ಮುಂದಿನ ಸೀಸನ್​ 11 ಬಗ್ಗೆ ಶುರುವಾಗಿದೆ ಚರ್ಚೆ

ಇಂದು ಬಿಗ್​ ಬಾಸ್​ ಸೀಸನ್​ 10 ಫಿನಾಲೆ ಕಾರ್ಯಕ್ರಮ

ಯಾರು ಗೊತ್ತಾ ಆ ಸ್ಪರ್ಧಿ? ಯಾಕಷ್ಟು ಡಿಮ್ಯಾಂಡ್​? ಇಲ್ಲಿದೆ ಮಾಹಿತಿ

ಬಿಗ್​​ ಬಾಸ್​ ಸೀಸನ್​ 10ಗೆ ವಿರಾಮ ಹೇಳುವ ಸಮಯ ಬಂದಿದೆ. ಇಂದು ಫಿನಾಲೆ ಕಾರ್ಯಕ್ರಮ ನಡೆಯಲಿದ್ದು, ಅದರಲ್ಲಿ ವಿಜಯ ಶಾಲಿಯನ್ನು ಕಿಚ್ಚ ಸುದೀಪ್​ ಘೋಷಣೆ ಮಾಡಲಿದ್ದಾರೆ. ಅಲ್ಲಿಗೆ 2023ರ ಬಿಗ್​ ಬಾಸ್​ ವಿನ್ನರ್​ ಯಾರೆಂಬುದು ಗೊತ್ತಾಗಲಿದೆ. ಆದರೆ ಅದಕ್ಕೂ ಮುನ್ನವೇ ಮುಂಬರುವ ಸೀಸನ್​ 11 ಬಗ್ಗೆ ಸಾಮಾಜಿಕ ಜಾಲತಾಣದಲ್ಲಿ ಚರ್ಚೆ ಜೋರಾಗಿದೆ. ಸ್ಪರ್ಧಿಯೊಬ್ಬರಿಗೆ ಭಾರೀ ಡಿಮ್ಯಾಂಡ್​ ಬಂದಿದ್ದು, ಫ್ಯಾನ್ಸ್​ ಸೀಸನ್​ 11ನಲ್ಲಿ ಇವರನ್ನ ಸ್ಪರ್ಧಿಯಾಗಿ ಬರಮಾಡಿಕೊಳ್ಳಿ ಎಂದು ಮನವಿ ಮಾಡಿಕೊಳ್ಳುತ್ತಿದ್ದಾರೆ.

ಸೀಸನ್​ 10ರ 5ನೇ ರನ್ನರ್ ಯಾರೆಂಬುದನ್ನು ಬಿಗ್​ ಬಾಸ್​ ಘೋಷಣೆ ಮಾಡಿದ್ದಾರೆ. ತುಕಾಲಿ ಸಂತೋಷ್ 5ನೇ ರನ್ನರ್​ ಅಪ್​ ಆಗಿ ಮನೆಯಿಂದ ಹೊರ ಬಂದಿದ್ದಾರೆ. ಆದರೆ ಇವರು ಮನೆಯಿಂದ ಹೊರ ಬಂದಿದ್ದೇ ತಡ, ಇವರ ಪತ್ನಿ ಮಾನಸ ಬಗ್ಗೆ ತುಕಾಲಿ ಫ್ಯಾನ್ಸ್​ ಮಾತನಾಡುತ್ತಿದ್ದಾರೆ. ಮಾತ್ರವಲ್ಲದೆ ಮುಂದಿನ ಸೀಸನ್​ 11ನಲ್ಲಿ ತುಕಾಲಿ ​ ಮಡದಿಯನ್ನು ಸ್ಪರ್ಧಿಯಾಗಿ ಬರಮಾಡಿಕೊಳ್ಳಿ ಎಂದು ಬಿಗ್​ ಬಾಸ್​ ಬಳಿ ಮನವಿ ಮಾಡುತ್ತಿದ್ದಾರೆ. ಈ ಬಗ್ಗೆ ಸಾಮಾಜಿಕ ಜಾಲತಾಣದಲ್ಲಿ ಚರ್ಚೆ ಜೊತೆಗೆ ಡಿಮ್ಯಾಂಡ್​ ಕೂಡ ಕೇಳಿಬರುತ್ತಿದೆ.

ಬಿಗ್​ ಬಾಸ್​ ಸೀಸನ್​ 10ನಲ್ಲಿ ದೊಡ್ಮನೆಗೆ ತುಕಾಲಿ ಅವರ ಮಡದಿಯನ್ನು ಕರೆಸಿಕೊಂಡಿದ್ದರು. ಈ ವೇಳೆ ನಕ್ಕು ನಗಿಸುವಂತೆ ಮಾತನಾಡುತ್ತಾ, ತುಕಾಲಿ ಸಂತೋಷ್​ಗೆ ಬಾರಿಸುತ್ತಾ ಎಲ್ಲರ ಗಮನಸೆಳೆದಿದ್ದರು. ಹೀಗಾಗಿ ತುಕಾಲಿ ಫ್ಯಾನ್ಸ್​ ಮಾನಸ ಅವರನ್ನು ಮುಂದಿನ ಸೀಸನ್​ 11ಗೆ ಬರಮಾಡಿಕೊಳ್ಳಿ ಎಂದು ಕೇಳಿಕೊಳ್ಳುತ್ತಿದ್ದಾರೆ.

ಇಂದು ಸೀಸನ್​ 10 ಫಿನಾಲೆ ಕಾರ್ಯಕ್ರಮ ಪ್ರಸಾರವಾಗಲಿದೆ. ದೊಡ್ಮನೆಯಲ್ಲಿ ಐದು ಜನರು ಉಳಿದುಕೊಂಡಿದ್ದು, ವಿನಯ್​, ಸಂಗೀತಾ, ಕಾರ್ತಿಕ್​, ವರ್ತೂರು ಸಂತೋಷ್​ ಮತ್ತು ಡ್ರೋನ್​ ಪ್ರತಾಪ್​ ಮೇಲೆ ಎಲ್ಲರ ಕಣ್ಣಿದೆ. ಈ ಐವರಲ್ಲಿ ನಾಲ್ವರು ರನ್ನರ್​ ಅಪ್​ ಆದರೆ, ಓರ್ವ ವಿನ್ನರ್​ ಆಗಲಿದ್ದಾರೆ. ಈ ಕ್ಷಣವನ್ನು ಕಾಣಲು ಬಿಗ್​ ಬಾಸ್​ ಮತ್ತು ಕಿಚ್ಚನ ಫ್ಯಾನ್ಸ್​ ಕಾದು ಕುಳಿತ್ತಿದ್ದಾರೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ

​