವ ಇದೆ.

ಈಗಾಗಲೇ ಆರ್‌ಸಿಬಿ ಆಸ್ಟ್ರೇಲಿಯಾ ವೇಗದ ಬೌಲರ್‌ ಜೋಶ್‌ ಹೆಜಲ್​ವುಡ್​ ಅವರನ್ನು 12.50 ಕೋಟಿಗೆ ಖರೀದಿ ಮಾಡಿತ್ತು. ಈ ಬೆನ್ನಲ್ಲೇ ಬೌಲಿಂಗ್​ ವಿಭಾಗಕ್ಕೆ ಮತ್ತೋರ್ವ ಆಟಗಾರ ರಸಿಖ್ ದಾರ್ ಅವರನ್ನು ಸೇರಿಸಿಕೊಂಡಿದೆ.

ಯಾರು ಈ ರಸಿಖ್​ ದರ್​?

ಜಮ್ಮು ಕಾಶ್ಮೀರದ ಯುವ ವೇಗಿ ರಸಿಖ್ ದರ್. ಇವರು ಐಪಿಎಲ್‌ನಲ್ಲಿ ಹೇಳಿಕೊಳ್ಳುವಂತಹ ಸಾಧನೆ ಮಾಡಿಲ್ಲ. ರಸಿಖ್ ತಾವು ಆಡಿದ 11 ಪಂದ್ಯಗಳಲ್ಲಿ ಕೇವಲ 9 ವಿಕೆಟ್‌ ಪಡೆದಿದ್ದಾರೆ.

ಫ್ಯಾನ್ಸ್​ ಭಾರೀ ಆಕ್ರೋಶ

ಅನ್​ಕ್ಯಾಪ್ಡ್​​ ಪ್ಲೇಯರ್​ ಮೇಲೆ ಕೋಟಿ ಕೋಟಿ ಸುರಿದಿದ್ದಕ್ಕೆ ಆರ್​​ಸಿಬಿ ವಿರುದ್ಧ ಅಭಿಮಾನಿಗಳು ಆಕ್ರೋಶ ಹೊರಹಾಕಿದ್ದಾರೆ. ಹೆಸರೇ ಗೊತ್ತಿಲ್ಲದ ಆಟಗಾರನ ಖರೀದಿ ಮಾಡಲು ಬೇಕಾದಷ್ಟು ಹಣ ಇದೆ. ಆದರೆ, ಕನ್ನಡಿಗರನ್ನು ಖರೀದಿ ಮಾಡಲು ನಿಮ್ಮ ಬಳಿ ಹಣ ಇಲ್ಲವೇ? ಎಂದು ಪ್ರಶ್ನೆ ಮಾಡಿದ್ದಾರೆ.

ಇದನ್ನೂ ಓದಿ: IPL 2025: RCB ಸೇರಿದ್ದೇ ತಡ ಕೇವಲ 15 ಬಾಲ್​​ನಲ್ಲಿ 50 ರನ್​ ಚಚ್ಚಿದ್ದ ಸ್ಟಾರ್​ ಪ್ಲೇಯರ್​​

ವಿಶೇಷ ಸೂಚನೆ: ಕ್ರಿಕೆಟ್​​ನ ವಿಶೇಷ ಸುದ್ದಿಗಳಿಗಾಗಿ ವೀಕ್ಷಿಸಿ ‘ರನ್ ಭೂಮಿ’ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್ ಫಸ್ಟ್ ಚಾನೆಲ್